TEKS EMCEE WEDDING FADILLA AND DOMINIC

Perarakan Pengantin Masuk : Raban pengabang maioh, enggau penuh temegah

ati diatu kitai deka mandangka keling serta kumang sehari kitai bejalai begadai-
gadai, bertitih-titih, serta berlubah-lubah nuju agai meja pengantin.
___________________________________________________________________
Ukai tubai sebarang tubai,
Tubai digaga orang iban,
Ukai datai sebarang datai,
Datai ka ngambi bungai di laman.

Buah langsat, buah petai,

Tumbuh galak ditisi ensabi,
Bajik sigat pengabang datai,
Ngulu ngerami gawai lelabi.

Sirih ditempap, pinang dibelah,

Disadung agai temuai kami,
Bertanya udah, bertunang udah,
Datai ba ari pengantin dirami.

Keterubah ya, aku deka meri ;

selamat lemai,
selamat datai,
selamat sangkai,
selamat duduk,
selamat bertemu,
serta selamat berakup,

Dituju ke ngagai ;
1. Yang Berhormat, Datuk Alexander Nanta Linggi, Ahli Parlimen P215 Kapit,
enggau Yang Berbahagia, Datin Angeline Celestine Ujang.
2. Yang Berhormat, Dato’ Sri Gramong Juna, Ex Ahli Dewan Undangan Negeri, N50
Machan, enggau Dato’ Catherine Gramong.

3. Yang Berhormat Dr Johnical Rayong Ngipa, Ahli Dewan Undangan Negeri, N33
Engkelili.

4. Yang Berhormat, Tuan Jefferson Jamit, Ahli Dewan Undangan Negeri, N63 Bukit
Goram.

5. Yang Berbahagia, Dr Lambat Lindong, Pengarah IPG Kampus Rajang.

6. Yang Berbahagia, Encik Dali Rain, PPD Julau.

7. Yang Berbahagia, Encik Tero Anak Bael, PPD Sebauh.

8. Dr Layang Ugek enggau Madam Shirley Senah, Apai Indai Pengantin Indu.

9. Mr Henry Kabang enggau Madam Jama Alieng, Apai Indai Pengantin Lelaki.

10. Pengetua-pengetua.

11. Ketua-ketua masyarakat.

12. Kaunselor-kaunselor.

13. Tuan-tuan dan puan-puan.

14. Serta kelebih agi nuju agai keling enggau kumang sehari kitai baka kelemai tu
ianya Mr Dominiq Henry enggau Madam Fadilla Layang.

Tempap ke jari kitai.

Enda nyamai asi diempa tuchi enti nda begulai ngau lauk, bakanya mega majlis kitai
enti enda diberekat, keterubah ya kena ngepun ke pengawa kitai baka ke lemai tok,
enggau penuh tabi basa, kitai ngagau ke _________________________ ti deka
ngulu ke sampi beberkat kitai baka ke lemai tok.
Terima kasih nuju agai ________________________atas sampi beberkat ke udah
diulu ke ya nya tadi. Ngarap ka majlis kitai baka ke lemai tok terus bejalai lancar
serta dijauh ke ari sebarang penanggul.
___________________________________________________________________

Nyadi baka ka lemai tu, kitai deka bejadi lalu ngerami seduai Jang Dominic Henry
enggau Endu Fadilla Layang tu jadi melaki bini. Nyadi pengawa kitai baka ka lemai
tu besai bendar reti iya, kelebih agi ba seduai iya empu, enggau sida iya sebilik
laban tu meh pengawa ka suah disampika bala apai indai ianya ka meda anak sida
nirika rumah tangga. Baka nya mega bala bujang dara, pengawa ka baka tu endang
sigi digiga, ending sigi dianti.

Nyadi raban pengabang maioh,

Bisi rambai jaku orang putih ti ngemai reti enti dalam jaku Iban; “Pengerindu endang
enda kala minta, tang selalu deka meri belama”. Nya alai sapa-sapa ka idup dalam
pengerindu sama bela bulih pengasih enggau penyayau ari pangan diri, ukai semina
ari seduai iya tang mega ari bala entua, ipar enggau kaban belayan.

Enti sama bulih pengasih enggau penyayau, utai bukai anang telah agi, endang sigi
bulih laban pengasih enggau penyayau tu meh kunchi penyenang sida begulai nyadi
melaki bini lalu enda ulih dibeli kitai ngena mata duit. Nya alai pengerindu ka
pangan diri beguna amat ngambika pengidup sida belaki bebini senang lantang
sereta meruan, taja pan dituntung penusah.

___________________________________________________________________

Nangkan ke nya tadi, diatu kitai enggau penuh tabi basa deka ngagau ka Dr Layang
Ugek, Apai kumang sehari kitai baka ke lemai tok ti deka mantai ke jako pengelalu
serta jako lalau ngagai semua bala kitai ke bisi ngulu pengawa rami melah pinang
baka ke lemai tok. Enggau tok kitai minta ya niki ke atas panggau.

Bakanya meh tadi munyi sada jako serta tebah ari sepiak pengantin indu. Ngarap ke
utai disebut nya tadi ulih nyadi ke chuan serta teladan ngagai seduai ke baru ngepun
ke pengidup nyadi laki enggau bini.

