CIKEPEN IBAS LAKON ADAT

PERJABUN
MENGKET RUMAH
CEDA ATE




ISURATKEN:
SEKSI MUSIK GEREJAWI DAN BUDAYA RAS TEAM ADAT DAN BUDAYA
GBKP BANDUNG PUSAT
2006
 BENA KATA

Erdandanken pengalaman ibas lakon-lakon adat si ni bahan kita i Bandung, teridah

maka kita tetap merincuh guna ndalanken ras melestariken Adat Istiadat Karo. Ibas
kerina dahin-dahin, khususna ibas dahin perjabun, mengket rumah, bagepe ceda ate,
asa bancina rikutken situasi idalanken adat. Semangat enda perlu tetap ijaga ras
itingkatken.

Arah pengalaman enda ka teridah maka ibas kita ndalanken adat enda, maun-maun
lanai payo kel bagi arusna erkiteken situasi si lit. Erkiteken si enda, BP Runggun
GBKP Bandung Pusat petubuh sada Tim Adat dan Budaya guna ngelitken sada
cikepen adat man banta, alu pengarapen gelah perdalinen peradaten ibas lakon-lakon e
banci reh ulina.

Kitap enda pemenana isuratken Tim Adat dan Budaya ras iterusken Seksi Musik
Gerejawi dan Budaya GBKP Bandung Pusat, alu perngarapen banci jadi cikepen man
banta ibas lakon-lakon Perjabun, Mengket Rumah, ras Ceda Ate. Si ni suratken ijenda
eme pokok-pokok si penting na saja, bagepe sada contoh percakapen runggu ibas
lakon perjabun ras lakon ceda ate. Bahan-bahan kitap enda ibuat ibas piga-piga
literatur kerna Adat Karo, begepe ibas pengalamen-pengalamen ndalanken adat.
Rikutken gegeh ras pemeteh si lit ibas anggota Tim bagepe Seksi, bagenda me si ni
akap kami si paling praktis. Tentu lenga bo sempurna, emaka ras-ras kita kerina
pehulisa.

Pengarapen kami, kitap enda lit gunana man banta kerina.

Bujur ras mejuah-juah kita kerina.

Bandung, Nopember 2006

Seksi Musik Gerejawi dan Budaya ras Tim Adat dan Budaya
GBKP Bandung Pusat.

i
ii
 PENARUH

Salam sejahtera,

Sikataken bujur man Tuhan Dibata perban enggo iberekenNa kengasupen man banta
guna ngukuri simehuli, sisentudu ras peratenNa, ibas ndalanken peradaten kalak Karo
ija kenca lit lakon-lakon adat.
GBKP Bandung Pusat ngidah uga perluna erbahan sada cikepen / pedoman man
anggota gerejanta ibas ndalanken adat Karo tep-tep lit lakon-lakon gelah ibas lakon e
gelar Tuhan tetap ermulia ras terpuji, sebab Ia nge sinjadiken manusia guna ndahiken
dahinna, bagepe tetap lit kiniraturen ibas kegeluhen manusia e.

Anggota gerejanta i Bandung enda erbage-bage asal kuta kemulihenna i Sumatra,

janah erkiteken sie sitik-sitik litnge perbedaan ibas cara ndalanken peradaten, emaka
adi i Bandung enda sibahan lakon e sibahan sada pedoman guna idalanken gelah lit
keseragamenna.
Perban sie me maka enggo i tunjuk sada team adat ras budaya guna ngukuri ras
erbahan sada buku pedoman ibas ndalanken lakon-lakon adat e.

Meriah ukurta, buku e enggo dung janah banci pe si oge ras sipakeken ibas perluna,
guna nambahi pengangkanta kerna adat kalak Karo.
Banci jadi mbue denga nge kurangna ijah-ije, ras lit kange maun erpengakap kurang
payona, tapi enda me lebe sipake jadi pedomanta ijenda.

Kami pe BP Runggun GBKP bandung Pusat, melala ngataken bujur man team adat ras
budaya sienggo erlatih-latih guna ngelitken buku enda. Ertoto kita gelah Tuhan
simasu-masu kita kerina sebagai alatNa ibas doni enda, gelah ipengasupNa kita ibas
ndahiken dahinta sekalak-sekalak.

Syalom ras mejuah-juah man banta kerina.

iii
 DAFTAR ISI

BENA KATA ................................................................................................................. i

PENARUH ................................................................................................................... iii
DAFTAR ISI ................................................................................................................ iv
BAB I SANGKEP ENGGELUH................................................................................... 1
1. Merga Si Lima ....................................................................................................... 1
1.1 Merga Karo-Karo ........................................................................................... 1
1.2 Merga Ginting................................................................................................. 2
1.3 Merga Tarigan ................................................................................................ 2
1.4 Merga Sembiring ............................................................................................ 3
1.5 Merga Perangin-angin .................................................................................... 3
2 Tutur ...................................................................................................................... 4
BAB II PERJABUN ...................................................................................................... 8
1. Erbage Gelar ras Tingkaten Adat Perjabun ........................................................... 8
2. Proses Perjabun...................................................................................................... 9
2.1 Maba Belo Selambar ...................................................................................... 9
2.2 Nganting Manuk ........................................................................................... 10
2.3 Pedalan Emas siarah Raja ............................................................................. 12
2.4 Mata Kerja, Ersukat Emas ............................................................................ 13
2.5 Tukur ras Takana .......................................................................................... 15
2.6 Luah Kalimbubu ........................................................................................... 16
2.7 Antusen Luah Kalimbubu ............................................................................. 17
2.8 Isi Pedah / Telah-Telah ................................................................................. 18
2.9 Persadan Tendi / Mukul ................................................................................ 19
BAB III MENGKET RUMAH.................................................................................... 21
1. Erbage Kerja Mengket Rumah ............................................................................ 21
2. Proses Kerja Mengket Rumah ............................................................................. 21
3. Tegun Kalimbubu ................................................................................................ 22
4. Luah Kalimbubu .................................................................................................. 22
BAB IV CEDA ATE ................................................................................................... 23
1. Erbage Kematen .................................................................................................. 23
2. Proses Kerja Ceda Ate ......................................................................................... 23
3. Utang Adat........................................................................................................... 23
Lampiran I-1 RUNGGU MABA BELO SELAMBAR ............................................... 25
1. Bena Ranan .......................................................................................................... 25
2. Ertutur .................................................................................................................. 25
3. Persentabin........................................................................................................... 26
4. Nungkuni Kata Kalimbubu .................................................................................. 27
4.1 Pedalan Kampil Pengarihi / Pengorati .......................................................... 28
iv
 5. Ersinget-singet Gantang Tumba / Unjuken ......................................................... 29
5.1 Gantang Tumba / Unjuken............................................................................ 30
5.2 Singalo Bere-bere, Singalo Perkempun, Singalo Perbibin (Telu Sedalinen) 30
5.3 Perkembaren / Persadaan / Sabe ................................................................... 31
6. Nungkuni Pudun Kerja ........................................................................................ 31
6.1 Kerna Ose ..................................................................................................... 32
6.2 Kerna Acara .................................................................................................. 32
6.3 Kerna Gulen.................................................................................................. 33
6.4 Undangen / Tenah ......................................................................................... 33
6.4 Pedalan Pudun .............................................................................................. 33
7. Pedah Runggun Gereja ........................................................................................ 33
Lampiran I-2 RUNGGU NGANTING MANUK ........................................................ 34
1. Bena Ranan .......................................................................................................... 34
2. Persentabin........................................................................................................... 34
3. Nungkuni Keriahen Ukur Kalimbubu ................................................................. 35
4. Nungkuni Gantang Tumba / Unjuken.................................................................. 36
4.1 Kerna Alonken Kalimbubu Sitelu Sada Dalanen ......................................... 37
4.2 Kerna Perkembaren / Persadan ..................................................................... 37
4.3 Kerna Gamber Inget-inget ............................................................................ 38
5. Nungkuni Perdalan Kerja .................................................................................... 38
5.1 Kerna Ose ..................................................................................................... 38
5.2 Kerna Acara .................................................................................................. 38
6. Sijalapen .............................................................................................................. 38
7. Pedalan Pudun ..................................................................................................... 38
Lampiran I-3 RUNGGU MATA KERJA .................................................................... 40
1. Persentabin........................................................................................................... 40
2. Orati Gantang Tumba / Unjuken ......................................................................... 41
3. Sijalapen .............................................................................................................. 42
4. Ersukat Emas ....................................................................................................... 43
5. Pedalan Ulu Emas ................................................................................................ 44
6. Ngelegi si Tersereh .............................................................................................. 45
7. Landek / Mereken Telah-Telah ........................................................................... 45
Lampiran II-1 RUNGGU KERJA CEDA ATE........................................................... 47
1. Runggu Ngeranakan Adat si Mate....................................................................... 47
2. Runggu Pedalan Utang Adat ............................................................................... 49
2.1 Persentabin.................................................................................................... 49
2.2 Erbahan Gelar Utang Adat si Mate ............................................................... 49
2.3 Nehken Utang Adat ...................................................................................... 50
2.4 Bulang-bulangen ........................................................................................... 51
3. Runggu Mulih Kuburen Nari ............................................................................... 52
3.1 Persentabin.................................................................................................... 52
v
 3.2 Ngorati Perdalan Utang Adat si Mate........................................................... 52
3.3 Singkih-singkihen ......................................................................................... 53
3.4 Ingan Sumpit Cibal ....................................................................................... 53
3.5 Ngembahken Bunga ..................................................................................... 54
DAFTAR PUSTAKA .................................................................................................. 55

vi
 BAB I
SANGKEP ENGGELUH

Cibal ras hubungan ibas kalak Karo enggo iaturken rikutken Merga Silima, Rakut
Sitelu, ras Tutur Siwaluh.

1. MERGA SI LIMA
Kalak Karo ikelompokken ibas lima merga emekap Karo-Karo, Ginting, Tarigan,
Sembiring, ras Perangin-angin. Emaka igelari pe Merga si Lima. Tiap kalak Karo arus
lit mergana adi dilaki, tahpe beruna adi diberu.
Bage ka pe ibas tiap merga lit ka piga-piga terpuk sub-merga. Arah teruh enda tersena
si lima merga enda ras sub-mergana bage ka pe gelar kuta kemulihenna.

1.1 Merga Karo-Karo

Merga Karo-Karo lit 18 terpuk sub-merga, emekap:
a.1 Karo-Karo Purba kuta kemulihen: Berastagi, Rumah Kabanjahe, Laucih,
Kandibata, Kutakepar
a.2 Karo-Karo Ketaren kuta kemulihen: Ketaren, Pertampilen, Raya, Sibolangit,
Kutabale
a.3 Karo-Karo Sinukaban kuta kemulihen: Bintang Meriah, Buluhnaman,
Kabantua, Laulingga, Pernantin
b.1 Karo-Karo Sekali kuta kemulihen: Seberaya, Laugendek
b.2 Karo-Karo Sinuraya kuta kemulihen: Bunuraya, Kandibata, Singgamanik
b.3 Karo-Karo Sinuhaji kuta kemulihen: Aji si empat (Ajijahe, Ajijulu,
Ajimbelang, Ujungaji)
b.4 Karo-Karo Jung kuta kemulihen: Batukarang, Kalang, Perbesi,
Kutanangka
b.5 Karo-Karo Kemit kuta kemulihen: Mulawari, Kutabale
b.6 Karo-Karo Samura kuta kemulihen: Samura
b.7 Karo-Karo Bukit kuta kemulihen: Bukit, Buluhawar
c.1 Karo-Karo Sinulingga kuta kemulihen: Lingga, Bintangmeriah, Gungmerlawan
c.2 Karo-Karo Kaban kuta kemulihen: Kaban, Sumbul, Pernantin
c.3 Karo-Karo Kacaribu kuta kemulihen: Kacaribu, Kerapat, Kutagerat
c.4 Karo-Karo Surbakti kuta kemulihen: Gajah, Surbakti
e. Karo-Karo Sitepu kuta kemulihen: Naman, Sukanalu, Beganding
f. Karo-Karo Barus kuta kemulihen: Barusjahe, Buntu, Barusjulu,
Tanjungbarus, Talimbaru, Serdang,
Penampen
1
g. Karo-Karo Gurusinga kuta kemulihen: Gurusinga, Rajaberneh, Rumahsumbul
h. Karo-Karo Sinubulan kuta kemulihen: Bulanjulu, Bulanjahe

1.2 Merga Ginting

Merga Ginting lit 17 terpuk sub-merga, emekap:
a. Ginting Sini Suka, igelari pe Siwah Sada Ginting, erkiteken lit siwah terpuk
emekap:
a.1 Ginting Babo kuta kemulihen: Gurubenua, Munte, Kutagerat, Tongging
a.2 Ginting Sugihen kuta kemulihen: Juhar, Kutagugung, Sugihen
a.3 Ginting Gurupatih kuta kemulihen: Buluhnaman, Sarimunte, Naga,
Laukapur
a.4 Ginting Suka kuta kemulihen: Berastepu, Linggajulu, Naman, Suka
a.5 Ginting Beras kuta kemulihen: Laupetundal
a.6 Ginting Bukit kuta kemulihen: -
a.7 Ginting Garamata kuta kemulihen: Rajatengah, Tongging
a.8 Ginting Ajartambun kuta kemulihen: Rajameriah
a.9 Ginting Jadibata kuta kemulihen: Juhar
b. Ginting Munte kuta kemulihen: Kutabangun, Ajinembah, Kubu, Dokan,
Tongging, Munte, Rajatengah,
Bulanjahe
c. Ginting Pase kuta kemulihen: Kutabangun
d. Ginting Manik kuta kemulihen: Tongging, Lingga
e. Ginting Seragih kuta kemulihen: Linggajahe, Jeraya
f. Ginting Sinusinga kuta kemulihen: Singa
g. Ginting Jawak kuta kemulihen: Cingkes
h. Ginting Tumangger kuta kemulihen: Kemkem, Kidupen
i. Ginting Capah kuta kemulihen: Bukit, Kalang

1.3 Merga Tarigan

Merga Tarigan lit 14 terpuk sub-merga, emekap:
a. Tarigan Tua kuta kemulihen: Pergendangen
b. Tarigan Bondong kuta kemulihen: Lingga
c. Tarigan Gana-gana kuta kemulihen: Batukarang
d. Tarigan Gerneng kuta kemulihen: Cingkes
e. Tarigan Gersang kuta kemulihen: Berastepu, Nagasaribu, Seribujandi,
Jandiseribu, Kutaraya
f. Tarigan Jampang kuta kemulihen: Pergendangen
g. Tarigan Pekan kuta kemulihen: Sukanalu, Batukarang
h. Tarigan Purba kuta kemulihen: Purbatua, Tanjungpurba
i. Tarigan Silangit kuta kemulihen: Gunungmeriah
2
j. Tarigan Sibero kuta kemulihen: Juhar, Kutaraja, Keriahen, Lingga,
Munte, Selakar, Kutagaloh,
Tanjungberingen
k. Tarigan Tambak kuta kemulihen: Kebayaken, Sukanalu, Cingkes
l. Tarigan Tambun kuta kemulihen: Binangara, Rakutbesi, Sinaman
m. Tarigan Tegur kuta kemulihen: Suka, Seribujandi
n. Tarigan Sahing kuta kemulihen: -

