CEPAT TEPAT BUKA BUKU BIBEL

1. Galatia 5 : 22 : Alai angka on do parbue ni Tondi : Holong dohot las ni roha, dame dohot
lambas ni roha, habasaron, habasaon, haporseaon, halambohon dohot
hatomanon.

2. 1 Petrus 5 : 7 : Tinggangkon hamu ma nasa na hinolsohon ni rohamuna tu Ibana, ai di

sarihon do hamu!

3. Markus 16 : 15 : Jadi ninna ma mandok nasida: Laho ma hamu tu liat portibi on; jamitahon
hamu ma barita na uli i tu nasa tinompa.

4. Markus 13 : 31 : Salpu pe sogot langit dohot tano on; anggo angka hatangki, ndang na olo
salpu!

5. Markus 1 : 15 : Ninna do : Nunga dapot tingkina; nunga songgop harajaon ni Debata.

Pauba hamu ma rohamuna, jala haporseai hamu ma barita na uli i!

6. Matius 24 : 42 : Onpe, dungo ma hamu; ai ndang diboto hamu ari haroro ni Tuhanmuna!

7. Matius 6 : 9 – 13 : Songon on ma tangiangmuna : Ale Amanami na di banua ginjang! Sai

pinarbadia ma Goarmu! Sai ro ma harajaonmu! Sai saut ma lomo ni
roham di banua tonga on songon na di banua ginjang! Lehon ma di hami
sadari on hangoluan siap ari! Sesa ma dosanami songon panesanami di
dosa ni angka na mardosa tu hami! Unang hami togihon tu pangunjunan!
Palua ma hami sian na jahat! Ai Ho do nampuna harajaon dohot
hagogoon dohot hasangapon ro di saleleng ni lelengna. Amen!

8. Matius 6 : 33 : Sai jumolo ma lului hamu harajaon ni Debata dohot hatigoranna, dung i
tambahononna do sude angka ondeng tu hamuna!

9. Matius 7 : 7 : Pangido hamu ma, sai na lehononna do tu hamu; lului hamu ma, sai na
jumpangan do hamu; tuktuhi hamu ma, sai na ungkaponna do di hamu!

10. Matius 7 : 13 – 14: Bongoti hamu ma harbangan na gogot i; ai ruak do harbangan jala lambas
do dalan na tu hamagoan, jala torop do angka na bongot sian i. Alai na
hopit do ia harbangan jala gogot do dohot dalan na tu hangoluan, jala otik
do halak na jumpangan i.

1
11. Matius 7 : 21 : Ndada saluhut halak, na mandok Ahu Tuhanna, bongot sogot tu harajaon
banua ginjang i, holan angka na mangulahon lomo ni roha ni Damang na
di banua ginjang i do!

12. Lukas 2 :10 – 11 : Alai didok surusuruan i ma tu nasida : Unang mabiar hamu; ai barita
halalas ni roha godang do huboan tu hamuna, parsaulian ni sandok
bangso i. Ai naung tubu do di hamu saborngin on, di huta ni si Daud,
Sipalua i, i ma Kristus, Tuhan i!

13. Lukas 1 : 37 : Ai ndang adong na so tarpatupa Debata.

14. Lukas 1 : 76 : Ia ho, anaha, targoar ma panurirang ni Natumimbul, ai patujolo ni Bohi ni

Tuhan i do ho, paturehon angka dalanna.

15. Lukas 2 : 14 : Hasangapon ma di Debata di ginjang, dame ma di tano on, di angka jolma
halomoan i.

16. Lukas 2 : 29 – 30 : Paluaonmu ma nuaeng, ale Raja, naposomon dibagasan dame, songon
na nidokmi; Ai nunga diida matangku haluaon na sian Ho i.

17. Lukas 4 : 18 – 19 : Songgop tu ahu Tondi ni Tuhan i, ai dimiahi do ahu, mamboan barita na
uli tu angka na pogos. Disuru do ahu, mamaritahon tu angka na tarhurung
asa malua, tu angka na mapitung asa marnida, paluahon angka na
ginosagosa, mamaritahon taon parasinirohaon ni Tuhan i.”

18. Lukas 5 : 32 : Ndang na ro Ahu manjou angka partigor, asa dipauba rohana, angka
pardosa, i do!

19. Lukas 6 : 20 – 22 : Dungi di bereng ma angka siseanna, huhut ma didok: Martua ma hamu
angka na pogos, ai di hamu do harajaon ni Debata! Martua ma hamu
angka na male nuaeng, ai sipabosuron do hamu! Martua ma hamu angka
na tangis nuaeng, ai mengkel ma hamu muse. Martua ma hamu anggo
dihosomi jala dipilpilhon halak hamu, anggo diinsahi jala dibolongkon
goarmuna songon parjahat ala ni Anak ni jolma i.

20. Lukas 6 : 31 : Ia i na pinagidomuna, naeng bahenon ni halak tu hamu, i ma bahen hamu

tu nasida!

2
21. Pilipi 3 : 14 : On do tahe: Huhalupahon na di pudingku, hueahi angka na di jolo.
Dompak pandang i do hupuspus, dompak upa hamonangan na sian
panjouon ni Debata sian ginjang, dibagasan Kristus Jesus i.

22. Pilipi 3 : 20 – 21 : Ai di banua ginjang do sambulonta; sian i do tapaimaima Sipangolu hita,

Tuhan Jesus Kristus i. Paubaonna do dagingta na lea on, gabe doshon
dagingna na sangap i, hombar tu hagogoonna i, ai tarpatunduksa do
saluhutna tu Ibana.

23. Pilipi 4 : 4 : Marlas ni roha ma hamu tongtong, dibagasan Tuhan i! Huulahi ma

mandok : Marlas ni roha ma hamu!

24. Pilipi 4 : 5 : Pabotohon hamu ma habasaron muna, tu saluhut halak! Donok do Tuhan i!

25. Pilipi 4 : 6 : Unang holsohon hamu agia aha; alai, sandok pabotohon hamu ma tu
Debata pangidoanmuna marhitehite tangiang dohot elekelek, mardongan
mauliate!

26. Pilipi 4 : 7 : Jala dame ni Debata na sumurung, sian saluhut roha, i ma mangaramoti
angka ateate, dohot pingkiranmuna, dibagasan Kristus Jesus!

