SMP FRANSISKUS TANJUNGKARANG

Jalan Mangga No.1 Pasirgintung ~ Tanjungkarang Pusat

Telepon/Faksimile 0721-252450
Yayasan Dwi Bakti
Bandarlampung Bandarlampung 35113

Selamat pagi anak-anak kelas 8A,8B,8C, dan 8D

Salam sehat selalu....semoga ghani hinji gham selalu dilom keadaan sehat
dan dapok mengikuti kegiatan jama betik.
Ghani hinji gham haga belajagh materi “Surat”
Semakkung kuti ngeghjako tugas bahasa Lampung sebetikni kuti baca
materi sai ghadu disiapko yakdo surat tujuanni supaya kuti dapok
mahami materi surat. Seghadu ngebaca materi, laju sina kuti ngeghjako
tugas sai ghadu disiapko.
Selamat mengikuti proses pembelajaran jama betik .

Petunjuk :
1. Bacalah materi dengan baik
2. Tugas :
1. Mengerjakan tugas di GC
3. Cara menjawab:
1. Materi yang disalin, silakan anda tulis di buku catatan
bahasa Lampung .
4. Waktu yang digunakan untuk belajar dan menyelesaikan tugas
Hari Senin, 9-10-2020 dari pukul 08.30 s.d 09.00 WIB
5. Tuliskan nama, kelas, nomer absen, dan tanggal mengerjakan
WA 081379711800

Surat
Surat nurut Kosasih, dkk. (2003:11) iyulah media komunikasi tertulis antara sejelma atau
lembaga jama sejelma baghih atau lembaga baghihni. Pendapat Arifin (1987:1) “Surat iyulah
salah sai sarana komunikasi sai dapok ngehubungko sejelma jama sejelma baghih, sejelma
jama kelompok atau kelompok jama sejelma delom jarak sai bejauhan.
Anjak ghua pendapat di unggak, dapok dijelasko bahwa surat iyulah alat komunikasi sai
digunako sejelma guai nyampaiko informasi atau pesan, dapok berupa kepentingan pribadi
atau pun kepentingan kedinasan secara tertulis. Wat nayah macom jenis sughat, diantarani
surat dinas ghik surat pribadi.
1. Surat dinas atau ghisok dicawoko surat resmi ngeghupako salah sai jenis surat sai isini
ditujuko guai kepentingan kedinasan, baik dinas pemerintah maupun dinas swasta
(Kosasih, 2003:19). Surat dinas/resmi ditulis jama ngegunako bahasa resmi, sitematika
surat sai lengkap ghik unsur surat sai lengkap. Surat sina harus tunduk jama suatu aturan
sai belakubaik struktur kata dalam kalimat, pemakaian alinea atau paragraf, penggunaan
tanda baca ghik sebagaini. Contoh format surat resmi/dinas.
 1)

3)
2)
4)
5)

6)

7)

8)

9)

10)

11)
12)

Sumber : Keputusan Menpan Nomor 71 Tahun 1993

Keterangan :
1) Kepala Surat 7) Salam Pembuka
2) Nomor Surat 8) Isi
3) Tanggal Surat 9) Salam Penutup
4) Lampiran 10) Status/jabatan, tanda tangan, dan nama jelas
5) Hal/Perihal 11) Tembusan
6) Alamat Surat 12) Inisial

2. Surat Pribadi
Surat pribadi iyulahsarana komunikasi sai digunako jelma guai nyampaiko
informasi atau pesan sai sifatni pribadi. Zaman mena semakkung watni teknologi ulun
Lampung lamon haga ngeni kabagh beghita ngegunako sarana surat, biasani delom
bentuk tulisan aksara Lampung. Semenjak kak ngenal tulisan latin, lamon munih
ulun Lampung sai ngegunako tulisan latin, kidang bahasani bahasa Lampung.
Nulis surat pribadi mak seformal ketika gham nulis surat resmi, kidang kaidah
kebahasaan pagun diperhatiko supaya surat sina dapok dingerti ulah sai ngebacani.
Kaidah-kaidah kebahasaan sai dimaksud, iyulah sistematika penulisan, diksi atau
pilihan kata sai benogh, susunan kalimatni, ghik sai penting lagi bahasani lugas.
Ngeguai surat pribadi dang dianggap gappang, gham haghus lamon belajagh. Berikut
hinji cuntuh surat pribadi delom bahasa Lampung.

Kerinci Jambi, 15 Januari 2011

Sai Sikam hoghmati Abi jama Emak

Di Mahan

Assalamuallaikum warohmatullahi wabarokatuh

Semakkungni sikam sappaiko lamun sikam dilom keadaan sihat mak kughang suatu
api pun. Juk ghena munih sikam behaghap jama kuti ghumpok sai wat di dija
delom keadaan sihat ghik selalu senantiasa delom lindungan Allah, SWT. Amin.

Abi, emak ... mulai senin sai hadap sikam kak haga mulai kerja. Sikamngilu
mahap kantu sikam mak dapok mulang mit pekon di ghani resepsi nikahni atu
Permata. Lain sikam mak haga mulang, kidang ghepa sikam ampai kughuk kerja,
sedongko munih keadaan di dudi lagi siaga teghus. Guai atu Permata, adindamu
ngilu mahap temon mak dapok mulang, kidang sikam bedu’a mudah-mudahan atu
Permata bahagia nattini. Sija sikam kighim luhotan atu. mudah-mudahanatu
geghing ya...!

