HURIA KRISTEN BATAK PROTESTAN

HKBP Utama Resort Resort Teluk Aru

Distrik XXIII Binjai Langkat
Minggu Invocavit, 18 Februari 2024
Dung simpul pasahathon pelean II…..
1
1. PABORHATHON Gr. Poniton Simanjuntak gabe Guru Huria Fungsional HKBP Resort Rengat
Distrik XXII Riau
Marende BE No. 140 : 4 “Girgir ma Hamu” BL. No. 141
(Ditingki marende ro ma tu jolo Gr. Poniton Simanjuntak/ Keluarga mangadophon Praeses)
Asi ma rohaM, ale Debata! Pasaut ma hataM, tumpahi nama.
Sude na niula ni naposoMi; Sai baen ma martua sude jolma pe!
Praeses : Marhite SK naung diharuarhon Pimpinan ni HKBP tu hamu, nuaeng pinaborhat
ma hamu Amang, gabe Guru Huria Fungsional HKBP Resort Rengat Distrik
XXII Riau. Hombar tusi tabege ma Surat Keputusan dijahahon (Manjaha SK :
Parhalado Resort)
Praeses : Nunga dibege hamu Surat Keputusan i. Antong, manungkun ma ahu tu hamu
Amang Gr. Poniton Simanjuntak; na olo do hamu mangulahon ulaon i hombar
tu naung diaturhon ni Aturan Peraturan HKBP?
Gr. PS : Na olo do ahu, sai dipargogoi jala dipatau Tuhan i ma ahu laho patupahon
ulaon i.
Praeses : Antong nuaeng masijalangan ma hita: ahu Praeses HKBP Distrik XXIII Binjai
Langkat; hupaborhat ma hamu gabe Guru Huria Fungsional HKBP Resort
Rengat Distrik XXII Riau, marhitehite Goar ni Debata Ama, dohot Goar ni
Anakna Tuhan Jesus Kristus dohot Goar ni Tondi Parbadia. Sai dipatau jala
dipargogoi Tuhan i ma hamu laho mangulahon ulaon i bahen sangap di
GoarNa. (Hundul ma Guru na pinaborhat tu hundulanna)
2. PANGOJAKHONON : Bvr. Marnita Pandiangan, SMis gabe Bibelvrouw HKBP Utama Resort
Teluk Aru.
Marende B.E No. 723 : 1 “Tu JoloM O Tuhan” BL. 723
(di tingki marende ro ma tu jolo Bvr. Marnita Pandiangan mangadophon Praeses)
Tu joloM O Tuhan sahat ma diringkon, pangke ma au hombar tu lomoM,
Molo ndang Tuhan, maringanan di au, diringkon ndang mararga be i.
Tung pogos pe dison manang sonang tahe marsigantung tu Ho sasude
Holan Ho huihuthon ndang be diringkon togutogu ma tu na ture.
Praeses : Asa adong na manguduti dohot na manghobasi angka ulaon na adong di Huria on,
diputushon Pucuk Pimpinan Hurianta do hamu Inang Bvr. Marnita Pandiangan
gabe Bibelvrouw HKBP Utama Resort Teluk Aru. Antong, tabege ma jolo Surat
Keputusan i dijahahon. (Manjaha SK: Parhalado Resort)
Praeses : Nunga dibege hamu Surat Keputusan i, nuaeng asa lam tangkas di hamu,
tangihon hamu ma ulaon ni Bibelvrouw hombar tu Poda Tohonan Bibelvroiw,
songon naung diaturhon di Hurianta HKBP. (manjahahon Poda Tohonan Bibelvrouw: Pendeta
Resort).
1. Dongan ni Pandita do hamu manogunogu jala mamatamatahon ruas ni Huria na masuk tu
Huria Kristen Batak Protestant. Hamu do dongan ni Pandita laho manjamitahon Hata

