Palajaran ke3 kato maniboan parundiangan kamakan nan

pendek Jilid 1
kapalo kato parundiangan
si pangka : Mamak ambo sutan sati bana ambo anta kahadapan mamak
sialek : laluan lah sutan

Sipangka : dibana nan ambo anta kehadapan mamak ,satantangan sambah

manyambah kito pulangkan kepada allah salawaik jo salam kepada rasullulah
malah jo caro parundiangan sajo mamak ambo jalang lai dalam adat kato nan
baitu mak
Sialek : dalam adat kato nan baitu sutan

Sipangka: dirundiangan nan ka ambo anta kahadapan mamak ma agak dimalam

samalam nan kok dimakasuik raso ka sampai di ama raso ka salamaik antah hariko
nan baiak antah kutiko ko nan elok hari nan baiak nan alah datang kutiko nan elok
nan alah tibo ,namun limbak nan daripado itu pandang jauah dilayangkan
pandang ampia ditukiakkan satantangan hidangan nan katangah aia talatak
minta diminum nasi tahidang minta dimakan ambiak lah aia basuah lah tangan
dininiak mamak sarato kito nan basamo kok pintak babari kandak bapalakuan
sagitu parundiangan nan ka ambo anta kahadapan mamak
Salek : lah sampai sutan
Si pangka: sakiro alah mak
Sialek : disabaan sutan jo mufakat (dipaiyoan suok jo kida sarato datuak yg hadir
dan urang nan tuo-tuo)
Sipangka: ambo nanti mak

Sialek : ma sutan
Sipangka : ambo mak

Si alek: sabalum kato ka bajawek himbau ka ba sauk i maaf ambo mintak sutan
Si pangka: kapada allah kito sarahan mak
Sialek: aiyo parundiangan sutan nan taanta sampai kahadapan ambo ma agak
dimalam samalam nan kok dimakasuik raso ka sampai di ama raso ka salamaik
antah hariko nan baiak antah kutiko ko nan elok hari nan baiak nan alah datang
kutiko nan elok nan alah tibo ,namun limbak nan daripado itu pandang jauah
dilayangkan pandang ampia ditukiakkan satantangan hidangan nan katangah aia
talatak minta diminum nasi tahidang minta dimakan ambiak lah aia basuah lah
tangan dininiak mamak sarato kito nan basamo kok pintak babari kandak
dipalakuan kan baiitu parundiangan sutan nan katangah
Sipangka : iyolah
Sialek : ma sutan ,aiyo parudiangan sutan nan taanta kahadapan ambo baundang
pituah dinan tuo alah basasak rumah nan gadang alah batingkek batingkok pulo
lah taracak dalam undang lah talingkuang dalam pusako tapi sungguah pun nan
baiitu kok diambo ka lamak siriah lega carano bulek aia kapambuluah bulek kato
jo mufakat ka ambo bao kato mufakat berenjeng kato jo baiyo kahadapan angku
nan tuo tuo niniak mamak karapatan sipaik mananti sutan sakotiko
Sipangka: lah sampai mamak
Sialek : sakiro alah sutan

Sipangka : ma mak
Sialek : ambo sutan

Sipangka : aiyo parundiangan ambo nan taanta kahadapan mamak kok dimamak
nan rimbun makanan tutuah kok kulik makanan kubak arati no bana mak ka
mamak bao ka kato mufakat berenjeng kato jo baiyo kahadapan angku nan tuo
tuo niniak mamak Karapatan sipaik mananti ambo sakutiko kan baiitu
parundiangan mamak nan katangah
Sialek : iyolah
Sipangka :asa lai pintak ka buliah kandak kabalaku basingkek sajo ambo nanti mak
Sialek : ambo bao kato baiyo sutan

Jawab magumbalikan parundiagan ka makan

Sialek : ma sutan
Sipangka : ambo mak

Sialek : dikumbalikan parundiangan

Sipangka : ambo tarimo mak

Sialek : aiyo parundiangan sutan nan ta anta sampai kahadapan ambo kok diambo
lah dapek kato nan sasuai dipaham nan saukua ka ateh lah dibao manigadah
kabawah lah dibao manakua suok jo kida lah lawan baiiyo allah ta alaa kayo
sungguah ateh buah bari baliau kapado ambo ,ambo sipaiak maanta kahdapan
sutan kok dipintak lai kadibari kok kandak lai ka dipalakuan baundang pituah
dinan tuo nak urang dibatusangka babelok jalan kapagaruyuang tutuah lah dari
pangka nak raok sampai ka ujuang sagitu parundiangan nan ka ambo anta
kahadapan sutan
Sipangka : lah sampai mak
Sialak : sakiro alah sutan

Sipangka : ma mak
Sialek : ambo sutan

Sipangka : aiyo parundiangan ambo nan ta anta sampai kahadapan mamak kok
dimamak lah dapek kato nan sasuai dipaham nan saukua ka ateh lah dibao
manigadah kabawah lah dibao manakua suok jo kida lah lawan baiiyo allah ta alaa
kayo sungguah ateh buah bari baliau kapado mamak ,mamak sipaiak maanta
kahdapan ambo kok dipintak lai kadibari kandak lai ka dipalakukan baundang
pituah dinan tuo nak urang dibatusangka babelok jalan kapagaruyuang tutuah lah
dari pangka nak raok sampai ka ujuang kan baiitu parundiangan mamak nan
katangah
Sialek : iyolah
Sipangka : dek karano nan dijuluak lah lareh nan dijapuik lah tabao samo samo
kito bismillahi sajo lah mak

Sialek :iyolah sutan ,antaro parundiangan kito baa sutan

Sipangka : kito barih bateh mak