NAMA : JOHARA WIDIA ANARTA

ASAL SEKOLAH : UPT SMPN1 BARADATU

TEMA : PENDIDIKAN DI ERA GLOBALISASI

Bismillahirohmannirrohim

Assalamualaikum wr… wb

Tabik pun…

Tabikpun nabik tabik

Sikendua ji ganta

Terhadap di sai ghamik, mahappun ngalimpugha….

Sai sikendua hormati, Pagha Dewan Juri seghta indai kanca seunyinni sai nutuk perlombaan
sinji.

Alhamdulillah… Alhamdulillahirrobil alamiin wabihi nasta’in A’la umuriddunya waddin..

Assolatuwassaolamu”ala asrifil ambiya iwalmursalin wa ala alihi wa sohbihi ajmain…
amma ba”ad

Peghtama – tama payu gham panjatko puji syukur kehadirat Allah SWT atas segala rahmat
ghik karunia na gham dapok nutuk perlombaan sinji dilom keadaan sihat wal afiat.

Solawat seghta salam mak lupa gham hantughko jama kudwah hasanah gham, Nabi Agung
Muhammad SAW insyaALlah gham mangsa safaatna di yaumil akhir. Aamiin… aamiin ya
rabbal alamin

Semakkungna , izinko sikendua Johara Widia Anarta selaku perwakilan anjak UPT SMPN 1
Baradatu, haga nyampaiko sepatoh ghua patoh cawa, sepatoh ghua patoh kalimat, ghik
pidato sai berjudul “Pendidikan di Era Globalisasi.

Minak muaghi sai bubahagia…

Di era globalisasi ganta sa, manusia dapok ngakses segala bagai informasi ghik dapok
memanfaatko segala kemajuan sai wat. Perkembangan sai dapok gham nikmati iyulah
diantaghana perkembangan ilmu pengetahuan ghik teknologi.

Di zaman seghba canggih, tentuna dapok ngemudahko gham ngedapokko beghita atau
peghkembangan di suatu bidang teghtentu. Misalna gawoh… ulah peghkembangan gadjet.
Ganta sa… gham dapok mudah bekomunikasi jama jelma sai wat di benua sai bebida.
Kimak, gham peghlu cermat ghik bijak di lom menyikapi peghkembangan. Salah sai carana
iyulah penanoman nilai ghik norma. Nah… goh sipa cagha na?

Cagha na iyulah dapok dilakuko melalui pendidikan. Bak ulah pendidikan ngeghupako
cagha guwai ngejui pemahaman mengenai konsep jak nilai ghik norma sai penting di lom
masyarakat.

Minak muaghi seunyinna…

Pentingna pendidikan di era globalisasi

Sai peghtama,

Pendidikan sapok ngejui pemahaman tentang suatu hal. Misalna, di lom pelajaghan Bahasa
Lampung. Mula-mula gham mak pandai tentang aksara Lampung, melalui pendidikan lah
gham di lajaghko aksara Lampung sehingga gham pandai ghik paham.

Sai ke ghua,

Pendidikan penting baka bekal gham sebagai anak bangsa. Ulah api munih???

Ulah pendidikan jadi jambat gham guwai ngegapai cita-cita. Cuba kanca - kanca api cita-
citana? Haga jadi arsitek? Gughu? Pelisi? Atau cita-cita sai baghih? Sai seunyinna sina
makdapok tercapai tanpa pendidikan sai memadai.

Minak muaghi sai bubahagia…

Ulih sebab sina dang sekalipun gham nyepeleko pendidikan. Ulah Pendidikan ngerupako
salah sai kunci kenyin ham dapok butahan ghik dapok busaing di era globalisasi.

Minak muaghi sai kubanggako,

Hana- hana sija sai dapok sikendua sampaiko. Kintu wat lebih kughang cawa khik sikap
sikendua kilu mahap jama Allah, sikendua kilu ampun.

Medogh medogh haguk Bekasi

Mak lupa ngajak emak ghik ubak

Gham amalko Pendidikan seghani-ghani

Kenyin mak lupa jak lom benak

Mentari pagi besinar cerah

Secerah senyum sahabat nan sumringah

Kekalau pidato sinji ngedok hikmah

Gham akhiri lafaz hamdalah

Ahirul kalam, wabilahi taufik walhidayah wassalamualaikum wr wb