ARU TUBARANI I

Ata karaeng
Tabe’ kipammopporang mama’
Ri dallekang labbiritta
ri sa’ri karatuanta ri empoang matinggita

Inakke mine karaeng

Lambara’ tatassa’la’na Gowa
Nakareppekangi sallang karaeng
Panngulu ri barugayya
Nakatepokangi sallang karaeng
Pasorang attannga parang

Inai-inaimo sallang karaeng

Tamappattojengi tojenga
Tamappiadaki adaka
Kusalagai sirinna kuisara parallakkenna
Berangja kunipatebba pangkulu’ kunisoeyang

Ikau anging karaeng naikambe leko’ kayu

Mirikko anging namarunang leko’ kayu
Iya sani madidiyaji nurunang

Ikau je’ne’ karaeng naikambe batang mammayu

Solongko je’ne’ namammayu batang kayu
Iya sani sompo bonangpi kianyu

Ikau jarung karaeng naikambe bannang panjai’

Ta’leko jarung namminawang bannang panjai’
Iya sani lambusuppi nakontu tojeng

Makkanamamaki mae karaeng

naikambe mappa’jari
Mannyabbu’ mamaki karaeng
naikambe mappa’rupa

Punna sallang takammaya

aruku ri dallekanta’
Pangkai jerakku tinra’ bate onjokku
Pauwang ana’ ri boko pasang ana’ tanjari
Tumakkanayya karaeng natanarupai janjinna

Sikammajinne aruku ri dallekanta

Dasi nadasi nana tarima panngaruku
Salama’…
***
Sungguh …….. Karaeng
Maafkan aku
Di haribaanmu yang mulia
Di sisi kebesaranmu
Di tahtamu yang agung

Akulah ini Karaeng

Satria dari Tanah Gowa

Akan memecahkan kelak

Hulu keris di arena
Akan mematahkan kelak
Gagang tombak di tengah gelanggang

Barang siapa jua

Yang tak membenarkan kebenaran
Yang menentang adat budaya

Kuhancurkan tempatnya berpijak

Kululuhkan ruang geraknya

Aku ibarat parang yang ditetakkan

Kapak yang diayungkan

Engkau ibarat angin Karaeng

Aku ini ibarat daun kayu
Berhembuslah wahai angin
Kurela gugur bersamamu.
Hanya sanya yang kuning kau gugurkan

Engkau,ibarat air, Karaeng

Aku ini ibarat batang kayu
Mengalirlah wahai air
Kurela hanyut bersamamu
Hanya sanya di air pasang kami hanyut

Engkau ibarat jarum, Karaeng

Aku ini ibarat benang kelindang
Menembuslah wahai jarum
Kan kuikut bekas jejakmu

Bersabdalah wahai Karaeng

Aku akan berbuat
Bertitahlah wahai Karaeng
Aku Akan berbakti

Bilamana kelak janji ini tidak kutepati

Sebagaimana ikrarku di hadapanmu
Pasak pusaraku
Coret namaku dalam sejarah

Sampaikan pada generasi mendatang

Pesankan pada anak cucu
Apabila hanya mampu berikrar, Karaeng
Tapi tidak mampu berbuat bakti

Demikianlah ikrarku dihadapanmu

Semoga Tuhan mengabulkanNya.
ARU TUBARANI II
Tabe kipammoporang mama’ karaeng
Ridallekang malabbiritta
Risa’ri karatuanta riempoang matinggita

Tojeng… tojeng-tojeng karaeng

Inakke mine karaeng ata mattojeng-tojengta
Appau mamaki karaeng naikambe mappa’jari
Anjo’jo’mamaki karaeng naikambe mappa’rupa

Tojeng… tojeng-tojeng karaeng

Inai-nai mami sallang karaeng
Lampa teteki riada’
lampa onjokki ri kontu tojeng
Kupannepokangi sallang balembeng ri barugaya

Tojeng… tojeng-tojeng karaeng

Ikattemi antu karaeng
Minasa allo banngiku
panrannuang masungguku
Ikatte anging karaeng naikambe leko’ kayu
Ammirikko anging namarunang leko’ kayu
Ikatte je’ne karaeng naikambe batang mammayu
Solongko je’ne namammayu batang kayu
Ikatte jarung karaeng na ikambe bannang panjai’
Anta’leko jarung namamminawang bannang panjai’

Tojeng… tojeng-tojeng karaeng

Punna sallang takammaya aruku ridallekanta
Pangkai jerakku tinraki bate onjokku
Pauangi ana’ riboko pasangi ana’ tanjari
Tumakkanayya karaeng tana rupai janjinna
Dasi na dasi nakitarimai panngaruku
***

ARU TUBARANI III

Cini-cini mami sallang karaeng
Buleng-bulengna mangasa
Jangang tani pakkurua
Bukkuru’ tani kadoa

Iya-iyannamo sallang karaeng

Rewanngang na inakke
Tampa tetea ri ada’
Kupolong tallu pokeku attannga parang
Kupolong appaki selekku a’bangkeng romang

Iya-iyanamo sallang karaeng

Rewanngang na inakke
Iya-iyannamo sallang karaeng
Baraniyanngang na inakke
Sekre lipa’ kuruwai warakkanna Parangtambung
Sekre lipa’ kuruwai timboranna Bulussari

Nani cini bura’nena bura’neya

Tanrinna tau lolowa
Dampenna ana’ raraya
Tena jail kawang tana katto
Benteng tannga tana ambi’
Tena todong bili’ tanna pantamai

Kamma tommama sallang karaeng

Layang-layang nionjong attannga parang
Nari’bakkang ana’ ratite
Nalollong ana’ mariang
Nampa kukana sallang karaeng
Inakke minne buleng-bulengna Mangasa