1.4 Merga Sembiring

Merga Sembiring lit 19 terpuk sub-merga, emekap:
a. Sembiring si la mantangken biang:
a.1 Sembiring Keloko kuta kemulihen: Pergendangen
a.2 Sembiring Kembaren kuta kemulihen: Samperaya, Liangmelas
a.3 Sembiring Sinulaki kuta kemulihen: Silalahi
a.4 Sembiring Sinupayung kuta kemulihen: Jumaraja, Nageri
b. Sembiring si mantangken biang (si ngombak):
b.1 Sembiring Brahmana kuta kemulihen: Kabanjahe, Limang, Perbesi,
Bekawan
b.2 Sembiring Bunuaji kuta kemulihen: Beganding, Kutatonggal, Sukatepu
b.3 Sembiring Busuk kuta kemulihen: Kidupen, Lauperimbon
b.4 Sembiring Colia kuta kemulihen: Kubucolia, Seberaya
b.5 Sembiring Depari kuta kemulihen: Munte, Perbesi, Seberaya
b.6 Sembiring Gurukinayan kuta kemulihen: Gurukinayan, Gunungmeriah
b.7 Sembiring Keling kuta kemulihen: Juhar, Rajatengah, Rajaberneh
b.8 Sembiring Maha kuta kemulihen: Laurenun, Martelu, Pasirtengah
b.9 Sembiring Meliala kuta kemulihen: Berastepu, Biaknampe, Kabanjahe,
Munte, Naman, Rajaberneh,
Sarinembah
b.10 Sembiring Muham kuta kemulihen: Perbesi, Susuk
b.11 Sembiring Pandebayang kuta kemulihen: Gurusinga, Buluhnaman
b.12 Sembiring Pandia kuta kemulihen: Beganding, Payung, Seberaya
b.13 Sembiring Pelawi kuta kemulihen: Ajijahe, Kandibata, Perbesi, Selandi,
Perbaji
b.14 Sembiring Sinukapor kuta kemulihen: Pertumbuken, Sarintonu, Sidikalang
b.15 Sembiring Tekang kuta kemulihen: Kaban

1.5 Merga Perangin-angin

Merga Perangin-angin lit 23 terpuk sub-merga, emekap:
a.1 Perangin-angin Sukatendel kuta kemulihen: Sukatendel
a.2 Perangin-angin Kutabuluh kuta kemulihen: Kutabuluh, Buahraja
3
a.3 Perangin-angin Jamborberingen kuta kemulihen: Laubuluh, Mburidi, Belingking
a.4 Perangin-angin Jenabun
b.1 Perangin-angin Bangun
b.2 Perangin-angin Keliat
b.3 Perangin-angin Beliter
c. Perangin-angin Kacinambun
d. Perangin-angin Mano
e. Perangin-angin Pinem
f. Perangin-angin Sebayang
g. Perangin-angin Laksa
h. Perangin-angin Ulunjandi
i. Perangin-angin Penggarun
j. Perangin-angin Uwir
k. Perangin-angin Sinurat
l. Perangin-angin Pencawan
m. Perangin-angin Singarimbun
n. Perangin-angin Limbeng
o. Perangin-angin Benjerang
p. Perangin-angin Namohaji
q. Perangin-angin Perbesi
r. Perangin-angin Tanjung
kuta kemulihen: Jenabun
kuta kemulihen: Batukarang, Penampen,
Selandi, Narigunung,
Jandimeriah
kuta kemulihen: Mardingding
kuta kemulihen: -
kuta kemulihen: Kacinambun
kuta kemulihen: Pergendangen
kuta kemulihen: Sarintonu (Taneh Pinem),
Juhar, Pernantin, Sidikalang
kuta kemulihen: Gunung, Kuala, Perbesi,
Kutagerat, Pertumbuken
kuta kemulihen: Juhar
kuta kemulihen: Juhar
kuta kemulihen: Susuk
kuta kemulihen: Singgamanik
kuta kemulihen: Kerenda, Beganding
kuta kemulihen: Perbesi
kuta kemulihen: Kutambaru, Temburun,
Mardingding, Tanjung
kuta kemulihen: Pancurbatu
kuta kemulihen: Batukarang
kuta kemulihen: Kutabuluh
kuta kemulihen: Seberaya, Kutabuluh, Jenabun
kuta kemulihen: Pernampen, Berastepu

2 TUTUR
Susunen masyarakat Karo ngikuti garis keturunen arah bapa (patrilineal) bagepe garis
keturunen arah nande (matrilinieal). Tutur ibas kalak Karo itarik ibas cibal sekalak
jelma ibas garis keturunen enda, sitersena bagi arah teruh enda:

4
 MERGA KAMPAH KEMPU SOLER

MERGA BINUANG BERE- KEMPU

BERE

MERGA BERE-
BERE

AKU
(MERGA)

AKU
(BERU)

Rikutken kecibal si e, maka sada jabu tah pe merga tertentu (igelari sukut) ikeleweti
sangkep enggeluhna si igelari ”Rakut Sitelu” ibas kalak Karo emekap: Senina,
Kalimbubu, Anakberu bagi gambar arah teruh enda.

SENINA

SUKUT

ANAKBERU KALIMBUBU

5
Tutur siwaluh, ipebelang ibas rakut si telu ndai, emekap:
a. Senina si seh (langsung) ku Sukut, lit dua, eme:
1. Sukut / Sembuyak, eme senina sada nande sada bapa, sana nini, sada empong,
tah sada sub-merga. Ibas dahin adat, sukut eme si mada kerja/dahin, ras
sembuyak teman arih-arih.
2. Senina / Gamet (Sikaku Ranan), eme senina sada merga, banci sada sub-
merga tah lain sub-merga rikutken kebiasaan si lit. Ibas dahin adat, senina
enda dahinna eme juru-bicara si mada kerja, kelang-kelang man anakberu.
b. Senina si erkelang ku Sukut, epe litka dua terpuk, eme:
3. Senina sepemeren ras senina separibanen. Senina sepemeren eme senina
erkiteken nandenta ersenina. Senina separibanen eme senina erkiteken
ndeharanta ersenina. Ibas dahin adat, senina separibanen tahpe sipemeren jadi
kelang-kelang kalimbubu si mada dahin ngerana ras anakberu.
4. Senina sepengalon ras senina sendalanen. Senina sepengalon eme senina
erkiteken kelanta ersembuyak. Senina sendalanen eme senina erkiteken
impalta jadi ndeharana.
c. Kalimbubu si seh (langsung) ku Sukut. Rikutken tingkatenna, banci ka enda jadi
bagi arah teruh enda:
c.1 Kalimbubu iperdemui, eme oranguta tahpe turang ndeharanta. Ibas dahin adat,
ia sierkimbang ras simaba ose.
c.2 Kalimbubu simada dareh, eme orangtua tahpe turang nandenta. Ibas kerja
pempoken igelari kalimbubu singalo ulu emas, ibas kerja nerehken igelari
kalimbubu singalo bere-bere, ibas dahin ceda ate igelari kalimbubu singalo
maneh-maneh/morah-morah/sapu iluh. Dahinna eme ngampeken ose.
c.3 Binuang, eme kalimbubu simada dareh bapanta. Ibas dahin mengket rumah
igelari kalimbubu simajek daliken.
c.4 Kampah, eme kalimbubu simada dareh nininta. Igelari pe kalimbubu bena-
bena.
c.5 Kalimbubu Tua, eme kalimbubu siterus rindik-indik iperdemui.
d. Kalimbubu si erkelang ku Sukut.
d.1 Puang Kalimbubu, eme kalimbubu ibas kalimbubunta. Ibas dahin adat igelari
pe kalimbubu singalo perkempun, singalo perninin, tahpe singalo ciken-ciken.
d.2 Puang Nu Puang, eme kalimbubu ibas puang kalimbubunta. Igelari pe soler.
d.3 Kalimbubu sepemeren, eme kalimbubu erkondangken senina sepemeren.
e. Anakberu si seh (langsung) ku Sukut. Rikutken tingkatenna, banci ka enda jadi
bagi arah teruh enda:
e.1 Anakberu angkip / ampu, eme kela tah silih si e denga muat dirinta.

6
 e.2 Anakberu dareh / ipupus, eme anak sinipupus dirinta. Igelari pe bere-bere tah
impal.
e.3 Anakberu cekoh baka, eme anakberu si enggo dua kali muat dirinta, entahpe
kita binuangna. Ibas kerja adat, dahinna eme peseh tenah man kalimbubu
simaba ose ras nikapken nakan baluten/kehamaten.
e.4 Anakberu cekoh baka tutup, eme anakberu si enggo telu kali muat dirinta,
entahpe kita kampahna. Ibas kerja adat, dahinna seri ras anakberu cekoh baka.
e.5 Anakberu Tua, eme anakberu si enggo empat kali rindik-indik muat dirinta.
Ibas kerja adat, ia me siertanggungjawab ras jadi singerana.
f. Anakberu si erkelang ku Sukut.
f.1 Anakberu minteri, eme anakberu ibas anakberunta. Ibas kerja adat, dahinna
eme pelaksana ngguna ndungi dahin ras pepinter kalimbubuna ngerungguken
adat.
f.2 Anakberu ngukuri, eme anakberu ibas anakberu minterinnta.
f.3 Anakberu singikuti, eme anakberu ibas anakberu ngukurinta.
f.4 Anakberu pengapit, eme anakberu ibas anaberu singikutinta.
f.5 Anakberu sepemeren, eme anakberu ibas senina sepemerenta.

7
 BAB II
PERJABUN

Lakon perjabun emekap nalihken anak sidiberu jadi anakberu. Ibas nalihken status
anak sidiberu ibas jabu / merga bapana nari bengket ku jabu / merga perbulangen
sinukursa, ibahan tukur.

1. ERBAGE GELAR RAS TINGKATEN ADAT PERJABUN

Rikutken cibal si-njabuken bana, lit erbage gelar Adat Perjabun bagi tersena arah teruh
enda:
a. Erdemu Bayu : Si-njabuken bana rimpal, sidiberu beru-puhun (permen bapa)
tah beru-singumban (permen nande). Tukur siman alonken
gelarna "gantang tumba", siman alonken anakberu gelarna
"perkembaren".
b. Petuturken : Si-njabuken ertutur maka ieteh orat tutur sope iranaken
perjabun. Tukur siman alonken gelarna "unjuken", siman
alonken anakberu gelarna "persadan".
c. Ranaken *) : Si-njabuken bana bermasalah, la arus menurut tutur / adat,
misalna turang impal, merkat sinuan, ras sidebanna. Tukur
siman alonken gelarna "unjuken", siman alonken anakberu
gelarna "persadan".
Opedenga runggu maba belo selambar, ibahan lebe acara
‘nabei’ guna ngobah tutur.
*)
Arah daerah Kenjulu ikataken "Nge-ranaken".
d. Pebelang Lukuten : Si-njabuken bana salah sada la kalak Karo. Ope denga
iranaken perjabun, si la kalak Karo itangkuhken lebe jadi
merga / beru kalak Karo. Tukur siman alonken gelarna
"unjuken", siman alonken anakberu gelarna "persadan". Ibas
undangen banci ikataken "erdemu bayu" tah pe "petuturken".

Adat Perjabun pe lit ka telu rikutken belin-kitikna kerja, emekap:

a. Kerja sintua : sukut ras kalimbubu telu sedalanen rose lengkap
b. Kerja sintengah : simada ngenca rose la remas-emas
c. Kerja singuda : la ku jambur

8
2. PROSES PERJABUN
Proses perjabun ibas Adat Karo melala erbagena. Tapi iarapken gelah proses perjabun
si la banci lang arus idalanken emekap:
a. Maba belo selambar
b. Nganting manuk
c. Mata kerja ras ersukat emas
d. Persadan tendi / mukul

2.1 Maba Belo Selambar

Maba Belo Selambar emekap "nungkuni siman empon" si enggo ertentun jelmana.
Acara pokok emekap "nungkun kata kalimbubu", kerna kesenangen ukurna bagepe
ukur anak sidiberu si-ipupusna. Adi siman sungkunen e labo beru-singumban (permen
nande) tah beru-puhun (permen bapa), maka biasana enggo lit arih-arih sidilaki ras
sidiberu maka atena enjabuken bana. Enda ikataken ranan teruh baba ku rumah, tah
ranan simedanak ituaken.

Sangkep enggeluh si ikut runggu:

a. Arah si empo:
1) Si empo;
2) Simupus (Bapa, Nande), tah si ertanggungjawab;
3) Senina;
4) Anakberu;
5) Kalimbubu singalo ulu emas, rikutken situasi ras keperlunna.
b. Arah si nereh:
1) Si tersereh;
2) Simupus (Bapa, Nande), tah si ertanggungjawab;
3) Senina;
4) Kalimbubu singalo bere-bere;
5) Anakberu.
c. Runggun Gereja.

Perlengkapen siperlu isikapken:

a. Arah si empo:
1) Kampil kehamaten buena 3 (man sukut, kalimbubu, ras anakberu arah si nereh),
tahpe rikutken situasi ras keperlunna.
2) Pernakan kitik 3 (man sukut, kalimbubu, ras anakberu arah si nereh, tahpe
rikutken situasi ras keperlunna), ras nakan / bengkau tasak.
3) Uis penading (beka buluh) ras batuna Rp.11.000,- tahpe rikutken situasi guna
penindih pudun.
9
 4) Kampil pengarihi ibas erdemu bayu, kampil pengorati ibas petuturken, tahpe
kampil pengarusi ibas ranaken.
b. Arah si nereh
1) Ngkimbangken amak kundulen.
2) Lau inemen.
3) Peralaten man, adi la cukup banci arihken ras anakberu si pempoken.

Batang belin sinilakoken ibas acara runggu:

a. Nungkuni keriahen ukur kalimbubu ras dirina sitersereh, ikut pe ngarihi/ngorati
sitersereh sinilakoken kalimbubu singalo bere-bere.
b. Ersinget-singet kerna gantang tumba / unjuken.
c. Nungkuni pudun nganting manuk, mata kerja, ras pasu-pasu.
d. Pedalan pudun ras penindih pudun.
e. Pedah Runggun Gereja man sierjabu, ningetken kewajiben/administrasi gereja
bagepe cataten sipil.

Cataten:
1) Menaken acara bagepe ndungi acara ibahan ertoto ibabai Runggun Gereja.
2) Surat tenah kerja tumbuk/pasu-pasu/erdemu bayu/petuturken ibahan radat bagi
semalna, ula undangan tenah bagi si erbahan resepsi. Guna si e lit acara erbahan
takal surat.

2.2 Nganting Manuk

Acara pokok ibas "nganting manuk" emekap "ngeranaken gantang tumba / unjuken ras
mata kerja". Ibas lakon nganting manuk kerina sangkep enggeluh sisandit la banci la
reh erkiteken tukur tah emas si man alonken irungguken ibas runggun nganting
manuk.

Sangkep enggeluh si ikut runggu:

a. Arah si empo:
1) Si empo;
2) Simupus (Bapa, Nande), tah si ertanggungjawab;
3) Sembuyak (sada Bapa, sada Nini);
4) Senina (sada sub merga, sada merga, ikutpe sepemeren ras sidebanna);
5) Kalimbubu si ngalo ulu emas (simada dareh).
6) Puang Kalimbubu.
7) Anakberu (Tua, Cekoh baka tutup, Cekoh baka);
8) Anakberu minteri.

10
b. Arah si nereh:
1) Si tersereh;
2) Simupus (Bapa, Nande), tah si ertanggungjawab;
3) Sembuyak (sada Bapa, sada Nini);
4) Senina (sada sub merga, sada merga, ikutpe sepemeren ras sidebanna);
5) Kalimbubu si ngalo bere-bere (simada dareh);
6) Kalimbubu singalo perkempun (singalo bere-bere nande);
7) Kalimbubu singalo perbibin (senina nande);
8) Anakberu (Tua, Cekoh baka tutup, Cekoh baka);
9) Anakberu minteri.
c. Runggun Gereja, Kepala Desa / Tim Adat GBKP.