27. Kolose 1 : 12 : Mandok mauliate ma hamu di Ama i, naung patauhon hamu, manjalo
tohap na dibagasan hatiuron i, siteanon ni angka na badia i!

28. Kolose 1 : 13 : Ai nunga diroro hita sian gomgoman haholomon i, jala dipaunsat hita
tubagasan harajaon ni Anak, haholongan ni rohana.

29. Kolose 1 : 14 : Dibagasan Ibana do adong di hita haluaon i, i ma hasesaan ni angka

dosa.

30. Kolose 2 : 9 : Ai dibagasan Ibana do maringanan sandok gok ni hadebataon

marrupahon daging.

31. Kolose 3 : 2 – 4 : Angka na diginjang i ma parrohahon hamu, unang ma angka na di tano

on! Ai nunga mate hamu, jala buni do ngolumuna raphon Kristus
dibagasan Debata. Alai ia dung gabe patar sogot Kristus, hangoluanta i,
disi ma gabe patar nang hamu raphon Ibana dibagasan hasangapon.

32. Kolose 3 : 16 – 17: Gugun ma hata ni Kristus maringanan di tongatongamuna; mardongan sandok
hapistaran ma hamu masiajaran jala masipaingotan marhitehite angka ende
Psalm, endeende pujipujian dohot ende partondion; endehon hamu ma Debata
3
 dibagasan rohamuna marroha hamauliateon! Jala nasa siulaon, manang di hata,
manang di pambahenan, saluhutna i ma marhitehite Goar ni Tuhan Jesus, huhut
mandok mauliate tu Debata Ama marhitehite Ibana.

33. 1 Timoteus 1 : 15-16: Haposan jala sandok tau jaloon do hata on: Nunga ro Kristus Jesus tu
portibi on, paluahon angka pardosa; sian angka i do ahu na parjolo. Alai
ala ni on do, umbahen na diasii ahu: naeng jumolo marhite sian ahu
patuduhonon ni Kristus Jesus sandok lambas ni rohana i, bahen tiruan di
angka na naeng porsea di Ibana tu hangoluan salelenglelengna.

34. 1 Timoteus 2 : 5 – 6: Ai sada do Debata, jala sada do nang pangulu ni Debata dohot jolma, i ma
jolma Kristus Jesus i. Dilehon do dirina, bahen tobus humophop saluhut, i
ma sihatindanghononhon di tingki hadenggananna.

35. 1 Timoteus 3 : 16: Tiang jala tungkol ni hasintongan i jala tandap balga ni hahomion ni
hadaulaton i : Nunga gabe patar Ibana mardaging, dipintori di bagasan
Tondi, tarida di angka surusuruan, binaritahon tu angka parbegu,
hinaporseaan di portibi on jala tarhinsat dibagasan hasangapon!

36. Psalm 23 : 1 – 2 : Jahowa do siparmahan ahu, ndang tagamon hurangan ahu. Dipatongon
do ahu tu jampalan angka na lomak, ditogutogu do ahu di lambung aek
hasonangan.

37. Psalm 23 : 3 – 4 : Dipasabam do rohangku, di togu do ahu di dalan hatigoran, ala ni goarnai.
Ai nang pe mardalan ahu di rura linggoman ni hamatean, ndang huhabiari
parmaraan, ai Ho do mandongani ahu tungkotmu dohot batahim
mangapuli ahu.

38. Psalm 23 : 5 – 6 : Ho do manutup meja di jolongku maradophon angka musungku, dimiahi

Ho do ulungku, suksuk do panginumangku. Tongon tahe denggan basa
dohot asi ni roha mangihutihut ahu saleleng ahu mangolu, jala dung mulak
ahu masuhanku ma bagas ni Jahowa salelenglelengna.

39. Psalm 33 : 8 : Sai marhabiaran maradophon Jahowa ma sude tanoon, jala marsomba tu
Ibana ma sude pangisi ni portibi on.

40. Psalm 33 : 9 : Ai mangkuling Ibana, gabe manjadi do, mandokkon do Ibana, jadi
jongjong ma.

41. Psalm 34 : 9 : Dai jala ida hamu denggan basa ni Jahowa, martua ma baoa na
marhaposan tu Ibana.

4
42. Psalm 37 : 4 : Jala halomohon Jahowa, jadi lehononna ma tu ho pinangido ni roham.

43. Psalm 37 : 5 : Pasahat ma dalammu tu Jahowa jala haposi Ibana, asa Ibana paturehon.

44. Psalm 50 : 14 : Pelehon ma tu Debata hamauliateon, jala garari ma angka bagabagami tu

Na tumimbul.

45. Psalm 50 : 15 : Jala jou ma Ahu jumpa di ari hagogotan, asa hupalua ho, asa dipuji ho
Ahu.

46. Psalm 50 : 23 : Manangise na mamelehon hamauliateon, i do na pasangap Ahu, jala

mambahen lapang, asa hupatuduhon di ibana hatuaon ni Debata.

47. Psalm 73 : 23 – 24 : Alai sai marsihohot ahu tu Ho, ditiop Ho do tangangku siamun. Sai
toguonmu do ahu marhitehite sangkap ni roham jala jangkonommu do ahu
muse tu hasangapon.

48. Psalm 73 : 25 : Tung ise ma dongangku di angka banua ginjang? Jala dungkon ni Ho
ndang adong dihalomohon rohangku di tanoon.

49. Psalm 73 : 26 : Nang pe merus sibukku dohot rohangku, sai Debata do partanobatoan ni
rohangku jala parjambaranku salelenglelengna.

50. Psalm 86 : 11 : Sai ajarhon ma tu ahu, ale Jahowa, dalanmu, asa marpangalaho ahu
dibagasan hasintonganmi; sai pasada ma rohangku mangkabiari goarmu.

51. Psalm 91 : 1 : Manang ise na hundul di pangondingan ni Na tumimbul i, marborngin do

ibana di linggom ni Pargogo na so hatudosan.

52. Psalm 91 : 2 : Ningku do mandok Jahowa : haporusangku jala partanobatoangku,

Debatangku, marhaposan tu Ibana do ahu!

53. Psalm 92 : 2 – 3 : Nadenggan situtu do na mamuji Jahowa dohot mangendehon goarmu, ale
Na tumimbul! Mamaritahon asi ni roham manogotnai dohot hasintonganmi
bornginna i.

54. Psalm 107 : 6 : Jadi joujou ma nasida tu Jahowa di hagogotannasida i, gabe dipalua
Ibana nasida sian hagogotannasida i.

