BAHAN SERMON HKBP RESORT DELITUA

26 FEBRUARI 2023

EPISTEL: ROM 5: 12-17

Debata Haroroan ni Pasupasu

1. Patujolo
Di turpuk on, dibandinghon Apostel Paulus do si Adam dohot Jesus Kristus. Molo dihatai
taringot tu Adam- Hawa na di buku ni si Musa, na marlapatan do i metafora teologis na
manggombarhon hadirion ni sahalak manisia, i ma songon ciptaan naung sega hubunganna dohot
Debata ala ni dosa, jala hinorhon ni dosa in a patut jaloon ni manisia i ma uhum dohot hamatean.
Alai marhite turpuk on, dipaboa Paulus do, naung dipadenggan jala dipabalik Debata do situasi i
marhite Jesus Kristus. Na ro do Jesus tu portibion mamboan haluaon tu angka na porsea, asa saut
ma songon na nidok ni panurirang Hesekiel: Songon sintongna mangolu ahu, ninna Tuhan Jahowa,
tung na so lomo do rohangku mida hamatean ni halak parjahat i, so ingkon mida hamumulak ni
parjahat i tumadinghon dalanna i nian, asa mangolu ibana. Antong sai mulak ma hamu
tumadinghon dalanmuna angka na jahat i. boasa tung tagonan mate hamu, ale pinompar ni Israel
(Hes.33:11). Hamatean hian do jambar ni manisia ala ni dosa na binaen ni si Adam, alai gabe
dapotan asi ni roha do manisia i marhite Jesus Kristus. Songon na didok sahalak teolog na margoar
Matthew Poole, angka na na hurang binahen ni si Adam, dipasingkop Jesus Kristus (what was lost
by Adam is restored by Christ).

2. Hatorangan ni Turpuk
Di bagasan turpuk on, mansai tangkas do dipabotohon Apostel Paulus pangantusionna
taringot tu dosa nii jolma na di portibi on. Dosa ni si Adam gabe pintu masuk di dosa ni saluhut
pinomparna, jala upa ni dosa ima hamatean. Alai, adong do pangantusion na sala di tongatonga ni
halak Jahudi, ima na so mardosa do nasida ala mangulahon patik dohot ala bangso na pinillit ni
Jahowa do nasida.1 Alai dipaboa Apostel Paulus do, andorang so adong patik, nungnga
mangimbukbuk dosa ni jolma. Ndang gabe lias bangso Jahudi ala marpatik, manang ala ni bangso
na pinillit ni Debata. Nunga luhut jolma gabe di toru ni huaso ni dosa, ala pangalaosion ni si Adam.
Nungnga disuan si bolis i boni dosa di roha ni si Adam, jala nungnga sai tubu marparbuehon dosa
boni i sahat tu tingkion di roha ni jolma. Ala nungnga dipatunduk dosa roha ni si Adam, gabe dohot
do sude jolma mardosa, Jahudi manang na so Jahudi. Ala ni ima ingon sude jolma patutoruhon
dirina di jolo ni Debata laho manjalo hasesaan ni dosa.

a. Naung sesa do dosanta alani Jesus Kristus

Jesus do hatuaon i, jala ibana parhitean ni Debata mangondihon jolma manisia. Ido umbahen
didok Tuhan Jesus di hau pinarsilang “nunga marujung (sudah selesai).” Aha do na marujung? I ma
angka utang ni dosanta dohot sude pangalaosion ni jolma. Diboan Jesus do it u hau pinarsilang,
hinorhon ni haporseaon tu Debata dohot ala asi ni roha ni Debata sambing di bagasan Jesus. Ido
umbahen didok reformator Martin Luther: sola fide (holan haporseaon), sola gratia (holan asi ni
roha), dohot sola Scriptura (holan ala Hat ani Debata).
Hata “basabasa”, “parasirohaon”, “silehonlehon” dohot “asi ni roha” dipangke margantiganti
laho mangalapati hata Χάρισμα/ Χάρισ dohot δώρημα2 na adong di turpuk on. Dalam Bahasa
Indonesia kata karunia dan kasih karunia digunakan secara bergantian. Penggunaan kata yang
berulang ini menunjukkan bahwa fokus dari nats ini bukan ada pada dosa dan kematian manusia,
melainkan pada keselamatan yang dianugerahkan Allah kepada manusia melalui Yesus Kristus.
Turpuk on paboahon ndang adong na boi maniranghon jolma manisia sian asi ni roha ni Debata
(kharis). Manang ise na marhaposan tu Debata ingkon taruli di asi ni rohaNa i.
Sandok paras iroha jala pardenggan basa di Debata. I do na tapangasahon di bagasan
parngoluan on. Ndang tarpangasahon manang aha pe na adong di hajolmaon, ala arta, sinamot,

