PARODI NATAL IBU- IBU ZAITUN

Karakter :

Cinta : Kapala bacabar

Milea : Tenang tapi sadiki lola (loading lama)
Rosa : Lancang deng emosi tinggi
Enjel : Sadiki Balagu deng sok Anggun
Fransiska : Baik tapi sebenarnya lancang juga
IPen : Tenang berwibawa

Narator : “Pada suatu siang, menjelang sore berkumpulah ibu-ibu komplek ARJUN (aer jatu-jatu sektor zaitun)
Ibu Cinta, Ibu Milea, Ibu Enjel dan Ibu Rosa. dengan heboh, mereka bercerita tentang gosip terbaru
yang mereka tahu”

Cinta : “Eh ibu-ibu, dong tau brita yang ada heboh di komplek ni seng ?”

Milea : “Yang tentang Fransiska tu ?”

Cinta : “Yoi ”

Rosa : “Berita apa e? Beta blom tau”

Enjel : “Enjel kan baru dari Singapore, Enjel kepo e”

Cinta : “sadis sis, dia 1 kali biking rumah deng bali oto baru, rumah paleng basar, ”
dalam kamar sampe dapor samua ada kamar mandi

Enjel : “Pinky kitty banana cherry strawberry !! itu Batul ?”

Cinta : “Ado, ini Beta bicara Batul nii.

Rosa : “Hebat e, tapi dia laki Konstantinus tu kan Cuma PNS biasa, fransiska jua Cuma di DPR !!?

Milea : “ dia Partai apa la ?

Enjel : “Partai jintan katumbar, maksudnya DPR tu dapur Say !!!

Milea : “Jang sampe dia laki iko model pejabat-pejabat sekarang,!!! itu tu yang koprasi”

Rosa : “Korupsi , bukan koprasi”

Milea : “io,, maksud beta itu !!”

Cinta : “Eh tapi itu balom tantu batul to”

Rosa : “Ssstttssttt, Fransiska ada k sini”

*ibu Fransiska berjalan memasuki panggung*

fransiska : “Woe Ibu-ibu Muler.. kamong ni Bastseba e, batamang seng bae

Milea : “ muler tu apa siska?”

Fransiska : “mulu lebar”

Rosa : “woe kaluyu, se tau bilang katong muler lai ?” (nada emosi)

Fransiska : “Iaa garopa, dong kira beta seng tau dong ada bicara beta !!! (tegas/tenang tapi ganas)

Cinta : “ao siska, ale ni jang tuduh bagitu dolo”

Enjel : “Enjel ni, pas jadi panus pung wife, langsung stop karate.. tapi kalo sampe enjel angka kaki,
siska maeng di tanah nii !! ” (emosi sambil berdiri)

Fransiska : “Eeh eehh ” (menjauh/menghindar)

Fransiska : “supaya kamong tau e, dari tadi kmg carita beta tu, orang lewat dong dengar lalu pi kas tau beta

*Ibu Pendeta masuk*

I. Pendeta : “ada apa ini ibu-ibu ?”

Fransiska : “aa, kebetulan ipen, bisa berdoa dong ini supaya mulu bengko ibu ”

rosa : “Ipen, berdoa supaya dia stroke ringan jw, deng mo natal ni, supaya pi pegang tangan
bajalang sarut sadiki”

I.Pendeta : “barang kanapa berdoa bagitu ?”

Fransiska : “, Ipen,, B ini ada bajalang cari dong, par undang di beta pung acara sukuran rumah
baru, eso malam…
orang yang lewat bilang dong ada bakumpul carita beta deng beta laki…
Carita beta seng apa2 ibu, beta ni memang lancing kapista ( sadki balaga k penonton)
tp dong carita sampe rumah baru deng oto, lalu bale carita beta laki…
padahal beta laki konstantinus tu kan pemalu, setia , deng takut Tuhan ( sadki balaga k penonton)

Enjel : “Enjel seng bicara bagitu !! Enjel pung husband panus jua mirip ariel tapi seng sombong”

I.Pendeta : “Ya sudah, malu tu dapa nonton (sambil tunjuk penonton)

su jadi orang tatua mar masih bakalai di jalan jalan kaya anana kacil

Cinta : “katong kan Cuma dengar orang carita-carita ibu,

beta jw subilang itu blom tantu batul”

Milea : “Io siska, ini ktg Cuma diskusi”

Fransiska : “diskusi apa ? c kira ini ibadah unit !?

itu kan beta laki pung rumah tua,
basudra dong di holland kirim uang par biking rumah kasi basar deng bali oto…
supaya kalo dong datang, seng tinggal di hotel deng bisa pi baronda
Enjel : “E itu kan, makanya tadi, Enjel tanya itu Batul !?”
Enjel kan dari hari anak denkat sama Siska
orangnya memang jelek tapi hatinya baik

I.Pendeta : “nah ibu-ibu su dengar to, jang berprasangka seng bae…

Ingatan rajin pi ibadah tu, dengar firman ajar katong saling mengasihi to !?
itu bukang par bilang- bilang saja, tp katong musti tunju akang,

Milea : “Lain dibibir lain dimulut ( seperti bicara sendiri)

” Rosa : “Hati,!! Mulu tida po… Muler e

Cinta : siska, jang marah kio, katong su salah lai

Enjel, Rosa, Milea : katong minta maaf siska

I.Pendeta : Bagimana siska ?

,Siska : beta kasi maaf dong ibu.. tp jang bagitu laeng kali, lalu jang lupa eso e

Cinta, Enjel, Rosa, Milea : dangke siska, katong pasti datang

Enjel : ada B2 k ?

Milea : B2 tu sapa ?

Rosa : milea !!!?

Milea : kanapa rosa ?

Rosa : Ale diam, ale aman

I.Pendeta : Ibu-Ibu, ingatan jang terulang lai e,

kalo katong hidop baku sayang bagini, kan Tuhan Yesus sanang
apalai minggu-minggu ini katong ada biking Natal tarus,
bagimana katong mau datang menyembah Yesus Sang raja,
kalo katong laeng deng laeng masih ada masalah.
jadi pulang mandi, baganti barsih, maso sombayang minta ampong par hal tadi tu
lalu capat k gereja, hari ini ada natal sektor to ?

Milea: : Iaah Ibu, katong samua ada maeng drama lai , B jadi milea

rossa : Bae jua kali ini se tau !!?

Cinta, Siska, Enjel : katong pulang jua ibu, mau siap- siap pi Natal sabantar

I Pendeta : oke, Sampe jumpa sabantar

Cinta, Milea, Enjel, Rosa, Siska : Iya IPen ( Semuanya keluar panggung )