Nyadi nitih ko ensera menya Apai Sali tu sigi orang ti rindu bendar nyumpit, tang hari siti iya

tak enda mukai mukai, enda nemu main, serta enda nemu mimpi dia iya tak bisi ati ka manjok burong laban ngasai kediri ti udah enda mujor nurun nyumpit sebedau nya laban ti tetengok bendar ka makai burong. Ensepi sida menyanak sehari nya tak nadai utai ke lauk dia iya lalu madah ngagai Enchelegit, madah kediri ka nurun manjok burong ba tisi umai sida iya ti kira ka sebatang ruku ari rumah sida. Iya meh leboh Apai Sali nyau datai ba tisi umai sida, dia iya gaga amat ati ninga burong tak nyau tachoh makai buah kara serta nyau bebesai dipeda iya berebut makai buah kara ti naka iya pengelebat. Apo! Tu baru iya, enggai nyadi enda bulih burong aku majok sehari tu. Nya baru rindu ngema burong ngemaioh nya di bai pulai. Nadai aku kala meda burong bengat ngemesai mesai serta ngemaioh maioh tu. ko iya bejako kediri berandau ngengali. !atai ba pun kara nya dia iya lalu nadai ati dua tiga, sigi lalu beguai guai berumban niki pun kara nya enggai kediri enda bulih manjok burong serta laban hari ke nyau udah tinggi.Iya pan lalu belaboh begaga ke amba ba sebelah dan kayu kara nya. "dah meh semua amba iya nya tembu digaga serta ditan iya, iya pan lalu beguai guai ga nurun nganti ba pun kara nya ngalih ari sepiak enggai kediri empu dipeda burong. Enda lama iya udah nguan ba pun kara nya dia iya lalu meda burong nyau bebital kena sintak amba panjok iya nya tadi. #ulih bendar semua panjok iya nya dipeda iya ari baroh pun kara ke alai iya nguan. Iya lalu beguai guai niki pun kara nya baru ka ngulih ka semua burong ke udah ulih panjok iya nya tadi. Apo besai amat burong tu ! Ah, kati ko aku ka mai sida tu lagi pulai $ %a aku munoh burong tu nangi ke iya tak buot. Eh, manah agi ti ditanchang ke ba ujong iko sirat, ngambi ke sida enda lepas serta agi idup dibai aku pulai. pia ko iya bejako kediri. Iya meh semua burong ke udah ulih amba panjok iya nya tadi ditangkap lalu beguai ga tudah Apai Sali nanchang ke burong nya ba ujong iko sirat iya empu. Enda lama bulih ga panjok siti, lalu ditanchang ke iya baka nya mega burong nya tadi ba ujong iko sirat iya. "dah meh nya semakin lama semakin bulih ga panjok Apai Sali tu tadi lalu iya pan lalu majak betanchang ke semua burong ke ulih iya ba ujong iko sirat laban ka mai burong nya pulai idup idup laban enggai ke burong nya mati lalu buot datai di rumah ke lauk sida menyanak. #ulih siti lalu berumpan ga iya empu enggau naka pengelengkas ke olih diri. Iya meh kira ke nyau ka

