HKBP Yogyakarta

ACARA IBADAH
Pukul 09:00, 11:00 Bahasa Batak
PESTA NATAL RAYA, 25 Desember 2020

00 TANGIANG NA HOHOM BE 608

01 BE 57:1-3
NUNGA JUMPANG MUSE ARI PESTA I
1
Nunga jumpang muse ari pesta i,
hatutubu ni Tuhanta Jesus i.
Tuat do Ibana sian surgo i, mebat tu hita on.
Hasangapon di Debata, dame, dame ma di jolma.
Las ni roha ni Debata hajolmaon muse.
2
Beta ale dongan tu Betlehem i,
itasomba ma Dakdanak na disi;
na tinongos ni Parasiroha i, Debata Ama i.
Hasangapon di Debata, dame, dame ma di jolma.
Las ni roha ni Debata Hajolmaon muse
....Jongjong ...

3
Sombanami ma di Ho na tubu on,
Ho siboan dame tu portibion.
Sai pasaorhon ma tu rohanami on, dameMi o Jesus.
Hasangapon di Debata, dame, dame ma di jolma.
Las ni roha ni Debata hajolmaon muse.
02 Votum-Introitus-Martangiang:
03 BE 605:1-3
LAS MA ROHAM
1
Las ma roham Tuhanta ro, gumomgom sasude.
Ungkap roham, jangkon rajam, marende ma sude,
marende ma sude, marende, marende ma sude.
2
Tano nang laut, harangan i, nang awangawang i;
hauma i, nang sunge i olophon Raja i,
olophon Raja i, olophon, olophon Raja i.
3
Bura binaen ni dosa i, marujung ma disi.
Ai nunga ro Mesias i, mamboan dame i,
mamboan dame i, mamboan, mamboan dame i.

04 PATIK: Johannes 15:12-15

05 BE 608:1+3-4
O BETLEHEM NA METMET I
1
O Betlehem na metmet i boasa modom ho?
Humirdophirdop bintang i hohom marnida ho.
Alai ro sian ho do panondang na tongtong.
Na pinarsinta nasailaon sorang di borngin on.
3
Hohom so pamotoan do saut bagabaga i.
Sian banua ginjang ro KristusTuhanta i.
Portibion ramun dobinaen ni dosa i.
Tu angka na manjangkon do ro Sipalua i.
...... Jongjong .....
4
O Anak na badia i ro Ho tu hami be.
Bongoti daging tondi i parbadiai sude.
Barita na umuli hutangi hami be.
Sorang ma Ho di ngolungki, ale Immanuel.

06 MANOPOTI DOSA:
07 BE 62:1+3

HALALAS NI ROHA GODANG

1
Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma;
lomo ni roha ni Debata do hita jolma on.
3
Tuhan Jesus hadomuan na disuru Debata.
Na pasaehon sude dosa di dolok Golgata.
Hasangapon di Debata, laos dame, dame, dame ma di jolma;
lomo ni roha ni Debata do hita jolma on.

08 EPISTEL: Psalmen 98:1-9

09 BE 611:1-3

PEAK TUHANTA DI PANGGAGATAN

1
Peak Tuhanta di panggagatan; pogos, lea, alai sun sangap.
Rade manaon mamorsan dosanta, padame hita tu Debata.
2
Na so marlindang sandok ngoluNa, so marpangansi rohaNa i.
Jesus Tuhanta sitobus hita, na patundukhon sibolis i
...... Jongjong .....
3
I do Mesias sinurirangkon ni panurirang na robi i.
Surusuruan ro mangendehon: Sangap di Tuhan na sorang i.

10 MANGHATINDANGHON HAPORSEAON

11 KOOR/VG :

12 SUNGGULSUNGGUL:
13 BE 598:1+3
 BEGE ENDE NI SURUAN
1
Bege ende ni suruan, sangap ma di Tuhan i.
Nunga tubu Si palua Raja Sipardame i.
Dipadame Debatanta do diriNa tu pardosa.
Nunga tubu Kristus i, di huta Betlehem i.
Ende ni suruani, sangap ma di Tuhan i.
3
Jesus Raja Hadameon sondang hatigoran i.
Panondang ni hangoluan di saluhut jolma i.
Dirumari do diriNa lao manobus manisia.
Asa unang mate be ala ni dosana be.
Ende ni suruan i, sangap ma di Tuhan i.

14 JAMITA: Heber 1:1-4

15 Ayat Pelean: Ibrani/Heber/Hebrew 13: 16 TEV

Alai unang ma lupa hamu mambahen na denggan dohot mangulahon
asi ni roha; ai dihalomohon Debata do angka pelean sisongon i.

16 BE 615:1--- (Persembahan)
TARBEGE SURUSURUAN MARENDE
1
Tarbege surusuruan marende mansai uli.
Angka dolok dohot rura, gok do saringar na i.
Sangap ma, sangap ma di Tuhan
sangap ma, sangap ma di Tuhan.
2
Las roham ale parmahan, nunga tubu Kristus i.
Rap marende ma hamuna pasangaphon Raja i.
Sangap ma, sangap ma di Tuhan
sangap ma, sangap ma di Tuhan.
… Musik …

3
 Borhat ma hamu marnida tu huta Betlehem i.
Somba Kristus Sipalua na imbaru tubu i.
Sangap ma, sangap ma di Tuhan
sangap ma, sangap ma di Tuhan.
4
Ida ma di panggagatan Sipalua na ro i.
Sigomgomi parluhutan langit dohot tano i.
Sangap ma, sangap ma di Tuhan
sangap ma, sangap ma di Tuhan.

17 PANUTUP: Tangiang dohot Pasupasu