SYALOM….

HORAS MA BATTA HAGANUPAN

Hanami han sektor 2 laho padaskon turi-turian pasal pardas ni ambilan na madear hu tanoh
simlungun.
Bani tanggal 23 oktober 1902, Pdt. Agust Theis I paborhat RMG aima sada lembaga I
barmen jerman, dokah ni pardalanan agust theis laho hu sumatera merbulan bulan do.
Ija, tujuan ni aima laho mamboan sada sura-sura, laho maboan ambilan namadear. Dob
ai, kapal na mamboan agust theis das I padang, dop kossi ai itaruhkon ma ia hu sigumpar janah
hanjai ma ia hu pematang raya, janah tading do ia iraya piga-piga ari.
Bani tanggal 2 september 1903 irik ma ijai homa ipadas I tongah tongah ni halak
simalungun sada ayat aima, na I buat ha bani johannes 4;35, nini ma; mangkawah ma
hanima,tonggor hanima ma juma in, domma gorsing, boi ma sabion.
Janah bani panorang ai pargoluhan halak simalungun ibagas na kahou ope,
Pargoluhan halak simalungun paima das ambilan na madear
Paruhuran ni halak simalungun on, parrayoh, parbiar, situlluk mata ni horbo bani sada
sada horja, hurang do homa gogohni makkorja janah marosuh salahak ni i harangan ibaen
halani lang lassei tapi songon na lambat makkorja.
Dop kossi ai, na gabe mata ni horja halak simalungun aima marjuma, aipe marjuma
ibagas adat ni huta do, misal ni marpariama, marombbou hu juma ni hasoman, somal do diri
makkorja hujuma ni , janah hasoman pe roh doh homa hujuma diri makkorja, aido hasomalon
ni anggo i huta sapari.
Parinangon pakon anak boru bani bot ni ari somal do sidea martonun laho padear hon
piga-piga hiou, janah namaposo irik homa manduda omei ibagas losung ni huta.
Hasusuran partuanon i anggap ma ai Naibata na taridah, aido ase aha pe keputusan ni
partuanon lang boi lang i balosi. Partuanon domma somal marbinuat lobih hun bani sada.
Dop ai, ginoppar ni jabolon aima niombah na mappar appar, lang marbapa lang
marinang, janah i taban do halani talu ia . halak namanadikkon tuan ni sip-sip hape tartakkap
do ujung ni, aima halani lang igalar utang ni ibagas parjudian, Janah jabolon on tarikat do
goluh ni ibaen pitah bani Raja dassa ia mangaduadu, aima ase i botoh hita ganup pargulohan
jabolom na sapari.
Nasapari pe porsaya bani hagogohan ni datu,anggo boritan martambar hu datu,
manukkun rosuh ni uhur hu bani datu,sihol parsedahon halak pe manjalo gogoh ni datu do.
Janah porsaya bani hagogohon ni partadingan ni oppung ondi na ianggap sakti tumang
Pakon porsaya bani tabas-tabas naboi ipakei bani pargulohan.
Bani pargulohan sapari gati do adong si aran bani parinangon pakon anak boru.
Halani aima gabe mamuji pakon marsombah bani hayu na baggal,hu bah banggal,hu
dolog pakon bani batu na baggal.
Paima roh ambilan na madear hu tanoh simalungun bani 2 september 1903, halak
simalungun totap do tading ipudi, bani haganup hagoluhan pakon hasombuhan,halani lang
adong sikkolah,lang do juma janah lang adong partambaran.
Dop kossi masuk ma ambilan namadear hu tanoh simalungun, bani tanggal 2 september
1903 na mamboan ambilan na madear hu tanoh simalungun aima Pdt. Agust Theis hun RMG-
Jerman hu pematang raya.
Domu hujai, ibagas mambaritaho ambilan na madear ia padearhon parsikolahan pakon
rumah sakit. Mukkah ni aima ma halak simalungun laho odor marsikkolah pakon mandapotkon
partambaran.
Agust theis padohorhon diri bani partuanon ase boi marsahapi pakon halak simalungun
janah manambari halak na boritan Pakon mangajari niombah
Irik homa parinangon i ajari parinangonni Agus Theis manjait pakon mambasa bani
borngin ni ari anjaha piga-piga halak simalungun ra manjalo ambilan na madear pakon ra
tardidi gabe halak kristen.
Jadi, ambilan na madear saud do ai gabe hitei, laho papentarhon pakon pabayakkon
halak simalungun, janah hasil ni aima martambah ma sikkolah,martambah ma hasil suan-
suanan janah ro jenges ni homa ianan partambaran.
Sonai ma turi turian pasal hagulohan ni halak simalungun, bani pardas ni ambilan na madear
hu tanoh simalungun.

Marolob olob ma hita gkps

Aima ibagas malas ni uhur
On ma turi turian namajenges
Hun bannami sektor dua nabujur

Diatetupa..syalom..horas!!!