Bahan Sermon Ambilan Minggu, 09 April 2023

Nas : Kolose 3: 1-4

Usul Doding : Hal. No. 75:1-3
Tema : Ipapuho Rapkon Jesus
I. Parlobeini
Surat Kolose on isurathon apostel Paulus na itujuhon hubani kuria Kolose. Bani panorang ai kuria Kolose
mandompakkon guru-guru palsu ampa parpodah na kahou. Domma ijalo kuria ai namin “hata hasintongan”, in ma
Ambilan Namadear in (Kol. 1:5), tapi halani guru-guru palsu ai adong ma humbani kuria aigabe ganggu haporsayaonni.
Gambaran parpodah na kahou aima manguhum halak na porsaya halani sipanganon ampa siinumon barang
mandalankon pesta ampakon hari sabat (Kol. 2:16). Paulus menggambarkon uhum larangan istiadat jahudi on aima
parkara na itanoh on do ai sedo manguhurkon parkara na I Nagori Atas.
Marhitei surat on, Apostel Paulus sihol mangurupi janah mampargogohi kuria ai, ase totap sidea manggoluh
ibagas Ambilan Na Madear in. Ai domma ipadear Naibata kuria in marhitei diri-Ni ibagas Tuhanta Jesus Kristus, na i
tanoh on ampa na i nagori atas (1:20). Ai domma ipajongjong pardameian marhitei darohNi na madurus bani hayu
parsilang. Ase totap sidea manghargahon horja pardearan na binahen ni Tuhanta marhitei parmatei-Ni, janah totap
sidea manggoluh ibagas hapansingon, lang dong sihataon ampa sipinsangon i lobei ni Naibata. Parkara na iatas aima
persoalan Naibata marhitei holongni na paluahkon haganupan halak na porsaya humbani uhumani dosa. Jesus na doma
monang mantaluhon dosa marhitei parpuhooni na iparingati hita panorang paskah on.
II. Hatorangan
Bani bindu 3:1 ihatahon do: “domma ipapuho nasiam rap pakon Kristus.” Sadihari do halak na porsaya ipapuho rap
pakon Kristus? Laho mangarusi hata on, boi ibandingkon hita pakon Rom 6:3-5: “Haganup hita, na tardidi ibagas
Kristus Jesus, hubagas hamateian-Ni do hita tardidi” Jadi na dob tartanom do hita rap pakon-Si marhitei pandidion in,
ase songon Kristus na dob pinapuho humbani na matei marhitei hasangapon ni Bapa-Ni, sonai homa hita na dob tardidi
mardalan ibagas goluh na baru. Ai anggo domma sangkabona hita pakon-Si ibagas parmatei-Ni ai, sada do homa hita
pakon-Si ibagas parpuho-Ni ai. Jadi sagala na dob tardidi ibagas Kristus Jesus domma matei anjaha puho ia
ibagas Tuhan in. Sanggah Jesus Kristus matei I hayu parsilang secara haporsayaon Jesus aima na
manggatihkon hita matei anjaha turun hu kerajaan Maut sebagai upah dosa, tapi kerajaan maut in lang
markuasa dopak Jesus tapi italuhon do hamateian in marhitei parpuhoni Jesus. Ase marhitei parpuhooni Jesus
haganupan jolma pardosa pe monang mantaluhon Hamateian na sadokahni-dokahni. Songon Jesus puho humbani
hamateian sonai do huma halak na porsaya puho/ bangkit humbani dosa.