bulih lima puluh iko semua burong nya udah ditanchang ke iya ba ujong iko sirat iya ari mua enggau ari belakang. &alu semua burong nya pan nadai siko ga di bunoh iya, Nyau baka chiap pengerichah burong ngelinggi iya. #urong pan nyau majak maioh semaioh ke ulih tanchang iya ba ujong iko sirat bekelinggi ke tuboh iya. Naka iya pengerindu serta ransing iya sehari nya meda utai ulih diri. Tak enda mukai mukai sekumbang ke benong kiroh betanchang ke burong ba ujong iko sirat iya, dia Apai Sali tak kesal serta tekenyit ati. Nyepi tak berenyut dan kara ke alai iya duduk nya tadi ko dikumbai iya di gusak antu, nadai ga meda utai nyelai. Sepi iya tuboh iya tak nyau majak terangkat, berinyut ari dan kayu kara nya tadi. 'akin lama semakin tinggi ga asai tuboh iya nya tadi terangkat ari dan kara nya, nyau sampai ke iya nyau meda diri empu nyau udah ba atas puchok kara nya tadi. "dah nya iya nyau meda diri empu nyau bela peninggi enggau bukit ke ba tisi umai sida. Nya baru iya nemu diri empu udah ditaban ke semua burong ke ditanchang iya ba ujong iko sirat nya terebai ke langit kin. Nyau meh tudah Apai Sali nyepi tubuh diri empu nyau beribut terebai ba atas semua utai naka iya peninggi ninggi serta naka iya penakut laban nangi kediri empu ti laboh sigi mati. Eh ! Eh ! Apo ! Apo !. Nyau meh aku tu ditaban ke burong ke langit kin. #adu meh aku tu agi meda Sali seduai Enchelegit Tisi &angit, Enchelegi Tisi (ari ko Apai Sali bejako kediri enggau sabak sabak, sirut sirut laban ke takut serta ra)an meda peninggi diri empu udah terbai di bai burong. #urong ke naban ke iya pan lama agi tinggi agi ga penerbai, nyau tinggi setinggi. Nyau naka iya peninggi, rapas peda mata ari tanah, nyau bela enggau remang meh tudah Apai Sali ditaban ke burong terbai. 'akin lama selama dia enda mukai mukai tali ke kena Apai Sali nanchang burong nya pan nyau majak keru serta lalu putus laban ti enda tan. #urong pan lalu nyau siko siko ngelepas kediri ari ti ditanchang iya ba ujong iko sirat nya. Enda lama lalu lepas ga siko, lepas ga siko, lalu majak lepas, lepas, lepas, selepas meh semua burong ke udah ulih iya nya tadi. Tudah Apai Sali ke terbai ditaban ke burong pan nyau semakin lama agi semakin baroh sebaroh ga penerbai laban burong nyau semakin abis seabis ngelepas kediri. Iya pan nyau majak takut serta temati kutu nadai agi runding laban nemu diri sigi mati ti laboh terengkah ditanah. %ira ka meh nyau ka sepuloh iko da kini burong nya ke agi bedau ba tanchang iko sirat iya. Apai Sali pan lalu laboh enda nyalah nyalah baka punggu ke laboh ari puchok kayu. Nyau semerap meh munyi iya ti laboh nya tadi, dia tudah Apai Sali bisi bedemoh enda lama laban ti luput tegal ti laboh.

Nyadi pengelaboh Apai Sali tu tadi seninjik bendar tak terengkah ba tanju sida %eling *erasi Nading, #ujang #erani %empang, #ebini 'aioh +ambang di menua ,anggau &ibau &endat !ibiau Takang Isang. !op ! ko munyi Apai Sali laboh. Eh, nama nya tak Apai Sali ke laboh ari langit, pia ko Indai %eling, ke benong nganchau padi ba tanju sida. Au ! Aku meh tu ti ditaban ke burong terbai ari puchok kara ke ba tisi umai kami, ko iya madah ke cherita diri. Nama kebuah burong tau tak ulih naban ke nuan deh !om $ pia ko Indai %eling. #adu enda meh. Nyadi aku tadi manjok lalu bulih burong maioh amat. %a ati aku munoh tang takut ke iya buot ti datai di rumah. "dah nya semua burong ke udah ulih aku tadi lalu ditanchang aku ba ujong iko sirat. Iya meh burong nya nyau kelalu maioh, sida pan lalu ulih naban ke aku terbai ka langit kin. Iya meh nyau lama kelama udah terbai dia tali ke dikena aku nanchang burong nya pan nyau putus seputus lalu burong pan nyau lepas selepas. Aku pan lalu laboh gab a tanju kita tu, pia ko iya nusoi cherita diri empu ke majok sehari nya. Nasip nuan laboh ba tanju kami ditu. "ji enti nuan tak laboh di ai tasik tauka ba tengah kampong, nya baru nuan parai, pia ko orang maioh bejako enggau iya. Semua orang ,anggau &ibau sekayu rumah nya pan lalu keta)a maggang maggang meda pemeli serta ninga cherita Apai Sali nya tadi. "dah nya iya lalu diasoh sida %eling sebilik tama ke rumah, lalu dudok ba ruai sida %eling berandau enggau orang maioh ke bisi nungga iya dia. Enda lama udah dudok ba ruai nya alai %umang bini %eling lalu nganggau ke sida bebai makai ke bilik. 'akai kitai aya, Au ! Aram meh makai. &apar bendar perut tu, pia ko Apai Sali nyaut %umang. Semua sida ke dia lalu tama ke bilik maggang maggang. Nyadi leboh ke makai nya, dia sida %eling nadai utai bukai ke lauk, tak semina daun subong aja. Iya meh baru ka nyengkau lauk Apai Sali tak enda mukai mukai mangkok lauk ke ka di kauk iya nya tadi tak lalu siuh nanjah pah iya ke benong duduk besila ke ka berengkah makai. Akai apai, akai indai ! Nyin langit tu tanah ,edis amat pah aku tu laban betu, pia ko iya ti benong

