ATORAN SOMBAYANG ANDAU MINGGU

HONG BASA DAYAK NGAJU

MINGGU, 28 AGUSTUS 2022

1. INTROITUS :
a. Doa into konsistori
b. Pansanan akan ungkup
c. Ungkup manyanyi: Nyanyi Ungkup No .2 : 1 – 2 “INTU TAHAREP AIM
TUHAN” (Ungkup Mendeng)
d. Tabe Presbiter
2. VOTUM & TABE (P)
Huang aran Bapa, huang aran Anak, tuntang aran Roh Barasih. Pandohop
itah huang aran Tuhan ije jadi manyapa langit tuntang petak (Mazmur 124 :
8).
Keleh asie akan keton, tuntang kasanang bara Hatalla Bapa itah, tuntang
bara Tuhan Yesus Kristus. Amen. (Efesus 1 : 2)
3. MANYANYI : Nyanyi Ungkup No. 358 : 1 “BRASIH, BRASIH, BRASIH”
4. BALAKU DOA (L) - HATATOMBAH
Liturgos : Apang ikei huang Yesus Kristus! Dumah ah hong bentuk
sombayang ikei toh!
Ungkup : Keleh Tuhan manjadian huang ikei uka kakare taloh handiai toh,
toto-toto lembut bara atei ikei.
Liturgos : Tenga kuasa tuntang kahain Tuhan akan kare lakudua ikei
tuntang nyanyin ikei.
Ungkup : Keleh Tuhan manjadian huang ikei uka kakare taloh handiai toh
toto-toto lembut bara atei ikei.
L + U : Amen.
5. MANYANYI : Nyanyi Ungkup No. 116a : 1 – 2 “O JAKA TOTO TATAP
JELA”
6. MANGAKU DOSA
Liturgos : Keleh iyah mamparandah arep itah into taharep Hatalla
Pangkahai Tuhan tuntang hayak-hayak mangaku dosan
Itah hapan Atei tuntang nyame kalotoh (hayak-hayak)…
Lit + Ungkup : “Ikei mangaku into taharep aim ije barasih, oh Hatalla ije
jaton tikas kuasam, ikei toh jadi badosa dengan Tuhan awi
tirok atei, kotak, tuntang gawin ikei. Dosan ikei te
tangkalau kahaie. Pasi ikei, o Hatalla ampun ikei ji badosa
toh. Tuntang ngagalan ikei akan pambelom ije katatahie.
Amen.
7. BARITA ASIN SINTA TUHAN (P)
Kilau rewar Yesus Kristus, ikei mambarita ampun dosa akan gagenep oloh
ije mangaku dosae into taharep Hatalla dengan kabujur atei. “Karana
kalote kapaham Hatalla jari sinta kalunen, sampai ie jari manenga anake ije
tonggal, mangat gagenep oloh ije percaya huang Ie, dia binasa tapi
mandino pambelom ije katatahi.” (Yoh 3 : 16)
8. MAMBASA PARENTAH HATALLA (L)
Hining auh parentah Hatalla ije hai hoang Torat : Kuan Yesus dengae “ikau
akan indu sinta Pangkahai Tuhan Hatalla hapan salepah atei, hapan
salepah hambaruan, hapan salepah kaharatim. Jete parentah ije
mambatang tuntang hai. Maka parentah Hatalla ije kadue toh sama kilau
jete kea: “ikau akan indu sinta oloh kilau arep kabuat. Huang dua parentah
tea ton imnulat salepah Torat tuntang kare surat nabi.” (Mat 22 : 37 – 40)
9. MANYANYI : Nyanyi Ungkup 166 : 1 – 2 “HATALLA SINTA”
10. MAMBASA AUH HATALLA (L)
Auh Hatalla je handak imbasa akan itah andau toh induan bara :
Kitab Yeremia bagi 2 ayat 4 – 13 ji kalotoh auhe :
“Israel ije jaton katawan tarimakasih, kareh injara”
4.Toh hining auh Tuhan, ikau ungkup Yakub; kare hamoutan ungkup Israel!
5.Kakai auh Tuhan: Narai kasalangku jari sondau bapa keton, sampai
 ewen mangejau arep dengangku, palus manuntut kare dewa ngahus te,
sampai taloh ngahus kea jadi indu bagie? 6.Maka jaton ewen puji hamauh:
Hong kueh Tuhan te, ije jari magah itah bara tana Misir, ije jari mangagalan
itah huang padang tunis benyem, into eka keang kamahau, eka are ruak
petak, huang tanah ije ngarising, eka kangkalingen pampatei te, ije jaton
ihoroi oloh, oloh kalunen jaton melai hete?. 7.Aku jari magah keton akan
tanah kare kabon te, mangat keton kuman buae tuntang kare kahalape.
Maka limbah keton tame hete, te keton jaro mangihal tanah te, balalu mawi
tanah ije puna baris ayungku te indu kajilek. 8. Kare imam jaton jari
hamaoh: Huang kueh Tuhan? Tinai guru Torat te mahin jaton jari kasene
Aku, tuntang kare sakatik jari undur balekak bara aku, tinai kare nabi
manujum huang aran Baal, palus leket into taloh ije jaton pedahe. 9. Tagal
