Roma 7
Roma 7
2. HATORANGAN
Dipasada Apostel Paulus do huria di Rom dibagasan pangajarion taringot tu patik manang uhum, dohot hatigoran ni Debata nang
haluaon di bagasan Kristus. Tangkas do dipatorang Apostel Paulus taringot tu haluaon i holan dibagasan Kristus do, so pola gabe
mansoadahon patik na parjolo i. Ai dang dapota hatigoran jolma nanggo sada di adopan ni Debata, anggo sian na mangulahon
patik (Rom 3:20a. Gal 2:16). On ma pangarimpunan ni poda ni Apostel Paulus taringot tu Jahudi dung ro Jesus tu portibion jala
didok: Nunga mate hamu di patik i (Rom 7:4, Gal 2:9) ai dang digomgomi patik i hamu (Rom 6:4,Gal 4:5). Asa tangkas do
diondolhon lapatanni patik i di angka naung manjangkon Kristus, ai didok: Kristus do ujung ni patik i, laho mamintori nasa na
porsea( Rom 10:4). Asa jumpang ma hatigoran na pinangido ni patik i di hita, angka na mangihuthon tondi i, dang be anggo daging
(Rom 8:4). Digomgomi patik ido jolma saleleng mangolu, alai dang boi pati mambaen jolma i singkop saleleng mangolu, ala jolma i
di tingki ngolu na nang pe mangaradoti patik alai tong dope mangula dosa (Rom 7:1). di mulana na i jolma na parjolo si Adam
dohot si Hawa dipatikkon Debata do ang na laho siradotan nasida asa mangolu (1 Musa 2:17, 2:3). Alai sumbia ni sibolis mangela
jolma I dang tarbahenna hot di patik i. hape patik ido marhagogoon mamboan jolma mananda dohot mardalan tu lomo ni roha ni
Debata. Dipangido Debata do jolma i singkop mangulahon patik, alai dang hea singkop diula jolma patik i, alani dosa dang
tarbahen jolma i be mangulahon patik, ai nunga diundukkon dirina tu dosa.
Di turpuk ta on Apostel Paulus patuduhon parungkilon ni hajolmaonna mangulahon pardagingon, Paulus tidak dapat
mengendalikan tindakannya dengan lebih baik, ia melakukan apa yang dia benci,melakukan apa yang dia tau salah. Nang pe
dihalomohon Apostel Paulus mangulahon na denggan, alai disadari ibana dibagasan dirina adong dosa na mangambati jala
mambahen ibana terjerat dibagasan dosa. Alai na niulana dang na dihalomohon rohana. Diparhatopot Apostel Paulus do
hinadenggan ni patik ni Debata, alai masalahna dang di hinadenggan ni patik i, alai ketidakmampuan Paulus untuk menaatinya
dengan setia, naeng do diula na nidok ni patik i dohot setia, naeng do diula na pinangido ni patik i, alai na sebalikna do dilula ibana.
Patik i manogu-nogu mananda lomo ni roha ni Debata, Disadari Apostel Pulus do ibana mardosa manghorhon pangalaho na
maralo tu na nidok ni Debata.Nang pe ditahi rohana do mangulahon na denggan alai gabe na jahat do diula. Diparhatopot Apostel
Paulus do dosa na mangarajai dibagasan dirina. Apostel Paulus menyadari naung dipapatar Jesus haluaon na sian diriNa. Dilehon
Tuhan Jesus do patik na imbaru: Patik naimbaru ma hulehon tu hamunaeng ma hamu masihaholongan( Yoh 13:34), jala patik na
pinasahat ni Tuhan Jesus ido manghamham saluhutna nasa patik. Naeng do ruas ni daging dohot roha ni jolma i dipaimbaru
dibagasan Kristus. Asa ganup marguru tu Kristus na mangalehon jaminan haluaon. Ingkon ma olo dipatunduk patik holong ni roha
dibagasan Kristus. Panghalomohon ni roha di patik i ido dirajumi dalan haluaon (3 Musa 18:5, Rom 10:5,Mat 7 :24,26).
3. PANUTUP
Turpuk ni jamitanta di Minggu on, merupakan gambaran parungkilon taringot tu songon dia do dosa mangula di ngolu ni
hajolmaon. On ma na gabe pengalaman pribadi ni Apstel Paulus. Dipikikiri Apostel Paulus do ajaran na sintong alai dang sesuai
dohot naniulahonna, pataridahon ibana sahalak naso sikkop, sahalak na gale. Jala ima parngoluon ni halak Kristen na so sikkop na
gale na mangolu dibagasan dosa. Lam godang do hamaolon naeng adopanta laho manghangoluhon haporseaon. Di hagaleon
dohot di naso sikkop i ngolunta disi ma naeng adong panandaion diri di hita. Ai ngolunta on ngolu na dipasikkop dibagasan Kristus
do. Molo tatanda do dirinta jolma na gale, na so sikkop jala na mardosa gabe ikkon naeng ma hita semakin pasikkophon ngolu
dibagasan Kristus. Unang gabe dosa i mangambati hita dipasingkop dibagasan Kristus. Di ngolu na hurang singkop ido, hita
dipasingkop dibagan Kristus. Molo dung dipasingkop ngolu ni hajolmaon dibagasan Kristus aha ma hubungannna dohot
manghaholongi uhum ni Debata songon thema ni Minggunta?. Dang didok naso ringkot be patik i, alai patik ima gabe sorminan di
hita laho mangulahon lomo ni roha ni Debeta. Pangarimouna ni patik I, ima patik na imbaru na pinasahat ni Tuhan Jesus Tu hita,
naeng ma masihaholongan hita.