RIMPI PISANG

Assalamu’alaikum warrahmatullah wabarakatuh, ngaran ulun Syifa Saputri Berlian,

ulun matan Binuang. Jujur ja nahlah, ulun ja bingung apa budaya dari Binuang ngini, malah
kada tau lalu ih. Tapi ada sabuting hal nang ulun tau tu, makanan khas Binuang nang
ngarannya RIMPI, nah karna waktu PKKMB hari terakhir ngitu ulun kada tapi langkap
manjalaskan masalah rimpi, di tugas ngini nah ulun manjalaskan secara lengkap. Ayja
langsung ja gin lah…

Rimpi ngitu makanan nang diulah matan buah pisang nang dibalah dua imbah tu
dijamur. Tujuan manjamur buah pisang tu hagan mangurangi kadar banyu buah pisang jadi
rimpi tu kawa talawas disimpanii. Rimpi ngini kawa langsung dimakan atawa disanga hulu
lawan galapung ( mun yang bagalapung ngitu ngarannya SALE ).

Macam - macam pisang kawa diulah rimpi. Tapi mun masih tadapat mancari pisang
pagat, rimpinya karing sahari... itu nang liwar nyaman dimakan. Nang rancak tu, lamun kada
karing sahari, nyiru jarang gasan manjamur rimpi tu diandak di atas salayan... jadi pas
bamasak rimpi nang satangah karing tu kana asap dapur. Lamun isuknya hari panas, balalu
rimpi dijamur pulang. Liwar nyaman jua rimpi nang pina babau latat asap tu.

Makanya lajui ka Binuang,supaya marasai rimpi…

NAMA : SYIFA SAPUTRI BERLIAN

DAERAH : BINUANG