Perlengkapen siperlu isikapken:

a. Arah si empo:
1) Kampil kehamaten buena 6 (man sukut, kalimbubu si ngalo bere-bere,
kalimbubu si ngalo perkempun, kalimbubu si ngalo perbibin, anakberu arah si
nereh, kalimbubu si ngalo ulu emas arah si empo).
2) Cimpa (gulame).
3) Nakan baluten buena 11, emekap 6 arah si nereh ras 5 arah si empo.
4) Nakan ras gulen manuk (cipera) ras sidebanna.
5) Pudun (ibas bengkuang tah rapia nari) buena 6, ras p enindih pudun buena
Rp.11.000,-
6) Peralaten man.
b. Arah si nereh
1) Nikapken ingan ras amak kundulen.
2) Lau inemen ras nampati peralaten man.
3) Amak runggu idatasna itama amak beru-beru.

Batang belin sinilakoken ibas acara runggu:

a. Nungkuni kata kalimbubu.
b. Nungkuni ketetapen ukur si erjabu.
c. Nungkuni gantang tumba / unjuken.
d. Nungkuni perdalan kerja (pudun kerja, bentuk kerja, ingan kerja, patung kerja, luah
kalimbubu, pasu-pasu, ose).
e. Nungkuni ngelangkah (adi lit).
f. Sijalapen, sinjalapisa Kepala Desa / Tim Adat GBKP.
g. Pedalan pudun ras penindih pudun.
h. Ermomo hasil runggu.
i. Pedalan emas si arah raja (adi lenga dungi kerja).

11
Ibas sijalapen sekaku ranan, ilakoken jumpa 11, emekap 6 arah si empo ras 5 arah si
nereh, tahpe sebalikna rikutken siidalanken ibas tep-tep kuta.
Arah si empo: Arah si nereh:
Si empo : Si tersereh :
Simupus : Simupus :
Sipempokenca : Sinerehkenca :
Senina kuranan : Senina kuranan :
Anakberu tua : Anakberu tua :
Anakberu cekoh baka (tutup) : Anakberu cekoh baka (tutup) :
Anakberu minteri :
Cataten:
1) Menaken acara bagepe ndungi acara ibahan ertoto ibabai Runggun Gereja.
2) Adi enggo leben ibahan lakon pasu-pasu i gereja, asum runggu ibas nganting
manuk lanai isungkuni keriahen ukur kalimbubu ras ketetapen ukur si erjabu,
tapi ngumputi dahin pasu-pasu.
3) Acara ngelangkah ibahan ope denga lakon pasu-pasu tumbuk.
4) Utang orangtua ku kalimbubu enggo idungi lebe.

2.3 Pedalan Emas siarah Raja

Ipedalan opedenga ntahpe kenca lakon pasu-pasu tumbuk paksa nganting manuk adi
erkelang wari mata kerja, guna ngesahken jadi tua-tua. Emaka berngi ope mata kerjana
pagin, lanai ibahan nganting manuk tapi ngerungguken kerja si pagina.
Tandana maka enggo ipedalan emas si arah Raja, Kepala Desa / Tim Adat GBKP
erbahan Surat Adat.

Buena emas siarah raja emekap f 75,- alu pembagin:

Versi tahun 1930 Versi si deban
Ulu emas f.1,25 f.1,25
Bena emas f.1,25 -
Unjuken f.60,- f.60,-
Simecur:
Bere-bere f.3,25 f.5,-
Perkempun f.2,25 f.2,-
Perbibin f.1,25 f.2,-
Perkembaren f.2,25 f.1,-
Pengelululi f.4,25 f.5,-
Genduari, f.1,0 iergaken seri ras Rp.1.000,-

Perlengkapen siperlu sisikapken:

a. Uis kapal (arinteneng man lanam pinggan)

12
b. Pinggan pasu
c. Amak cur

Emas si arah raja ipedalan telu kali (idatas pinggan), emekap:

a. Ulu emas ras bena emas.
b. Unjuken.
c. Bere-bere, perkempun, ras perbibin.
Kenca si e, ipedalan (la erpinggan) perkembaren ras sidebanna.

2.4 Mata Kerja, Ersukat Emas

Ersukat emas emekap pedalan tembe-tembe man kerina sangkep enggeluh, bagepe
kerina kade-kade, sue ras arih ibas nganting manuk.

Sangkep enggeluh si la banci lang reh:

a. Arah si empo:
1) Si empo;
2) Simupus (Bapa, Nande), tah si ertanggungjawab;
3) Sembuyak (sada Bapa, sada Nini, sada kesain);
4) Senina (sada kuta tah sada kesain, sada sub merga, sada merga, separibanen,
sepengalon, sedalanen, gamet);
5) Kalimbubu si ngalo ulu emas (simada dareh, Binuang, Kampah, iperdemui,
sepemeren);
6) Puang Kalimbubu.
7) Anakberu (Tua, Cekoh baka tutup, Cekoh baka, dareh (ipupus), iangkip (iampu
/ kela));
8) Anakberu minteri (simajek lape-lape, ngikuri, pengapit).
b. Arah si nereh:
1) Si tersereh;
2) Simupus (Bapa, Nande), tah si ertanggungjawab;
3) Sembuyak (sada Bapa, sada Nini, sada kesain);
4) Senina (sada kuta tah sada kesain, sada sub merga, sada merga, separibanen,
sepengalon, sedalanen, gamet);
5) Kalimbubu si ngalo bere-bere (simada dareh, Binuang, Kampah,
iperdemui/sierkimbang);
6) Kalimbubu singalo perkempun (singalo bere-bere nande, soler);
7) Kalimbubu singalo perbibin (senina nande, sepemeren, cimbang nande);
8) Anakberu (Tua, Cekoh baka tutup, Cekoh baka, dareh (ipupus), iangkip
(iampu/kela))Anakberu.
9) Anakberu minteri (simajek lape-lape, ngikuri, pengapit).

13
Perlengkapen siperlu isikapken:
a. Arah si empo:
1) Kampil kehamaten buena 6 (man sukut, kalimbubu si ngalo bere-bere,
kalimbubu si ngalo perkempun, kalimbubu si ngalo perbibin, anakberu arah si
nereh, kalimbubu si ngalo ulu emas arah si empo).
2) Nakan baluten buena 11, emekap 6 arah sinereh ras 5 arah si empo.
3) Nakan ras gulen.
4) Peralaten man.
5) Simulih sumpit (isina beras, tualah, gula, sira), guna simulih luah kalimbubu.
b. Arah si nereh:
1) Nikapken ingan ras amak kundulen.
2) Amak runggu idatasna itama amak beru-beru.
3) Perlengkapen ersukat emas, emekap:
a) Uis arinteneng man lanam pinggan.
b) Pinggan pasu.
c) Amak cur.
d) Beras meciho.
e) Deraham (sen).

Batang belin sinilakoken ibas acara runggu:

a. Ngukati.
b. Ngampeken ose man si erjabu sinilakoken kalimbubu si ngalo ulu emas arah si
empo, ras kalimbubu si ngalo bere-bere arah si nereh.
c. Orati / orri gantang tumba / unjuken.
d. Sijalapen.
e. Ersukat Emas.
f. Peseh ulu emas.
g. Ngelegi si tersereh.
h. Telah-telah / landek.

Ibas ersukat emas, ipedalan telu kali arah pinggan, emekap:

a. Batang unjuken / bena emas rikut derahamna.
b. Gantang tumba / unjuken, rudang-rudang, ras senina kuranan, rikut ras derahamna.
Tempiken Nande sisereh rikut bena emas ras beras.
c. Siman alonken kalimbubu singalo bere-bere, singalo perkempun, ras perbibin rikut
derahamna.
Kenca si e ipedalan la arah pinggan emekap siman alonken anakberu: perkembaren /
persadan / sabe, bagepe gamber inget-inget (setengah ngolihi ku anakberu si empo).
Penukur sekin man si empo ibahan ibas ngaloken persadan/sabe, tapi la ibahan bas
perkembaren.

14
 Daftar Tukur / Emas
(sinidalanken ibas piga-piga daerah peradaten i luar Bandung ibas tahun 2004)

Daerah Tiga Dairi Juhar Surbakti Langkat K. Jahe Bandung

Tukur Binanga (XII Kuta) (usulen)

Sukut:
1. Batang unjuken / bena emas 1.200,- - 1.200,- - 21.000,- - 1.000,-
2. Unjuken / gantang tumba 120.000,- 120.000,- 120.000,- 110.000, 126.000,- 120.000,- 386.000,-
2.5 Tukur ras Takana

(tukur) (sembuyak) -
3. Rudang-rudang 24.000,- 24.000,- 24.000,- 14.000,- - 66.000,-
4. Senina kuranan 6,000,- 6,000,- 6,000,- 5.000,- 14,000,- - 36.000,-
- (bena emas)

Kalimbubu:
1. Bere-bere 86.000,- 86.000,- 86.000,- 71.000,- 63.000,- 86.000,- 286.000,-
2. Perkempun 46.000,- 46.000,- 46.000,- 36.000,- 31.000,- 46.000,- 156.000,-
3. Perbibin 24.000,- 24.000,- 24.000,- 18.000,- 31.500,- 24.000,- 86.000,-

15
4. Ulu emas 120.000,- 120.000,- 120.000,- 14.000,- 120.000,- 386.000,-
24.000,- 31.500,-
(ciken-cien) (perninin)
Anakberu (Radat):
1. Perkembaren / persadan / 24.000,- 24.000,- 24.000,- 31.000,- 14.000,- 24.000,- 46.000,-
sabe
2. Sirembah kulau - - - - 14.000,- - 26.000,-
3. Gamber inget-inget 1.000,- 1.000,- 1.000,- - 7.500,- - 16.000,-
(a.b.minteri)

Cataten:
Belinna / buena tukur man kalimbubu si telu sedalanan arus ngikuti prisnip "ula ganjangan bara asa takal", ertina la
banci belinen tukur man kalimbubu singalo bere-bere asangkan unjuken ras seterusna. Semalna, buena bere-bere
emekap 2/3 unjuken, buena perkempun emekap ½ bere-bere, ras buena perbibin emekap ½ perkempun.
a. Taka Ulu Emas:
1) 1/3 ndarat tulan man si mada dareh. Tading 2/3 nari.
2) Ibas si tading nari, 1/3 ndarat jukut man senina tulan (senina si mada dareh) adi
arah Singalorlau tah Kutabuluh. Adi arah Kabanjahe (Urung Kenjulu / 12 Kuta)
man kalimbubu bapa (binuang, perninin). Lit denga ka tading.
3) Si tading ndai itaka telu emekap, 1/3 man kalimbubu nini (kampah), 1/3 man
kalimbubu tua, 1/3 man kalimbubu simaba ose (iperdemui). Si tading denga
man anakberu sinaka.
b. Taka Rudang-rudang:
1) 1/3 ndarat tulan man sembuyak bapa si tersereh.
2) Ibas si tading nari, 1/3 ndarat jukut man senina tulan.
3) Si tading itaka telu, 1/3 man sipemeren, 1/3 man separibanen, 1/3 man
sepengalon.
c. Taka Bere-bere:
1) 1/3 ndarat tulan man si mada dareh.
2) Ibas si tading nari, 1/3 ndarat jukut man sembuyak tulan, tapi bas piga-piga kuta
man binuang si tersereh (kalimbubu bapa / ciken-ciken).
3) Si tading itaka telu, 1/3 man kalimbubu nini (kampah), 1/3 man kalimbubu tua,
1/3 man kalimbubu si enterem.
d. Taka Perkempun:
1) 1/3 ndarat tulan man puang kalimbubu si mada dareh.
2) Ibas si tading nari, 1/3 ndarat jukut man sembuyak tulan.
3) Si tading itaka telu, 1/3 man turang nini, 1/3 man sepemeren bapa, 1/3 man si
enterem.
e. Taka Perbibin:
Pedarat tukur luah, emaka sitading ibagi-bagiken man si biak ngalo.
f. Taka Perkembaren / Persadan / Sabe:
1) 1/3 ndarat tulan man anakberu tua
2) Ibas si tading nari, 1/3 ndarat jukut man anakberu cekoh baka tutup
3) Si tading itaka telu, 1/3 man anakberu minteri (simajek lape-lape / ikor sabe),
2/3 man anakberu sienterem.

2.6 Luah Kalimbubu

a. Luah Kalimbubu Singalo Bere-bere:
1) 1 tendang (enggo isagani).
2) 1 kudin perdakanen ras ukat, isina sampur beras.
3) 2 pinggan perpanganen ras 1 mangkok perburihen.
4) 1 cerek ras 2 cangkir inemen.
16
 5) 2 tumba beras meciho (page situnggung) tare sumpit.
6) 1 tinaruh manuk raja mulia.
7) 1 manuk asuhen (beru-beru).
8) 2 amak dabuhen / tayangen, rikut pe kalanguluna.

b. Luah Kalimbubu Singalo Perkempun:

1) Beras 1 tumba
2) 1 tinaruh manuk
3) 1 amak cur / tayangen, rikut pe kalanguluna.
4) 1 manuk asuhen.

c. Luah (Kalimbubu) Singalo Perbibin:

1) 1 mangkok isina beras ras tinaruh manuk.
2) 1 uis perembah (pertendin).
3) 1 amak cur (amak beru-beru).

d. Luah Kalimbubu Singalo Ulu Emas:

1) 2 pinggan perpanganen.
2) 1 amak cur.
3) 1 mangkok isina beras ras tinaruh.
4) 1 manuk asuhen.

2.7 Antusen Luah Kalimbubu

a. Tendang.
Nerangi jabu, gelah terang perukuren nandangi kalimbubu, senina ras anak beru, la
lit sierbuni-buni.
Jadilah jabu si mbaru bagi lampu idas uruk-uruk sinalsalna, terang ku japa pe (Mat
5:13-14). Jadi contoh ibas simehuli ndalanken Pedah Dibata.
Lampu enda arus terus iisi minakna, eme ngoge pedah Dibata ras erkiniteken man
Dibata.
b. Kudin ras ukat isina sampur beras, pinggan perpanganen, mangkuk perburihen,
cerek ras cangkir, ras beras tare sumpit.
Enda guna penjayon, ola erkeri-kerin, tapi ertambah-tambah rusur arah pendahin si
ipasu-pasu Dibata.
Emaka mejingkat erdahin guna ngelitken keperlun jabu, gelah tetap lit pangan ras
inemen.
Arus tetap ertoto dingen erdahin.
c. Tinaruh manuk.
Gelah ermuliana jabu simbaru jenda nari ku pudi.

17
 Arus terbeluh, metenget ras sabar bagi njemak tinaruh. Adi metenget tinaruh e
banci ertambah-tambah janah jadi manuk melala.
d. Manuk asuhen.
Manuk enda man asuhen gelah merih, adi reh sangkep nggeluh ibas jabu, meriah
ukurna sebab terlitken bangkau man temue.
Jadilah bagi manuk si indung-indung:
• Erkeleng ate ras la erpendobahan man sangkep nggeluh (bagi man anak-
anakna), kutera pe reh kebiaren.
• Metenget ibas kegeluhen (tupung ndarami ingan naruhen).
• Tahan ibas kiniseran (tupung medemken).
• La perajang bana ras la merangap.
e. Amak tayangen.
Ingan galang-galang ngukuri sangkep nggeluh kenjahe-kenjulu ras sider ku
bertengna, si man dahin ras man tenahenken ibas kerja mehuli.
Dibata njadiken doni enda enem wari, ras wari pepituken wari pekesahken. Amin
pe arus latih erdahin, tapi perlu inget wari pekesahken gelah turah gegeh si mbaru.
Ibas pekesahken ula lupa ertoto man Dibata, pindo gegeh, pemeteh, bagepe pasu-
pasuNa.
Ibas mejingkat erdahin, mejingkat pe ndahi kade-kade ras nehken kekelengen.