55. Psalm 107 : 8 : Ingkon pujionnasida ma Jahowa ala ni asi ni rohana dohot halongagan
angka na binahenna i tu jolma manisia.

5
56. Psalm 107 : 13 : Dungi joujou ma nasida tu Jahowa di hagogotannasida, jadi dipalua ma
nasida sian hasosahannasida i.

57. Psalm 107 : 15 : Ingkon pujionnasida ma Jahowa ala asi ni rohana dohot halongangan
angka na binahennai tu jolma manisia.

58. Poda 3 : 5 – 6 : Marhaposan tu Jahowa ma ho sian nasa roham, jala unang

marpangunsandean ho tu pingkiranmu sandiri. Sai Ibana ma tanda di
nasa dalanmu, asa Ibana patigor angka dalanmu.

59. Poda 3 : 11 – 12 : Ale anaha, sai unang toishon pangajaran ni Jahowa, jala unang hagitikkon
pinsangpinsangna. Ai matua dipinsang Jahowa do na hinaholonganna,
songon ama-ama mida anakna hasudungan ni rohana.

60. Poda 9 : 10 : Biar mida Jahowa do parmulaan ni hapistaran, jala parbinotoan ni angka
na badia do hapantason.

61. Poda 13 : 7 : Adong deba halak paulahon mora ibana, hape maliali di handang do; na
deba paula pogos ibana, hape na mora jong do.

62. Poda 14 : 34 : Habonaron do patimbul sada bangso, alai haurahon ni angka bangso do
ianggo dosai.

63. Poda 19 : 17 : Na pasali Jahowa do manang ise na mardenggan basa tu na pogos, jala
Ibana mamaloshon denggan basana i tu ibana.

64. Parjamita 3 : 1 : Martingki be do luhutna na tinompa. Martiti be do huhut nasa

sangkapsangkap di hasiangan on.

65. Parjamita 3 : 2 : Martiti be do: Na tubu dohot na mate; na manuan dohot na mangurati na
sinuan i;

66. Parjamita 3 : 3 : Na mambugangi dohot na pamalumhon; na mangalohai dohot na

paulihon;

67. Parjamita 3 : 4 : Na tangis dohot na mengkel; na mangandungi dohot na manontor;

68. Parjamita 3 : 5 : Na mambolongkon batu dohot ma papunguhon batu; na masiummaan

dohot na mandao sian na masiummaan;

69. Parjamita 3 : 6 : Na mangalului dohot na mangago; na mangaramoti dohot na

mambolongkon;
6
70. Parjamita 3 : 7 : Na mangaribahi dohot na manjarumi; na mauhom boti dohot na marhatai.

71. Parjamita 3 : 8 : Na mangkaholongi dohot na mangkosom; na marmusu dohot na

mardemak.

72. Jesaya 1 : 3 : Ditanda jonggi do nampuna ibana, jala diboto halode panggagatan
binahen ni tuanna. Alai anggo Israel ndang tumanda ahu, jala ndang
marroha bangsongku.

73. Jesaya 1 : 18 : Dungi sai ro ma hamu, asa mardabudabu hita, ninna Jahowa. Tung sura
rara dosamuna songon abit bunga dapdap, bontar do bahenongku songon
itak; nang pe rara songon abit hasumba, gabe songon hapas do muse.

74. Jesaya 1 : 27 : Tartobus do sogot Sion marhitehite habonaron, jala angka na mulak tu
ibana marhitehite hatigoran.

75. Jesaya 4 : 2 : Di ari na sasada i sogot, uli jala marmulia ma tunas ni Jahowa, gabe huhut
uli parbue ni tano i di angka na malua sian Israel.

76. Jesaya 5 : 20 : Marjea ma jolma angka na mandok tu na jat denggan do i, jala tu na

denggan na jat do i, angka na mambahen haholomon gabe hatorangan,
jala hatorangan gabe haholomon, angka na mambahen na paet gabe
tonggi, jala na tonggi gabe paet.

77. Jesaya 11 : 2 : Jadi songgop ma tu ibana Tondi ni Jahowa, Tondi ni habisuhon dohot
hapistaran, Tondi ni panuturion dohot hagogoon, Tondi ni parbinotoan
dohot biar maradophon Jahowa.

78. Jesaya 12 : 2 – 3 : Ida ma, Debata do hatuaongku, Ibana huhaposi, jadi ndang mabiar ahu, ai
Tuhan Jahowa do hagogoonku dohot pujipujianku dohot manjadi hatuaon
di ahu. Jadi marlas ni roha hamu manahui aek sian mual ni hatuaon.

79. Jesaya 28 : 16 : Dibahen i songon on do hata ni Tuhan Jahowa : Ida ma, ahu paojakkon di
Sion sada batu, batu na niuji, sada batu parsuhi na arga bahen ojahan na
hot; manang ise na porsea di ibana, ndang tagamon maporus.

80. Jesaya 30 : 15 : Ai songon on do hata ni Tuhan Jahowa, na badia ni Israel! Marhitehite

hamulakon dohot hahohomon jumpangan hatuaon hamu; marhitehite
hasabamon dohot marhitehite nalom ni roha maruli hagogoon hamu. Alai
ndang olo hamu.

7
81. Jesaya 35 : 5 : Buhaanna ma disi mata ni halak na mapitung jala marbinege bahenonna
pinggol ni angka na nengel.

82. Jesaya 35 : 8 : Adong huhut disi dalan balobung dohot dalan na bolon, na targoar :
Dalan na badia. Ndang jadi mamolus sian i halak na ramun, jala nasida
nampunasa; manang ise na mandalani dalan i, gari angka na oto ndang
tagamon lilu.

83. Jesaya 35 : 10 : Jadi mulak ma sogot halak angka na pinalua ni Jahowa, jala mariaia ro tu
Sion; jala halalas ni roha salelenglelengna di atas ulunasida, dapotan hilas
dohot las ni roha nasida, alai maporus ma anggo arsak dohot hoihoi.

84. Jesaya 40 : 6 : Adong sada soara na mandok : Joujou ma ho! Jadi dohononna ma : Aha
do Jouhononku? Duhutduhut do nasa sibuk, jala doshon bunga pansur
hinadenggana i sudena.