Nangkan ke jako ari Apai Kumang Sehari nya tadi, diatu kitai enggau penuh tabi
basa deka ngagau ke Tuai Rumah Ranggi ngari ke Keling Sehari kitai ti deka sama
nyada ke jako lalau ngagai semua bala kitai ke bisi ngulu pengawa rami melah
pinang baka ke lemai tok. Enggau tok kitai minta ya niki ke atas panggau.

Bakanya meh tadi munyi sada jako timbal serta tebah ari sepiak pengantin ke lelaki.
Ngarap ke utai disebut nya tadi ulih mega nyadi ke chuan serta teladan ngagai
seduai ke baru ngepun ke pengidup nyadi laki enggau bini.

betuchung baka bukit,

bekebung baka langit

bepunchak baka jala

chelap lindap nguan menua

bulih duit, bulih ringgit

bulih anak bulih telesak.

Bakanya meh sampi serta andal kitai dituju ke ngagai keling serta kumang sehari
kitai baka ke lemai tok.

- Glimpse Of Moments –

Raban pengabang maioh,

Diatu kitai deka sama ngalih ke peda mata kitai agai skrin ke udah disediakan dalam
dewan tok, kitai deka nusi ke cerita pengerindu seduai ya dalam rintai gambar ke
deka dipandang ke kitai tok legi, berserimbai nyau nya, aku deka madah ke biodata
seduai ya ambi bala pengabang maioh lebih ngelala seduai ya enggau semak agi.

Bakanya meh tadi tayangan cerita pengerindu seduai ya ke udah dirintai dalam
gambar. Kitai diatu udah sama bela nemu bakanie gaya seduai maia agi mit suba
nyentukka seduai ya udah besai lalu begulai diatu.

___________________________________________________________________

Bepuput angin ke menua India,

Lindap lemai ba kaki tangga,

Kek kahwin udah pan tersedia,

Nganti pengantin ngasur ke lungga.

Nyadi kena kitai neruska pengawa kitai baka ke lemai tok, diatu kitai deka bejadi ke
pengawa melah kek kahwin lalu ngaga ‘toast’ ke pengantin baru kitai baka ke lemai
tok. Enggau nya kitai deka ngagau kedua-dua keling enggau kumang sehari kitai,
apai indai sepiak ke lelaki enggau indu serta semua vvip ke bisi datai, sama bela niki
ke atas panggau ambi kitai ulih sama bela ngerami ke agi pengawa tok.

1. Melah Kek (Penganti Laki & Indu Melah Kek)

2. Toast! (Sebut Ohhhhhaaaaaa…Selamat Pengantin Baru!)

Terima kasih nuju agai semua bala ke sama bela temegah ati niki ke atas panggau
lalu nyempurna ke pengawa melah kek enggau ‘toast’ nya tadi, diatu pengantin kitai
deka belabuh nyadung ai kahwin seduai ya ngagai semua bala pengabang ke bisi
datai baka ke lemai tok.

______________________________________________________________
Ai pengantin kitai benung bejalai tang taja pia, pengawa kitai deka diteruska enggau
pengawa beambu esan, nyadi minta nama ke udah dirintai serta disebut tok legi
(baca list yang diberi), sama bela niki ke atas panggau, ambi sida ya ulih berkelala
ngau pangan diri, enti nyema pegila lusa bisi bertemu ba sebelah alai dini-dini endur,
sida ya deka nemu kaul diri serta bertanya ngau pangan diri.

Terima kasih ngagai bala esan-esan ke udah beambu pangan diri nya tadi, ngarap
ke gagai serta bebutik nya enda diketu ke nangka nya aja, tang diteruska sampai ke
jemah ila.

Raban pengabang maioh,

Nangkan ke pengawa beambu esan nya tadi, diatu kitai deka mandangka sekeda ari
main asal kitai iban ti ngasuh bansa kitai dikelala serta cukup tebilang ba mata
dunya ianya ‘bepantun’. Enggau nya kitai deka ngagau ke
_____________________ niki ke atas panggau lalu mandang ke pengelandik ya
bepantun agai kitai semua.

Terima kasih dituju agai ___________________ atas pantun ke udah dipandang ke

ya td, nadai endur mantah, cukup landik, cukup berpenemu ya dalam main asal iban
bepantun. Tempap ke jari sekali dak agi.

___________________________________________________________________

-Sesi Karaoke-

1. Dr Layang Ugek.

2. Wakil Pengantin Lelaki

3. Teruska ngau wakil-wakil bukai.

Jako Gerah 1 : Minta bala kitai ke bisi baka ke malam tok, ya ke bisi juluk ati ka
deka mandangka sada nyawa baka ke malam tok, ulih nganjung lagu kitak dalam
bentuk CD/Pendrive agai ______________________________.
Jako Gerah 2 : Minta bala maioh ke bisi baka ke malam tok, sama bela berdiri serta
bertempap ke jari lebuh maia kedua-dua kumang serta keling sehari kitai bejalai
tama nuju agai meja seduai ya legi. Enti ka ngambi gambar seduai ya nadai salah,
mina minta kitai sama bela anang nekat jalai seduai ya bejalai tama aja.