 Masilelean angka taon ro di ujungna sogot.
O Jesus, lehon parrrohaon ACARA KEBAKTIAN TAON BARU KELUARGA
na naeng tongtong marningot. Di halalao ni aringki, huhut manimbang
ujung ni.
 Di udut Ho do hosangki paidaida ahu, manang adong parbue ni na
niulaM di ahu. Hape jotjot tarhirim Ho: Parbue i ndang olo ro.
11. Manghangoluhon Hata ni Debata. ( U : Uluan S : Sude )
U : Nunga dilehon Debata tu hita taon asi ni roha ima taon 2009 on.
Mardongan Jesus Kristus ma hita tongtong di nasa pardalanan ni
ngolunta.
S : Antong sai asi ni rohaM, ale Jesus na hupangasahon hami mandongani
hami di taon 2009 on.
U : Na tarjou do hita angka naung manjalo haluaon sian Jesus asa gabe
“parasi roha” laho mangurupi donganta.
S : Sai ingani ma tondinami marhite TondiM, ale Tuhan Debata, asa
tarbahen hami manghangoluhon holong dohot asi ni roha na sian Ho.
U : Di bagasan Tondi na imbaru, beta ma hita ma molus taon na imbaru on.
Raphon Jesus Kristus ma hita mardalan, ai ido haimbaruon na tutu
situtu.
S : Sai ingani ma tondinami marhite TondiM, ale Tuhan Debata, asa
tarbahen hami manghangoluhon holong dohot asi ni roha na sian Ho.
U : Rap ma hita mandok di Tangiang: “Ale Amanami”
12. Amen.....Amen.....Amen.
13. Masijalangan.
Di pasahat hurianta HKBP Riama PPM :
“Selamat Taon baru ma di hita keluarga”
NB : Molo tipak do adong angka kue taon baru, denggan ma molo dipatupa.
HKBP RIAMA PPM RESSORT MARIHAT
Pkl. 00.00, Kamis, 01 Januari 2008
Thema : Nunga Tarida Asi ni roha ni Debata (Titus 2 : 11)
I. Pangararadeon :
 Di atur ma parhundulna be (ianakhon dohot ama/ina)
 Molo adong dipagalak ma lilin.
II. Joujou tu Partangiangon :
U : Horas ma di hita sude! Nunga tolhas be hita tu sada taon naung
binasabasahon ni Debata tu hita. Nuaeng tabahen ma perenungan di
pardalanan ni keluarganta. Antong tapahibul ma rohanta martangiang
dibagasan rohanta be.
………..martangiang na hohom/berdoa dalam hati……….
U : Sian las ni rohanta manghalashon taon baru na pinasahat ni Debata tu
hita, marende ma hita.
01. Marende Huria No 70 : 1 – 2 “O Jesus sipangolu au”
 Naung salpu taon na buruk i, Ho ma hupuji Tuhanki, :,:Ai diramoti Ho
tongtong tondingku dohot dagingkon:,:
 O Jesus sai asi rohaM, paian denggan ni basaM, :,:Muse di taon na
imbaru on di nasa huriaM tongtong:,:
02. Manghamauliatehon Asi ni roha ni Jahowa: (U : Uluan S : Sude)
U : Selamata Taon Baru ma di hita sasude.
S : Selamat Taon Baru.
U : Pinuji Debata Ama, AnakNa Tuhan Jesus Kristus dohot Tondi Parbadia
naung paloashon hita mamolus taon 2008 naung salpu i jala naung
mangalehon taon 2009 on tu hita.
S : Amen. I ma tutu, pinuji ma Ho ale Debata. Sai parrohai ma hami
mamilangi angka ari-ari nami asa dapotan roha na bisuk hami.
U : Mandok Mauliate ma hamu tu Jahowa ai pardenggan basa do Ibana, ai
rodi saleleng ni lelengna do asi ni rohaNa.
S : Dohonon ni angka na manghabiari Jahowa ma : ai rodi saleleng ni
leleng na do asi ni roha ni Tuhan Debata.
U : Martangiang ma hita :
 Ale Tuhan Debata, hupuji hami ma goarMu. Mauliate situtu ma
rohanami di saluhut pandonganionMu saleleng di taon 2008 naung
salpu i. Tutu godang do dosa pangalaosionnami. Marpamuati ma roham,
ale Debata. Sai asi ma rohaM di hami. Mangasahon asi ni rohaM do
umbahen tarbahen tolhas hami tu taon 2009 on. On pe, sai lehon ma di
hami TondiM na badia i, asa nang di taon na imbaru on raphon Ho hami
ale Tuhan Jesus.
U+S : Jalo ma tangiang dohot elek-eleknami marhite Jesus Kristus Tuhan
nami. Amen.
