Olih : I Gusti Ngurah Adi Wiratama,S.Pd.

ATUR PIUNING

Teges Atur Piuning

Panglimbak teknologi ring aab jagaté sané mangkin, sampun karasa sayan
nganyupekang manten, sané mangkin antuk kacanggihan teknologi informatika, informasi
punika sayan ngélahang kapanggihan, sekadi internet, SMS, sané nyandang indiké punika
sampun marupa informasi sané resmi. Taler punika ring sajeroning informasi sané tiosan,
sekadi pakéling utawi atur piuning, utawi sané ketah kebaosin Pengumuman.
"Pakéling" punika, wantah pinaka silih sinunggil piranti ring sajeroning jagi
nglimbakang kawéntenan pakaryan majeng ring anak tiosan. Pakéling punika dados taler
kaanggé nglimbakang informasi sané sampun karasa mabuat ring sajeroning acara sané
kamargiang dados marupa pamflet utawi kaunggahang ring sajeroning media cetak. Napi
malih ring aab jagaté mangkin, media elektronik lan media cetak sakadi internet, télvisi,
koran, Radio, miwah sané lianan, sampun nglimbak ring pakraman, sané makrana élah jagi
nglimbakang “pakéling” punika ring anak tiosan.
Ri antukan punika, “Pakéling” taler mabuat pisan kawigunannyané ri tatkala sang sané
nruwénang karya mikayunin mangda karya sané jagi kalaksanayang prasida nglimbak majeng
ring anak tiosan.
Ring sor puniki kaunggahang conto “Pakéling”, sakadi :

Atur Piuning
Om Swastiastu,
Atur piuning ring ida dane krama sinamian mungguing karya (usaba) ring Pura Dalem Puri
Besakih jaga kamargiang sakadi dudonan ring sor puniki :
1. Patabuhan Usaba saha caru ring rahina Anggara Kliwon Kulantir tanggal 27 Januari 2009,
kalanturang nedunang Ida Bhatara Mayang-mayang ring tapakan palinggih.
2. Puncak karya (Usaba) ring rahina Sukra Pon Kulantir tanggal 30 Januari, wenginé Ida Batara
katuran masineb.
3. Mantuk ring para pamedek galah maturan sampun dados saking Buda Umanis Kulantir
tanggal 28 Januari 2009.
4. Menawi wénten Ida Dané ayat pacang mendak nuntun (ngajar-ajar) tunas titiang mangda
nénten ngamargiang ring wuku kulantir sakeng tanggal 25 kantos 31 januari 2009, duaning
galahe kosek pisan
Asapunika atur piuning titiang mangdéné ida dané sané ayat pedek tangkil prasida tatas uning,
tur tan lali titiang ngaturang suksmaning manah.
Om Shantih Shantih Shantih Om

Besakih, 20 Januari 2009

Pangemong Pura Dalem Puri Besakih

Ttd

I Gusti Mangku Ngurah Kubayan