Liturgi VI Ucapan Syukur (Perantau)
Marsinalsal do na lihar bani halak parpintor, anjaha malas ni uhur
1. Jahowa do gogohku pakon gantarhu; hu Bani do mangarap
uhurhu gabe iurupi do ahu. Halani ai marolob-olob do uhurhu,
anjaha hupuji ma Ia marhitei dodingku.
Tarsurat bani PSALMEN 28:7
2. Tongtong ma nasiam mangkatahon tarima kasih halani haganup
bani Naibata Bapa, ibagas goran ni Tuhanta Jesus Kristus!
Tarsurat bani EFESUS 5:20
3. Anjaha sagala horja nasiam, marhitei hata atap pambahenan,
horjahon nasiam ma haganup in ibagas goran ni Tuhan Jesus,
anjaha martarima kasih bani Naibata, Bapa in, marhiteihon-Si.
Tarsurat banu KOLOSE 3:17
4. Puji ma Jahowa, ai pardear layak do Ia, tongon, ronsi sadokah ni
dokahni do idop ni uhur-Ni. Tarsurat bani PSALMEN 136 :1
5. Martarima kasih pasal haganup, ai in do na pinindo ni Naibata
humbani nasiam marhitei Kristus Jesus.
Tarsurat bani 1 TESALONIKA 5:18
6. Ham do pujionku, halani halongangan do parjadingku;
halongangan do pambahenan-Mu, anjaha torang do ai ididah
tonduyhu.
Tarsurat bani PSALMEN 139:14
7. Tapi tarima kasih ma bani Naibata, na pamonang hita marhitei
Tuhanta Jesus Kristus.
Tarsurat bani 1 Korint 15:57
8.
bani sibujur uhur.
Marmalas ni uhur na nasiam, ale parpintor, ibagas Jahowa, anjaha
puji nasiam ma goran-Ni na pansing in.
Tarsurat bani PSALMEN 97:11-12
9. Halani ai mangkatahon tarima kasih ma hita, ai ijalo hita do
harajaon na so tardugur, anjaha ibagas ai iidangi hita ma Naibata,
domu hubani rosuhni, marhasoman hormat ampa biar.
Tarsurat bani IBRANI 12:28
10. Ulang ma haru uhur nasiam pasal atap aha pe, tapi pabotohkon
nasiam ma pangindoan nasiam bani Naibata marhasoman tonggo,
elek-elek ampa tarima kasih.
Anjaha damei ni Naibata, na mangatasi haganup paruhuron, in ma
manramotkon uhur ampa pingkiran nasiam ibagas Kristus Jesus!
Tarsurat bani FILIPI 4:6-7
11. Mangkatahon tarima kasih do ahu tongtong bani Naibata halani
nasiam, mardingat idop ni uhur ni Naibata na binere-Ni bani
nasiam ibagas Kristus Jesus.
Tarsurat bani KORINTUS 1:4
12. Mangkatahon tarima kasih do ahubani Naibatangku siap huingat
nasiam.Tongtong ibagas ganup tonggongku pasal nasiam ganup,
ibagas malas ni uhur do ahu na martonggo ai, mardingat saor
nasiam bani Ambilan Na Madear in humbani mungkahni ronsi
nuan.
Tarsurat bani FILIPI 1:3-5