Assalamualaikum wr.

wb
Se kaula moljaagi , bapak Kepala SMPN .........
Bapak sareng ebu guru sareng staf TU , se
kaula moljaagi .
Kanca-kanca sadaja , se kaula cintai .
Kasemmpaddan ka dhinto ngereng asareng
sadajana amanjat agi puja sareng puji syukur
kahadirat Allah SWT jugan Rasulullah SAW sareng
kalowarga sareng para sahabat epon .
E are se berbahagia ka dhinto dhalem rangka
maningkat agi kasehaddan . Kaula terro ngajak
sadajana kaangguy ja ngonsumsi rokok se
kengeng marosak tubuh kita sadaja .
Rokok ka dhinto kengeng marosak ka badhan
dibi , kalowarga sareng lingkungan sakobengnga .
Ngereng ka sadajana ka dhinto molae ka badhan
dibi angger tak ngangguy rokok sareng ngereng
sadajana ngajak oreng laen ponapa ka dhinto
kalowarga dibi , tetangga sareng ca-kanca dibi
kaangguy tak ngonsumsi rokok otaba badha neng
sakalelengnga reng-oreng se ngonsumsi rokok
sopaja masa depan kita sadaja kengeng langkong
sae .
Rokok ka dhinto sanget bannya hal-hal negatif
se etimbul agi . Manabi perokok-perokok aktif
kengeng marosak tubuh epon amarga dhalem
rokok bannya racun-racun epon . Rokok kengeng
jugan nyebbabagi kematian . Manabi reng-oreng se
perokok pasif kengeng marosak pernapasan sareng
tubuh epon sadaja amarga ngesep udara rokok ka
dhinto . CO2 otaba se biasa epon esebbut
karbondioksida ka dhinto kengeng mencemari
udara neng lingkungan sakaleleng kita sadaja .
Oleh ka dhinto ja sampe sekale-kale kita sadaja
ngonsumsi rokok amarga kengeng marosak tubuh
sareng odi epon kita sadaja .
Gan sakadhinto pamator kaula , sala lopot
kaula nyoon sapora . Manabi badha kakorangan
ka dhinto dhateng dhari kaula , manabi badaha
kasampurnaan ka dhinto ghaduwan Allah SWT
semata . Mator sakalangkong sadajana .

Wassalamualaikum wr.wb

PIDATO PRAKTEK BAHASA MADURA

TAPEL 2013-2014
Assalamualaikum wr. wb.
Kaator dha kapala sakola SMP 1 Sumenep,
Kaator dha para dewan guru SMP 1 Sumenep
Kaator dha para ebu sareng bapak wali murid
Kanca sa-angkadan ban adik kelas sakaleyan,
Puji syukur dha ka hadirat Allah SWT, atas berkah ban hidayahna, sadajaepon bisa
hadir neng acara perpisahanna kellas 9 tahon 2013-2014 ganeka.
Para hadirin se emolyaagi Allah, ta epangrassa, kaula sareng ca-kanca sa
angkadan, la eajar, la edidik moso bapa tor ebu guru SMP 1 Sumenep sakaleyan.
Guru-guru sakaleyan, se la oneng ngajar kaula sa-kancaan dhari taon 2011-aggi,
bakto kaula sa-kancaan gi badha neng e kellas 7, sampe taon ganeka, neng e kellas 9
samangken, kaula ban ca-kanca sa-angkadan, mesti andhi sala dha ka guruepon
sakaleyan. Kaula atas nyama na kana kellas 9, nyoona sapora dha sadaja kasalaanepon
se elakone kaula tor red-mored laen se bakal lulusa dhari SMP 1 Sumenep ganeka.
Dha tang kanca sa-angkadan, sengko mohon maap mon badha kesalahanna
sengko se ekenneng ka ate dhalem 3 taon reya. Mon bana andhi sala ka kancana bana,
minta maaf! Maafagi kancana bana se andhi sala ka bana! Ja ependhem! Sajan daddi
panyake sanan..
Dha adek-adek kellas e kellas 7 so 8, ja ambu ajar. Terrosagi prestasi-prestasina
kakak-kakak kellassa, ja lako ngalakone kalakowan se negatif tor adha gunana, apa pole
bana se la kellas 8. Se sakejjaagi la kellas 9. Siapagi aba dhibina bana kaangguy ujian-
ujian e kellas 9 se bakal e jalani bana. Atanya ka kakak-kakak kellassa, baramma neng e
kellas 9 reya. Baramma ujianna, baramma persipanna, ban laenna. Daddi bana nyaman tor
ta malarat dhaggi e kellas 9.
Sakaleyannaggi, kaula atas nyama red-mored kellas 9 taon ajaran 2013-2014
ganeka, nyoona sapora, mon neng e 3 taon reya, andhi sala ka sakabbinna dewan guru,
otaba adik-adik kelas. Mator sakalangkong kaangguy elmo-elmo para dewan guru se la
ebagi dha ka kaula sakancaan dhari kellas 7 sampe kellas 9 taon sateya.
Wabillahi taufiq wal hidayah,
Wassalamualaikum wr. Wb