2.8 Isi Pedah / Telah-Telah

Batang belin isi pedah sinisehken ibas mata kerja rikutken tegun adat eme bagi tersena
arah teruh enda.
a. Tegun Sukut
Nehken kata pengalo-ngalo / persentabin ras pengataken bujur man kerina sangkep
nggeluh ras undangen si enggo pulung.
b. Tegun Sembuyak
Ngerana ngapit ranan sukut, bagepe nehken kata ajar sengkebabah-dua man
sierjabu.
c. Tegun senina, senina sepemeren, separibanen, sepengalon, sendalanen
Mereken kata pengajuk ras penjemba gelah si erjabu e tutus atena. Bagepe
ningetken gelah si erjabu ola mbiar reh ku jabu seninana adi kune lit perbeben.
d. Tegun Kalimbubu Singalo Bere-bere tah Singalo Ulu Emas
Mereken pasu-pasu ras pengarapen man si erjabu, sedalinen ras luah sinisehkenna.
e. Tegun Kalimbubu Singalo Perkempun
Mereken pasu-pasu ras pengarapen man si erjabu, sedalinen ras luah sinisehkenna.
Tambah si e gelah jabu simbare e tutus ibas kegeluhen bagepe kiniteken.
18
f. Tegun Kalimbubu Singalo Perbibin
Mereken pasu-pasu ras pengarapen man si erjabu, sedalinen ras luah sinisehkenna.
Tambah si e pengarapen gelah ula rubat-rubat, ras adi kune lit pertembilen gelah
ipeseh man singalo perbibin.
g. Tegun Anakberu Si Empo
Nehken persentabin ibas kekurangen ngaturken kerja e. Bagepe pengajuk man si
erjabu gelah ula mbiar nuriken ukurna ras nehken dahin si lit bagepe pengarapenna
man anakberu.
h. Tegun Anakberu Si Nereh
Nuriken keriahen ukurna sebab enggo tambah teman si erdahin ibas jabu
kalimbubu. Bagepe isehken luah emekap piso entelap (tah pe penukurna) gelah si
erjabu ersikap katawaripe ndahiken dahin kalimbubu.
i. Tegun Anakberu Minteri
Ncidahken kehamaten man kalimbubu, ras nehken pedah man si erjabu gelah adi lit
perjentiken ibas jabu leben peseh ku anakberu asangken man orangtua tahpe
senina.
j. Tegun Anakberu Ngukuri
Ngapit percakapen anakberu minteri.

2.9 Persadan Tendi / Mukul

Acara pokok ibas mukul tah pe persadan tendi eme guna ngendeskan jabu man si
erjabu, nehken pedah gelah tutus njabuken bana, bagepe ngobah tutur adi lit man
perobahan.

Sangkep enggeluh si ikut bas acara:

a. Arah si empo:
1) Si empo;
2) Simupus (Bapa, Nande), tah si ertanggungjawab;
3) Senina;
4) Anakberu;
5) Kalimbubu singalo ulu emas, rikutken situasi ras keperlunna.
b. Arah si nereh:
1) Si tersereh;
2) Simupus (Bapa, Nande), tah si ertanggungjawab;
3) Senina;
4) Kalimbubu singalo bere-bere;
5) Anakberu.

19
Perlengkapen siperlu isikapken:
a. Arah si empo:
1) Nakan ras gulen.
2) Peralaten man.
b. Arah si nereh
1) Beras meciho 1 tumba (isikapken nande si sereh).
2) Manuk megersing 1.
3) Tinaruh manuk 1.

Batang belin sinilakoken ibas acara:

a. Netapken jabu si erjabu (ije ipesikap amak dabuhen)
b. Kalimbubu nanggerken pangan guna mukul.
c. Si erjabu man nakan persadan tendi (mukul) i babo pinggan pasu, iumputi kerina
sipulung.
d. Kalimbubu netapkan senina pengendesen kata (adi pupusna sereh ku lain kuta).
Ipeseh pe tukur man seninana enda.
e. Ngobah tutur, bagepe petandaken si erjabu man kerina kade-kade pekepar.
f. Runggun pijer podi (nehken pedah).
g. Si erjabu mengketi persadanna ibas amak dabuhen (pelaminan).

20
 BAB III
MENGKET RUMAH

1. ERBAGE KERJA MENGKET RUMAH

Bentuk kerja mengket rumah simbaru lit 4 tingkaten:
a. Sumalin jabu : mengket rumah si paling sederhana, sipulung sangkep
enggeluh sindiherna saja. Bengkau piga-piga manuk.
b. Mengkah dapur : mengket rumah secara terbatas sangkep enggeluh,
runggu. Kalimbubu simajek daliken lenga lit
tanggungjawab adatna. Bengkau sada babi tah kambing.
c. Ngerencit (Ngerincet) : mengket rumah kerja mbelin, erkata gendang, rose,
patungna ertanduk, itenahken kerina kade-kade sindauh
ras sindiher.
d. Ertukam : mengket rumah kerja si mbelinna, ilakoken piga-piga
wari ras berngi.

2. PROSES KERJA MENGKET RUMAH

Syarat erbahan lakon mengket rumah emekap arus enggo igalari utang ku kalimbubu.
Proses ibas mengket rumah eme:
a. Berkat ku rumah simbaru.
Simada rumah ras sangkepna nggeluh pulung ibas sada ingan guna ras-ras berkat
ku rumah simbaru ibas erpagi-pagi. Ibaba nakan dum ras beras duhumen.
Si berkat ku rumah mbaru eme: simada jabu, kalimbubu simada dareh (ulu emas),
kalimbubu sierkimbang, kalimbubu sienterem, sembuyak, senina, anakberu.
b. Engkimbangken amak kundulen.
Singkimbangkenca eme kalimbubu sierkimbang.
c. Majekken daliken.
Sipemena ipajekken binuang si arah kemuhen, peduaken ipajekken kalimbubu
singalo ulu emas si arah tengah, emaka ipajekken kalimbubu sierkimbang si arah
kaus.
d. Erban sangkep.
Kenca daliken ipajekken, emaka ibahan api guna nanggerken tinaruh ras manok
sangkep.

21
e. Man beras duhumen ras nakan dum.
Kenca seh i rumah, kerina si pulung man beras duhumen, iumputi man nakan dum.
f. Landek ras mereken telah-telah:
1) Sukut, sembuyak, senina
2) Kalimbubu
3) Puang kalimbubu
4) Anakberu
5) Anakberu minteri

3. TEGUN KALIMBUBU
a. Kalimbubu sierkimbang, dahinna ngimbangken amak mbentar khusus man simada
rumah ras anak-anakna.
b. Kalimbubu binuang, dahinna majekken daliken, bagin si arah kemuhen.
c. Kalimbubu si mada dareh, dahinna majekken daliken, bagin si arah tengah, jenari
daliken si arah kaus ipajekken kalimbubu sierkimbang.

Mangmang sangana majek daliken:

"Kami kalimbubu simajek daliken, ipajekken kami menda daliken anakberu kami ibas
rumah silindung bulan, ula kena bergeh, malem-malem ibas rumah sangkep
marpulung, maka bere-bere kami simada rumah enda ertuah bayak, sangap ngiani
rumah simbaru bekas pande namura, pande rambu-rambu, gelah bagi pande
namuralah pagi ia, bagepe ras beloh ngerambu-rambu isi pusuh peraten sangkep
enggeluh".

4. LUAH KALIMBUBU
a. Kalimbubu Simajek Daliken:
1) Beras meciho 1 tumba.
2) Manuk mbentar.
3) Gula, tualah, galuh.
4) Amak tayangen.
b. Kalimbubu Sierkimbang:
1) Ose simada kerja.
2) Amak jabu siman kimbangenken ras kerina bagi sinibaba kalimbubu simajek
daliken.

Simulih sumpit man kalimbubu (beras, tualah, gula, batuna)

22
 BAB IV
CEDA ATE

1. ERBAGE KEMATEN
a. Cawir Metua : adi enggo metua umurna, anak-anak enggo erjabu
kerina, enggo erkempu janah kalimbubu enggo
ngembahken nakan.
b. Tabah galuh : adi lenga bo metuasa umurna tapi enggo sai utang
(anak-anak enggo erjabuh kerina).
c. Tegun Lolo : adi lit denga anak ipupus lenga erjabu.
c. Mate nguda : adi lenga erjabu.

2. PROSES KERJA CEDA ATE

Proses kerja ceda ate emekap:
a. Runggu kerna adat si mate.
b. Kerja nurunken si mate ras nggalari utang adat.
c. Runggu utang ido (mulih kuburen nari).

3. UTANG ADAT
Lit telu erbage utang adat:
a. Maneh-maneh, adi simate cawir metua / tabah galuh.
b. Morah-morah, adi simate nadingken tegun lolo.
c. Sapu iluh, adi mate nguda.

Bentuk utang adat ibas ceda ate emekap:

a. Adi mate sidilaki:
Maneh-maneh / morah-morah / sapu iluh, ibereken:
1) Man kalimbubu, bulang-bulang tah jas ras batuna (sen). Bulang-bulang tah jas
tading ibas kalimbubu simada dareh, batuna itaka.
2) Man puang kalimbubu, baju ras batuna. Baju e tading ibas kalimbubu singalo
perkempun, batuna itaka.
3) Man anakberu, sekin rikut rempuna (sen). Sekin e tading ibas anakberu cekoh
baka (tutup). Bagepe man anakberu minteri, berupa santik rikut lulukna (sen),
biasana iganti salu colok.
b. Adi mate sidiberu:
Maneh-maneh / morah-morah / sapu iluh, ibereken:
1) Man kalimbubu simada dareh, uis kapal / gatip / teba rikut ras batuna.
23
 Daftar
Utang Adat ras Batuna / Rempuna / Lulukna

Utang Maneh-maneh Morah-morah Sapu-sapu Iluh

Singalo

Dilaki mate:
1. Kalimbubu simada dareh Bulang-bulang/Jas Bulang-bulang/Jas Uis
+ 24.000,- + 12.000,-
2. Kalimbubu singalo perkempun Baju Baju
+ 12.000,- + 6.000,-
3. Anakberu Sekin Sekin
+ 12.000,- + 6.000,-
4. Anakberu minteri Santik Santik
4) Man anakberu, benang sitelu rupa.

+ 12.000,- + 6.000,-
Diberu simate:

24
1. Kalimbubu simada dareh Uis kapal Uis kapal Uis
+ 12.000,- + 12.000,-
2. Kalimbubu singalo bere-bere Kelam-kelam Kelam-kelam
+ 12.000,- + 6.000,-
3. Kalimbubu singalo perkempun Baju Baju
3) Man kalimbubu singalo perkempun, baju rikut batuna.

+ 12.000,- + 6.000,-
4. Anakberu Benang 3 rupa Benang 3 rupa
2) Man kalimbubu singalo bere-bere, kelam-kelam rikut batuna.

+ 6.000,-
 Lampiran I-1
RUNGGU MABA BELO SELAMBAR

Runggu ibahan kenca elah man. Ipesikap amak mbentar, idatasna itama amak beru-
beru man ingan kundul, petala-tala anakberu pekepar. Senina si empo ras si nereh
ngiahken anakberuna. Runggu ibenai ras idungi alu pertoton ibabai Runggun Gereja.
Opedenga ibenaken, maka anakberu sinerehken ersinget man orangtua sisereh, enggo
dung tah lenga utang man kalimbubu.

Sen-E : Senina ku ranan si pempoken.

Semb-E : Sembuyak si pempoken.
Par-E : Pariban si pempoken.
AB-E : Anakberu si pempoken.
Emas-E : Singalo ulu emas si empo.
Sen-S : Senina ku ranan si nereh.
Semb-S : Sembuyak si nereh.
AB-S : Anakberu si nereh.
Bere-S : Singalo bere-bere si nereh.
Perk-S : Singalo perkempun si nereh.
Perbb-S : Singalo perbibin si nereh.
Kal-S : Kalimbubu si nereh.

1. BENA RANAN
Sen-E : Mari karina kam anakberu kami (merga si empo) mergana, reh kam ku
amak enda gelah benakenndu runggunta. Dung kari lebe dahin maka banci
kam mulih.
Sen-S : Mari karina kam anakberu kami (merga si nereh) mergana, reh kam ku
amak enda. Ula kam sitading-tading gelah benakenndu runggunta.

2. ERTUTUR
AB-E : Enda kuakap lenga kita sitandan. Enda isapta, ban isapndu.
AB-S : Payo, enda denga kuakap kita jumpa pe. Enda ka isapta, ban isapndu.
AB-E : Kam kai mergandu?
AB-S : Aku .... mergangku.
AB-E : Bere-bere kai kam? rsd sungkun seh ku kempu, binuang, kampah, ras
solerna.
AB-S : Aku bere-bere .... rsd seh ku soler.
AB-E : Adi bage uga ndia orat tuturta?
25
AB-S : Kam kai kin mergandu? rsd... seh ku solerna.
AB-E : Aku ..... mergangku. rsd... seh ku soler.
AB-S : Adi bage uga dage orat tuturta?
AB-E : Kuakap kam kalimbubungku.
AB-S : Payo nge.
AB-E : Adi bage uga ganjang teruhna tuturta?
AB-S : Kadendu si empo enda ndai?
AB-E : Impalku ia.
AB-S : Adi bage mamandu aku, sebab aku bengkila si sereh enda.
AB-E : Bage-bage mama. Ingentdu gelarku si....... Kempundu ndai si .... sentua.
Kuta kemulihenta i ......., gundari i ...... kami erkuta, adi kujah kam singgah
kam arah rumah.
AB-S : Ue bere-bere. Kam pe ingetndu gelarku ...... Impalndu ndai sentua gelarna
...... Kutanta i ....., reh kam kujah.
AB-E : Ue mama, adi bage ma enggo akapndu dung tuturta?
AB-S : Enggo, enda isapndu ndai.
AB-E : Adi bage, ma banci aku ku ingan kami ah mama?
AB-S : Banci bere-bere.

3. PERSENTABIN
AB-E : Eak mama, cuba arihkenndu ras kalimbubunta, enggo me banci pedalan
kami kampil enda?
AB-S : Eak silih, orati seninandu (merga si nereh) mergana, uga ngenda, enggo
me banci aloken kami kampil ah?
Sen-S : Eak senina, ah kap nina anakberunta, enggo me banci alokenna kampil
ah? Emaka cuba dage nehen ugakin perpulungta ras kalimbubunta bagepe
ras anakberunta.
Semb-S : Sendah enggo me kita pulung si la banci langna. Emaka enggo banci
aloken anakberunta kampil.
Sen-S : Eak silih, enggo banci alokenndu kampil.
AB-S : Eak bere-bere, enta dage kampil ena ndai.
AB-E : Enda mama, alokenndu (3 kampil).
AB-S : Enda silih, peseh kampil enda sada man sukut, sada man kalimbubu, sada
tading bas kami anakberundu. Enda kampilta anakberu.
Sen-S : Enda kampilta sukut. Enda kampilndu kalimbubu.

Cataten:
• Kampil ndai ibuat isina, sidilaki muat isap ras colok, sidiberu muat belo, gamber,
kapor, pinang ras mbako, jenari ulihkenna kampil e man Anakberu Si Empo.
• Adi banci ilitken mic masing-masing 2 arah sinereh ras 2 arah siempo.