85. Jesaya 40 : 7 : Nunga malos angka duhutduhut i, nunga marurus bunga i, ia nunga
mangombus Tondi ni Jahowa tusi. Tongon tahe duhutduhut do bangso i.

86. Jesaya 40 : 31 : Alai angka na marhaposan tu Jahowa maruli hagogoon mardapotdapot,

gabe marhabong ni lali laho manaek. Marlojongi nasida ndang olo
mandate.

87. Jesaya 48 : 18 : Aut na diradoti roham angka patikki, jala doshon batang aek
hasonanganmu, jala hatigoranmu doshon galumbang ni laut.

88. Jesaya 49 : 6 : Jala ninna do : Hametmeton do i anggo tung holan naposongku ho

patindang angka marga ni Jakob dohot manogihon mulak angka pasipasi
sian Israel; nunga hulehon ho huhut bahen panondang di angka parbegu,
gabe parhitean ni hatuaonku ho ro di ujung ni tano on.

89. Jesaya 50 : 4 : Nunga dilehon Tuhan Jahowa tu ahu dila sisean, asa huboto pasabam
roha ni na loja marhite sian hata i. Sai disungguli do ahu ganup sogot,
dipatinggil pinggolhu marbinege, songon sisean.

90. Jesaya 50 : 6 : Hutarehon do balik tanggurungku tu halak na mangalinsingi ahu dohot

hurumhu tu halak na mamastapi, ndang hutabunihon bohingku
maradophon haurahon dohot tijur.

8
91. Jeremia 9 : 22 : Songon on do hata ni Jahowa : Sai unang ma ditengahon na bisuk
habisukonna, sai unang ma ditengahon na gogo hagogoonna, sai unang
ma ditengahon na mora hamoraonna.

92. Jeremian 9 : 23 : Manang ise na naeng mamuji dirina, on ma dipujihon: Na marroha i ibana,
jala na tinandana i ahu, ai ahu do Jahowa, parasi roha na
mangkajongjongkon uhum dohot hatigoran di tano on, ai angka ido lomo
ni rohangku, ninna Jahowa.

93. Jeremia 14 : 7 : Molo hajahatonnami manindangi dompak hami, ale Jahowa bahen ma
hombar tu goarmu, ai torop do panundalionnami, dompak ho do hami
mardosa.

94. Jeremia 15 : 16 : Dung jumpang ahu hatamu, gabe husohali do i, jala hatamu do lomo
dohot las ni rohangku ala naung targoar ahu tu goarmu, ale Jahowa
Debata Zeboat.

95. Jeremia 17 : 5 : Songon on do hata ni Jahowa : Marjea ma baoa na marhaposan tu jolma,

manang tu bolon ni botohonna, gabe dipasurut rohana sian Jahowa.

96. Jeremia 17 : 9 : Tung na angkal situtu do roha ni jolma, jala na ganggu, tung ise ma na
tuk mandodoisa?

97. Jeremia 17 : 14 : Sia ho ma pamalum ahu, ale Jahowa, asa tung malum huhilala; sai ho ma
mangurupi ahu, asa tung dapotan pangurupion ahu, ai ho do pujipujionku.

98. Jeremia 18 : 7 : Satongkin ahu martahi dompak sada bangso dohot dompak, sada
harajaon naeng mangurati dohot naeng mamansingkon dohot naeng
mangago.

99. Jeremia 18 : 8 : Alai molo mulak bangso na hupalumba i sian hajahatonna, gabe
marpangulahi rohangku taringot tu hamagoan naung husangkapi naeng
bahenonku tu ibana.

100. Hesekiel 3 : 17 : Ia ho anak ni jolma! Nunga hupabangkit ho bahen siparmahan halak

Israel, dibahen i sai tangihon ma hata na ruar sian pamanganku, angka
sipatolhasonmu palumba nasida sian ahu.

101. Hesekiel 3 : 18 : Molo hudok tu parjahat i: Ingkon mate ho, hape ndang dipalumba ho
ibana, jala ndang diapoi ho ibana tumundalhon dalanna na jahat i, asa

9
 dapotan hangoluan ibana nian; sai na mate do nian parjahat i di bagasan
hajahatonna, alai sian tanganmi do partungguhononku mudarna.

102. Hesekiel 3 : 19 : Alai anggo di palumba ho do parjahat i, hape ndang olo ibana
tumadingkon hajahatonna i dohot dalanna na jahat i, mate di bagasan
hajahatonna ma ibana, alai malua do anggo tondim.

103. Hesekiel 18 : 21: Alai tung sura ditundalhon roha ni parjahat i saluhut dosana, angka na
niulana na sai laon, jala diradoti saluhut angka patikki, jala diulahon uhum
dohot hatigoran, tongon do ingkon mangolu ibana, ndang jadi mate.

104. Hesekiel 18 : 22: Saluhut hajahaton angka na niulana na sai laon, ndang jadi jujuran tu
ibana, hatigoran na niulahonna i do hangoluhononna.

105. Hesekiel 18 : 23 : Tung tagamon marlomo ni roha ma ahu mida hamatean ni parjahat i,
ninna Tuhan Jahowa; nda taganon nian, molo muba rohana i sian dalanna
angka na sai laon, asa mangolu ibana.

106. Josua 1 : 8 : Unang meret buku ni patikon sian pamanganmu, sai pingkirpingkiri ma i
arian dohot borngin, asa diradoti ho, jala patupa ho, hombar tu sude na
tarsurat dibagasan i, asa maruntung ho di angka dalanmu, jala marmulia
parulaonmu

107. Josua 24 : 15 : Alai molo tung sogo rohamuna mangoloi Jahowa, pillit hamu ma sadarion
manang ise naeng oloanmuna, manang debata sileban angka na nioloan
ni ompumuna di bariba ni batang aek i, manang debata ni halak Amori
nampuna tano na niingananmuna i; alai anggo ahu dohot donganku
sajabu, ingkon Jahowa do oloannami.

108. Joel 2 : 12 : Alai nuaeng pe, ninna Jahowa: Sai mulak ma hamu tu ahu sian nasa
rohamuna mardongan parpuasaon, partangison dohot angguhangguk.

109. Joel 2 : 13 : Jala rohamuna ma ribahi hamu, unang asal ulosmuna, sai mulak ma
hamu tu Jahowa, Debatamuna i! Ai pardengganbasa jala parasi roha do
ibana, lambas do ibana tarrimas jala parasi roha godang, jala tibu
marpangulahi rohana mida hamagoan i.

