ATURAN SAMBAYANG ANRAU AHAD 11 SAHAUT TRINITAS

(Sambayang Ungkup Hang Gereja)

Ahad, 28 Agustus 2022
Nas Alkitab: Yeremia 2:4-13 & Lukas 14:7-14

1. BATATAP & PANUKU’AN :

a. Lakudua hang kunsisturi.
b. Habar Ungkup
c. Ungkup minri nelang manyanyi teka TLU. 40:1-2 AHI LELU TEKA ALATALLA (helang yiru kawan Tu’eh
Ungkup, Diakun, palayan masuk ma unengan sambayang).
d. Tu’eh Ungkup nyurung Alkitab anri salam presbiter ma Panita nuku sambayang.

2. PIDUDUSAN ANDRI TABE (P)

P : Pangarawahen ma takam, hanye yeru teka Alatalla isa hautngulah langit anri tane, isa tatap satia
hampe kalalawah, nelang puang nanan kapanan ulahan tanganNi (bdk. Maz 124).
P : Ahi lelu nelang kasanangen teka Alatalla, Ambah takam, nelang teka Tuhan Yesus Kristus, nyinrah
takam katuluh (Bdk. I Kor 1:3).
U : Amin (Ungkup mulek maharung)

3. UNGKUP MANYANYI TLU. 15:1-2 AKU HAUT SALAMAT (L)

4. MANGAKU DUSA (L)

L : Ari lawah takam haut nampalus pamelum yina; salawah yeru-pada Alatalla saratang nengau
nyinrah nelang mamberkat takam. Biar kalahie, takam magun gaha nawan kawan parentahNi. Daya
tagal yeru mara takam hawi, sinrah mangaku dusa nelang kaleme’en takam hang hadapan Tuhan
anri kapinu’u atei.
Ware takam suni erang pitus, ngitung kapanan dusa nelang kalangkahen takam, balalu manyasal sinrah
ilaku ampun.

Ungkup katuluh sinrah nekah pangakuan dusa isa kaliti lenganni:

U’ Alatalla isa kuasaNu ang uweng tikas; kami mangaku hang hadapan Hanyu, basa kami yina gaha tuu
ngulah dusa ha’u mitah akal kunu’an, papanderan atawa ulah-gawi kami. Daya tagal yeru, awat ampun
nelang palelu kami, sinrah talanjak kami nampan ka’iuh pamelum isa palus ma kalawahni hang wuang
Tuhan kami Yesus Kristus. Amen.

5. HABAR ANUGRAH (P) (Ungkup minri)

P : Kami isa jari walah Tuhan Yesus Kristus, hamen nahampe habar anugrah ma ulun isa haut tu’u-tu’u
mangaku dusani hang hadapan Tuhan. “Aku haut muhut kapanan dusa kakarasen ateinu kala ambun
tapi riwut, dan katuluh kahala ’ennu kala rakun siwui barat. Ulek apung Aku, sabab Akuhaut newuh
hanyu” (Yes.44:22). (Ungkup mulek maharung)

6. PAMBASA’AN HUKUM TUHAN (L)

Sanrengei Hukum Tuhan, kala na tulis hang Injil Matius kala’an 22 : 37-40. “Kalelunuleh Tuhan, Alatallanu anri
bulat atei, anri amirue isa penu, nelang anri katuluh akal-budinu. Iruleh hukum isa mambatang nelang
palanungkai. Balalu hukum isa karueh, isa sameh anri yiru, hanyeneh: “Kalelunuleh sasameh naun murunsia
hanyu ngalelu tenganu surang. Hang karueh hukum jari pategeian katuluh Hukum Taurat, baya buku kawan
nabi.

