I.

Acara Paborhathon
A. Marende BE. No. 156, 2 “Jahowa Tuhanki” (tingki marende, ro ma tu jolo C.Pdt.
Frans Sigalingging, mangadophon Sekretaris Distrik)

B. Patujolo

Sekretaris Distriik : Hamu Parhalado dohot ruas ni huria ni Tuhanta na di HKBP

Pardomuan Nauli Ressort Tampubolon on. Sadari on paborhatonta ma Amanta C.Pdt.
Frans Sigalingging, S.Th, naung marhobas saleleng on di HKBP Pardomuan Nauli
Ressort Tampubolon, tu inganan panghobasion nasida naimbaru na niaturhon ni Induk ni
hurianta. Pujionta do Debata, jala tama do dohononta mauliate tu C.Pdt. Frans
Sigalingging, S.Th, siala saluhut panghobasion nasida na saleleng on di hurianta on.
Tatangianghon ma asa Debata na paborhathon, mangaramoti, jala mangiringiring nasida
sahat dibagasan hahipason dohot las ni roha tu inganan panghobasion nasida naimbarui.
Mardomu tusi tabege ma jolo Surat Penugasan ni Ephorus HKBP taringot tu parpindaan
nasida (jinahahon ni …………. )
C. Manjaha Surat Penugasan HKBP : (St. G. Purba)

D. Paborhathon C.Pdt. Frans Sigalingging, S.Th

Sekretaris Distrik: Hamu Amanami C.Pdt. Frans Sigalingging, S.Th, marhitehite goar
ni Debata Ama, AnakNa Tuhan Jesus Kristus, dohot Goar ni Tondi Parbadia, ahu
mewakili Praeses HKBP Distrik XI Toba Hasundutan, paborhathon hamu sian HKBP
Pardomuan Nauli Ressort Tampubolon, tu inganan panghobasionmuna naimbaru, i ma
gabe Uluan ni Huria di HKBP Ambarhalim Ressort Pintu Pohan Distrik IV Toba.
(Huhut manjalang) : Mauliate ma siala saluhut panghobasionmuna saleleng on, gabe
silua jala pelean na hushus ma i di Debata, jala Tuhanta ma na mamasumasu i bahen
sangap digoarNa, jala tau las ni roha nang di huriaNa. Laos mauliate ma nang di Amanta
Debata Pardengganbasa na sai tongtong satia mangurupi hamu di ulaon i.
E. Martangiang ma hita.

Ale Debata Amanami parasi roha godang na marhabangsa di banua ginjang, nunga
dipaojak Ho huriaM di tongatonganami, jala disuru Ho angka naposoM manghobasi
huriaMi. Pujionnami ma goarMu jala dohononnami ma mauliate tu Ho, ai Ho do na
paloashon naposoM marhobas di huria on na saleleng on. Pasupasu ma i jala tumpahi
asa marparbue naung niula nasida gabe hasangapon digoarMu, bahen las ni roha di
HuriaM. Laos Ho ma napaborhathon nasida sian huria on, dongani jala iringiring ma
nasida sahat tu inganan panghobasion nasida naimbaru. Pasupasu jala pargogoi ma nang
keluarga nasida, asa saluhutna i gabe marpanumpak di ulaon nasida. Hupangido hami tu
Ho marhitehite goar ni anakMu Tuhan Jesus Kristus Tuhannami, jalo ma tangiang nami.
Amen (Laos jongjong di sabola siamun ni Sekretaris Distrik)

I. Mangojakhon Gr. Julius Manullang, S.PdK

A. Marende BE. No. 140: 1 + 3 ” Girgir ma hamu ” (tingki marende, ro ma tu jolo Gr.
Julius Manullang, mangadophon Sekretaris Distrik)
B. Patujolo
Sekretaris Distrik : Hamu Parhalado dohot ruas ni huria ni Tuhanta na di huria HKBP
Pardomuan Nauli. Sadari on ojakhonon ma amanta Gr. Julius Simanullang, S.PdK na
gabe Uluan ni Huria di HKBP Pardomuan Nauli Ressort Tampubolon, Domu tusi, tabege
ma Surat Keputusan Ketetapan ni Ephorus HKBP taringot tu nasida.
C. Manjaha Surat Keputusan Ketetapan : (St. G. Purba)
D. Pangojakhonon
Sekretaris Distrik: Hamu amanami, nunga dibege hamu Surat Keputusan Ketetapan
niEphorus HKBP taringot tu panghobasionmuna. Antong na manungkun ma ahu nuaeng
tu hamu di jolo ni dongan na pungu dison dohot di jolo ni Tuhanta Jesus Kristus, Raja
nampuna Huria i: ”Na olo do hamu mangulahon saluhut na i, jala na olo do hamu
mamelehon dirimuna mangaradoti angka ulaon i hombar tu naung binegemuna i?” Molo
songon i rohamuna, dok hamu ma:

(Alus ni Guru Huria na diojakhon) :

Na olo do ahu, sai didongani asi ni roha ni Debata ma ahu patupahon saluhut na i.

(Huhut manjalang, Sekretaris Distrik mandok): Hamu amanami Gr. Julius

Simanullang, ahu Sekretaris HKBP Distrik XI Toba Hasundutan, atas nama Praeses
HKBP Distrik XI Toba Hasundutan, mangojakhon hamu gabe Uluan ni Huria di HKBP
Pardomuan Nauli Ressort Tampubolon, marhite goar ni Debata Ama, dohot goar ni
AnakNa Tuhan Jesus Kristus dohot goar ni Tondi Parbadia. Sai didongani ma hamu
mangulahon ulaoni, asa marsangap goarNa marhitehite panghobasionmuna. Amen.
(Laos jongjong di Sabola Hambirang ni Sekretaris Distrik)
E. Martangiang
Ale Tuhan Debata, Amanami na di banua ginjang, sasada Ho do patauhon angka
naposoM na sinuruM tu angka huria I. Ho do mangalehon huaso dohot hamaloon, asa
tarida jala lam timbul ulaonMi. Alani i umbahen ro hami marhitehite Tuhan Jesus Kristus
Tuhannami mangido tu Ho, patiur ma roha ni naposoMon. Iringiring ma nasida
marhitehite tanganMu na badia i. Sai pamalo ma nasida mangulahon Tohonan na
pinasahatMu tu nasida, asa ture ulaonnasida di bagasan huriaM jala lam rarat harajaonMu
tu liat portibion. Sai lehon ma TondiM na badia i mangarajai dohot manogunogu nasida,
asa tau manguluhon huriaM, naung hinophop ni AnakMu marhitehite mudarNa na badia
i, asa rap hami tu hasonangan pasangaphon Ho di bagasan Jesus Kristus Tuhannami.
Amen
F. Mandok hata
1. Hata Partadingan : C.Pdt. Frans Sigalingging, S.Th
2. Hata Patujolo sian : Gr. Julius Simanullang, S.PdK
3. Hata Paborhathon dohot Panjanghonon: Utusan Ruas ni Huria HKBP Pardomuan
Nauli, Utusan Parhalado HKBP Pardomuan Nauli, Pasahat Cindramata :
G. Marende BE. No. 805 : 1 – 2 ”Molo adong tingki ” (Laos Jongjong ma huria.....)
H. TANGIANG PANUTUP (Agenda HKBP)