EVANGGELIUM : PSALMEN 139 : 17 – 24 TEMA : NDANG ADONG NA BUNI DI ADOPAN NI DEBATA PATUJOLO SHALOM DAMANG/DAINANG NA HINAHOLONGAN. Surat Psalmen 139 on, ima surat na binahen ni Raja Daud, na martangiang ibana mangido pangurupion tu Debata, maralohon angka musuna. Jala molo hita bereng sian ayat 1, patar do disi dibahen, ditanda Debata do raja Daud, jala diboto Debata do ima na adong dibagasan roha ni raja Daud. Ido umbahen dibahen raja Daud asa sulingkit ma rohangku jala uji ma ahu ale Debata (Ayat 23), boasa pola didok raja Daud songoni tu Debata? Ala diboto raja Daud do, holan Debata do na umboto rohana, ido umbahen na mangido pangurupion ibana tu Debata. HATORANGAN NI TURPUK Adong do sada barita mardongan poda, adong ma sahalak baoa, na margoar si Roni, si Roni on adong do angina ima na margoar si Reni, si Roni dohot si reni on, tinggal di jolo ni Oppung na. Jadi di sada tingki dilehon oppung na on ma tu si Roni ketapel, jadi dung dilehon ketapel on, tung mancai las ma rohani si Roni on, las I do dipakke si Roni on marmeam huhut martembak tembak, disada tingki di ketapel di Roni on ma manuk ni Oppung na laos mate manuk na on, hape na ditingki ditembak si roni on manuk ni oppung na on, dibereng anggi na ima si Reni, laos diancam ma si Roni on didok Si Reni ma tu ibana, molo naeng ho bebas sian salahmu, olo I ma pangidoanku ninna si Reni on ma tu si Roni, ujung na Alani biar ni si Roni tu oppung na, di oloi ma hata ni anggina I, jadi si Roni ma makarejoi karejo ni si Reni, ima manucci piring, manapu jabu, bahkan mangaloppa, jadi ala sai jot jot do songoni pambahenan ni si Reni on tu si Roni, dihilala roha ni si Roni ma ndang tingkos be sai lalap ibana loja mangkarejohon i. di jumpangi si Roni ma oppung na, laos didok ma tu oppung na, naung adong salahna, ima na manembak manuk ni oppungna sampe mate, hape sasintongna diboto oppung na do kejadian na ditembak si Roni manuk ni oppung na I, ai diida oppung na do, alai oppung na dipaima do rupani, pengakuan salah sian Roni, jadi dung didok si Roni ma songoni jala dimaafhon oppung na do ibana, mancai las ma rohana, jala dang be ibana mangkarejoi ima na nidok ni si Reni. Damang/ Dainang na hinaholongan Aha ma lapatanni sarita i? artina, songon dia pe na hita ula, na denggan manang na jat, nunga diboto Debata aha na dirohanta i. jadi dang pola mabiar hita mangakui hasalahanta tu Debata, jala dang pola mabiar hita mangulahon na denggan, ai nunga diboto Debata rohanta jala nunga adong upahta sian angka na hita ula. Dos do tong maralohon angka jolma na mardua rupa, ima na nidokna musuh dalam selimut, unang mabiar, hatindangkon ma na sintong i. urupan ni Debata do hita patupahon i. Jadi marhite turpuk ni jamita on, na naeng sipahusoronta ima : 1. Ndang adong na buni pambahenanta Tung songon dia malonta pabunihon aha na adong di rohanta, jala tung songon dia malonta pabunihon pambahenanta na jat sian dongan jolma, alai molo di adopan ni Debata dang adong na buni. Jadi songoni do tong na binahen ni dongan jolma di hita, tung songon di ape malo ni dongan ta I manabunihon hatana na paroa roahon hita, anggo Debata diboto doi saluhutna jala nunga adong upah sian I sude. 2. Hita na porsea di Debata ingkon barani do hita mandok Sulingkit ma ahu jala uji ma ahu (ayat 23), lapatanna disi, Debata siboto roha dang bahenona hita madabu tu jolma na salah, jala molo porsea do hita tu Debata urupanna do hita di hagaleonta, jala pamonangonna do hita sian angka musunta. Dos do songon turpuk on, di na mangido raja Daud tu Debata ala diboto raja Daud do Debata si boto roha jala diboto do sude pangalahonta di ngolunta. Jadi ingkon Manahan do hita diangka ujian ni kehidupan, ai urupanNa do hita. 3. Marhite Tuhanta Jesus Kristus sipalua I, tapasiding ma angka na jat. Lapatanna dang adong na buni di adopan ni Debata tung songon dia pe rara ni dosanta, nunga be ditobus angka dosanta I marhite Tuhanta Jesus Kristus. Jala tung songon dia pe burjunta dingolunta on, nunga adong be upahta, jala upahta I, di lehon doi marhite asi ni roha ni na pinatupa ni Tuhanta Jesus, ima marhite hite haluaon ta. IMPOLA/HASIMPULAN Molo di zaman saonari jolma mabiar tu CCTV ala tarboto pambahenanna alai sasintongna Debata lobi sian CCTV. Alana molo CCTV boi di segai alai molo Debata dang adong na buni jala sega. Ta ulahon ma na denggan I, ta pasiding ma na jat. Molo adong dope di hita na so manghilala basa basa ni Tuhan di ngoluna, bertobat! Unang adong diantara hita na mandok songoni, ai adong do Tuhan I, na sai tongtong mandongani hita, jala diboto do hagaleonta, diboto do hahuranganta, jala di tanda do hita, sian mulai di bortian ni inang ta pe, nunga di tanda Debata hita, laos nunga diboto Debata aha do pangidoanta, jala aha do naeng ulahononta, jadi hot ma hita mangulahon angka na denggan I, asa tongtong hita di dalan na tigor na tinudu ni Debata. Amen