110. Joel 3 : 1 : Jadi ndung songon i : Pangusehononku ma Tondingku tu nasa sibuk,

gabe manurirangi ma angka anakmuna dohot borumuna, marnipi ma
angka sintuamuna, jala maralatan angka dolidolimuna.

10
111. Amos 8 : 11 : Ida ma, ro do angka ari sogot, ninna Tuhan Jahowa, tongosonku ma
haraparon tu tano on, ndada haraparon di sagusagu manang hauason di
aek ingkon di angka hata ni Jahowa do, naeng begeonna nian.

112. Amos 8 : 12 : Jadi madoado ma nasida sian laut na sada tu laut nasada nari, jala sian
utara tu habinsaran diliati nasida mangalului hata ni Jahowa nian, hape
laos so jumpang nasida do.

113. Amos 9 : 11 : Di ari na sasada i, pajongjongonku ma muse undungundung ni si Daud na

malohai, jala paulionku parik angka na bungbung i, jala pajongjongonku
muse angka na malohai, jala paulionku do i, suang songon di angka ari
mulamula.

114. Jona 4 : 2 : Jadi martangiang ma ibana tu Jahowa jala didok ma: Oe, ale Jahowa, nda
i do hatangku hian, uju di tonangku dope ahu? Umbahen hujoloani nian
maporus tu Tarsis, ai hu boto hian do, Debata parasi roha jala
pardengganbasa do ho lambat tarrimas, jala parasi roha godang, jala na
olo sumolsol rohana taringot tu hamagoan.

115. Mika 6 : 8 : Nunga di pabotohon iban tu ho, ale jolma manang aha na denggan, jala
manang aha na niluluan ni Jahowa sian ho, nda holan na mangulahon
uhum dohot holong ni roha di habasaon, jala marpangalaho haserepon
maradaphon Debatam.

116. Habakuk 2 : 20 : Alai di bagasan joro habadiaonna do anggo Jahowa: Ingkon hohom ma
maradophon ibana sandok tano on.

117. Sepania 3 : 9 : Ai disi do patongononku tu angka bangso dila na pita, asa saluhut nasida
manjou goar ni Jahowa, asa dioloi nasida ibana marroha sisangunjur.

118. Sepania 3 : 12 : Jala tebahononku do di tongatongami sada bangso na dangol jala na

parir, angka na marhaposan tu goar ni Jahowa.

119. Hagai 2 : 6 : Ai songon on do hata ni Jahowa Zebaot : Saotiknari nama ulahanku ma

mangkuturi langit dohot tano dohot laut ro di darat.

120. Hagai 2 : 7 : Huturonku ma dohot saluhut angka bangso parbegu, jadi ro ma

hasudungan ni roha ni saluhut angka bangso parbegu, jala gohanku ma
joro on hamuliaon, ninna Jahowa Zebaot.

11
121. Hagai 2 : 9 : Jadi gumodang ma hamuliaon ni joro parpudi on sian parjolo i, ninna
Jahowa Zebaot, jala di hajongjongan on lehononku do hadameon, ninna
Jahowa Zebaot.

122. Sakaria 13 : 1 : Di ari na sasada i sogot adong ma sada mual na talak di pinompar ni si
Daud dohot di angka isi ni Jerusalem mamburi sude dosa dohot
haramunon.

123. Sakaria 14 : 9 : Jadi Jahowa gabe raja gumomgom liat portibi on; di ari na sasada i sada
situtu Jahowa, goarna pe sada do.

124. Heber 4 : 12 : Ai na marngolu do hata ni Debata jala marpangkorhon, jala tumajom sian
nasa podang siduababa, jala torus do disirang hosa dohot tondi, ringring
dohot utohutokna, laos diuhumi do na sinangkap dohot na piningkir ni
roha.

125. Heber 4 : 13 : Jala ndang adong na tinompa na onding sian jolona, tung saluhut do
tedek, so adong na hungkup diida matana. Tu Ibana do hita
mardabudabu!

126. Heber 4 : 16 : Antong, marhiras, ni roha ma hita mandapothon habangsa parasiasian,

asa tajalo talup ni roha, jala asa dapot asi ni roha hita bahen pangurupion,
di tingki halehetanna.

127. Heber 7 : 26 : Ai sintua ni malim na songon i do tama di hita, na badia, na so marlaok,

na so marlindang, na marbolat sian angka pardosa, naung gabe tumimbo
sian angka banua ginjang i.

128. Heber 8 : 10 : Ai on do padan na naeng pajongjongonku tu pinompar ni Israel, dung

salpu angka ari i, ninna Tuhan i: Lehononku do angka patikku tubagasan
rohanasida jala tu ateatenasida surathononku i; dung i gabe Debatanasida
ma Ahu, jala nasida gabe bangsongku.

129. Heber 9 : 14 : Nda lam tumangkas ma mudar ni Kristus i paiashon rohamuna sian angka
ulaon hamatean, laho mangoloi Debata Siparngolu i; ai dipelehon do
dirina so marlindang tu Debata, marhitehite Tondi na manongtong i!

130. Heber 10 : 22` : Dibahen i, tadapothon ma, marroha na sintong, di bagasan hagogok ni
haporseaon, dung diurasi rohanta, unang be disolsoli panggora ni roha i
hita, jala dung diburi dagingta dohot aek na ias!

12
131. Heber 10 : 23 : Momos ma tatiop pangkirimon na taparhatopot i, ai haposan do na
marbagabagahonsa!

132. Hebar 11 : 1 : Alai anggo haporseaon i, pos ni roha do i di angka sihirimon, jala
pamotoan na tontu taringot tu na so niida.

133. Heber 11 :6 : Alai anggo so marhaporseaon, ndang tarbahen halomoan; ai halak na

mandapothon Debata, ingkon dihaporseai: Adong Debata; laos Ibana do
silehon upa tu angka na manjalahi Ibana.

134. Heber 12 : 6 : Ai diajar Tuhan i do na hinaholongan ni rohana, jala dilinsingi do ganup

anak na jinangkonna.

135. Heber 12 : 11 : Nasa paminsangon tutu, anggo di hamamasana, ndada las ni roha i
hilalaon, tung arsak do; alai dung salpu i, diparbuehon do hatigoran na
mardame di angka naung gabe somal marhite sian i.