26
4. NUNGKUNI KATA KALIMBUBU
AB-S : Enda kampilndu ndai bere-bere, enggo entabeh isap kami singisap,
entabeh belo kami siman belo, kai kin enda ndai kata kampil (kai kin ndai
sura-surandu)?
AB-E : Bagenda mama, enggo lit arih kalimbubu kami si .... merga ...... bere-
bere....... ras diri kalimbubunta (merga si nereh) mergana, gelarna si ......
bere-bere .....kempu ......, maka atena njabuken bana. Erkiteken si e me
maka kami ras kalimbubu kami (merga si empo) mergana reh Maba Belo
Selambar ku jabu Kalimbubunta (merga si nereh) mergana, lako nungkun
kata kalimbubu.
AB-S : Adi bage ertima kam lebe, enta arihken kami lebe ras Kalimbubu kami.
Eak silih, nina (merga si empo) mergana erkelang-kelangken anakberuna,
maka enggo lit arih-arih simedanak emekap (merga si empo) mergana si
gelarna ...... ras dirindu si ...... maka atena duana njabuken bana. Emaka
enda reh (merga si empo) mergana Maba Belo Selambar ku jabundu lako
nungkuni kata, arih dage kam kerna si e.
Sen-S : Eak senina, uga ngenda arihta kerna sikataken Anakberunta e?
Semb-S : Sungkunlah lebe anakta si ......, tuhukin lit bage?
Sen-S : Eak anakku si....., tuhukin enggo lit arihndu ras si ........ merga ....., maka
atendu duana njabuken bana?
Si Sereh : Payo Bapa, bekas katangku nge maka ia reh bas wari enda.
Sen-S :Kam ngenda anakberu kami siermakan permenndu, emaka kam lebe arih
kerna sienda.
AB-S : Eak nake, man banta kerina anakberu ..... mergana, uga ninta? Nina
kalimbubunta, maka kerna beru ........ kita metehsa, emaka uga ninta?
AB-S-1 : Aku lit ngenda si empongku, emaka labo aku senang.
AB-S-2 : Aku pe litnge si empongku, gel-gel e kuakap lenga kin mbelin permenta ah,
lang enggo mindai kulegi.
Berkat si sereh ku amak runggu.
Si Sereh : Enda isapndu bengkila, ban isapndu kerina. Enda kampilku bibi, ban
belondu. Ranakendulah rananku enda bengkila, bibi. Uga ban adi gel-gel
nari la kam reh nungkuni aku. Je enggo kuueken ranan ...... mergana ah
ndai, enterem denga nge agingku, e pagi jumpa ras impalku.
Berkat si empo ku amak runggu.
Si Empo : Enda isapenku Bapa, Kaka, ban isapndu.
AB-S : Banci. Ma tutuslah atendu enjabuken bana ras permen kami e?
Si Empo : Tutus Bapa.
AB-S : Uga siban nake, enggo kita lebei kalak. Sikitik ah pagi ulanai siban pulah.
Eak impal (man senina si nereh), kami anakberundu enggo ersada arih
kami, enggo meriah ukur kami. Dage uga ka arihndu kalimbubu kami?

27
Sen-S : Nina anakberunta, maka enggo ersada arihna kerina, enggo meriah
ukurna, dage uga ka arihta ras seninanta?
Sem-S : Adi anakberunta enggo meriah ukurna, kita pe meriah nge ukurta. Saja
enggo kin lah tandai anakberunta ise si reh e?
Sen-S : Eak silih, cuba dage oratindu, ise kin si empo?
AB-S : Eak bere-bere, ise kin si empo e nina kalimbubu kami?
AB-E : Si empo e kalimbubu kami (merga si empo) mergana, bere-bere....., gelarna
si..........
AB-S : Cuba dage oratindu, ma tutus nge atena erjabu?
AB-E : Uga impal, ma tutus nge atendu erjabu?
Si Empo : Tutus kaka.
AB-E : Eak mama, ma enggo begindu orati kami kalimbubu kami?
AB-S : Enggo.
Ena kap kalimbubu kami ma enggo begindu? Adi bage uga nindu?
Sen-S : Adi bage kami pe enggo meriah ukur kami, bage gia sungkun lah lebe
Kalimbubu Singalo Bere-bere, uga nina?

4.1 Pedalan Kampil Pengarihi / Pengorati

AB-S : Man kam kalimbubu singalo bere-bere, kami ras kalimbubu kami enggo
ersada arih kami, maka enggo meriah ukur kami kerna sura-sura (merga si
empo) mergana njabukan bana ras beru (si nereh). Emaka uga ka
katandu? Arih kam.
Bere-S : Adi kami kalimbubu singalo bere-bere, labo kami pang ngataken ukur
kami, adi lenga teh kami ukur bere-bere kami. Enta dage kampil pengarihi
/ pengorati.
AB-S : Eak bere-bere, enta dage kampil pengarihi / pengorati.
AB-E : Enda kampil pengarihi / pengorati ndai. (Isina: belo, gamber, kapor,
pinang, mbako, isapen ras colok, bagepe lit ka batuna Rp. 1.200,-)
AB-S : Enta.
Endi kampil pengarihi / pengorati, maka arihindu / oratindu bere-
berendu.
Bere-S : Eak si...... (si sereh), uga ngenda kin ukurndu? Ma labo kam paksa
nandendu ras bapandu erjabu?
Si Sereh : Lang mama, mami, sura-surangku kin bage.
Bere-S : Ma enggo me ukurindu mbages-mbages anakku, erjabu enda labo main-
main? Ula kari sekalenda ue nindu, je pagi lang nindu ka. Kerna erjabu
enda man baban asa metua, emaka ukuri lebe?
Si Sereh : Enggo me ku ukuri mama, mami.
Bere-S : Adi bage uga kerna persikapenndu erjabu? Bajundu enggo lit? Amakndu
uga ka?

28
Si Sereh : Bajungku lit nge je mama, mami tapi la mejilesa. Kerna amak lenga bo lit.
Bere-S : Bage-bage anakku, banci kari ranaken kami. Eak, kam anakberu minteri
kami, enggo orati kami bere-bere kami, ia enggo senang ukurna, emaka
bage ka pe kami singalo bere-bere enggo meriah ukur kami. Saja ngenca
bere-bere kami mbaru mbelin, lenga ia encari, emaka bajuna pe lenga bo
lit, bage ka pe lenga bo ia mbayu, emaka amakna pe labo lit.
AB-S : Eak, ah kap nina singalo bere-bere, cuba pesehndu man kalimbubundu.
AB-E : Eak mama (man senina si empo), ma enggo begindu ndai kata singalo bere-
bere, maka ia enggo meriah ukurna. Saja ngenca nina maka bere-berena
lenga encari emaka bajuna pe lenga bo lit, lenga ia mbayu emaka amakna
pe lenga bo lit.
Sen-E : Enggo angka kami, banci pesikap kami.
AB-E : Enggo banci pesikap kami nina kalimbubu kami.
AB-S : Eak silih (man senina si nereh), ma enggo begindu nina (merga si empo)
mergana.
Sen-S : Enggo merandal.
AB-E : Eak mama, adi bage enggo me kalimbubu kami (merga si empo) mergana
banci erjabu ras beru (si nereh)?
AB-S : Enggo.
AB-E : Eak silih (man senina si pempoken), engo banci (merga si empo) mergana
erjabu ras beru (si nereh).

5. ERSINGET-SINGET GANTANG TUMBA / UNJUKEN

AB-E : Eak mama, mindo ngenda kami man (si nereh) mergana ras kalimbubu, adi
banci min siterusken ku ersinget-singet kerna gantang tumba / unjuken
kalimbubu gelah ula pagi siakap meserasa tupung nganting manuk.
AB-S : Ah me kap nina (si empo) mergana silih, mindo ia gelah banci siterusken
ranan ersinget-singet kerna gantang tumba / unjuken siman alonken
kalimbubu.
Sen-S : Uga ninta?
Sem-S : Adi ersinget-singet labo dalih, tapi lenga bo e sierok-erok perban kami
lenga bo pulungsa sendah. Bage gia orati kalimbubu singalo bere-bere.
Sen-S : Eak kam kalimbubu kami singalo bere-bere, uga nindu mindo (si empo)
mergana adi banci ersinget-singet min kita kerna gantang tumba nina?
Bere-S : Adi ersinget-singet labo dalih, tapi ngerana denga nge kita pagi kerna sie
tupung nganting manuk.
AB-S : Eak bere-bere, adi kerna singet-singet nge ningen labo dalih nina
kalimbubu kami.
AB-E : Adi bage cuba dage aihkenndu ras (si nereh) mergana, uga kerna siman
alonkenna?

29
AB-S : Cuba kam arih silih, asakai dage gantang tumba / unjuken siman
alonkenndu?
Sen-S : Uga ninta kerna si e?
Sem-S : Cuba dage sungkun uga kin ate (si empo) mergana kerna patong kerja?
Sen-S : Sungkun dage silih, uga kin kerna patong kerja?
AB-S : Eak bere-bere, ugakin atendu kerna patong kerja, gelah teh kalimbubu
kami nentuken siman alonkenna?
AB-E : Arih dage kam impal (man senina si pempoken), ugakin atendu kerna
patong kerja?
Sen-E : Uga ninta senina kerna patong kerja?
Sem-E : Uga kin sura-surandu kerna patong kerja sembuyak?
Bapa-E : Ugakin akap kena bicara kerja sintengah siban?
Sem-E : Bage-bage. Eak senina kerja sintengah nindu.
Sen-E : Kerja sintengah nindu.
AB-E : Nina kalimbubu kami kerja sintengah, tapi tenahken kerina kade-kade. Adi
bage uga dagena kerna gantang tumba kalimbubu?

5.1 Gantang Tumba / Unjuken

AB-S : Uga dage siman alonkenndu, arih kam karina (si nereh) mergana.
Sem-E : Adi kerja sintengah bagena:
Batang unjuken Rp.1.000,-
Teroh Pinggan/Lanam-lanam/Ganti gigeh/Unjuken Rp.386.000,-
Rudang-rudang Rp.66.000,-
Senina kuranan Rp.36.000,-
Ugapasa akap kena?
AB-S : Ma enggo begindu, lanai padah ku ulihi, ugapasa akapndu?
AB-E : Ma enggo begindu silih?
Sen-E : Enggo, merandal saja ngenca ma labo pagi ikeris kerna unjuken e?
AB-E : Uga ngenda ma labo pagi ikris unjuken e? Bicara igalari pagi teruhen asa si
e, emaka silengana e ndigan pagi kalimbubu perlu ngata ia, ula erpudun
pagi?
AB-S : Bage-bage, kami pe merandal akap kami.

5.2 Singalo Bere-bere, Singalo Perkempun, Singalo Perbibin (Telu Sedalinen)

AB-E : Adi bage arihkenndu ka dage kerna siman alonken Kalimbubu Sitelu
Sedalanen, emekap Bere-bere, Perkempun, ras Perbibin? Luah enggo
pesikap kami.
AB-S : Eak kam kalimbubu sitelu sedalanen, uga ngenda siman alonkendu, kerna
luah enggo ipesikap.
Bere-S : Kami singalo bere-bere ngerangguti.
30
Perk-S : Kami pe singalo perkempun ngerangguti.
Perbb-S : Singalo perbibin mantik.
AB-S : Eak bere-bere, kerna kalimbubu singalo bere-bere ras perkempun
ngerangguti, tapi perbibin mantik.
AB-E : Adi bage asakai singalo bere-bere?
AB-S : Singalo bere-bere Rp.286.000,-
AB-E : Asakai singalo perkempun?
AB-S : Singalo perkempun Rp.156.000,-
AB-E : Asakai ka singalo perbibin?
AB-S : Singalo perbibin Rp.86.000,-

5.3 Perkembaren / Persadaan / Sabe

AB-E : Uga kerna siman alonkenndu anakberu (si nereh) mergana, emekap kerna
si ermakan tahpe perkembaren / persadan / sabe?
AB-S : Sungkunlah kalimbubundu (si empo) mergana, asakai kin gel-gel aloken
kami, sebab sada nge dalan kami nandangi (si nereh) mergana?
AB-E : Eak silih, cuba arih kam kerina, maka nina anakberu (si nereh) mergana,
kalimbubundu ah pe enggo ietehna kerna perkembaren e, uga nindu?
Sen-E : Bagenda nindu, sekalenda kam kin nukatisa kerna perkembaren e, kami
kari engkerissa.
AB-E : Eak mama, nina kalimbubu kami, sekalenda kam nukatisa perkembaren e,
jenari kalimbubu kami kari engkerissa.
AB-S : Adi bage gel-gel aloken kami perkembaren e Rp46.000,- ugapasa akap (si
empo) mergana? (1/3 ngolih sekin man si empo entahpe radat).
AB-E : Eak silih, uga nindu, nina anakberu (si nereh) mergana perkembaren Rp.
46.000,- ugapasa akapndu?
Sen-E : Enggo merandal, biasanape ase nge aloken kami.
AB-E : Kai denga kapndu sitading lupanta?
AB-S : Lit denga, arah kuta kami ah lit gelarna gamber inget-inget buena
Rp.16.000,-
AB-E : Merandal.

6. NUNGKUNI PUDUN KERJA

AB-S : Kai denga tole deba tendu siranaken?
AB-E : Adi banci min siranaken uga pagi pengelakokenta kerna kerja.
AB-S : Merandal, turiken uga kin sura-surandu.
AB-E : Ate kami ras kalimbubu kami, wari siman pandangen bagenda:
Mata kerja ibahan tupung wari ..... tanggal .......,
Sope mata kerja ibahan pemasun-pemasun ibas wari ...... tanggal .......
pukul ......,
31
 Nganting Manuk ibahan wari ..... tanggal ...... karaben/berngi pukul ......
kenca ibahan lakon pemasu-masun.
Kerja e pagi ibahan i jambur kutanta enda, cuba arih kam ras
kalimbubunta, malabo lit alokenna pudun bas wari si e?
AB-S : Eak silih, cuba dage kam arih bagepe ras kalimbubunta sitelu sedalanen
kerna mata kerja singgo ikataken anakberu (si empo) mergana, ugapasa
akapndu, ma labo lit alokenndu pudun sanga sie?
Sen-S : Uga ninta?
Sem-S : Merandal, lenga bo lit aloken kami pudun.
AB-S : Uga ka bas kam kalimbubu sitelu sedalanen, kerna wari kerja e ugapasa
akapndu?
Bere-S : Kami adi enggo ersada arihndu, enggo meriah ukur kami.
AB-S : Eak bere-bere, kerna sura-surandu enggo banci erdalan, kai denga deba
atendu?

6.1 Kerna Ose

AB-E : Sura-sura kami maka sanga kerja e pagi, si erjabu rose emas, simupus rose
tapi la er emas, sembuyakna ertanda-tanda, ugapasa akapndu?
AB-S : Eak silih, ah kap nina, ugapasa akapndu?
Sen-S : Merandal.
AB-S : Enggo merandal rencanandu e. Kai nari tole?
AB-E : Cuba kam arih ras (si nereh) mergana kerna si muat ose e? Biasana si nereh
nge si muat ose e, sinangketkensa Singalo Ulu Emas. Ugapasa akapndu?
AB-S : Eak silih, banci nge pesikapndu ose si erjabu duana, lengkap ras emasna?
Sen-S : Uga ninta senina, terpesikapta lah e?
Sem-E : Banci pesikap kami nindu.
AB-S : Enggo banci pesikap kalimbubu kami. Emaka katakendu man Singalo Ulu
Emas gelah lampas pagi ia reh nangketkensa.
AB-E : Banci mama.

6.2 Kerna Acara

AB-S : Uga ka pagi bandu kerna acaranta?
AB-E : Sura-sura kami acaranta pagi bagenda:
Pukul 07.00 - 08.00 : Ngukati,
Pukul 08.00 - 09.00 : Rose,
Pukul 09.00 - 10.00 : Ertembe-tembe pedalan emas,
Pukul 10.00 - 13.00 : Mereken telah-telah,
Pukul 13.00 - dung : Man.
Ugapasa akapndu?

32
6.3 Kerna Gulen
AB-S : Merandal, saja ngenca uga pagi bandu gulenta?
AB-E : Gulenta pagi lembu, jukutna 7 ayan, beras asa bias, je ban kami kuah-kuah
adumna ban kami kentang, ugapasa akapndu?
AB-S : Merandal.

6.4 Undangen / Tenah

AB-E : Piga undangen man kalimbubunta (si nereh) mergana?
AB-S : 1.000 ban.
AB-S : Adi bage berekenndu pagi si ertenah (takal surat), gelah ban kami
undangen e.
AB-S : Banci.
AB-E : Adi bage kai nari akapndu sitading lupanta?
AB-S : Akap kami enggo me timbas, saja adi lit pagi sitadingta siranaken ka
tupung nganting manuk.

