BIBB3103 TEKNIK NUSUN DIKSIONARI

Langgur

 Orang ti nusun diksionari meseti nentuka tuju pengawa nusun diksionari nya ngambika
terang orang ti deka ngena diksionari nya
 Orang ti nusun diksionari meseti milih langkah rapat kereja ti besenutuk enggau tuju
diksionari diasilka
 Udah tembu, orang ti nusun diksionari meseti betalat sereta berandauka aspek
semantic diksionari ekajaku
 Udah pekara nya terang, orang ti nusun diksionari tau berengkah ngumpul kereban ti
diguna baka raban nusun, modal, computer enggau kereban ti bukai. nyendiaka entri,
reti, data korpus ti bisi ayat chunto enggau ti bukai

Tempa data korpus

 Dikena nempa data korpus, semina jaku ti kala dikena orang ti bejaku dalam
sesebengkah raban bansa aja ti patut dipasukka dalam pengkalan data.
 Data korpus tau ngembuan sumber tulis tauka jaku. Kereban tulis iya nya ari bup,
monograf, dokumen, keretas kerja, surat, jurnal enggau ti bukai.
 Tiap bansa wachana digerempung dalam supkorpus ti kediri.
 Raban nusun diksionari deka macha sumber tulis ke deka dipasukka dalam diksionari.
 Leka jaku disimpan dalam kad. Seleka jaku siti kad lalu kad nya tadi ditusun nitihka
rurun urup.
 Pengawa tu diatu dibantu ngena kereban computer.

Tisih enggau nerurun urup data

 Tembu ngempuruka data, orang ti nusun diksionari meseti ngaga tisih enggau
ngerurun urup data. Dalam tikas tu, tiap jaku ti dirikod deka ditusun nitihka urup.
 pengawa tu tau digaga sechara manual tauka ngena computer.
 Data tu deka disimpan dalam bank ngambika dikena nyadika kereban sanding dudi
hari.

Ngutun data

 Udah tembu nerurun tisih entri, orang ti nusun diksionari deka ngalih ngagai tikas ti
nangkanka nya iya nya nyerenih data. Dalam tikas tu, orang ti nusun diksionari meri
klasifikasyen data ti ditemu ngagai jaku baru, jaku belebih, jaku ti jarang
dikena(neologisme) enggau jaku ti bisi diubah reti.
 Jaku belebih deka dibuai ngena langkah rapat semantic enggau pragmatic, meri
dokumentasyen jaku neologisme lalu ngambi leka jaku baru enggau leka jaku ti diubah
reti ba tikas meri reti.
 Nangkanka nya, orang ti nusun deka muai leka jaku ti belebih, meri dokumentasyen
neologisme enggau ngambi leka jaku baru.
 Meri reti tu siti proses ti nerangka reti sesebengkah leka jaku. Orang ti nusun diksionari
tau ngena mayuh bengkah kereban sanding ti udah bisi baka daftar terminology
enggau ti bukai dikena ngiga sesebengkah leka jaku.
Meri reti enggau penerang reti

 Tikas meri reti enggau definisyen dikumbai tikas ti nentuka pengulih pemanah
diksionari ti diasilka. Beberapa iti informasyen ti meseti bisi dalam definisyen iya nya:
o Banding entara entri ti diberi takat enggau pejurai reti. Chunto, enti entri ti diberi
kelas jaku nama meseti dipejuraika reti iya dalam jaku nama
o Pejurai reti ti diberi dalam sesebengkah entri ulih diterangka enggau chunto
chara ngena ayat ti betatika reti entri nya tadi.
o Meri reti disukung informasyen enggau informasyen penerang definisyen.
o Semua bansa reti meseti dipasukka enti sema dikena orang ti beguna jaku
sekalika kereban sanding, denotasyen, konotasyen, jalai jaku, etb. (Arbak:36)
o Penyelai reti meseti dibidaka ari penyelai guna. Leka jaku deka bebida reti
maya diarika dua daftar ti bebida. (Arbak:37)
o Kaul reti mega ulih dipejuraika nengah guna sinonim enggau antonym ti ulih
ngembuan fungsyen nyadi elemen bantu ngagai orang ti beguna jaku ti enda
ulih meretika reti leka jaku nengah pemerian.