7. PAMBASA’AN ALKITAB (L)

Basaa’an Alkitab ma takam anrau yina, teka . . . . . . (Dami haut luput, Liturgos ka’eau): “Isa arai - mihewu, hanye
yeru here isa nyanrengei Lengan Alatalla sinrah nyinggu-maliharani. Amen. ” (bdk. Luk.11:28 atawa Mat. 7:24).
Israel iwaleng teka TUHAN (Yeremia 2:4-13)
4 Sanrengei lengan Tuhan, u utus bummuh Yakub, u kawan utus bummuh kaluarga anak tukui Israel. 5 Kala yina

lengan TUHAN: Inun naan kasulasen haba kawan datu nini naun hang Aku. Hampe here isanawit teka Aku, ngapung
kawan dewa sa puang bariran hampe here puang bariran? 6 Nelang here puang lagi nunti: Hang awe TUHAN,sa
nganyak takam kaluar teka tane Mesir; sa nganyak takam hang padang suni murumiuk, hang tane bateng nelang
geung mungu, hang tane sa karing nelang maieng, hang tane sa puang naitah ulun pada sa puang nauneng
murunsia? 7 Aku haut nginsing naun ma tane sa munuk umak nginam wuani baya katantuluh sa maeh teka yaru.
Kude dami naun suluk, naun ngulah tane-Ku yiru puang barasis; tane wat-Ku haut ulah naun pikurun. 8 Kawan
imam puang lagi nunti: Hang awe TUHAN? Kawan ulun sa nampalus hukum puang kataru Aku lagi,nelang kawan
pakatik darihaka ma Aku. Kawan nabi banujum hang wuang ngaran Baal,here ngapung inun sa puang bariran. 9
Daya yiru Aku sagar bahual kamulek anri naun, kala yiru lengan TUHAN, pada anri anak umpu maun aku bahual.
10 Mara nyubarang na tane iring tahik ulun Kitim nelang dinung; huyu ulun ma Kedar nelang tahiti anri kapinuu!
Dinung inun naan jari kala yina: 11 inun suah bummuh nurup pangintuhini biar yiru kapinuuni puang Pangintuhu?
Kude ungkup-Ku nurup pihanteni anri inun sa puang bariran. 12 Mannam gana hal yiru, u langit, neter nelang
kaketer tamam tuu, kala yiru lengan TUHAN. 13 Daya hanrueh ungkup-Ku ngulah pikurun: here nanan Aku, asal
ranu sa welum, nampan nabuk kolam ma here raerai, hanye yiru kolam sa tebus, sa puang tau nahan ranu.

8. UNGKUP MANYANYI TLU. 28:1-2 AKU HAMEN MI’UBAH (L)

9. NGABAR LENGAN TUHAN (P)

a. Lakudua ilaku pangarawahen Ruh Barasis. c. Kutbah
b. Mambasa Alkitab d. Suni baranai erang pitus (saat teduh)
10. LAKUDUA SAPA’AT na tutup anri “LAKUDUA TUHAN” (P)
Ambah kami isa hang wuang Surga,NgaranNu wuah na barasis. Ware Karaja’anNu hawi. Ware kabahumenNu
jari, kala hang Surga, kalahie pada hang ambau tane.Ami ma kami ana-kuta sukup ma anrau yina; sinrah
ampun kapanan kahala’en kami, kala kami pada ngampun ulun isa hala anri kami. Ada namasuk kami ma
wuang purija, kude sanepah kami teka panan ala murun; daya Hanyu isa ampun Karaja’an, Kuasa, nelang
Pihante, palus ma kalalawah. Amen.

11. NGAMI PARAPAH (L)

Ta’ati naan kasawaten ma takam nampan ta’u nyarah parapah ma Alatalla.
a. “Na’an ulun isa katuju ngami haratani ma-aru ma-ati, kude magin tatau. Na’an pada ulun isa bahimat neke,
kude aur kakurangan eleh. Hie’ isa wahai ngami berkat, hanye na ami hampe limpas. Hi’e isa ngami ulun
ngu’ut, hanye jua sagar na ami u’uten.” (Ams.11:24-24, iuh pada makai nas lain).
b. Ware takan lakudua ne’u parapah: “U’ Alatalla, Ambah kami isa hang Surga. Hanyu puang ngurung AnakNu
malengkan nyarah Hanye ma kami katuluh. Baya Hanye pada Hanyu ngami ala-katuluh ma kami.Tarimeleh
pangami’an isa endei kami yina ma Hanyu.Awat karawah nampan kami pada ta’u nyarah tenga baya
pamelum kami katuluhni ma Hanyu, nampan ta’u malayani Tuhan anri arai-atei hang wuang Ruh
Barasis. Amen.”
c. Haleung parapah na pumpun, ungkup nyinrahni anri manyanyi teka TLU.12 : 1 … URAS MADIA
PANGAMI’AN-NU