te aku hiting dengan keton hindai, koan Tuhan, Aku kareh hitong dengan
anak eson keton kea. 10.Te keleh dimpah, talih pulau Kitim tuntang sengok
hete; soho oloh tanggoh Kedar, pariksa titi-titip tuntang ite, jaka hete kea
tomon te. 11.Aton kea utus oloh kafir jari mobah hatallae manggau beken,
aloh jete puna jaton Hatalla?. 12.Jungun tagal jete, o kare langit; tarewen
paham palus sabanen! Koan Tuhan. 13. Karana utus ayungKu handue lipet
kadarhakae; Aku, ije tahasak danum pambelom, jari ilihi ewen, mangat
mangali akae kali, kali ije rusak, ije jaton tangkeng danume.
Sampai hete auh Hatalla ije imbasa akan itah katika toh, salamat oleh te ji
Mahining auh Hatalla tuntang mahaga. (Luk 11 : 28)
11. MANGAKU KAPERCAYA (L)
Buah ungkup sama-sama mendeng huang kahinje kapercaya dengan oloh
Kristen hong kare katika tuntang karee ka, itah haya-hayak mangaku
kapercayaan itah oloh Kristen hapan atei tuntang nyame kalotoh:
“Aku percaya huang Hatalla ije jaton tikas kuasae, ije jari manjapa langit
tuntang petak. Aku percaya huang Yesus Kristus, Anak Hatalla ije tonggal
tempon itah, ije jari inakan awi Maria bujang salie awi kuasan Roh Brasih,
ije jari ingapehe jaman Pontius Pilatus, ilantak into kayu sampalaki, matei,
ingubur, mohon akan eka kare lewu liau. Andau telo jari misik tinai bara
marak oloh matei, mandai akan sorga, mondok hila gantaun Hatalla Bapa
ije jaton tikas kuasae, bara hete Ie kareh haluli uka mariksa tuntang
mamaleh oloh belom oloh matei tumon gawie. Aku percaya huang Roh
Brasih; Aku percaya aton ije jalahan ain Kristus ije brasih, ie te kare ungkup
oloh barasih ije ihanjean Roh; Aku percaya ampun dosa, kamisik bereng
oloh matei, tuntang pambelom ije katatahie”
Manyanyi : Haleluya 3x
5 5 / 6 5 1 1 / 2 1 4 4 / 3 2 1 2 /1
Ha-le-lu-ya, Ha-le-lu-ya, Ha-le-lu---------ya
12. MAMBARITA AUH HATALLA
a. Balaku doa hatatombah :
Pandita: O Tuhan, palawa ikei hapan Roh Barasih
Ungkup: Hakotak Tuhan dengan ikei
Pandita: Ngagalan ikei hapan kuasa aim
Ungkup: O Tuhan, tenga uka ikei machining auh aim dengan kabujur
Tuntang kahalap.
P + U : Amen.
b. Mambasa Nas & Khotbah
Lukas 14 : 7 – 14 “Ie manyoho oloh randah ateie tuntang tau
basara”
7.Maka ie manutor paribasa akan oloh panggil, amon ie mite oloh te
mintih eka mondok mambatang, sambil hamauh dengae: 8.Amon ikau
irawei oloh manalih pesta kawin, ela ikau mondok into eka ije
mambatang; mikeh aton oloh, ije ihormat malabien bara ikau, iraweie
kea; 9.bele amon dumah, ije jari marawei keton due, kareh hamauh
 dengam; Undur ikau; nauh ie ngambo; te ikau tuntang mahamen akan
eka ije tapakan liwa haliai. 10.Tapi jaka ikau irawei oloh, buah ikau
mondok into eka ije tapakan liwa haliai, uka amon dumah ije marawei
ikau, te ie kareh hamauh dengam: O sobat, palus ngambo! Te ikau supa
hormat into baun kare oloh awing hinje ikau mondok kuman. 11. Karana
genep biti ije manggatang arepe, ie akan imparandah; tinai ije
mamparandah arepe, ie akan inggatang. 12.Tinai ie hamauh dengan
oloh ije jari pakaja ie: Amon ikau mawi panginan pesta, bentok andau
atawa hamalem, ela marawei sobatm, ela paharim ije kalambutan, ije
paharim ije tato, ela oloh tatau ije hinje lewum, bele ewen marawei ikau
tinai, mamaleh. 13.Tapi amon ikau mawi panginan, rawei oloh pehe
belom, o;oh pokong, oloh batimpang, oloh babute. 14.Te ikau salamat,
basa ewen jaton taloh hapae mamaleh; karana jete kareh imaleh akam
metoh kamisik oloh tetek.
c. Doa Syafaat
13. MALUPUT PARAPAH (L)
Inyewut hatatumbah :
L : Ikei manyarah akan Tuhan arep ikei, sahapus pambelom tuntang gawin
Ikei manjadi parapah ije belom akan Tuhan.
U : Ikei manyarah ije inarima ikei bara Tuhan.

