SASAKALA BATU KINYANG CIMERANG

Di antara sukabumi jeung sagaranteun aya hiji lembur nu subur makmur.katelahna

teh lembur Cimerang.

Di eta lembur loba pisan batu-batu nu harerang .eta batu-batu teh ku urang dinya

sok dijadikeun rupa-rupa hiasan ,saperti batu ali,gagantel kangkalung,mata kurabu jeung

hiasan sejena.Ku nu geus apal mah eta batu teh di sebutna batu kinyang.

Pangna di cimerang loba batu kinyang,sabenerna aya dongengna.kieu dongengna

teh !

Baheula,di sukabumi kacaturkeun aya hiji nagara leutik.Disareubutna teh nagara

Geger Witung ieu nagara teh ka asup kana wilayah kakawasaan kerajaan Pajajaran. Atuh

teu matak heran waktu pakuan pajajaran di gempur musuh, Geger Witung ge di gempur. Nu

nga gemburna musuh-musuh Pajajaran ti beulah wetan.

Hiji mangsa karaton geger Witung di burak-barik ku musuh. Raja katut kulawarga na

ampir kabeh perlaya. Nu salamet teh ngan saurang, nyaeta putri na nu jenengannana Putri

Laras Pandan Layung. Nyi Putri ge bisa salamet soteh pedah henteu di karaton anjeuna keur

ngayonan musuh di alun-alun Beulah kulon.

Putri Laras pandan layung kacida sedihna, barang apaleun yen nu jadi indung bapana

katut adi lanceukna geus perlaya.katambah deuih nagarana geus karebut ku musuh.

Nyi putri indit ka Beulah kidul, mapay-mapay jalan satapak.maksudna, seja nyumput

ka tempat anu aman. Ahirna, nepi ka hiji lengkob. bluk nyuuh kana tunggul,segruk cuerik

bakating ku ngarasa nalangsa.pangrasana hirup teh bet kadungsang-dungsang euweuh pisan

geusan pamuntangan.
 Beuki lila ceurik nyi putri teh beuki tarik. Nu asal na inghak-inghakan jadi ngadingdiut

kawasna bingung pilampaheun. Mangkaning di tengah leuweng, bari dirina teh kapan

awewe.

Basa dirungrum rasa ka bingung, ngong aya sora tan katingalan. Pokna teh, “ nyi putri, teu

kudu bingung teu kudu nguyung. Ayena mah geura teangan patapaan ki resi girang

madenda nu ayana di curug ci merang. Nya, didinya nyi putri bakal jadi pangeling-eling

balarea. Seug geura papay!”

Jep sora teh jempe. Nyi putri cengkat. Ceurikna rada leler. Hatena ngarasa teteg

sangges meunang pituduh mah. Pikiranna teu baluweng teuing. Ceuk pamikirna tangtu

bakal aya jalma piken pakumaha. Tapi, ari kabingung mah tetep teu lengit, da dirina teh

kapan aya di tengah leuweng bari teu apal lebah-lebahna curug cimerang.

Barang sadar yen dirina teh teureh pajajaran, hate na teger deui kapan teureh pajajaran

mah salawasna kudu teuneung, ludeung, taya karempan. Pantang pisan sumerah kana

kaayaan.

Leuleuweunganana nyi putri teh meunang sabulan. Kadaharanana sakapanggihna

bae kayaning bongborosan, beubeutian, jeung pupucukan. Nu diinumna cai wahangan

atawa cai cangkore.

Hiji mangsa nyi putri teh manggihan wahangan leutik tur deet. Caina ngagenclang

herang. Di sela-sela batu laleutik pating serepet, patingsoloyong paray jeung beunteur.

Ku nyi putri eta wahangan teh di papay nipika girang. Sugan jeung sugan patapaan ki resi

girang madenda ka panggih. Hatena ngarasa yakin yen eta wahangan teh wahangan

cimerang nu keur diteangan.

 Ahirna,nyi putri nepi ka hiji curug. lebah lahan anu datar,katempo aya saung

leutik.samar-samar di jerona aya hiji aki-aki make ikeut .janggotna ngarumbay panjang tur

bodas.

Nyi putri ngadeukeutan saung, sup ka jero sanggeus dimanggakeun ku Si Aki

Ku si aki nyi putri di Tanya ”Naon nu jadi marga lantaran aprak-aprakan nepi ka patapaan

aki“

Tuluy ku nyi putri ngalalakonkeun, tepika ngadangu sora nu nitah ka aki Resi Girang

Madenda. nyi putri dititah tapa dina luhur batu demprak handapeun curug Cimerang.

Nyi Putri tapana panceug sataun tatapana awakna ngadak-ngadak leungit. di luhureun batu

tempat tatapana benten jimat karajaan milik nyi putri ngalumburuk.

Cenah, permata kinyang benten tea baranahan, jadi batu harerang pabalatak tur

pating sarelap di sapanjang walungan Cimerang.