Nama : Ni Luh Gede Gina Wulan Sari

NIM : 10.1.1.7.1.3658
Prodi/smt : Pendidikan Bahasa Bali/VI
Kelas :B

BEBAOSAN PANGENTER BAOS

WALI WARSA SEKAA DAA TERUNA DHARMA WIWEKA KAPING 5

PERUMAHAN CEPAKA MAS DALUNG

Ida dane sareng sami titiang nunas uratian druene riantukan acara sajeroning nyanggra wali
warsa Sekaa Daa Teruna Dharma Wiweka kaping 5 Perumahan Cepaka Mas ring rahina
Saniscara Pahing wuku Kulantir tanggal masehi 11 Juni 2005 jagi kakawitin. Ngiring sareng
sami nyakupang kara kalih sapisanan nunas pasuecan Hyang Widhi Wasa mangda iraga
sareng sami ngamangguhang kerahayuan malarapan antuk nguncarang panganjali umat Om
Swastyastu.

Pinih riin majeng ring Kepala Desa Dalung sane dahat wangiang titiang.

Majeng ring Bendesa Adat miwah Kelian Dinas Perumahan Cepaka Mas sane dahat
kusumayang titiang.

Ida dane para undangan sane nenten prasida antuk titiang nyarca siki-siki sane kusumayang
titiang.

Asapunika taler majeng ring Ida dane para semeton Perumahan Cepaka Mas miwah para
angga Sekaa Daa Teruna Dharma Wiweka sane tresna sihin titiang.

Sane mangkin lugrayang titiang ngaturang rasa angayubagia majeng ring Hyang
Widhi Wasa riantukan sangkaning sih pasuecan Ida, titiang asapunika taler Ida dane sinareng
sami prasida mapangguh ring galahe sane becik puniki. Nenten lali titiang ngaturang swasti
prapta saha matur suksma riantukan Ida dane sampun prasida tur ledang rauh ring
parikramene puniki. Mungguing dudonan acara ring rahina sane mangkin, inggih punika:

1. Sesolahan Sekar Jagat

2. Nembangang lagu Indonesia Raya
3. Ngeningang citta
4. Atur piunung Ketua Sekaa Daa Teruna Dharma Wiweka Perumahan Cepaka Mas
5. Sambrama wacana Kepala Desa Dalung Perumahan Cepaka Mas
6. Sambrama wacana Kelian Dinas Perumahan Cepaka Mas
7. Acara hiburan, minakadi: sesolahan Oleg Tamulilingan, lagu pop Bali, modern dance,
joged miwah tembang manis saking group band KISS.

1
 Pinaka panyembrama, katurang sasolahan Sekar Jagat. Para pragina miwah penabuh
inggih durusang!

............................................... Sasolahan Sekar Jagat ................................................................

Para Undangan sane kusumayang titiang

Asapunika iwawu sasolahan Sekar Jagat pinaka pamungkah acara. Sane mangkin
lanturang titiang antuk acara Nembangang Lagu Indonesia Raya. Titiang nunas kaledangan
Ida dane mangda ngadeg riin ajebos! Sang sane ngenterang lagu inggih rarisang!

............................................... Lagu Indonesia Raya ..................................................................

Sane mangkin kalanturang antuk Ngeningang Citta utawi Mengheningkan Cipta.

Antuk asapunika titiang nunas majeng ring Kepala Desa Dalung ngenterang acarane puniki.
Majeng ring Kepala Desa Dalung durusang!

............................................... Ngeningang Citta ........................................................................

Ida dane para semeton sane tresna sihin titiang

Sane mangkin durusang malinggih malih! Parikrama selanturnyane inggih punika atur
piuning saking manggala karya. Dane pamucuk karya inggih punika Ketua Sekaa Daa Teruna
Dharma Wiweka Perumahan Cepaka Mas, durusang titiang!

............................................... Atur Piuning Manggala Karya ...................................................

Para semeton sane kusumayang titiang

Parikrama selanturnyane inggih punika sambrama wacana saking Kepala Desa

Dalung. Antuk punika majeng ring Kepala Desa Dalung inggih durusang!

............................................... Sambrama Wacana Kepala Desa Dalung ..................................

Matur suksma titiang majeng ring Kepala Desa Dalung. Mangkin iring titiang Ida dane
sinareng sami mirengang sambrama wacana saking Kelian Dinas Perumahan Cepaka Mas.
Majeng ring Kelian Dinas Perumahan Cepaka Mas, inggih rarisang!

..................................... Sambrama Wacana Kelian Dinas Perumahan Cepaka Mas ............... .

Para undangan miwah para semeton sane wangiang titiang

Sampun suwe Ida dane iring titiang nyarengin parikramane iwawu, mangkin sampun
panemaya jagi iring titiang Ida dane miarsayang parikrama kaping untat marupa panglila cita
utawi acara hiburan.

 Kapertama katurang sasolahan Oleg Tamulilingan saking sekaa daa teruna

druene. Majeng ring pragina miwah penabuh, inggih durusang!
 Kaping kalih ngiring piarsayang Lagu Pop Bali sane katembangang olih
Anggita Putri sane mamurda Putu Locong, inggih rarisang!

2
  Inggih punika iwawu tembang manis saking Anggita Putri. Sane mangkin
kalanturang antuk dance saking group dance Solar Wind, majeng ring para
dencer, durusang!
 Acara selanturnyane inggih punika sasolahan joged saking para daa druene.
Majeng ring para pragina miwah penabuh, rarisang!
 Nglantur mangkin ring panglila cita kaping ungkur marupa group band KISS

Ida dane sinareng sami, wantah rauh iriki titiang prasida ngenterang parikramane
puniki. Yening wenten atur titiang miwah paripolah sane nenten manut ring arsa Ida dane
sinareng sami, titiang nunas geng rena sinampura. Pinaka pamuput atur, titiang nagturang
parama santih

Om Santih, Santih, Santih, Om