6.4 Pedalan Pudun

AB-E : Adi bage enggo banci sengkul kami pudun enda?
AB-S : Enggo.
AB-S : Enda pudun ras penindihna Rp.11.000,- mata kerja wari..... tanggal.....
(bereken pudun buena 4)
AB-S : Enda sada man bandu si empo. Enda pudun man bandu si nereh ......
mergana, enda sada pudun man kalimbubu, janah sada bas kami
anakberu. Kata pudun emekap pagi mata kerja wari ........ tanggal ........
Sen-S : Enda pudun ndai, mata kerja wari ....... tanggal ........
Kal-S : Enda pudun ndai, mata kerja wari ....... tanggal ........
AB-S : Enda pudun ndai, mata kerja wari ....... tanggal ........
AB-E : Enda pudun ndai, mata kerja wari ....... tanggal ........
Adi bage enggo banci nduduri isapen kalimbubu kami (si empo) mergana
man (si nereh) mergana?
AB-S : Enggo.
AB-E : Eak berkat kam kalimbubu kami, berekenndu isapenndu man (si nereh)
mergana.

7. PEDAH RUNGGUN GEREJA

• Persinget kerna kewajiben ras administrasi gereja.
• Persinget kerna cataten sipil.
• Ertoto

33
 Lampiran I-2
RUNGGU NGANTING MANUK

Runggu ibahan kenca elah man. Opedenga kerina ngaloken pangan, ipedalan lebe
pernakan kitik man persentabin ras cimpa (gulame). Adi anakberu siempo ras
anakberu sinereh lenga sitandan, maka ertutur lebe. Kenca ertutur tah enggo sitandan,
banci ibenakan ranan. Ingan runggu e me amak runggu si idatasna itama amak beru-
beru. Runggu ibenai ras idungi alu pertoton ibabai Runggun Gereja.

1. BENA RANAN
AB-E : Kam kalimbubu kami (si empo) mergana, nindu dage uga perpulung kami
anakberu.
Sen-E : Akap kami enggo me kam pulung kerina.
AB-S : Kam kalimbubu kami (si nereh) mergana, nindu perpulung kami
anakberundu.
Sen-S : Akap kami enggo me kam pulung kerina.
AB-E : Adi bage enggo banci benaken kami runggun?
Sen-E : Enggo.
AB-E : Dage sope benaken kami runggun enda, pesehndu dage man Puang
Kalimbubu kami gelah tertinggel-tinggel ia lebe.
Sen-E : Banci. Man kam kalimbubu kami singalo ulu emas, ras singalo perkempun,
ibenaken anakberunta menda ranan, tertinggel-tinggel kam lebe.
AB-S : Dage sope benaken kami runggun enda, pesehndu dage man Puang kami
gelah tertinggel-tinggel ia lebe.
Sen-S : Banci. Man kam kalimbubu kami singalo bere-bere, singalo perkempun,
bagepe singalo perbibin, ibenaken anakberunta menda ranan, tertinggel-
tinggel kam lebe.

Cataten: ilebuh sukut pekepar anakberuna si empat merga.

2. PERSENTABIN
AB-E : Eak mama, uga ndai perpandu ras kalimbubunta, ma enggo me sikap
kerina?
AB-S : Uga ndai perpanta silih?
Sen-S : Enggo sikap.
AB-S : Enggo sikap kerina.
AB-E : Adi bage arih kam ras kalimbubunta, enggo me banci pedalan kami kampil
enda?
34
AB-S : Eak silih, enggo me banci aloken kami kampil enda?
Sen-S : Eak (ku sembuyak si nereh), enggo me banci aloken anakberunta kampil
ah? Cuba nin perehta kerina bagepe kalimbubu ras anakberunta. Uga lit
denga kin siman timan?
Semb-S : Enggo nindu.
Sen-S : Enggo banci alokendu silih.
AB-S : Enta dage kampil ena ndai.
AB-E : Ope denga pedalan kami kampil enda ndai, osarindu lebe pudun.
AB-S : Merandal, enda dage penindih pudun.
AB-E : Endi dage kampil ndai (6 kampil).
AB-S : Enda (ku anakberu si empo), berekendu sada man singalo ulu emas.
AB-E : Endi silih (ku senina si empo), peseh kampil enda man singalo ulu emas.
Sen-E : Kam kalimbubu kami singalo ulu emas, enda kampilndu.
AB-S : Enda kampilta anakberu. Endi silih (ku senina si nereh), peseh kampil
enda man singalo bere-bere, man singalo perkempun, man singalo
perbibin, ras man bandu sukut sada. Enda peseh kami kampil man
runggun gereja (tah kepala desa).
Sen-S : Enda kampilta sukut (bereken man sembuyak si nereh). Enda kampilndu
singalo bere-bere, enda kampilndu singalo perkempun, enda kampilndu
singalo perbibin.

Catatan:
Isi kampil ndai ibuat kerina, ras kampilna iulihken man si empo arah anakberuna.

3. NUNGKUNI KERIAHEN UKUR KALIMBUBU

AB-S : Enda kampilndu ndai bere-bere, enggo entabeh isap kami singisap,
entabeh belo kami siman belo, kai kin enda ndai kata kampil (kai kin ndai
sura-surandu)?
AB-E : Sue ras arihta sanga Maba Belo Selambar, maka sendah kita Nganting
Manuk. Bage gia erkite-kiteken ndai kalimbubu kami (si empo) mergana
ras diri kalimbubunta (si nereh) mergana enggo ngaloken pasu-pasu, emaka
nungkun menda kami, ugange nungkuni denga nge kami tah lang?
AB-S : Eak silih (man senina si nereh), uga ngenda nungkuni denga nge kami tah
lanai nina (si empo) mergana erkelangken anakberuna, erkiteken ndai
dirindu ras (si empo) mergana enggo ngaloken pasu-pasu.
Sen-S : Uga ninta senina (man sembuyak si nereh), adi bage nina anakberunta.
Semb-S : Uga kin akapndu teng-teng bage ban nindu man anakberunta. Adi kita
bicara lanai pe nungkuni labo dalih.
AB-S : Uga ninta kerina anakberu (si empo) mergana?
AB-S-1 : Lanai pe ungkuni labo dalih.

35
AB-S : Bage me arihta?
AB-S-1 : Bage.
AB-S : Eak bere-bere, lanai padah kam nungkuni.
Catatan:
Adi lenga pasu-pasu, ibahan denga nungkuni.

4. NUNGKUNI GANTANG TUMBA / UNJUKEN

AB-E : Adi bage enggo me banci kita ngeranaken gantang tumba / unjuken si man
alonken kalimbubu?
AB-S : Uga dage silih (man senina si nereh), enggo me banci siranaken kerna
gantang tumba?
Sen-S : Cuba oratindu lebe, ma reh ngenda ndai singalo ulu emas?
AB-S : Uga reh ngenda singalo ulu emas?
AB-E : Reh.
AB-S : Adi bage kataken singalo ulu emas ku ingan kalimbubu kami (si nereh)
mergana, gelah ngisap-ngisap ia ras.
AB-E : Eak silih (man senina si empo), kataken singalo ulu emas ku jenda nina (si
nereh) mergana.
Sen-E : Man kam kalimbubu kami singalo ulu emas, berkat kami ku lepar ku ingan
(si nereh) mergana.
AB-E : Ena singalo ulu emas ndai, alo-alondu dage.
AB-S : Mari, arenda kam kundul.
Emas-E : Enda isap kami, ban isapndu kerina.
Semb-S : Enda ka isap kami, ban ka isapndu.
Emas-E : Meriah nge ukur kami kerna bere-bere kami erjabu ras pupusndu.
Semb-S : Adi bage uga kin biasana siman alonkenndu bas anakberunta nari?
Emas-E : Biasana alonken kami bas anakberunta nari bagenda (contoh):
Adi kerja sintua Rp. 586.000,-
Adi kerja sintengah Rp. 386.000,-
Adi kerja singuda Rp. 126.000,-
Semb-S : Adi bage, bageme sibahan?
Emas-E : Merandal, bage-bage. Adi bage enggo banci kami mulih ku jabu kami?
Semb-S : Enggo.
AB-E : Uga enggo banci siranaken kerna siman alonken kalimbubunta?
AB-S : Enggo.
AB-E : Adi bage orati kami kam sada persada. Ogeken kami catatenta sanga
ersinget-singet tupung maba belo selambar. Ja kari si la tengteng kita
milasisa.
AB-S : Bagepe merandal, ogekenndu dage.
AB-E : Kerna gantang tumba / unjuken siman alonken kalimbubu bagenda:

36
 Batang Unjuken Rp. 1.000,-
Lanam-lanam/Teruh Pinggan/Ganti Gegeh/Unjuken Rp. 386.000,-
Rudang-rudang Rp. 66.000,-
Senina ku ranan Rp. 36.000,-
Uga akapndu?
AB-S : Eak silih, bage me kap gantang tumba / unjuken ndai, uga akapndu silih?
Sen-S : Akap kami enggo teng-teng.

4.1 Kerna Alonken Kalimbubu Sitelu Sada Dalanen

AB-E : Adi bage uga ka kerna siman alonken Singalo Bere-bere, Singalo
Perkempun, ras Singalo Perbibin? Cuba arihkendu.
AB-S : Uga siman alonkendu kam kalimbubu si telu sada dalanen (Singalo bere-
bere, Singalo pekempun, Singalo perbibin)? Arih kam.
Bere-S : Kami ngeranguti.
Perk-S : Kami pe ngerangguti.
Perbb-S : Kami mantik.
AB-S : Eak bere-bere, kerna singalo bere-bere ras singalo perkempun
ngerangguti, tapi singalo perbiin mantik ia.
AB-E : Adi bage, asakai singalo bere-bere?
AB-S : Bere-bere Rp. 286.000,-
AB-E : Asakai ka singalo perkempun?
AB-S : Perkempun Rp. 156.000,-
AB-E : Asakai ka singalo perbibin?
AB-S : Perbibin Rp. 86.000,-

4.2 Kerna Perkembaren / Persadan

AB-E : Ugaka kerna siman alonkenndu, emekap perkembaren / persadan?
AB-S : Oratilah sembuyak (si empo) mergana, ia pe tehna nge asakai gel-gel
aloken kami, sebab sada dalan nge gel-gel nari ras ia ibas jabu kalimbubu
kami (si nereh) mergana.
AB-E : Eak silih (man senina si empo), cuba oratkendu seninandu kalimbubu kami
(si empo) mergana kerna perkembaren e nina anakberu (si nereh) mergana.
Sen-E : Uga ninta Senina?
Semb-E : Bagenda nindu, bas sekali enda kam nukatisa perkembaren e, saja kami
kari engkerissa.
AB-E : Eak mama, nina kalimbubu kami maka sendah kam nukatisa, kalimbubu
kami (si empo) mergana kari engkerissa perkembaren e.
AB-S : Adi bage perkembaren Rp. 46.000,-. Cuba orati (si empo) mergana,
ugapasa akapna?
AB-E : Ah silih, perkembaren Rp. 46.000,- nina, ugapasa akapndu?
37
Sen-E : Enggo me payo.

4.3 Kerna Gamber Inget-inget

AB-E : Kai nari akapndu sitading lupanta?
AB-S : Gamber inget-inget Rp. 16.000,-
AB-E : Payo. Taka dua man anakberu pekepar.

5. NUNGKUNI PERDALAN KERJA

AB-S : Eak bere-bere kai nari tendu deba?
AB-E : Ngerana ka min kita kerna acaranta si pagi.
AB-S : Ugakin sura-surandu, cuba turiken.

5.1 Kerna Ose

AB-E : Sierjabu rose emas, simuatsa sinereh, sinangketkenca Singalo Ulu Emas.
Simupus rose la er-emas, sembuyakna ertanda-tanda.
AB-S : Ugapasa akapndu sikataken anake beru (si empo) mergana enda ndai?
Sen-S : Merandal.
AB-S : Enggo teng-teng akap kami. Ugaka seterusna?

5.2 Kerna Acara

AB-E : Acaranta pagi bagenda:
pukul 07.00 - 08.00 kita ngukati i jambur enda,
pukul 08.00 - 09.00 rose i jambur enda,
pukul 09.00 - 10.00 Pedalan Emas,
pukul 10.00 - 13.00 Telah-telah / landek,
pukul 13.00 kita man. Ugapasa akapndu?
AB-S : Merandal.

6. SIJALAPEN
AB-E : Adi bage enggo akapndu banci kita sijalapen?
AB-S : Akap kami pagi saja kita sijalapen sanga pedalan emas, erkiteken enda
enggo melawen berngi.

7. PEDALAN PUDUN
AB-E : Bage-bage. Adi bage enggo banci pedalan kami pudun?
AB-S : Enggo.
AB-E : Endi dage pudun ndai ( 6 seh 8).

38
AB-S : Endi sada bas si empo, sada bas kita anakberu, sada bas sukut, telu bas
kalimbubu telu sedalanen, sada bas Kepala Desa (tah Runggun Gereja).
AB-E : Enda pudun, pagi mata kerja pukul 08.00.
AB-S : Enda pudun, pagi mata kerja pukul 08.00.
Sen-S : Enda pudun, pagi mata kerja pukul 08.00.
Kal-S : Enda pudun, pagi mata kerja pukul 08.00.
AB-E : Adi bage, enggo kapndu dung runggunta?
AB-S : Enggo, saja ngenca katakendnu man Singalo Ulu Emas gelah lampas ia
reh pagi nagketken ose e. Bagepe luah siman jilenken Kalimbubu si telu
sedalanen embahkendu pagi ku ingan kami.
AB-E : Banci. Dage enggo banci duduri kalimbubu kami isapna?
AB-S : Enggo.

39
 Lampiran I-3
RUNGGU MATA KERJA

Runggu ibas mata kerja ibahan kenca dung ngukati ras enggo dung iosei si erjabu ras
orangtua, bagepe ibereken tanda-tanda man sembuyakna. Kenca si e, maka si empo ras
sinereh pepulung anakberuna ras iberekenna tanda-tanda (sabe). Runggu ibenai ras
idungi alu pertoton ibabai Runggun Gereja.

1. PERSENTABIN
Sen-E : Kam kerina anakberu (merga si empo), mari kujenda. Enda amakndu gelah
benakenndu runggun. Adi enggo kam pulung, enda tanda-tandana sabe.
Dung kari lebe kerja maka banci kam lawes.
AB-E : Banci.
Sen-S : Mari kam kerina anakberu (merga si nereh), kujenda kam, enda amakndu,
gelah benakenndu runggun. Enda tanda-tandandu, dung kari lebe kerja
maka banci kam mulih.
AB-S : Banci.
AB-E : Eak silih, perninndu uga kerna perpulung kami anakberundu?
Sen-E : Enggo me kam pulung kerina.
AB-E : Adi bage enggo banci benaken kami ranan?
Sen-E : Enggo.
AB-E : Adi bage pesehndu man Puang Kalimbubu, benaken kami menda ranan,
tertinggel-tinggel kam nindu, embari kari bas cakap kami.
Sen-E : Kam Kalimbubu Singalo Ulu Emas, tertinggel-tinggel kam lebe, benaken
kami menda ranan, embari kari bas percakapen kami.
Emas-E : Banci.
AB-S : Pernindu perpulung kami silih.
Sen-S : Enggo me kam pulung.
AB-S : Adi bage enggo me banci benaken kami runggun?
Sen-S : Enggo.
AB-S : Adi bage peseh man Kalimbubu Sitelu Sada Dalanen, ibenaken kami me
runggun, tertinggel-tinggel ia lebe.
Sen-S : Kam kalimbubu kami Sitelu Sada Dalanen tertinggel-tinggel kam lebe,
benakan anakberu kami menda runggun.
Bere-S : Banci.
AB-E : Eak mama, enggo me banci pedalan kami kampil enda?
AB-S : Enggo.
AB-E : Ope denga pedalan kami kampil enda ndai, osarindu lebe pudun.

