Pupuh Pucung
2. Eda ngapus
Mapi-mapi pradang masuk
Subane di jalan
Ngelingkungmengkeb nyelibsib
Singit kauh
Mulih bareng ajak timpal
Pupuh ginanti
3. Saking tuhu manah guru
Mituturin cening jani
Kaweruhe luir senjata
Ne dadi prabotan sai
Ka anggen ngaruruh merta
Seenun ceninge urip
Pupuh maskumambang
4. Mangkin kocap
Ida Sang Sarosapati
Prabu ring Erlanggya
Putran Sri Erlanggya Aji
Ring wengine manyumpena
Pupuh Sinom
5. Sinom anggén jumun têmbang,
nêmbangang “pitêkêt” puniki,
kêtusan karyan sang wikan,
kahatur ring truna-truni,
miwah para alit-alit,
dumadak kayunnya cumpu,
nêlêbang nganggo pangancan,
nyujur hidup mahutami,
lampah anut,
ring kêcap sastra agama