LAPORAN

HASIL WAWANCARA
“BAIMAN, BAUNTUNG, BATUAH”

Diajukan Untuk Memenuhi Tugas Mata Kuliah Dasar-Dasar Pendidikan Moral

Dosen : Dr. H. Sarbaini, M.Pd.

Oleh:

ARIANI
(A1A213071)

PROGRAM STUDI PENDIDIKAN PANCASILA DAN KEWARGANEGARAAN

FAKULTAS KEGURUAN DAN ILMU PENDIDIKAN
UNIVERSITAS LAMBUNG MANGKURAT
BANJARMASIN
2014
 DAFTAR PERTAKUNAN

1. Napanya arti Baiman, Bauntung, Batuah ?

2. Gasan napa Baiman, Bauntung, Batuah ?

3. Napa apa haja jadi orang tu disambat Baiman, Bauntung, Batuah ?

4. Kiyapa caranya supaya kawa Baiman, Bauntung, Batuah ?

5. Kiyapa cara malihat urang nang Baiman, Bauntung, Batuah ?

1.

1
 HASIL WAWANCARA

1. Narasumber : Aspul Anwar

Umur : 56 tahun
Gawian : Petani / Bakabun gatah / manurih
Alamat : Ds. Wirang RT.06 Kec. Haruai Kab. Tabalong
4 Baiman ngintu artinya baryakinan lawan Allah Ta’ala. Iman ngintu pakaiannya
ialah taqwa, perbuatannya adalah malu, buahnya adalah Ilmu. Bauntung ngintu
bararti mandapat razaki nang luas lawan mandapat sagala kalabihan dari
Tuhan. Batuah ngintu ilmu kawa dimanfaatkan kapada urang lain, rahmat nang
barkalabihan tadi kawa mambari ka urang, Jaka bangsa wadai sabuting kawa
dibariakan ka urang, Jaka bangsa jadi pagawai saumpama guru lalu malajari
anak murid,nah artinya batuah ilmu kita tadi.
4 Baiman, Bauntung, Batuah gasan nya ngintu adalah mambantuk pribadi nang
baik. Manusia tu lihat ha mun bapribadi nang baik pasti baiman.
4 Orang ngintu disambat baiman, bauntung, batuah mun baisi malu. Bila urang tu
kada baisi malu, kada tahu supan bararti kada baiman ngarannya.
4 Caranya harus jadi urang bailmu. Ilmu ngintu adalah sabagai rim. Nang kaini
nang kada baik, ada rimnya, oh...dilarang, rimnya ada. Pabila kadida rimnya ya
jar urang “tunggang tarus suutt, ya maranjah ka kayu”. Orang bailmu adalah
rimnya ada, oh ini kada boleh, nang ini boleh. Ilmu itulah rimnya.
4 Urang baiman, bauntung, batuah tu dilihati dari inya baisi malu, tahu supan
han.

2. Narasumber : Masriah
Umur : 55 tahun
Gawian : Petani / Bakabun gatah / manurih
Alamat : Ds. Wirang RT.06 Kec. Haruai Kab. Tabalong
4 Baiman tu barkayakinan, urang alim tu ya baisi iman. Bauntung tu mandapat
kauntungan nang balimpah, barkalabihan, malabihi daripada kauntungan nang
banyak, malabihi mudal misalnya mudal ngini saimbir ngintu kaina dapat
sapuluh imbir. Batuah tu bahasa urang alim ya timbulnya karamat. Jaka
ibaratnya tu urang nang pabila ia baiman, bailmu, lalu matinya bakaramat.

2
 Limpahan Rasulululah malimpah, jadi urang nang baiman tadi sudah bauntung
lalu kawa malimpahkan ka urang, mambari urang. Jaka ibaratnya ia bidan
kawa mambantu urang baranak. Nang bauntung tadi mambari kalabihannya ka
urang, banyak kauntungannya, kawa mambari’i zakatnya ka urang lain.
Baiman, bauntung, batuah tu sudah jadi tradisi, sasambatan urang Banjar.
4 Caranya jadi urang baiman, bauntung, batuah tu ya dengan menuntut ilmu.
Kaya guru sakumpul tu sudah alim, bauntung, mampunyai kalabihan lalu
matinya bakaramat. Ilmunya tu malimpah ka urang-urang.
4 Urang ngintu biar panyumbahnang, mun kada basifat malu lawan Allah, itu kada
baiman ngarannya, jauh kali kawa bauntung lawan batuah.