136. Heber 12 : 14 : Ringkoti hamu ma, asa mardame hamu tu saluhut halak, huhut asa badia
hamu; anggo so i, ndang adong idaonta Tuhan i.

137. Heber 13 : 8 : Ia Jesus Kristus, songon i nantoari, songon i sadari on, laos i do ro di
salelenglelengna!.

138. Heber 13 : 14 : Ai ndang adong di hita dison huta na hot; ai dilului rohanta do na ro sogot.

139. Heber 13 : 20 : Alai Debata Sipardame i, na manogihon sian angka na mate Siparmahan
bolon ni angka birubiru i, marhitehite mudar ni padan sisalelenglelengna i,
i ma Tuhanta Jesus.

140. Heber 13 : 21 : Ibana ma patauhon hamu di nasa ulaon na denggan, mangulahon lomo ni
rohana, ai dipatupa do dibagasan hamu na tau lomo ni rohana marhitehite
Jesus Kristus! Di Ibana ma hasangapon i ro di salelenglelengna! Amen.

141. Jakobus 1 : 12 : Martua do halak na manaon dipangunjunan i : Ai dung tau ibana,

jaloonna ma tumpal hangoluan, naung diparbagabaga tu angka na holong
roha di Ibana.

142. Jakobus 1 : 17 : Saluhutna silehonlehon na denggan, nasa ulibasa na mauliutus, i ma

na ro sian ginjang, sian Ama ni na tiur, na so olo muba, na so umboto agia
halinu ni hamimimbar.

13
143. Jakobus 1 : 27 : On do hadaulaton na ias jala naso marlindang, di roha ni Debata Ama :
mandulo angka na so marama, so marina dohot angka na mabalu di
haporsuhonnasida, huhut mangaramoti diriniba maralohon portibi on,
unang marlindang.

144. Jakobus 2 : 17 : Haporseaon i pe songon i do : Anggo so adong pangulaonna, naung

mate do hadirionna.

145. Jakobus 3 : 17 : Alai anggo habisuhon na sian ginjang i, sandok na bontor do i, olo
mardame, lambok, pangoloi, gok asi ni roha dohot parbue hadengganon,
dao sian hagangguon nang pangansion.

146. Jakobus 3 : 18 : Alai di bagasan dame do disaburhon parbue hatigoran di angka na

mangulahon dame i.

147. Jakobus 4 : 7 : Antong, olio hamu ma Debata; alo hamu ma sibolis i, dung i maporus ma
ibana sian hamu.

148. Jakobus 4 : 8 : Pajonok hamu ma tu Debata, dung i pajonohonna ma tu hamu! Paias ma

tanganmuna, hamu angka pardosa, jala pabontor ma rohamuna hamu
angka na mardua roha!

149. Jakobus 5 : 16 : Antong, masitopotan dosa ma hamu dohot masitangiangan, asa malum
hamu. Na margogo situtu do tangiang ni partigor, molo dihaburjuhon.

150. 1 Petrus 1 : 8 : Atik pe so dung diida hamu Ibana, di haholongi hamu do Ibana, na
hinaporseaanmuna, nang so diida hamu Ibana nuaeng, gabe mariaia do
hamu, di bagasan halalas ni roha na so tarhatahon jala na tongam.

151. 1 Petrus 2 : 9 : Alai marga na pinillit do hamu, hamalimon na raja, bangso na badia, houm
na ginomgomanna, asa tung dibaritahon hamu denggan ni harohaon ni
Ibana, naung manjou hamu sian na holom tu hatiuranna halongangan i.

152. 1 Petrus 2 : 24 : Diporsan Ibana do dosanta di bagasan dagingna tu hau i, asa malua
hita sian dosa, gabe mangolu di hatigoran i; Hinorhon ni bungangna i do
gabe malum hamu.”

153. 1 Petrus 2 : 25 : Ai songon birubiru na lilu do hamu najolo; alai nunga didompakkon
hamu nuaeng Parmahan i, na manganahon tondimuna.

14
154. 1 Petrus 3 : 8 : Angkup ni i, saroha ma hamu saluhutna, sapangkilaan, angka na
marholong ni roha di dongan, na marasi ni roha, na serep!

155. 1 Petrus 3 : 9 : Unang ma baloshon hamu na jat alo ni na jat, panginsahion alo ni
panginsahion; lam mamasumasu ma hamu, ai naeng teanonmuna do
pasupasu, umbahen na tarjou hamu.

156. 1 Petrus 5 : 6 : Antong, patutoru hamu ma dirimuna tutoru ni tangan ni Debata na gogo i,
asa dipatimbo hamu di tingkina i!

157. 1 Petrus 5 : 7 : Tinggangkon hamu ma nasa na hinolsohon ni rohamuna tu Ibana, ai

disarihon do hamu!

158. 2 Petrus 1 : 19 : Jadi lam hot ma, antong, hata panurirangon i di hami; jala tama
marsitiopan tusi ma hamu, songon na tu palito na marsinondang di
inganan na holom, paima tarida siulubalang ari i, jala binsar siboan
hatiuron di bagasan rohamuna.

159. 2 Petrus 3 : 13 : Alai na maimaima do hita di langit na imbaru dohot di tano na imbaru,
inganan ni hatigoran i, hombar tu bagabagana.

160. 1 Johanes 1 : 7 : Alai molo taparangehon hatiuron, songon Ibana na di bagasan na tiur,
saor do hita sama hita, jala dipaias mudar ni Jesus, Anakna i, do hita sian
nasa dosa.

161. 1 Johanes 2 : 1 : Ale angka anaha, umbahen husurat on tu hamu, asa unang mardosa
hamu. Molo tung adong na mardosa, adong do pangondianta tu Ama i, i
ma Jesus Kristus, partigor i.

162. 1 Johanes 2 :2 : Ibana do pardengganan pasaehon angka dosanta, alai ndada holan
dosanta, tung dohot do dosa ni sandok portibi on.

163. 1 Johanes 2 : 15: Unang ma haholongi hamu portibi on, nang angka na di bagasanna!
Anggo dihaholongi halak portibi on, ndang di bagasan ibana holong ni
roha ni Ama i.

164. 1 Johanes 2 : 16: Ai nasa na di portibi on, i ma lomolomo ni roha ni daging, giotgiot ni roha
ni mata dohot na manenganengahon sinadongan, ndada sian Ama i
anggo i, tung sian portibi on do.