40
AB-S : Merandal, enda dage penindih pudun.
AB-E : Endi dage kampil ndai (6 tah 8 kampil).
AB-S : Endi berekendu sada man singalo ulu emas. Enda silih (ku senina si
nereh), bereken ka sada man sukut, sada man singalo bere-bere, sada man
singalo perkempun, ras sada man singalo perbibin. Sada bas kita
anakberu, ras sada ku Kepala Desa / Runggun Gereja.
Sen-S : Enda kampilta sukut (bereken man sembuyak si nereh). Enda kampilndu
singalo bere-bere, enda kampilndu singalo perkempun, enda kampilndu
singalo perbibin.
AB-E : Endi silih (ku senina si empo), peseh kampil enda man singalo ulu emas.
Sen-E : Kam kalimbubu kami singalo ulu emas, enda kampilndu.

2. ORI GANTANG TUMBA / UNJUKEN

AB-E : Sue ras arihta nderbih, maka sendah ertembe-tembe me kita lako pedalan
emas. Bage gia sope sipedalan emas e, oratindu lebe kalimbubu lit nge si-
onggaren kerna gantang tumba / unjuken si man alonken?
AB-S : Cuba dage katakenndu ugakin nderbih kerna gantang tumba e.
AB-E : Kerna gantang tumba:
Batang Unjuken Rp. 1.000,-
Lanam-lanam/Teruh Pinggan/Ganti Gegeh/Unjuken Rp. 386.000,-
Rudang-rudang Rp. 66.000,-
Senina ku ranan Rp. 36.000,-
Oratken dage man Kalimbubunta.
AB-S : Ah me kap gantang tumba / unjuken siman alonkenndu silih, ugapasa
akapndu?
Sen-S : Uga ninta nake?
Semb-S : Enggo me payo.
AB-S : Enggo payo, kai denga tole atendu?
AB-E : Ugakange kerna siman alonken Kalimbubu Sitelu Sedalanen?
AB-S : Eak silih (man senina sinereh), cuba arihkenndu ras kalimbubu sitelu
sedalanen, uga ka kerna siman alonkenna?
Sen-S : Eak kam kalimbubu kami singalo bere-bere, uga ngenda siman
alonkenndu, siman alonken kami enggo me ndai begindu.
Bere-S : Kami ngerangguti.
Sen-S : Uga ka kerna Singalo Perkempun?
Bere-S : Uga kam kalimbubu kami singalo perkempun, kami ngerangguti, uga kam?
Perk-S : Kami pe ngerangguti.
Bere-S : Kami ngeranggguti, uga kam Singalo Perbibin?
Perbb-S : Kami mantik.

41
Bere-S : Enggo begindu kami ras Singalo Prkempun ngerangguti, Singalo Perbibin
mantik.
Sen-S : Merandal, enta peseh kami.
Eak silih, Singalo Bere-bere ras Singalo Perkempun ngerangguti, tapi
Singalo Perbibin mantik ia.
AB-S : Eak bere-bere, maka kerna Singalo Bere-bere ras Singalo Perkempun
ngerangguti, tapi Singalo Perbibin mantik ia.
AB-E : Adi bage kasakai bere-bere?
AB-S : Bere-bere Rp. 286.000,-
AB-E : Asakai ka perkempun?
AB-S : Perkempun Rp. 156.000,-
AB-E : Asakai ka perbibin?
AB-S : Perbibin Rp. 86.000,-
AB-E : Uga ka kerna siman alonkenndu anakberu (merga sinereh), perkembaren /
persadan / sabe. Erkiteken lenga kam nderbih pulung kerina arih kam.
AB-S : Perkembaren/persadan/sabe Rp. 46.000,-

3. SIJALAPEN
AB-E : Adi bage enggo banci kita sijalapen?
AB-S : Enggo. Jalapi kami kam lebe. Ise si empo?
AB-E : Si ....... merga ...... bere-bere ....... kempu ....... binuang ....... kampah ......
soler ..........
AB-S : Ise si mupus?
AB-E : Simupus ............. ras ...........
AB-S : Ise sipempokensa?
AB-E : Sipempokensa ........, kutana......
AB-S : Ise Senina kuranan?
AB-E : Senina kuranan ......, kutana .....
AB-S : Ise Anakberu Tua?
AB-E : Anakberu Tua ........, kutana.....
AB-S : Ise Anakberu Cekoh Baka (tutup)?
AB-E : Anakberu Cekoh Baka (tutup) ........, kutana .......
AB-S : Ise Anakberu Minteri?
AB-E : Anakberu Minteri ......., kutana.....
AB-S : Enggo dung, gundari jalapindu kami.
AB-E : Banci.
1. Ise si sereh?
2. Ise si mupus?
3. Ise sinerehkensa?
4. Ise Senina kuranan?

42
 5. Ise Anakberu Tua?
6. Ise Anakberu Cekoh Baka (tutup)?

4. ERSUKAT EMAS
AB-E : Enggo dung. Adi bage enggo banci kita ersukat emas?
AB-S : Enggo.
AB-E : Enta dage sukat-sukat (ingan pedalansa).
AB-S : Endi (berekenna pinggan pasu isina alu beras meciho, belo bujur, naruh
manuk mbentar, derahamna dua, erlanamken uis arintenteng, idatas amak
cur).
AB-E : Piga kali biasana erdalan, uga sangap bas kalimbubunta?
AB-S : Telu kali.
AB-E : Uga rupa sitelu?
AB-S : Enta lebe batang unjuken, ras ulu emas.
AB-E : Endi (buatna belo sada berkis, je isilepkenna Bena Emas/Batang unjuken,
Ulu Emas).
AB-S : Enta.
AB-E : Peduaken kai ka?
AB-S : Enta:
1. Unjuken;
2. Rudang-rudang; ras
3. Senina ku ranan.
AB-E : Endi (itamana Gantang tumba / Unjuken, Rudang-rudang ras Senina ku
ranan, iteruhna tamana Teruh Pinggan/Lanam-lanam).
AB-S : Enta.
Enda bere-bere, berekenndu Ulu Emas ndai man Singalo Ulu Emas. Enda
ka unjuken (buatna Rp. 1.000,-), katakenndu maka ngalo unjuken ngenda
ia. Emaka sanga man kari katakenndu ia kuingan kami gelah ras
kalimbubu kami kari ia man arah enda.
AB-E : Banci (alokenna Ulu Emas ras unjuken e). Peteluken kai ka?
AB-S : Peteluken enta siman alonken Kalimbubu Sitelu Sedalanan, emekap: Bere-
bere, Perkempun, ras Perbibin.
AB-E : Endi (banna telu berkis belo, jenari isilepkenna bas tep-tep berkis Bere-
bere, Perkempun, ras Perbibin e).
AB-S : Enta.
AB-E : Seterusna kai ka?
AB-S : Seterusna enta Perkembaren/Persadan/Sabe, bagepe gamber inget-inget,
lanai pedah erpinggan.
AB-E : Endi.
AB-S : Enta.

43
AB-E : Adi bage kai nari kapndu sitading lupanta?
AB-S : Akap kami enggo dung.
AB-E : Adi bage, enggo banci siterusken ku acara mereken telah-telah / landek?
AB-S : Enggo. Ugakin atendu kerna perlandek/telah-telah e? Peganci-ganci
banndu tah reh-reh dung?
AB-E : Ate kami peganci-ganci siban.
AB-S : Merandal. Aturkenndu dage lebe arah si empo.
AB-E : Banci, tapi opedenga si e, pedalan kami lebe ulu emas.

5. PEDALAN ULU EMAS

Kenca dung ersukat emas, reh me Anakberu si Empo ras Sukut bagepe
sembuyak/seninana ndahi Singalo Ulu Emas guna peseh Ulu Emas.
AB-E : Eak mama (man Singalo Ulu Emas), ras isenge kami ngerana, tah langsung
saja kami ras kam?
Emas-E : Akap kami ras anakberu kami saja, timaindu lebe enta leboh kami.
Eak kam anakberu kami Pariban (merga si empo) mergana, mari kujenda
kam lebe.
Par-E : Banci mama.
Emas-E : Ena bere-bere, enggo reh anakberu kami, erkelang-kelangken ia kita
ngerana.
AB-E : Eak silih, cuba dage oratindu Kalimbubu Singalo Ulu Emas, enggo me
banci ipedalan kami ulu emas enda?
Par-E : Eak mama, nungkun senina kami (si empo) mergana erkelang-kelangken
Anakberuna, enggo me banci pedalan kami ulu emas e, bage nina, arih
kam.
Emas-E : Eak nake, uga ninta?
Emas-E1: Orati lebe asakai kin atena pedalanna Ulu Emas e?
Emas-E : Cuba oratindu kela, ugakin sura-sura (si empo) mergana kerna Ulu Emas
e?
Par-E : Eak silih, cuba dage sungkunndu Kalimbubundu, uga kin sura-surana kerna
Ulu Emas e.
Sen-E : Sura-sura kami teruhen sitik asa unjuken, bage gia ugapasa akap Singalo
Ulu Emas?
AB-E : Nina kalimbubu kami teruhen sitik asa unjuken, ugapasa akap Singalo Ulu
Emas?
Par-E : Ena kap nina mama, ma enggo begindu Ulu Emas teruhen sitik asa
unjuken, arih kam?
Emas-E : Uga ninta nake, Ulu Emas teruhen sitik asa unjuken nina anakberunta?
Emas-E1: Uga kin enda, labo kap kurang kai pe anakberunta ena, kuakap Ulu Emas
seri ras unjuken.

44
Emas-E : Jadi bage me ninta?
Emas-E1: Bage.
Emas-E : Eak kela, Ulu Emas seri ras unjuken.
Par-E : Eak silih, nina Singalo Ulu Emas maka Ulu Emas seri ras unjuken, uga
nina Kalimbubundu?
AB-E : Ah me kap nina silih, Ulu Emas seri ras unjuken, uga ninta kerina?
Sen-E : Uga ninta senina (man sukut si empo).
Semb-E : Kata kalimbubu labo tersimbak, adi bage nina bage-bage, tama sangap
banta.
Sen-E : Bage-bage nindu.
AB-E : Adi bage nina kalimbubu, bage-bage.
Par-E : Enggo merandal.
AB-E : Adi bage enggo banci pedalan kami Ulu Emas e?
Par-E : Enggo.
AB-E : Ma kami anakberu (si empo) mergana nge sipesehsa man bandu?
Par-E : Bage-bage.
AB-E : Enda Ulu Emas ndai (berekenna deraham sada ras Ulu Emas). Enda ka
unjuken nina (merga si nereh) mergana, maka ngalo unjuken ngenda
Singalo Ulu Emas, je sanga man kari kataken Singalo Ulu Emas ku jabu
kami gelah ras kami man nina (merga si nereh) mergana.
Par-E : Enggo banci.
AB-E : Adi bage ma enggo me dung rananta?
Par-E : Enggo.
Enda mama Ulu Emas ndai, enda tukur maka ngalo tukur nge kam nina
(merga si nereh) mergana. Je tole nari nina kataken kari Singalo Ulu Emas
gelah sanga man ras kami jenda man, bage nina.
Emas-E : Merandal.

6. NGELEGI SI TERSEREH
Kenca ipedalan ulu emas, emaka si tersereh ilegi ku jabu kalimbubu.
Landek bagi sigundari lanai arus ibahan cokong-cokong.

7. LANDEK / MEREKEN TELAH-TELAH

Adi kerja sintua / erkata gendang, maka uruten landek / mereken telah-telah eme:
a. Sukut:
1) Sukut si empo.
2) Sukut si nereh.
b. Sembuyak:
1) Sembuyak si empo.
2) Sembuyak si nereh.
45
c. Senina:
1) Senina, sepemeren, separibanen, sepengalon, sendalanen si empo.
2) Senina, sepemeren, separibanen, sepengalon, sendalanen si nereh.
d. Kalimbubu Sitelu Sedalanen:
1) Kalimubu sitelu sedalanen erkiteken Singalu Ulu Emas arah si empo.
2) Kalimubu sitelu sedalanen (bere-bere, perkempun, perbibin) si nereh.
e. Anakberu:
1) Anakberu si nereh.
2) Anakberu si empo.

Cataten:
• Runggun Gereja ngerana sope denga man, emaka kenca dung ngerana langsung
erbahan pertoton man.
• Adi lit gendang/keyboard iaturken perlandek gelah ula ndeher si-rebu bas
peradatenta.

46
 Lampiran II-1
RUNGGU KERJA CEDA ATE

Sukut : Sukut / anak-jabu si mate

Sem : Sembuyak si mate
Sen : Senina si mate
Par : Senina separibanen si mate
Kal : Kalimbubu si mate
AB : Anakberu si mate
Anak : Pupus si mate

1. RUNGGU NGERANAKAN ADAT SI MATE

AB : Eak silih (man senina si mate), uga nge perpulungndu ras Puang
Kalimbubu kami, bagepe Puang nu Puang, ras kami anakberundu? Adi lit
kapndu siman lebohenken, gelah ileboh kami.
Sen : Uga ninta senina (man sembuyak si mate), cuba perdiatekenndu
kalimbubunta ras anakberunta.
Sem : Bas kita sembuyak enggo pulung, saja bas kalimbubunta cuba oratkenndu
uga perpulungna.
Sen : Eak man bandu kalimbubu kami, uga ngenda perpulungndu? Litdenga
akapndu siman lebuhen, gelah ilebuh kami.
Kal : Sendah enggo akap kami pulung si labanci langna, emaka enggo banci
benakenndu ranan.
Sen : Eak silih (man anaberu si mate), si labanci langna enggo pulung kerina.
AB : Adi enggo me banci kita arih-arih?
Sen : Enggo.
AB : Eak silih, adi bagenda mama si X enggo idilo Dibata, arih dage kam ugakin
sura-surandu kerna perdalan mama?
Sen : Eak senina (man sembuyak si mate), arih kam uga kin perdalin mama nina
anakberunta, uga ninta.
Sem : Uga kina sura-sura kena (man sukut si mate) kerna perdalan bapanta?
Sukut : Kam saja erbahanca kaka, uga kapndu mehuli bage ban.
Sem : Bagenda senina (man senina si mate), maka bapa si X sidungi adatna
kedun, erkata gendang.
Sen : Eak silih, ate kami kalimbubundu, maka bapa si X enda idungi adatna
kedun alu erkata gendang.
AB : Adi bagi ise akapndu siban sierjabaten?
Sen : Ena kuakap kam saja anakberu kami si ngurussa, pilihindu si mejilena.

