A.

MATERI PEMBELAJARAN
Nguningang daging gatra sane wenten ring wecana “Blabar”. Orti yening selehin ring
basa Indonesia kabaos Berita. Orti inggih punika saluirin gatra sane kapirengang,
kawacen sane madue tatuek mangda sang sane mirengang wikan ring dagingnyane.
Ngeninin indik gatra, wiakti akeh prasida ngamolihang saking makudang-kudang
sumberipun sakadi: radio, surat kabar, TV muah sane siosan.
Orti punika kekepah dados lelima, minakadi: Sesampun mirengang utawi ngewacen i
rage mangda prasida ngrereh unteng gatar sane anggen nepasin yening jagi ngrereh
unteng gatra, wenten uger-uger indik unteng gatra asapunika:
a. Unteng gatra wantah sarin-sarin gatra sane muputang wicara.
b. Sane kedadosang unteng gatra punika mangdane prasida ngwalinin daging gatra
sinamian.
c. Unteng gatra mangda prasida nuntun pangwacen/mirengan mangda ngresep ring
pekayunan sang sane nulis.

Mangda prasida ngresepang indik gatra i raga patut nemuang unteng gatra punika.
Unteng gatra punika maka pasaur ring pitaken inggih punika:

 Napi (apa) : Indik napi kawentenan punika?

 Sira (siapa) : Sapasira sane nglintangin indik kawentane punika?
 Ring dija (di mana) : Ring dija parindikan kawentenan punika?
 Daweg pidan (kapan) : Daweg pidan parindikane punika?
 Napi mawinan (mengapa): Napi mawinan kawentenan punika?
 Sapunapi (bagaimana) : Sapunapi kawentenane prasida wenten?

Orti di televisine :

Blabar

Manut laporan Bapak Muhamad Jaini, ring Lamongan Jawa sisi kangin, wenten
makudang-kudang desa keni blabar ageng, tegeh toyan nyane ngantos 2 meter. Makatah arta
brana wargane sane ical, kadulurin taler tanah ne katah sane embid tur longsor, pamekas ring
wewidangan Pancoran Mas sane pinih banget keni bencana punika. Para warga sami ngungsi
makarya tenda-tenda darurat ring jalan-jalan sane tan keni blabar, taler wenten sane ngungsi ring
masjid-mesjid. Ring Desa Lamongan wenten 100 tali hektar lintang carike sane keni foso (gagal
panen) antu kablabaran punika. Sane ngranayang blabar antuk uug (jebol) empelan Bangan Solo.
Bencana punika ngawinang wangun –wangunan umah, masjid, sekolah usak. Wewangunan
punika patut gelis kabecikan, santukan mederbe paiketan sane mabuat ring kauripan manusane.
Taler panyungkan sampun nyelusup ring para warga sakadi penyakit isfa, gatel, reumatik,
demam berdarah miwah sane tiosan.

Yening wilangan antuk jingah karugian sane kawetuang kirang langkung milyaran
rupiah. Ritepangan punika pemerintah sampun nguwehin wantuan sakadi sembako, obat-obatan.
Asapunika taler wantuan saking LSM marupa jinah lan pangan, mekadi: beras, gula, mie miwah
sane tiosan.

Orti Topik Siang ANTV

Jumat, 14 Maret 2018