1
Pemahaman ini juga dipengaruhi oleh superiority complex orang Yahudi karena pertikaian antara orang Kristen Yahudi
dan Kristen non-Yahudi yang sebelumnya telah terjadi akibat dari diberlakukannya edik Klaudius yang mengusir pergi
orang Kristen Yahudi dari kota Roma (sekitar tahun 49 M).
2
kharisma dan dorema sama-sama bermakna anugerah/ pemberian, tetapi kata kharis memberi penekanan bahwa anugerah ini
diberikan kepada seseorang yang sesungguhnya tidak layak menerimanya.
 dohot haportibion na asing na mura salpu do i. Alai asi ni roha dohot basabasaNa i tongtong do i
mian.
b. Haluaon na binoan ni Kristus manaluhon sude dosa dohot hamatean
Dipabotohon do anggo hamateain nungnga adong andorang so adong patik i. Nang pe
ndang adong dope standar laho manontuhon dia dosa dohot dia na so dosa. Ketika belum ada
Taurat, maka tidak ada standar untuk menentukan mana dosa dan mana bukan dosa, tetapi yang
pasti adalah bahwa maut sudah berkuasa. Eksistensi maut mengindikasikan eksistensi dosa pula.
Alai nang pe songon i, ndang gabe gumogo dosa dohot hamatean i sian Kristus. Ndang adong
nanggo aha di portibion na boi maniranghon hita sian asi roha ni Debata. Di ayay 17 didok: “Ai
molo hamatean manggomgomi, binahen ni na sada ala ni pangalaosionna i, nda lam manggomgomi
huhut mangou marhitehite Jesus Kristus na sada i ma antong nasida, angka naung manjalo asi ni
roha na tarlobi angkup ni basabasa, i ma hatigoran i?” Talu do dosa dohot hamatean ala ni asi ni
roha ni Debata marhite Jesus Kristus.

3. Panimpuli

Hadirion ni jolma ima dosa na manghorhon hamatean, jala ndang tarbahen jolma i paluahon
dirina sandiri, ingkon marhite Jesus i do asa boi dapotan jolma i haluaon. Nuaeng masuk ma hita tu
minggu Invocavit na marlapatan “Jouonna ma Ahu, jadi alusanku ma ibana” (Ps. 91:15a). Marhite
goar ni Minggu dijou do hita marpanindangion tu Debata marhite Jesus Kristus i naung manesa
dosanta dohot angka pangalaosionta di adopanna. Rade do Debata mangalusi angka na joujou tu
Ibana. Jala binsan ungkap dope pintu parasian i, tapauba ma rohanta jala marpangalaho na
denggan di adopanna.

Udut tu si, nungnga masuk hita tu minggu passion (masa-masa sengsara), minggu parningotan
sitaonon ni Kristus. Humophop hita do ibana mate, alai hamatean ni Jesus gabe haluaon do di hita.
I do umbahen didok apostel Paulus di turpuk on songon na di ayat 17 i. Ingkon gabe sada
sipahusorhusor on do sitaonon dohot hamatean ni Kristus na manobus jolma i. Nungnga ditobus
hita, ndang Alani pambahenan mana haboionta, alai holan ala ni asi ni roha ni Debata. Debata do
haroroan ni pasupasu dohot asi ni roha. Sian parbue ni haporseaon jala parbue ni haluaon naung
tajalo i, taulahon ma na denggan jala mangolu hita hombar tu Hata ni Debata. Amen.