47
AB : Enggo banci silih. Adi bage kainge dage sibahan patong kerjana?
Sen : Kerbo jukutna 7 kaleng. Enda pe kam kange si muatsa ibas perlajangen,
emaka atorkenndu.
AB : Banci silih.
Dage uga ngenda arihta kerna mama maka enggo menda metua, bagepe
tanggungenna nggeluh enggo dung erkiteken kerina pupusna enggo erjabu
kerina, ma adat cawir metua menda si bahan. Arih kam.
Sen : Bage.
AB : Adi bage, ma rose nge kam karina kalimbubu kami?
Sen : Rose sibar anak ku teruh.
AB : Adi bage kenca kari dung runggunta enda, ngata kami man kami kerna
kalimbubu si mada ose, gelah ieteh kami nenahkenca.
Sen : Banci.
AB : Eak silih, ija ngenda sibahan inganta pulung, erbahan lape-lape ngenda
kami tah bas jambur sibahan?
Sen : Maka ula kapndu latihsa, bas jambur saja sibahan.
AB : Adi bage asakai kapndu bahan kami tenah/undangen?
Sen : Tenahkenndu kerina si iperdemui urat ni jaba, ula sitading-tading.
Bahandulah 1000.
AB : Banci. Adi bage bas ise pertemen kami, gelah teh kami mindo belanja
kerja.
Sen : Kerna si e ngata kami man bangku, tahpe man kam anakberu cekoh baka
kami si A.
AB : Adi cawir metua kepe mama, uga ngenda kerna tudungen?
Sen : Lit, emaka arihken kami ras kalimbubu.
Eak man kam kalimbubu kami, enda pagi lit ngenda tudungen, emaka
pesikapndu dirindu.
Kal : Piga kin atendu?
Sen : Dua, akap kami beru singumban ras beru puhun. Galang ban ula kari kitik
embahndu.
Kal : Enggo banci pesikap kami. Emaka kam pe si pagohnalah pagi bandu
adumna, gelah kenca dung kerja enda banci minter babandu.
Sen : Banci.
Eak silih, enggo kerna tudungen, emaka pagi pesikapndu kerna osena.
AB : Banci. Adi bage kai dengan kapndu sitanding lupanta.
Sen : Kuakap enggo erkedungen.
AB : Adi bage enggo banci sidungi arih-arihta?
Sen : Enggo.

48
2. RUNGGU PEDALAN UTANG ADAT

2.1 Persentabin
Persentabin, ibereken kampil kehamaten man kalimbubu simada dareh (singalo ulu
emas tah singalo bere-bere) ras puang kalimbubu (kalimbubu singalo perkempun)

Sen : Man bandu kerina anakberu kami, reh kam gelah kita runggu.
AB : Banci.
Sen : Enggo banci benaken runggunta.
AB : Eak man kam puang kalimbubu kami, ras ise nge kami ngerana.
Kal : Mari kam anakberu kami (man senina separibanen si mate), gelah
ranakenndu runggunta enda.
Par : Banci mama.
Kal : Arenda kam kundul, gelah benakenndu rananta.

2.2 Erbahan Gelar Utang Adat si Mate

AB : Eak dage (man pariban si mate), cuba arihkenndu ras puang kalimbubu
kami, enggo me kita banci arih-arih kerna utang mama si X?
Par : Ah me kap nina mama, enggo me kita banci arih kerna utang mama nina
anakberu (si mate mergana)?
Kal : Bagenda nindu, kai kin banndu gelarna nindu.
Par : Eak, nina kalimbubu kami kai kin banndu gelarna?
AB : Eak sili (man senina si mate), kai ngenda gelar utang si atendu galarindu,
bage nina puang kalimbubu kami, cuba kam arih kerna si e.
Sen : Eak senina, kai dage sibahan gelarna?
Sem : Maneh-maneh nindu, sebab enggo menda sai tanggungen bapa ndube,
sebab enggo erjabu kerina pupusna.
(Adi lenga dung dahinna, igelari morah-morah, adi nguda denga igelari
sapu iluh).
Sen : Ma enggo begindu silih, gelarna ningkami maneh-maneh.
AB : Eak impal (man pariban si mate), nina kalimbubu kami gelarna maneh-
maneh. Ugapasa akapndu?
Par : Nina (si mate mergana), gelarna maneh-maneh, ugapasa akapndu mama?
Kal : Enggo merandal. Adi maneh-maneh kin kepe si ipedalan, uga dage rupana?
Par : Enggo begindu impal, uga kin rupana nina kalimbubu kami?
AB : Rupana emekap jas, ras batuna Rp.12.000,-
Par : Ma enggo begindu mama, nina (si mate) mergana erkelangken anakberuna,
maka rupana jas ras batuna Rp.12.000,-
Kal : Bagenda nindu, kerna si X enda, biak Sebayak/Raja/Pengulu ngenda ia tah
lang?
49
 (Banci ka pe nina kalimbubu, si X enda bulang-bulangen kami, emaka
galarna la banci seri ras si enterem).
Par : Ah kap nina kalimbubu kami, uga ngenda kerna bapa si X, biak
Sebayak/Raja/Pengulu entah bulabg-bulangen ngenda ia?
AB : Ah kap penungkunen puang kalimbubu kami silih, uga ninta?
Sen : Edi nindu.
AB : Edi nina kalimbubu kami.
Par : Edi nina mama.
Kal : Adi bage, nindu man anake beru (si mate) mergana, utang e 2 x
Rp.24.000,- lanai ertapak.
Par : Nina kalimbubu kami maka si man galaren kerna utang bapa si X emekap 2
x Rp.24.000,- lanai ertapak.
AB : Ah kap nina puang kalimbubu kami, ugapasa akapndu?
Sen : Bagenda nindu, si semal gel-gel nari pedalan kami anakberundu kerna
utang adat enda emekap 2 x Rp.12.000,-
AB : Bagenda impal, maka gel-gel si ipedalan kami kerna utang adat bas jabu
kalimbubu kami enda emekap 2 x Rp.12.000,- emaka engkai maka sekali
enda lain?
Par : Nungkun (si mate) mergana erkelangken anak beruna, engkai maka sekali
enda ngelaini utang adat e nina?
Kal : Labo seri kerina (si mate) mergana bas kami, tapi erkiteken si X enda biak
Sebayak/Raja/Pengulu bulang-bulangen kami, maka seri gelar kami ras
alonken kami, sebab seri ia ras kami.
AB : Ah kap nina puang kalimbubu kami, maka la seri kerina (si mate) mergana
bas puang kalimbubu kami, emaka bas mama si X enda lain kin, bage nina.
Sen : Adi bage sungkun pariban kami, gelah ia ertimbang kerna uga semalna
ipedalan.
AB : Ah kap nina kalimbubu kami, ertimbang kam impal uga kin gel-gel
dalankenndu?
Par : Bagenda, tupung bapa pe nai idilo Dibata maka utang adat e pe bage ka
nge, jadi payo nge nina kalimbubu kami e.
AB : Ah kap nina temanndu sendalanen silih, ugapasa akapndu?
Sen : Adi enggo bage nina senina kami separibanen, bage si pedalan.
AB : Adi bagi enggo banci ipedalan kami utang adat e?
Par : Enggo.

2.3 Nehken Utang Adat

Adi utang adat gelarna morah-morah, maka sanga pedalansa ikut anak sidilaki si mate
si lenga erjabu merekenca, sebab ia nge situhuna morah-morah kalimbubu.
Sem : Enda morah-morahndu kalimbubu. (Tuduhkenna anak si dilaki e).

50
Anak : Aku morah-morahndu mama.
Sem : Teman senina, bapanta enggo lawes ndaingken kita ndahi Dibata. Emaka
kelenglah pagi atendu kalimbubunta kerina. Ula pagi teridah bapanta lana
ras kita teman senina. (Ituriken ate morah nandangi kalimbubu)
Kal : Anakku bere-bere mamana, enggo gia lawes bapandu nadingken kita, kam
me pagi sambar bapandu man kami kalimbubundu. (Ituriken ate morah
nandangi bere-berena)
AB : Enda morah-morah ndai, alokenndu dage.
Par : Enta.

Adi utang adat gelarna maneh-maneh.

AB : Enda maneh-maneh ndai, alokenndu dage.
Par : Enta.
Enda maneh-maneh ndai mama.
Kal : Enta.
AB : Enda alonken singalo perkempun.
Kal : Enta.
AB : Anda alonta anakberu.

2.4 Bulang-bulangen
Kal : Bagenda kerna anak beru kami si X enda maka ia bulang-bulangen kami
ibas jabu kami. Emaka adi enggo ia metua, arih kam ise gantina bulang-
bulangi kami man anakberu singerana ibas jabu kami.
Par : Ma enggo begindu impal (man anakberu simate), ise bulang-bulangen
nggantiken si X nina kalimbubu kami.
AB : Arih kam silih, ise ngenda bulang-bulangen nggantiken si X.
Sen : Si ..... (anak si mate si enggo erjabu) nindu.
AB : Eak impal, nina kalimbubu kami si ... jadi bulang-bulangen jadi anakberu
singerana bas jabu puang kalimbubu kami.
Par : Nina sembuyak kami, si .... jadi bulang-bulangenndu mama.
Kal : Adi bage, enta dage bulang-bulang si ndube bulangken kami man si S,
gelah bulangken kami man si .....
AB : Endi.
Kal : Mari dage si ...., gelah bulangi kami kam. Dage ermang-mang menda kami:
Anakku bere-bere mamana, ibulangi kami me kam gundari lako jadi
anakberu seingerana ibas jabu kami, erkiteken bapandu si X enggo lawes
nadingken kita. Emaka anakku, usihlah lagu bapandu si mehuli, serilah
pagi idahndu kami karina kalimbubundu. Emaka bu bulangi menda kam
anakku. Palu gendang.
AB : Adi bage, ma enggo kam banci landek puang kami?

51
Par : Enggo.
AB : Palu gendang, landek menda kalimbubu.

AB : Enda silih, si man aturenken kami enggo dung. Kam ngaturken perlandek
kami anakberu.
Sen : Gundari landek kam kerina anakberu kami, ula kam sitading-tading.

3. RUNGGU MULIH KUBUREN NARI

3.1 Persentabin
AB : Eak silih, ugange perpulungndu ras puang kalimbubu kami, begepe puang
nu puang, ras kami kerina anakberundu. Adi lit denga si man lebuhen gelah
ilebuh kami.
Sen : Eak senina, bas kita uga perpulungta.
Sem : Kita enggo me pulung si la banci langna.
Sen : Adi bage oratken dage man kalimbubu ras puang kalimbubunta, uga ker
perpulungna.
Sem : Eak kam kalimbubu kami seh ku puang, uga ngenda perpulungndu. Adi lit
dengan si man timan, gelah ilebuh kami.
Kal : Kami kkalimbubundu terus nku puang enggo pulung kerina.
Sem : Eka senina, kita ras kalimbubunta enggo pulung kerina, emaka cuba
pepatondu uga perpulung anakberunta.
Sen : Eak kam anak beru kami (igelari merga anak beru kerina), ma enggo kam
pulung kerina?
AB : Enggo.
Sen : Adi bagi enggo banci benakenndu rananta.

3.2 Ngorati Perdalan Utang Adat si Mate

AB : Adi bagekin silih, cuba oratindu kalimbubu ras puangndu, uga me enggo
me ndai ia kenan kerina kerna maneh-maneh/morah-morah mama enda
ndai?
Sen : Eak kam kalimbubu kami seh ku puang, engg me ndai seh bas kam kerna
maneh-maneh/morah-morah bapa kekelengen kami si X? Adi lit dengan
kam si lenga kenan gelah ilebuhi kami.
Kal : Eak bas kita kerina kalimbubu nake, ma enggo seh banta kerina utang adat
impalta ndube?
Kal-1 : Enggo.
Kal : Adi bage, uga kam kalimbubu singalo perkempun, ma enggo seh utang
adat bas kam?
Puang : Enggo.
52
Kal : Kerna utang adat impal kami enggo merandal perdalanna man kami
kalimbubundu terus ku puang.
Sen : Eak silih, kerna utang adat man kalimbubu enggo merandal perdalanna.
Saja orati kami kam, uga ngenda perdalan utang adat sembuyak kami man
bandu anakberu kami?
AB : Alonken kami anakberundu pe enggo mejile perdalanna. Saja ngenca, ija
ngenda ban kami ingan sekin enda, la kami beluh erbahan inganna, emaka
kam merekenca man kami anakberundu si apai kian inganna.
Sen : Eak senina, siapakin anakberunta ingan sekin bapanta.
Sem : Sekin bas si...... (anak beru cekoh baka (tutup)) inganna.
Sen : Enda silih si...., bas kam inganna sekin enda.
AB-1 : Enta.

3.3 Singkih-singkihen
AB : Eak silih (man senina si mate), cuba kam arih kerina sembuyak, entah lit
mbarenda mama enda ndube si singkih-singkihen ras kam kerina.
Sen : Uga bas kita, lit nge kita si singkih-singkihen ras bapa enda ndube.
Sem-1 : Lang.
Sem-2 : Bas kami lalit.
Sen : Bas kami labo lit si singkih-singkihen e, utang ido si lit bas kami kerna si
keleng-kelengen nge ngenca.
AB : Adi bage cuba oratindu kalimbubunta, erntah lit is si singkih-singkihen ras
mama enda ndube.
Sen : Eak kalimbubu kami ras puang, bas kami enggo menda sai putang ido
bapa, emaka uga bas kam entah apai kan mbarenda lit si singkih-singkihen
ras bapa enda ndube, gelah banci si tak-taki.
Kal : Bas kami pe labo lit, salang sai kerina.
Sen : Eak silih, maka bas kami ras kalimbubu kami terus ku puang kami salang
sai kerna si e, emaka uga ka ras kam anakberu kami, cuba kam si orat-
oraten.
AB : Eak nake, uga nge kerna si singkih-singkihen ras mama enda ndube, lite
nge ta lang gelah siban tak-takna.
AB-1 : Bas kita enggo salang sai kerina.
AB : Bas kami pe salang sai kerina silih.
Sen : Merandal.

3.4 Ingan Sumpit Cibal

AB : Adi bage enggo me tempa dung akap kami si man cakapenta, kuja nari
akapndu toel silih?

53
Sen : Akap kami pe si la banci langna enggo me dung, saja si peseh lebe man
kalimbubunta.
Eak kalimbubu kami, kai nari kapndu si tading lupanta bas berngi si
sendah?
Kal : Bagenda, kerna impal kami enggo lawes ndahi Dibata, enggo me dung
sicakapken. Dage ise nge pagi ingan sumpit kami cibal?
Sen : Eak senina, ma enggo si begi, ise ingan sumpit cibal nina kalimbubunta.
Sem : Si .... (sembuyak/sukut si mate) nindu.
Sen : Ingan sumpit cibal kalimbubu eme si ....., ugapasa akapndu?
Kal : Merandal.

3.5 Ngembahken Bunga

AB : Adi bage, ndigan menda kita ngembahken bunga?
Sen : Bagi semalna susr sinibahan, maka wari si pepagi kita ngembahken bunga,
erpagi-pagi si bahan gelah ula kita kena las matawari, Emaka pesikapndu
pagi kerina pulungenna.
AB : Enggi sikap aturken kami.
Sen : Merandal
AB : Adi bage ma enggo dung rananta.
Sen : Enggo.

54
 DAFTAR PUSTAKA

Darwan Prinst, SH, Adat Karo, Medan: Kongres Kebudayaan Karo, 1996.

E. P. Gintings, Dr., Pdt, Adat Perjabun I Bas Masyarakat Karo, Kabanjahe: Abdi
Karya, 1996.

Kenchana Sebayang, SH, Sistem Kekerabatan Dalam Masyarakat Karo, Bandung:

Seminar Himpunan Mahasiswa Karo ITB, 2000.

Sada Kata Ginting, M.Th, Pdt, Luah Adat ras Luah Si Man Jilenken Kalimbubu,
Kabanjahe: Bimbingen Perpulungen Jabu-Jabu GBKP, 2004

55
 TEAM ADAT DAN BUDAYA GBKP BANDUNG PUSAT
PENASEHAT:
MAJELIS JEMAAT GBKP BANDUNG PUSAT
KETUA:
KENCHANA SEBAYANG, SH
SEKRETARIS:
WARISTA TARIGAN
ANGGOTA:
BADIA GINTING
AMAN GINTING (ALM)
IKUT PERANGIN-ANGIN
RADJA EMPUNA SEMBIRING (ALM)
MION GINTING
KUMPUL KEMBAREN
AUTADA SITEPU

SEKSI MUSIK GEREJAWI DAN BUDAYA GBKP BANDUNG PUSAT

PT. WARISTA TARIGAN
PT. SEJAHTERA TARIGAN
DK. KALPIN TARIGAN
DK. IKUT PERANGIN-ANGIN
PT. SAKARIA SEMBIRING