2
 hangoluan na tarsurat di Padan na Robi dohot di Padan na Imbaru di tongatonga ni Huria
sipasahaton tu hamu be.
2. Ala Parjamita di Huria hamu bahenonmuna ma nasa gogomuna marmahani birubiru ni
Tuhanta, i ma angka ruas ni Huria na balga nang na metmet, na poso dohot na matua, na
marsahit dohot na hisar, na jengkel dohot na burju. Apulanmuna ma angka na marsak,
tungkolanmuna angka na mabalu dohot angka na tading maetek.
3. Laos songon i apoanmuna halak sipelebegu dohot angka parugamo na asing pe na
manimbil sian Hata ni Debata dohot sian HuriaNa, asa dohot nasida marsaulihon na
pinatupa ni Tuhan Jesus, ojahan ni haporseaonta i.
4. Ala Parjamita Ina hamu di Huria Kristen Batak Protestant, tumangkas pasahaton tu hamu
panghobasion di tongatonga ni angka Ina, Namarbaju dohot angka Dakdanak.
5. Angkup ni parbinotoan di Hata ni Debata, siajarhonon jala sipodahononmuna tu nasida,
siradotanmuna do panghobasion na ampit tu nasida.
6. Asa saut angka na nidok ondeng ingkon marparange na denggan ma hamu di jolo ni
Debata nang di jolo ni jolma. Tau tiruan ma hamu di angka na pinasahat ni Debata tu
hamu. Sandok hata naung pinasahat tu hamu, radoti hamu ma sian nasa rohamuna
hombar tu Hata ni Debata na mamolin i.
Dohot Mandohoti Sermon Resort & Sermon Distrik (// Jeremia 23:22)
Praeses : Antong na manungkun ma ahu nuaeng tu hamu Inang Bvr. Marnita Pandiangan,
SMis; Na olo do hamu mangulahon ulaon i hombar tu naung diaturhon ni hurianta
dibagasan Aturan Peraturan HKBP?
Bvr. MP : Na olo do ahu, sai dipargogoi jala dipatau Tuhan i ma ahu laho patupahon ulaon i.
Praeses : Antong masijalangan ma hita: ahu Praeses HKBP Distrik XXIII Binjai Langkat
hupaojak ma hamu gabe Bibelvrouw HKBP Utama Resort Teluk Aru; Marhitehite
Goar ni Debata Ama, dohot Goar ni AnakNa Tuhan Jesus Kristus dohot Goar ni
Tondi Parbadia. Sai dipatau jala dipargogoi Tuhan i ma hamu laho mangulahon
ulaon i baen sangap di GoarNa.
(didompakhon Bvr na dipaojak i ma tu ruas ni huria jala jongjong di siamun ni Praeses)

3. PASAHATHON TU HURIA:
Praeses : Hamu angka dongan, Ruas dohot Parhalado ni Huria HKBP Utama on.
Tangianghon jala urupi hamu ma nasida mangulahon ulaon Huria hombar tu Poda
Tohonan naung dihangoluhon nasida, asa manjadi ulaonnasida di HKBP Utama
on. Jangkon jala tangianghon hamu ma nasida.
Huria : Hujangkon hami ma Hamu Inang Bibelvrouw-nami, mangasahon asi ni roha ni
Tuhan Jesus Kristus. Sai dipargogoi Tuhanta ma Hamu mangulahon ulaon i gabe
pasupasu di Huria-Na jala hasangapon di Debata.
Praeses : Martangiang ma hita: Ale Tuhan Debata Amanami, marhitehite Jesus Kristus
Tuhannami, Raja jala nampuna Huria i. Pujipujian dohot hasangapon ma di Ho,
ndang dipaloas Ho huriaMi so marparmahan, alai sai dipabangkit Ho do angka
naposoM na burju jala na olo suruonMu mamaritahon hataM. Nunga hupaborhat
hami Amang Gr. Poniton Simanjuntak dohot Keluarga tu inganan panghobasion na
3
 imbaru. Jala nuaeng, nunga dipaojak Ho Inang Bvr. Marnita Pandiangan, SMis
gabe Bibelvrouw manguluhon Huria on. Asi ma rohaM, lehon ma TondiM na badia
i asa margogo, marbisuk, jala marsahala nasida mamaritahon HataM na badia i
dohot mangulahon angka tugas dohot tanggungjawab nasida songon Uluan Huria
di HuriaMon, marhitehite Jesus Kristus Tuhannami. Amen.
5. Marende B.E No.133 : 1 “Naeng pujionku Ho Jahowa” BL. 113
O Tondi na manggohi roha Ni panindangi na parjolo i
Na so dung olo marnaloja Mangalo musu ni Tuhanna i
Sungguli dohot rohanami on Mamaritahon Jesus i tongtong.
6. MANDOK HATA
a. Gr. Poniton Simanjuntak/ Keluarga : Hata Partadingan
b. Bvr. Marnita Pandiangan, SMis/ Keluarga : Hata Perkenalan
c. Utusan Ruas Huria HKBP Kampung Sawah Resort Besitang
d. Utusan mewakili sian Parhalado HKBP Utama Resort Teluk Aru
(Sekaligus pasahathon Cindera Mata & Ulos tu na Borhat dohot na diojakhon)
e. Bimbingan dan Arahan sian Praeses
7. MARENDE BE NO. 672:1 “TUNG GODANG SITUTU” BL. 672
Tung godang situtu ulaonmu antong, dipasahat Tuhanta tu ho.
Dang adong be tingkim marnalemba tahe, ngolumi bahen tiruan tongtong.
Sai patupa mai alani Tuhan i so manghirim balosna tu ho. Debata do marnida na ni
ulami, manang na adong parbue ni i.
8. TANGIANG PELEAN - ALE AMANAMI – PASUPASU

Selamat Melayani di HKBP Resort Rengat

Distrik XXII Riau
Gr. Poniton Simanjuntak & Keluarga
&
Selamat Melayani di HKBP Utama Resort Teluk Aru
Bvr. Marnita Pandiangan, SMis & Keluarga

TUHAN YESUS MEMBERKATI !

Acara Ramah Tamah diatur tersendiri