nyau ngerising neritik ai mata nat ka pemedis laban betu. -rang ke enggau iya betungga makai dia pan lalu beguai ga mukong pah iya nya tadi enggau garam. Nyau tachoh sida %eling serumah begau jamah Apai Sali nya tadi serta lalu enda nyadi makai laban ti tembu begau ke iya ti balat betu. %ira dua tiga hari udah nya, betu pah Apai Sali pan nyau majak balat bendar. Semua abi betu nya pan nyau majak luloh serta ngeliti kulit, nyau chinang chinang merah serta meletur. %a ati tudah Apai Sali tu pulai tang enggai ga nyadi di bai iya bejalai. Nyau enda alah tat ke iya agi nyepi diri empu udah lama ninggal ke rumah, iya pan lalu madah kediri ka pulai ngagai sida %eling. -h ! Akan %eling ! Aku tu nyau ka pulai, tang meh enda dapat bejalai. Arap ke kita meh ulih nganjong aku lagi, pia ko iya Enti nuan tak enda dapat bejalai, lak ke kami meh nganjong nuan pulai lagi aya, pia ko %eling nyaut iya. "dah nya Apai Sali pan lalu dianjong sida %eling mulai kediri ngagai rumah sida. Nyadi %eling ke nganjong iya nya tadi nadai chara bukai laban iya ti enda tau bejalai ka pan enda lalu di ma %eling ga iya ba belakang. #edau lama udah %eling ti ngema iya, dia iya lalu madah kediri empu pedis bendar ga pah ti betu nya. Akai rai ! Enggai aku di ma baka tu, pedis bendar pah aku tu ti betu. "ji bai ma pakap engka nyamai agi jangka aku, ko iya madah ngagai %eling. Nadai ma bukai nya aya, sigi ma pakap meh baka tu. %ati ko ma pakap ko nuan deh aya, ko %eling nimbal iya. 'a sida %eling meh tudah Apai Sali tu tadi, nama nya diberap, nama nya di ma, nama nya di san meh iya nya tadi sepemanjai jalai ti pulai ke rumah. Nyadi tudah Apai Sali ke dianjong sida %eling nya tadi tak naka iya pengaga lalu tuchum keta)a kediri empu ti naka iya penyamai dianjong orang pulai ari ,anggau &ibau udah ti betu pah serta laboh ba tanju sida %eling. Iya meh kira penumbas iya dia Apai Sali lalu mai ngetu laban madah ke pah iya nyau majak pedis sepedis. Akai indai ! Akai apai ! Enggai nyadi di ma kita asai tu, tak naka iya pemedis pah aku tu. Enggai aku tu nyadi di ma pakap asai tu, pia ko Apai Sali ti nyau kutap kutap majak ngumbai nya ukai ma pakap munyi ko ati iya.

Nyadi orang ke nangjong iya nya nyau nadai penemu serta jako agi. Nyau puas sida ninga iya itok serta kutap kutap sepemanjai jalai ke pulai nya nyebut, ma pakap. Sida pan nyau naka iya pengelelak besilih ngema iya serta ikak laban panas. %eling pan nyau pedis ati ninga iya ti itok ka minta ma pakap munyi ko iya, lalu nyintak duku iya serta ngetas randau temedu ke ba tisi jalai ke alai sida ngetu laban ninga Apai Sali ke nyau rauh rauh madah kediri pedis. %eling lalu ngambi randau nyau lalu nanchang Apai Sali. Sintak iya enggau randau ba punggung lalu di ma iya pela)ik ke belakang, enda peduli ka Apai Sali ka tauka enggai laban ti udah pedis ati ke iya ti udu meraya ba sida ti ka nganjong iya pulai. Akai . Akai ! &apa kita tak ka munoh aku ! ,edis bendar aku tu dipasong kita baka tu ! 'ati aku tu ! &epas ka aku tu ! "ji ba ma engok ba bau kita nya baru nyamai agi, pia ko iya rauh rauh minta kasih ari sida %eling sambil ati Apai Sali tu sigi ka beduan sida %eling ke nganjong iya pulai. Ninga iya munyi nya %eling lalu muka tanchang temedu nya ari tubuh iya. Apai Sali pan nyau bebelat bebaring ari tuchong bukit ba tisi umai sida. %eling lalu mutap serta ngeransi. %ami tu tak di tundi nuan serta di kemeli. 'akin kami udah manah ka nganjong nuan pulai, nuan tak ngambi peluang ka beduan kami. Agi ga nuan tak semina nemu nganu kami sepemanjai jalai tu. Nadai kami tu ulih nganjong nuan agi lalu nemu bansa ma ke ka nuan nya, pia ko %eling. Tudah Apai Sali pan nyau gisai gisai nat kediri empu udah bekau ti bebelat bebaring ari tuchong bukit. Tubuh iya nyau abis rajai laban duri enggau babas. #etu bap ah iya nya pan nyau abis bedarah bai tepangka ba batu. Iya pan lalu mupok mulai kediri betungkat serta bekelansat ngagai rumah sida laban sida %eling nyau enggai nganjong iya agi.