Selaku halak na dob pinapuho ni Tuhanta hita, idilo do na porsaya in ase sirsir marubah marhitei pola hidup na jaga
bani dunia atap na itanoh on. Artini lang be sai gap bani namamparuhurhon na i dunia on, artini urusan-urusan
haduniaon: domdom, paringorang, parmusuhan, keserakahan pnl, atape hanya fokus hubani urusan-urusan dunia, age pe
porlu do ai; tapi maningonma domma iparuhurhon janah ihaporluhon hita status ampa arta na i nagori atas. Artini, age
sanggah na mansarihon haporluan siganup ari, irik do hita homa manghargahon status selaku halak na dob pinapuho ni
Naibata marhitei Tuhanta Jesus Kristus. Ulang lupa manramothon ulih na dob pinasirsir ni Tuhan in hubani hita na
porsaya. Ai dob naik Tuhanta Jesus Kristus hu nagori atas, hundul ma Ia i siamun ni Naibata. Ia do manramothon
haganup na porsaya hu Bani marhitei Tonduy Napansing. Perubahan pola hidup pakon pola pikir na imaksud aima:
lang be na i tanoh on na gabe pusat perhatianta, tapi na i babou ai ma siparuhurhonon.

Domma matei hita on haganupan ibagas dousa ampa paruhuman ni Naibata halani Kristus. Ponop do goluhta
rappakon Kristus, hata ponop iterjemahkon humbani hata “krupto” aima sesuatu yang disimpan di tempat tertutup
dengan hati-hati dan tidak ada yang bisa melihat dan menemukan. Hal on Ini sejajar pakon na isobut Paulus bani
Galatia 2:20: Seng be ahu na manggoluh in nuan, tapi Kristus do manggoluh ibagas ahu. Ia manggoluh pe ahu nuan
ibagas daging, ai ma manggoluh ibagas haporsayaon bani Anak ni Naibata, na manghaholongi ahu anjaha na
mamberehon dirini manghophop ahu. Pakon Rom 12:2 Anjaha ulang ma sarupa nasiam pakon dunia on, tapi mubah
ma marhitei habayuon ni uhur, ase boi nasiam manimbangi atap aha do rosuh ni uhur ni Naibata, ai ma na madear,
harosuh ampa na gokan dear.Halak na porsaya domma mengalami perubahan halani Kristus janah talarhonsi Kristus,
talar ma homa na porsaya in ibagas hasangaponNi. Tujuan ase iponopkon aima ase Kristus na mamorsan, janah iapiti
do hita humbani haganup hajahaton ampa panlanggaronta, ase dihut janah parsimada hita bani hasangaponNi sanggah
partalarNi ai. Artini bani panorang parroh ni Tuhanta Jesus Kristus, ijai ma homa ipatalar Tuhan in age hasangaponta
selaku halak na dob tinobus ampa hinopkop ni Tuhanta Jesus Kristus. Bani panorang ai ma homa ipatalar hagogok ni
haluahonta in (kesempurnaan keselamatan kita).

III. Hahonaoni
Selaku na dob tinobus ampa hinopkop ni Tuhanta Jesus Kristus, hargahon hita ma hajongjonganta selaku halak na
dob parsimada bani haluahon ampa hagoluhan sisadokah ni dokahni. Halani ai puho janah jaga hita bani pargoluhonta
siganup ari, ase tongtong hita manggoluh ibagas hasintongan ampa hapintoran.
Somalni na pelaku hajahaton do na mamonopkon hajahatonni, tapi marhitei parpuhoon ni Kristus, ibotoh hita ma
halani holongNi do ase ipaluah hita, janah Kristus do na mamorsan haganupan dousa in. “IponopkonNi” do haganup
dousanta bani hayu parsilang, halani sura-suraNi ase dihut hita marulih bani hasangaponNi. Halani ai patalar hita ma
goluh na sintong janah marhapintoron, sirsir mamparuhurhon na ibabaou in do harosuh ni Naibata.
Paprudi sahali, paubah hitama pola pikirta na hinan pola pikir duniawi nagok ibagas hajahaton ampakon dosa gabe
pola pikir parnagaoriatas, aidoma warga nagori atas do hita, ase parkara na iatas ma pikirhon hita parsoalan ase dear
hasadaoni haganupan halak na porsaya anjaha sonaha ase rarat hatani Naibata marhitei paruhuranta. Amen