Assalamulaikum Wr. Wb
para rabu se molja
Ngereng sabellunaepon kaula sadaja asokkor kaajunan Guste Allah SWT se ampon
apareng nikmat se aropa kasehadhan tor kasempadhan ka badhan kaula sadhaja kaangguy
ngemodhi dhina babbar epon Guste Kanjeng Nabi bhadhan kaula sadhaja engghi kadinto Nabi
Muhammad SAW. Sholawat sareng slam moga-moga teb teba mongghu junjungan badhan kaula
engghi kadinto Nabi Muhammad SAW sapaneka jughan kaula ta loppa mator sakalangkong se
sanget rajana kaajunan epon para rabu se ampon soddi rabu ka tempat kadinto kalaban ehlas
demi sampornana acara kadinto. Moga-moga sadajana kengeng balessan se langkong raja dari
Guste Allah SWT.
Amin. . . Amin Amin ya Robbal Alamin
Para Rabu se molja
Sasamporna aomor 40 tahon Guste Nabi eangkat sareng Guste Allah dhaddi otosan
(Rasul) Allah da; sadhajana alam (umat) analeka kadinto bannya gangguan tor cobaan sanget
dating epon dari oreng oreng kafer Quraisy. Naming Guste Nabi tebteb sabbhar tor tabah e
dalam madapa kon pakon se socce dari Guste Allah sanaos sanget raja babajana daddhi tada se
ceccer sadajana pakon Guste Allah epa dapa alias eatorraghi ka ummat sanaos sanget bannya se
nolak klaban acem-macem kakerrasan.
para rabu se same molja
Ngereng kalaban ngemodhi kalampaan Guste Kanjeng Nabi badhan kaula mondhut
hikmah kalaban terros ngocaaghi sadhaja lampa kaula sareng lalampa epon Guste Kanjeng Nabi
manabi lerres cocok terrossaghi. Sabalig epon manabi sala (ta cocok) dulina ambuaghi.
Kerana cokop sakadar pamator dari badhan kaula se dhoif sanget, korang lebbina nyoon
saporana tor samoga agunaa sanaos sakone.
Amin,,,Amin,,,Amin Ya Robbal Alamin

Wassalamualaikum Wr.Wb

Assalamualaikum wr. wb.

Para Bapa, para Ebu, sareng para rabu sadaja sebadan kaula amoljaagi,
amoji sokkor kaajunan Allah SWT. seampon apareng rahmad sareng hidayah se
kadimma abdhina sareng para penjenengan sadaja eare mangken eparenge sehat
walafiat. Saengga para rabu sadaja bisa areng sareng apapanggiyan, kaangguy
ngarabui onjangan ka dinto, sholawat sareng salam moga tetep eyatoragiya
kaajunan nabi besar Muhammad saw.

Para rabu sebadan kaula amoljaagi, maksod sareng tojjuwan papanggiyan

eare mangken, enggi ka dinto terro ngajagga para panjenengan sadaja kaangguy
areng sareng mabadaagi kabersihan kampong, parlo panjanengan sadaja kaonenge
ja lingkungan ka dinto andaddiyagi kennengan kaangguy odhina makhluk Allah.
Sadajana manossa sanget parlo lingkungan se sae, nyaman, sareng sehat. Hal ka
dinto sajalan sareng kabadaan oreng se prinsip epon senneng dha kabagusan
sareng kanyamanan. Sadajana oreng gadhuwan pangaterro compok sareng
lingkungan se berse tor sae.

Samelana dhari ka dinto kaula sareng panjenangan sadaja kodhu bisa ajaga
lingkungan seberse sopaja daddiya odhi se samporna. Akadi se esabdaahi rosul
enggi ka dinto Kabersean Sabagian Dhari Iman berse ka dinto sehat, berse ka
dinto indah, berse ka dinto nyaman.

Tabaligga manabi lingkungan ka dinto kotor tak sae eoladhi. Leke

seaengnga tak ajelan sareng burombu se akalar-karan andaddiyagi somberra
penyaket. Melana dhari ka dinto ngereng emolae dhari samangken abersean
lingkungan ta kengeng tunda pole.
Dalem ngalaksanaagi abersean ka dinto ja badhi bera, namong abersean ka dinto
daddiyagi olah raga sareng rekreasi

Para rabu sebadan kaula amoljaagi, cokop sakadinto pamator badan kaula
manabi badha tor- ator se korang parjuga ta langkong nyoonna sapora setada
batesse. Moga se sakonek kadinto adadiyagi bannya manfaat ka panjenengan
sadaja.

Wabillahi taufik wal hidayah wassalamualaikum wr. wb.