Abi, emak, atu ... antak ija pai kabagh anjak sikam. Du’ako juga sikam dapok
ngejalani tugas sija lancar ghik dikenei kemudahan. Mudah-mudahanditahun
depansikamdapok nyelah mulang.

Wassalamuallaikum warohmatullahi wabarokatuh

Salam Hormat Sikam,

Muzanni Bukuk Jadi

Selain cuntuh di unggak, masyarakat Lampung wat tardisi ketika ngakuk

muli ngelalui proses sebambangan. Si menghanai harus ngeni tenepik (dana sai
dikilu si muli jama si meghanai sebagai syaghat kesediaanni guai di bambang)
beserta sughat sai isini neghangko bahwa si muli ghadu lapah nyakakghik penjelasan
sai baghih, termasuk ngejelasko ngenai duit tenepik sina. Cuntuh Sughatni.
 Pemanggilan, 30 September 2014
Guai Apak jama Emak
Di Lamban

Assalammu’alaikum Wr.Wb.
Salam hormat sikam, Ananda kuti ghumpok.
Emak, Apak..
Sikam ngilu mahap kantu sikam makkung dapok jadi anak sai dihaghopko.
Mungkin sikam makkung dapok ngebahagiako keluarga besar, khususni Emak
jama Apak. Sija jalan sai ghadu sikam tempuh, ghadu jadi pilihan hughik sikam.
Sikam ngilu du’a jama kuti ghumpok. Sikam kak lapah nyakak jama menghanai
sai geghalni Berlian Bangsawan anakni Rahman Pengighan Sentosa anjak
Merakbatin Natar. meghanai sija ghadu jadi pilihan sikam. Mak ngedok paksaan.
Sija sangun haga sikam.
Emak, Apak ....
Sija sikam ninggalko duit, pengilu sikam jama Berlian Bangsawan. Jumlahni mak
lamon. Wat ghua puluh pak juta gawoh. Mudah-mudahan duit sija bermanfaat.
Emak, Apak ....
Antak ija gawoh sai dapok sikam juk pandai jama kuti ghumpok. Lebih
kughangni, sikam ngilu mahap.

Wassalam,
Hormat Sikam

Materai (ditanda muli)

Intan Khairunnisa

Lamon gham ninuk cuntuh sughat di unggak, dapok disimpulko bahwa

sughat sina dapok dicawako sughat tenepik ulih delom sughat sina ngejelasko
munih jumlah duit sai ditinggalko. Sughat tenepik mak jawoh bida jama sughat sai
baghih. Sifatni ngeni pesan atau informasi sai delomni ngejelasko tentang api sai kak
dilakuko uih si muli.
Bahasa sai digunako delom sughat tenepik, lainlah bahasa sai resmi, kidang
pagung tetop merhatiko kaidah-kaidah kebahasaan.

Berikut hinji wat cuntuh baghih sughat sai wat delom masyarakat Lampung.
Sughat Uloman
ULOMAN
Haga Di kuti Ghumpok
Tetengan hajat sikam
Acara aqiqah Anak/umpu sikam
Hari : Minggu, 17 Juli 2011
Pukul : 08.00
Atas perhatianni sikam sappaiko
teghima kasih.
ULOMAN
Tuju di ...................
Tiyuh ......................
Sikam ngehaghopko kuti ghumpuk dapok
hadir dihajat sikam sai haga dilaksanako
Ghani/Tgl : Minggu, 17 Juli 2011
Pukul : 09.00 Wib s.d selesai
Acara : Nyambuk mengiyan anjak
Gedung Dalom

Hormat Sikam, Hormat Sikam,

Heriyadi/Solihin ST. Tihang Marga

Sughat uloman iyulah sughat sai isini ngejuk pandai di bidang marga, bidang
suku, bidang sekelik sai wat di tiyuh atau di luah tiyuh supaya dapok ghatong delom
suatu hajat sai ngulom. Uloman atau istilah baghih delom bahasa Indonesia
mengundang ngeghupako salah sai cagha ulun Lampung delom berkomunikasi
ngejuk pandai sesuatu hal acara dengan haghopan sai dijuk pandai dapok ghatong.
Nughut kebisaan, sughat uloman ditempel delom bukkusan buwak keghing sai ghadu
dibukkus pakai plastik atau sejenisni, ukuran seperapat atau setengah kilo.
Bahasa sai digunako delom uloman cenderung singkat, mak nayah kalimat.
Biasani ulun sai neghima uloman, sai penting pandai anjak sapa uloman, acarani api
ghik kapan waktuni. Asal telu hal sina kak dipandai, maka uloman sina kak dianggop
ngemenuhi saghat. Lamon gham perhatiko, delom uloman jaghang nyantumko pok
atau jenganan lamban sai ngulom. Hinji nandako bahwa sai diulom dianggop ghadu
pandai jenganan sai ngulom. Seandaini wat sai mak ngerti uloman sina jak sapa, di
dipa jenganni, maka biasani sai diulom nyippok informasi jama ulun sai mangsa
uloman sina munih.
Pagun lamon cuntuh gaya uloman sai wat di masyarakat etnis Lampung.
Pokok terpenting delom nyusun uloman sina, ghepa bahasani dikemas makai bahasa
sai lugas. Uloman mak ngementingko aturan kebahasaan gegoh nulis sughat resmi,
kidang tetop merhatiko kaidah bahasa sai komunikatif.