15
165. 1 Johanes 2 : 17: Jala na laho salpu do portibi on rap dohot na pinarhagiotna; alai na mian
ro di salelenglelengna do na mangulahon lomo ni roha ni Debata.

166. 1 Johanes 2 : 28: Nuaeng pe, angka anaha, mian ma hamu di bagasan Ibana, asa marhiras
ni roha hita, di na gabe patar Ibana, unang tarila hita maradophon Ibana di
harorona i!

167. 1 Johanes 3 : 1 : Ida hamu ma godang ni haholongon na binasabasahon ni Ama i tu hita, ai

targoar do hita angka anak ni Debata, jala angka i do hita tutu. Dibahen i,
ndang ditanda portibi on hita, ai ndang ditanda anggo Ibana.

168. 1 Johanes 3 : 2 : Hamu angka haholongan! Anak ni Debata do hita nuaeng, jala ndang
dope dipapatar, manang na gabe aha hita sogot; alai taboto do : Anggo
dung patar Ibana, gabe suman ma hita tu Ibana, ai idaonta do rupana
sandiri.

169. 1 Johanes 4 : 9 : Sian on do gabe patar holong ni roha ni Debata na tu hita; sian naung
sinuruna i Anakna na sasada i tu portibi on, asa mangolu hita marhitehite
Ibana.

170. 1 Johanes 4 : 16: Nunga tatanda jala tahaporseai holong ni roha ni Debata di hita. Debata
do haholongon i; jala halak na mian di bagasan haholongon, i do na mian
di bagasan Debata jala Debata di bagasan ibana.

171. 1 Johanes 4 : 19: Marroha holong ma hita, ala Ibana jumolo mangkaholongi hita!

172. 1 Johanes 5 : 4 : Ai nasa na tubu sian Debata do manaluhon portibi on. Haporseaonta i do
naung monang manaluhon portibi on.

173. Judas 1 : 20 : Alai hamu, angka haholongan, pauliuli hamu ma dirimuna di atas
haporseaonmuna na badia situtu, jala martangiang di bagasan Tondi
Parbadia!

174. Judas 1 : 24 : Alai hasangapon ma di Ibana na margogo mangaramoti hamu, unang

tinggang, jala pajongjongkon hamu marolopolop, so martihas, tu adopan
ni hasangaponna!

175. Judas 1 : 25 : Di Debata na sasada i, na paluahon hita marhitehite Jesus Kristus,

Tuhanta i, di Ibana ma hasangapon, hamuliaon, hagogoon dohot
parhuasoon sian mula ni mulana, nang nuaeng, nang ro di
salelenglelengna! Amen.
16
176. Pangungkapon 1 : 3 : Martua ma na manjaha ro di angka na umbege hata panurirangon on, angka
siradoti na tarsurat dison; ai jonok do ari i!

177. Pangungkapon 1 : 7 : Ida ma, na ro ma Ibana di bagasan ombun! Idaon ni nasa mata do Ibana,
nang angka naung manullang Ibana, gabe mangangguhi be ma saluhut
bangso ni tano on mida Ibana. I ma tutu. Amen.

178. Pangungkapon 2 : 7 : Ditangihon na marpinggol ma na nidok ni Tondi i tu angka huria: Na monang

i ma bahenonku manganhon parbue ni hau hangoluan, na di Paradaiso ni
Debata!

179. Pangungkapon 2 : 10 : Unang habiarhon angka haporsuhon na naeng ro! Dabuon ni sibolis ma deba
sian hamu tubagasan hurungan, asa tarunjun hamu, gabe tarsosak ma hamu
sampulu ari lelengna. Sai burju ma ho rasirasa mate; dung i lehononku ma tu
ho tumpal hangoluan i!

180. Pangungkapon 3 : 2 : Tarsunggul ma ho jala patogu ma donganmu na tading i, angka na naeng

mate. Ai ndang jumpang Ahu di angka ulaonmu, naung gok di jolo ni
Debatangku.

181. Pangungkapon 3 : 11 : Magira ma Ahu ro. Tiop ma na di ho, unang adong na mambuat tumpalmi!

182. Pangungkapon 3 : 20 : Ida ma, na jongjong do Ahu di jolo ni pintu i manuktuhi; ia adong na
tumangihon soarangku dohot mangungkap pintu i, bongot ma Ahu tu ibana,
mangan ma Ahu rap dohot ibana, jala ibana rap dohot Ahu.

183. Pangungkapon 5 : 12 : Marsoara na gogo nasida mandok: Na tama do Birubiru naung tarbunu i
manjalo hagogoon dohot hamoraon dohot hapistaran dohot sahala dohot
hamuliaon dohot hasangapon dohot pujipujian!

184. Pangungkapon 7 : 14 : Jadi hudok ma mandok ibana: Ale tuanku, ho do umbotosa. Gabe didok ma
tu ahu: I ma angka naung ro sian haporsuhon godang; nunga diburi nasida
abitnasida jala dipasaksak di bagasan mudar ni Birubiru i.

185. Pangungkapon 7 : 16 : Ndang be male nasida, ndang be mauas, ndang be ditinggang las ni ari
nasida, manang dia na mohop pe.

186. Pangungkapon 7 : 17 : Ai parmahanon ni Birubiru na di parsitongaan ni habangsa i do nasida jadi

togihononna ma nasida tu angka mual aek hangoluan, jadi apusan ni Debata
nasa iluilu sian matanasida.

187. Pangungkapon 11 : 15 : Dung i dipalu surusuruan na papituhon ma sarunena; jadi masa ma soara na
gogo di banua ginjang, angka dipandok: Nunga sahat tu Tuhanta i dohot tu

17
 Kristusna i harajaon ni hasiangan on; bangkit Raja ma Ibana ro di
salelenglelengna!

188. Pangungkapon 12 : 10 : Dung i hubege ma soara na gogo di banua ginjang, na mandok : Nunga
sahat nuaeng haluaon dohot hagogoon dohot harajaon ni Debatanta dohot
hamuliaon ni Kristusna; ai nunga dipabali pangasung i, na mangasungi
angka hahaangginta arian dohot borngin di jolo ni Debata.

189. Pangungkapon 12 : 11 : Nunga ditaluhon nasida ibana hinorhon ni mudar ni Birubiru i dohot hinorhon
ni hata na hinatindangkonnasida; ndang diparhamaol nasida hosanasida
rasirasa mate.