3. Narasumber : Aini
Umur : labih 65 tahun
Gawian : Petani / Bakabun gatah / manurih
Alamat : Ds. Wirang RT.06 Kec. Haruai Kab. Tabalong
4 Urang nang baiman tu parcaya, parcaya sagala apa-apa nang diparintahkan,
arti iman tu parcaya. Bauntung tu bila bagawi barhasil. Urang Batuah tu ya
urang nang saraba barhasil, sagala pekerjaan tu ada hasil, babarakat, lalu
kawa mambari urang.
4 Urang baiman tu untuk kaparcayaan, sagala nang dihabarkan urang tu
parcaya. Bauntung tu ya gasan apa nang digawi barhasil. Batuah tu gasan
sagala pakarjaan tu tadapat ada hasilnya.
4 Urang baiman tu ya parcaya kapada sagala parintah Tuhan, nang disampaikan
ulih Nabi, kyapa. Uh..nang kaini nang baik, nah parcaya kita. Uh..nang kaini
jar urang jangan digawi, nah parcaya pada kada baik.
4 Caranya tu ya sagala pakarjaan tu babarakat gawian urang tu. Sadikit gawian
ada hasilnya baturang, babarakat pahamnya.
4 Malihat urang tu urang baiman, sagala gawian urang parcaya pariannya, bah
urang tu baiman, sagala apa-apa nang digawi urang tu kada maambil tuh, kada
nyapa jar urang wahini, kada mancuri. Urang baiman tu parcaya kapada
parintah Tuhan.

3
4. Narasumber : Ruhani
Umur : 71 tahun
Gawian : Petani / Bakabun gatah / manurih
Alamat : Ds. Wirang RT.06 Kec. Haruai Kab. Tabalong
4 Baiman itu jar urang bila bado’a mudahan ditetapkan iman, jangan kalakuan
kada baik. Ada urang rajan basa takajut, oh baiman, bauntung, batuah, itu
nyambat nang baik, lain nyambat tambuk bungul, lain. Baik ngintu mudil
do’a. Bauntung tu jaka napa jurang rajan mandapat kabaikkan. Batuah tu
sama ae artinya lawan bauntung, tapi kauntungan inya tadi tu kawa
mambagi-bagi ka urang. Baiman, bauntung, batuah tu kadida nang kada
baik, nang baik-baik sambatan urang tu.
4 Baiman, bauntung, batuah tu gasan kabaikkan, kadida kajahatan.
4 Urang tu baiman, bauntung, batuah inya rajin bado’a lawan Allah Ta’ala.
4 Caranya jadi urang baiman, bauntung, batuah tu ya kada umpat urang nang
manggawi malalain, nang dilarang.
4 Urang tu baiman, bauntung, batuah mun ia babuat kabaikkan tu pang, nang
baik-baik kalakuannya.

5. Narasumber : Nurbayah
Umur : 75 tahun
Gawian : Bakabun
Alamat : Ds. Marindi RT.01 Kec. Haruai Kab. Tabalong
4 Baiman tu bararti baik. Bauntung tu parajakian. Batuah tu pandiran kita ni
barmanfaat, mambawa barkah, kata-kata kita nih jadi kanyataan. Baiman,
bauntung, batuah tu pribahasa nang baik. Ya jar urang tuha rajan, mun anak
manyanyarik disambati “oh anakku baiman, bauntung, batuah”, jangan
disambati “o bangsat satwa” nah itu kada baik, jadi kaitu kaina inya,
kalakuannya bisa jadi kada baik, jadi jahat. Makanya jar urang alim, mahiyau
anak tu jangan sakali-kali nang kada baik.
4 Mun urang nang baiman, bauntung, batuah tu gasan jadi urang baik, nang
babarakat di dunia akhirat.
4 Urang baiman, bauntung, batuah tu rajin manuntut ilmu, mau baibadah, lawan
kalakuannya baik .

4
4 Cara urang tu jadi baiman, bauntung, batuah tu ya rajin baibadat, jadi baik.
Mun anak handak baik, urang tuhanya dahulu jadi baik, lalu dididik jadi urang
nang saleh.
4 Bila urang tu hakun balajar manuntut ilmu, urang tu mau baibadah, itulah
urang baiman, bauntung, batuah sudah. Bila urang tu mau baribadah, manuntut
ilmu agama bararti ia baiman. Kawa barmanfaat gasan urang. Barbuat baik tu
pang.