12. PANGAKUAN IMAN (L)

Ware takam minri anri kawan ulun hang awe-awe isa parisaya, takam sameh-sameh ngantuh
Pangakuan Iman Kristen, kaliti : (Dami luput, Ungkup manyanyi “Haleluya, haleluya, haleluya”.)
”Aku parisaya ma Alatalla Ambah isa kuasaNi ang uweng tikas, isa haut ngulah langit anri tane.
Aku parisaya ma Yesus Kristus, anak Alatalla isa Tungkan, Ampu takam, isa na kaya’an Maria bujang paruna
daya kuasa Ruh Barasis. Haut na kahanangen hang zaman Pontius Pilatus, na pantak hang kayu
balasanggar, matei, na pasar, minau ma tumpuk adiau. Hang anrau katelu Hanye ka’elan welum mulek teka
padang ulun matei, mihembuk ma Surga, maharung tiba kawan Alatalla Ambah isa kuasaNi ang uweng
tikas. Teka yaru Hanye die hawi mulek ma yati, lepuh mariksa iwaleh ma ulun welum, ma ulun matei
manyu gawi ni.
Aku parisaya ma Ruh Barasis.
Aku parisaya na’an bubuhan wat Kristus, hanye yeru panan ungkup, ulun barasis, isa na tambaya Ruh.Aku
parisaya ka’ampunen dusa; ka’elanen tenga ulun matei, nelang pamelum isa palus kalalawah.”
Ungkup manyanyi :

1 1 | 3 3 0 3 3 | 5 5 0 5 5 | 6 . 5 4 | 3 . . . ||
Ha - le - lu - ya, Ha - le - lu - ya, Ha - le - lu - ya!

13. PANGUTUSAN & BERKAT TUHAN (P) (Ungkup minri)

Pangutusan:
Alatalla haut nyanyari janjiNi mitah pihawi’an Kristus ma penah takam. Masa kasalamaten haut hawi ma
takam. Takam jari kulawarga barasis hang wuang Hanye. Hanye laku takam nahampe habar ma’eh yina ma
kawan ulun ngawariung takam.
Berkat:
Tuhan mamberkat hanyu nelang nyalindung hanyu. Tuhan nyahaya hanyu makai uruwawaNi hang ambau
hanyu, nelang ngami hanyu ahi-lelu. Tuhan ngampihadap uruwawaNi ma hanyu nelang ngami hanyu
kasanangen!
Ungkup nyambut anri nyanyian
1 . 2 3 | 4 . 3 . ‘ | 2 . 1 . ‘ | 4 . 2 . | 1 . . . ||
A - - - - men. A - men. A - - - men.

Suni baranai erang pitus

Salam presbiter
 Kumpulan Tumet Leut Ungkup
Sumbayang Anrau Ahad, 28 Agustus 2022
(Bahasa Maanyan)

TLU. TLU.

TLU.

TLU.
 GEREJA KALIMANTAN EVANGELIS
Badan Hukum No. J.A. 5 /104 /9/; Tgl. 17 Nopember 1954
( Anggota PGI )
Resort Banjarmasin
MAJELIS JEMAAT GKE EPPATA BANJARMASIN

Kolekte Kebaktian Minggu Di Rumah (COVID-19)

Minggu, …./………..../2022 Dari Keluarga ………………………………...
Rekening Bank Mandiri Alamat /Lingkungan : ………………………..
no. 031-00-0760410-4
an. BPH Majelis Jemaat Eppata Jumlah : Rp.…………………………………...
No konfirmasi : 085393726789
“Mengucap syukurlah didalam segala hal,sebab itulah yang dikehendaki Allah didalam Kristus Yesus bagi kamu “ 1 Tes 5 : 18