03. Marende Huria No 64 : 1 “Naung moru do muse sataon”
 Naung moru do muse sataon, huhut lam suda bohalhi; behado ahu na
sailaon, ture do pangalahongki? Lam ganda haporseaonku, nang holong
ni rohangku pe. Di Jesus dohot Debatangku, nang di donganhu sasude.
04. Manjaha Rom 8 : 35 – 39,: (A:Ama, I:Ina, Ank:Anak)
A : Dia manirang hita sian holong ni roha ni Kristus i? haporsuhon do
manang hagogotan, manang pangaleleon manang haraparon, manang
parsaemaraon, manang moramanang podang pe?
I : Hombar tu na tarsurat i : “Humongkop Ho do di bunui hami manipat
ari; songon biru-biru sipotongon do hami dirajumi.
Ank: Alai andul do hamonanganta disaluhutnai, hinorhon ni na
manghaholongi hita.
A : Ai gomos do ditiop rohangku; ndang tarbahen sirang hita sian holong ni
roha ni Debata, na dibagasan Kristus Jesus Tuhantai;
I : manang bahenon ni hamatean manang hangoluan, nang bahenon ni
angka suru-suruan
Ank: nang angka harajaon nang na masa nuaeng nang na masa sogot, nang
angka hagogon pe, Manang bahenon ni na di ginjang nang na di toru,
rodi nasa na tinompa pe.
A : I ma sahatna. Martua ma na tumangihon Hata ni Debata jala na
umpeopsa.
Sude : Amen.
05. Marende Huria No. 753 : 1 “Di pardalanan Jesus di ngolungku”
 Di pardalanan Jesus di jolongku holong ni tanganMi, manogu au. Nang
dingolungku Ho do sombaonku tung sonang mardalan raphon Ho.
Reff: Huboto do tangkas panoguonMu, diiringiring Ho do langkangki.
Sahat ro di ujung ni pardalanku togu ma au jonok tu lambungMi.
06. Renungan Taon Baru :
Nas : Jesaya 41 : 10
“Unang ho mabiar, ai Ahu do donganmu!
Unang ho biahaton, ai Ahu do Debatam.
Ahu margogoihon ho huhut mangurupi Ho,
huhut maniopi ho marhite-hite siamun ni hatigoranHu”
“Tahaposi ma Pandonganion ni Debata Jahowa”
Ganup tasalpuhon sada taon, jala tabongoti sada taon naimbaru, sai las do
rohanta ala tahilala ma disi pangiringiring ni Debata di hita. Alai, angkup ni i, sai
olo do tubu sungkun sungkun di bagasan rohanta mandok : “beha ma ulaning di
taon on”. Ndang asong na umboto aha ma muse na masa di angka ari nanaeng
bolusonta di bagasan taon on. Tardok, holom do di hita manang aha na naeng
masa di taon 2009 on. sipata diuji angka na pistar jala “parbinoto do”
mangarimangi aha na naeng masa, alai jotjot do ndang sintong pangarimangon
nasida i. Alani i, ndang adong haposan ni rohanta, dungkon ni Debatanta, jala
ingkon haposanta do na nidokNa. Molo didok Debata “Ahu do donganmu!”
ingkon pos do rohanta disi, mandalani dohot mangula ulaonta. Ai ndada holan
songon na mandongani mardalan Debata di hita, alai andul umbagas sian i do
naeng antusanta jala haporseaanta pandonganion ni Debata.
Taingot ma nang na nidok ni Tuhan Jesus : “Ai ndang tarpatupa hamu
agia aha anggo so mardongan ahu (Joh. 15 : 5c). Molo adong pe tapingkiri, tahi
na naeng ulaonta di bagasan taon on, ala naung Debata marbaga-bagahon
pandonganionNa, ndang jadi be hita mabiar manang ganggu. Ai Ibana do
margogihon, Ibana do mangurupi, Ibana do maniop hita, Ibana haposanta, jala
ingkon hataNa do ojahan ni saluhut ngolunta. Alani i pos ma rohanta dohot
keluarganta mandalani taon on, mangalangka ma hita tu jolo mangasahon
hagogon ni Debata. Amen.
07. Marende Huria No. 69 : 1 “Ungkap bahal na ummuli”
 Jesus, sai urupi hami dohot di taon baru on; Paimbaru gogonami
mangihuthon Ho tongtong; Pasupasu ma muse, na porsea sasude.
08. Mandok hata : (Natoras tu ianakhon dohot ianakhon tu natoras)
09. Tangiang Pangondianon : (Manangianghon keluarga)
10. Marende Huria No 68 : 1-2 :Ihuthon au sude hamu” (Papungu Pelean)