TUHAN MEMBERI BERKAT UNTUK BERBAGI”

(Odon, Robert, Ericc, Masuk ke panggung pentasan Sambil Berbicang – Bincang Tentang Kenikmatan
Dunia ini)
Odon : Tamang, katong hidop di dunia ni, jang talalu pikir susah,,,,, samua serba ada. Ale dong
mau pikir apa lai?
Robert : Ha ... Ha ... Ha ... Odon apa yang ale bilang tu batul, jang talalu pikir susah. Katong harus
pegang prinsip. Beta pung papa deng mama pung uang banya. Jadi Beta Tinggal Nikmati
saja….. Puikir susah, lalu Nanti Mati Muda-muda…
Eric : Roberth, Odon, ale dong jang talalu banya bicara, bagini mari katong pi cari kesenagan di
tampa
laeng....
Robert : Oh ... io tamang, Mari Katong pigi….
Odon : Kalau bagitu katong pigi sakarang (Odon, Robert, Eric, keluar tinggalkan panggung
pentasan).

(dua orang anak kecil: Jon & Gama; berjalan masuk panggung pentasan dengan akting,
sementara memulung sampah (gelas Aqua)
Jon : Gama, ale pung gelas aQua su berapa kilo?
Gama : Jon, beta pung su 10 kg, tapi beta harus cari lebih banya lai, barang beta papa ada sakit
deng katong seng ada uang for bawa ontua di rumah sakit.
Jon : Kalau begitu ale ambel beta punya ni lai jua, lalu tamba ale punya itu, supaya jual lalu bawa
ale pung papa di rumah sakit. (sementara Jon dan Gama lagi berbicara, tiba-tiba datanglah
Odon, Robert, dan Erick dengan wajah yang sudah dirasuki oleh minuman keras.
Eric : Woe pemulung sampah (sementara membuang hasil pencarian Jon dan Gama) kamong
dua biking apa di sini?
Gama : Om, beta dengan Jon ada cari gelas aQua for mau jual barang beta papa ada sakit
Jon : Ia om ... (Akting menangis karena takut) katong cari for mau jual. Barang dia papa ada sakit
Odon : Mau sakit ka ... mati ka ... katong seng pusing, sekarang angkat kaki lalu bajalang
pulang ka kamong dua punya rumah
Robert : Dasar orang miskin ....
(Jon dan Gama berjalan pulang menuju rumah mereka (keluar dari panggung pentasan)
tiba-tiba tiga orang pemuda-pemudi (Mario, Nancy, Essy) masuk panggung pentasan dan
ketemu Jon dan Gama sementara pulang menuju rumahnya, namun dihalang oleh mereka
bertiga untuk jangan pulang).
Mario : Ade kenapa dong dua manangis ......?
Jon : Om, katong ada pili gelas aQua for jual, ada om tiga orang dong su mabo, lalu dong buang
katong pung gelas aQua.
Nancy : Kalau begitu mari katong pigi for dong
Jess : Sio kasiang, orang-orang nih. Ana-ana deng susah paya cari uang for biaya dong punya
hidup, karna musti bikin kaya gini.(sementara menuju tiga orang itu)
Gama : (akting menangis) Om dong ada itu.
Mario : Odon, Robert, Eric. Ale dong kanapa bikin ana dua ini.
Eric : Barang kanapa?
Jess : Ini kan, ini kan dong dua ada mancari for biaya dong punya hidup.
Robert : Woe jang ale dong jang bikin diri sama nabi-nabi yang selalu nasihat orang
laeng.
Odon : Barangkat dari katong pung dalam muka. Bosan lia kamong.
(lampu-lampu dimatikan, dan narator menyerupai suara Tuhan).
Suara Tuhan: Hai kau anak-anak muda, jangan kamu terlalu hidup dengan segala keegoisan,
kesombongan, sebab hal itu akan sia-sia. Sekarang sudah saatnya engkau merubah
segala tingkah hidupmu yang selalu mementingkan diri sendiri, dengan sebuah sikap saling
berbagi kehidupan ini dengan sesamamu.
Nancy : Mari tamang-tamang katong harus sadar akan kehidupan yang Tuhan kasih for katong,
jang katong sombong, jang katong andalkan orang tua punya kekayaan. Labe-labe ale
dong pung kekayaan itu bage akang for orang yang butuhkan akang, lebih khusus Jon dan
Gama ini.
Jess : Tamang-tamang ale dong dengar apa yang Nancy bilang itu, deng ale dong sadari apa
yang sudah ale dong buat for ana kecil dua ini. Sebab Tuhan menciptakan katong samua
sama, mau miskin ka kaya samua sama.
Robert : Tuhan, katong minta maaf deng samua yang katong su biking for ana dua kacil ini. Katong
tau katong su salah (Odon, Robert, Eric, minta maaf pada Jon dan Gama.

(Semua berbanjar dan perlahan-lahan berlutut meminta maaf for Tuhan dengan apa yang selama ini dong
su bikin di dunia ini (menyanyi lagu yang ada maknanya tentang mengampuni dan berbagi)