190. Pangungkapon 13 : 10 : Nasa na martaban, ingkon tartaban do; nasa na mambunu dohot podang,
ingkon mate bunuon ni podang! Disi ma jumpang habengeton dohot
haporseaon di angka na badia!

191. Pangungkapon 14 : 13 : Jadi hubege ma soara sian banua ginjang na mandok: Surathon ma : Martua
ma angka na mate di bagasan Tuhan i, olat ni on! Tutu, didok Tondi i,
mansohot ma nasida sian parungkilonnasida, ai na mangihut ma tu nasida
niulanasida i!

192. Pangungkapon 16 : 7 : Jadi hubege ma langgatan i mandok : Olo, ale Tuhan Debata, Sigomgom
saluhutna; na sintong jala na tigor do angka uhummu!

193. Pangungkapon 19 : 6 : Dung i hubege ma songon soara ni natorop situtu, songon soara ni aek
godang, songon soara ni angka ronggor na gogo, na mandok : Halleluya! Ai
nunga mangarajai Tuhan Debatanta, Sigomgom saluhutna!

194. Pangungkapon 19 : 9 : Laos didok ma tu ahu: Surathon ma : Martua do angka na jinou tu panganon
ujuan ni Birubiru i! Jala didok do tu ahu: On do angka hata na sintong na sian
Debata!

195. Pangungkapon 21 : 3 : Jadi hubege ma soara na gogo sian habangsa i, na mandok : On do joro ni
Debata di tongatonga ni angka jolma; na maringanan ma Ibana di
tongatonganasida, jala nasida ma bangsona, jala Debata sandiri saor tu
nasida!

196. Pangungkapon 21 : 4 : Jadi apusan ni Debata ma nasa iluilunasida sian matanasida: ndang adong
be hamatean nang arsak ni roha; nang anggukangguk, nang na hansit,
ndang disi be; ai nunga salpu na parjolo i!

197. Pangungkapon 21 : 7 : Teanon ni na monang i ma saluhutna; jala Ahu gabe Debatana, ibana gabe
anakku!

18
198. Pangungkapon 22 : 17 : Jadi didok Tondi dohot oroan i : Ro ma Ho! Laos dohonon ni na umbegesa:
Ro ma Ho! Sai ro ma na mauas; dijalo na giot roha i ma aek hangoluan i,
dalan basabasa!

199. Pangungkapon 22 : 20 : Didok Ibana na mangkatindangkon on; Olo, na ro ma Ahu tibu! Amen; ro ma
Ho, ale Tuhan Jesus!

19
200. Nahum 1 : 7 : Pordenggan basa do Jahowa, tau partanobatoan di ari hagogotan, jala
ditanda do angka na marhaposan tu ibana.

201. Nahum 3 : 5 : Ida ma, marlulu ma ahu dompak ho, ninna Jahowa Zebaot, lingkuphonongku
ma sarungmi tu bohim, jala paidahonongku ma parsaemaraonmu tu angka
bangso dohot hailaonmu tu angka harajaon.

202. Daniel 1 : 20 : Jadi taringot tu saluhut hata dohot hapistaran ni hapantason na niusoan ni
rajai tu nasida, lompit sampulu hali umpistar nasida didapot sian saluhut
angka partondung dohot sijujur parhalaan di sandok gomgomanna.

203. Daniel 2 : 44 : Alai di tingki hinarajahon ni angka rajai, padirion ni Debata, na di surgoi, sada
harajaon na so tarpatupa ro di salelenglelengna, gomgomanna pe ndang
pasahatonna tu bangso na asing; ropuhanna do tahe sogot saluhut angka
harajaoni, jala pansingkonna, alai hot do anggo na sasadai ro di saleleng ni
lelengna.

204. Daniel 7 : 27 : Alai anggo harajaoni dohot parentaon dohot hatimbulon ni harajaon angka na
di toru ni sandok langiti, sahat do sogot tu bangso ni angka na badia ni na
tumimbuli; harajaon salelenglelengna do harajaonnai, jala saluhut
gomgoman, ingkon marsomba dohot mangihuthon tu ibana.

205. Hosea 2 : 21 : Jadi oliongku ma ho bahen jolmangku salelenglelengna; oliongku ma ho

marhitehite hatigoran dohot uhum dohot asi ni roha dohot angka habasaon ni
roha.

206. Hosea 2 : 22 : Jala oliongku ma ho di ahu marhitehite haporseaon, gabe tandaonmu ma

Jahowa.

207. Hosea 6 : 6 : Ai lomoan do rohangku mida asi ni roha, asa mida pelean; jala lomoan mida
parbinotoan di Debata, asa mida pelean situtungon.

208. Hosea 13 : 14 : Sian tangan ni parbeguan paluaongku nasida, sian hamatean tobusongku
nasida! Didia angka begu antukmu, ale hamatean? Didia hamagoanmu, ale
banuatoru, tung na so hutanda do ruhut ni solsol ni roha.

209. Hosea 14 : 10 : Ise do na pistar asa di parateatehon saluhutnai? Ise do na marroha, asa
tandaonna i? Ai tigor do angka dalan ni Jahowa, jala halak partigor mardalani
disi; alai anggo halak parjahat tarsulandit do disi.

210. Job 5 : 17 – 18 : Ida ma, mortua ma jolma na niajar ni Debata, dibaheni unang ma toishon
pinsang-pinsang ni Nasunhinagogoi.
Ai Ibana mambugangi, laos Ibana mangaliliti, Ibana manggopui laos
tanganna pamalumhon muse.

20
Pangungkapon 11 : 15 : Dung i dipalu surusuruan na papituhon ma sarunena; jadi masa ma soara na
gogo di banua ginjang, angka dipandok: Nunga sahat tu Tuhanta i dohot tu
Kristusna i harajaon ni hasiangan on; bangkit Raja ma Ibana ro di
salelenglelengna!

Kolose 3 : 16 : Gugun ma hata ni Kristus maringanan di tongatongamuna; mardongan sandok

hapistaran ma hamu masiajaran jala masipaingotan marhitehite angka ende
Psalm, endeende pujipujian dohot ende partondion; endehon hamu ma Debata
dibagasan rohamuna marroha hamauliateon!

Kolose 3 : 17 : Jala nasa siulaon, manang di hata, manang di pambahenan, saluhutna i ma

marhitehite Goar ni Tuhan Jesus, huhut mandok mauliate tu Debata Ama
marhitehite Ibana.

21