Lakudua manyarah parapah (L):

O Tuhan Apang ikei ije huang sorga, Ikau dia Manahan AnakMuh kabuat,
malengkan manyarah Ie tagal ikei handiai. Tarima parapah toh ije inyarah
akan Tuhan. Dohop uka ikei tau manyarah arep ikei akam, akan
manyanang Tuhan dengan kahanjak huang Roh Brasih. Amen.
Manyanyi : Nyanyi Ungkup No. 259 : 1 – dst “PAHARI BULAT ATEI”
14. BERKAT TUHAN (Ungkup Mendeng)
P : Hatalla ji jari malalus janjie akan itah huang panumah Kristus hong
hong bentuk itah. Itah manjadi kahinje oloh barasih huang Ie. Ie
nahuang uka itah mambarita kabar kahanjak toh akan kare oloh hong
kaliling itah.

Keleh buli dengan kasanang tuntang tarima berkat Tuhan:

Hatalla tahasak kare asi, ije jari marawei itah huang Kristus akan
Kahain Aie ije palus katatahie te, akan manenga kasukup akan itah,
Mandehen mampaabas itah, ie tempon kuasa palus katatahi”.

UNGKUP MANYANYI :
1 . 2 3 5 / 6 . 5 / . 4 3 . 2 . / 1. //
Ha le lu ya A men A men A men
Tabe Presbiter

NYANYI UNGKUP No. 2 : 1 – 2 “INTU TAHAREP AIM TUHAN”

1.
Intu taharep aim Tuhan,toh hong hetoh,
handak manara ka haim dan sombayang
katon toh.
Ikei samai handak mahining auh aim
handak nyanyitoh akam.
2.
Ajar dan plawa toh atei ain ikei ayum
Trima auh laku, auh tara je imbit
toh akam,
Ikei samai toto haus mite kahaim,
Tenga kan ikei Roh Ayum.

Nyanyi Ungkup No. 358 : 1 “BRASIH, BRASIH, BRASIH”

Brasih, brasih, brasih haliai Yehowa!
Hapus petak basuang kahaie.
Hosiana! Hosiana ngambo te!
Horomat dan kahai kan area ji hai!
Hosiana! Hosiana ngambo te!
 Nyanyi Ungkup No. 116a : 1 - 2 “O JAKA TOTO TATAP JELA”
1. 2.
O jaka toto tatap jela O jaka auhku tarahining
dan tatap kea nyamangku, kakejau matandau te,
na kara aku tau manara Hatalla manyanyi tara hayak suling
ije tempongku. katahin aku belom wei
Yoh Ie Tuhan pangkahai manara tuntang mampahai
ji masi itah handiai, Hatalla Tuhan pangkahai!
ji masi itah handiai. Hatalla Tuhan pangkahai!

Nyanyi Ungkup 166 : 1 – 2 “HATALLA SINTA”

1.
Hatalla sinta kalunen jetoh
Hatalla sinta tau dengangku
Toh toto tawangku, Hatalla sinta
Hatalla sinta tau dengangku.
2.
Katika helot e dosan itah
dan setan mawi, ngapehe wei.
Toh toto tawangku, Hatalla sinta
Hatalla sinta tau dengangku.

Nyanyi Ungkup No. 259 : 1 – dst “PAHARI BULAT ATEI”

1. 2.
Pahari bulat atei dan bujur haliai; Pahari bulat atei kasanang bagi aie;
Paham bahalap jite, hong oloh handiai Imberkat ie hetoh dan palus katatai,
Paham bahalap jite, hong oloh handia. Imberkat ie hetoh dan palus katatai.

3. 4.
Pahari bulat atei batuah haliai; Pahari bulat atei, ingilak Tuhangku;
Karajaan Hatalla, te eka lewu aie, O jaka hinje ewen tau aton bagingku,
Karajaan Hatalla, te eka lewu aie, O jaka hinje ewen tau aton bagingku.