TATA IBADAT SABDA

BAHASA BATAK TOBA

PUNGUAN AMA KATOLIK ST. YOSEF

GEREJA KATOLIK MARIA BUNDA KARMEL

STASI MARINDAL
Ende

Tanda Silang

P : Di Bagasan Goar Ni Ama, dohot Anak, dohot

Tondi Porbadia

R : Amen

HATA HUHUASI

P : Hagogoon Ni Tuhanta Jesus Kristus , Holong Ni

Roha Debata, dohot Parsaoran Ni Tondi
Porbadia ma mandongani hita saluhut na

R : Saonari sahat rodi saleleng ni leleng na

HATA PATUJOLO

P : Kristus ro tu portibion songon sada poso-poso

na metmet jala na pogos .Nunga dipatudu Kristus
tu hita songondia Ibana gabe sahalak jolma. Ale
sonari hita mamestahon pesta Jesus pataridahon
hamulionna. Saonari Kristus manjou hita
saluhutna, laho patandahon manang papatarhon
Debata tu sude jolma na manghalungunhon
ibana, jala mangelekon sada tiki na denggan
 dohot dalan na lambas tu angka namanopot
jampalan ni Tuhan i.

TANGIANG PANOLSOLION

P : Hamu ale angka dongan na hinaholongan, di

saluhutna hagaleonta dohot di parniulaanta, na
hurang talup di tingki naungsalpu i, tatopoti ma
nuaeng angka dosanta, asa tau hita manangihon
hata ni Tuhan i.

P+R : Ahu marhatopothon tu Debata

Nasunhinagogo, nang tu hamu pe ale angka
dongan, paboa naung mardosa situtu do ahu,
marhite-hite pingkiran, hata, ulaon dohot lan
hahurangan. Dibahen salanghu, salanghu,
salanghu na umbalga. Dibahen i, huelek-elek
Maria nabadia. Na tongtong nasohabubuhan.
Angka surusuruan dohot angka nabadia, nang
hamu pe ale angka dongan, asa ditangianghon
hamu ahu tu Tuhan Debatanta i

P : Sai marasi roha ma debata na sunhinagogo i di

hita, sai disesa Ibana ma angka dosanta, jala
ditogu-togu ma hita tu hangoluan na
manongtong

TANGIANG PAMUKAAN
P : Ale Debata na marmulia, sadarion dipapatar Ho
do dirim tu sude bangsom, marhitehite laos
dibagasan AnakMU na sasada i. Ala ni haporseon
nami nunga hutanda hami holongMU.
Hupangido hami tu Ho, urupi jala iring-iring ma
hami asa tongtong marnida hamuliaonMU na
goki. Jala nasoadong tudosanna di tano on.
Marhite Jesus Kristus Tuhan nami , na mangolu
raphon Ho, dibagasan hasadaon ni Tondi
Porbadia sahat ro di saleleng ni lelengna

R : Amen

PANJAHAON

ENDE /MAZMUR

INJIL

P : Tuhan i mandongani hita

R : Sonari sahat ro di saleleng ni lelengna

P : Tatangihon ma Barita Nauli ni Jesus Kristus na

pinatomutomu ni nabadia............

R : Hamuliaon ma di Ho ale Tuhan

.......................................................

P : Songon ima Barita Nauli ni Tuhan

R : Puji-pujian ma di Ho ale Kristus

JAMITA

TANGIANG HATOPAN

P : Dibagasan Kristus, tangkas do tarida holong ni

Debata tu hita jolma, Ala ni ido asa tama hita
manjonohi Ama dibagasan tangiang
pangidoantaon

.........................................................

P : Ale Debata Amanami, hupangido hami pasiat

ma Inanami Maria naung pinilitMU, laho
manghagabegabeon Anak ni jolma I, lao
pasahathon angka tangiang pangidoan nami on
tu adopanMU. Marhite Jesus Kristus jala sipalua
hami

TANGIANG AMANAMI

P : Tapasada ma tangiangta, marhite na

manangianghon tangiang na niajarhon ni
Tuhanta Jesus Kristus tu hita.

Amanami na dibanua ginjang, sai pinorbadia ma

goarMu. Sai roma harajaonMu. Sai sautma
lomom dibanua tonga on songon na dibanua
ginjang. Lehon ma tu hami sadarion.
 Sipanganon nami siganup ari. Jala sesa ma salah
nami, Songon panesa nami disala ni akka par
sala tu hami. Dungi unang togihon hami tu
pangujunan. Alai palua ma hami sian pangago.
Amen

ENDE PELEAN

TANGIANG PARUJUNGAN

P : Martangiang ma hita

Ale Debata Amanami na marmulia, narhitehite

sondang na sian surgoi, nunga dipapatar Ho
dirim tu hami jolma. Dibahen I, tongtong ma
ungkap roham laho manondangi huhut
mangiringiring hami , anggiat haholomon dohot
hajahaton na manegai ngolunami jolma, ndang
mian dirohanami manang dipambahenan nami.
Ala na Ho do na manogunogu jala mamboan
hami, sahat tu surgo hasonangani naung
pinarade mi dihami, marhite Kristus Tuhan nami.

MANGIDO PASUPASU

P : Martampak nauli ma hitalaho manjalo pasu-

pasu ni Tuhan i

P : Tuhan i mandongani hita

R : Saonari sahat rodi saleleng ni leleng na

P : Debata pargogo nasohatudosan jala parasiroha

i ma patoguhon huhut pahothon haporseaonta .
Tuhan Jesus Kristus i ma tongtong manggohi
rohanta, jala Tondi Porbadia ma mandongani
jala mangaramoti hita saluhutna. (+) Dibagasan
Goar Ni Ama dohot Anak dohot Tondi Porbadia

R : Amen

PABORHATHON

P : Hamu ale akka dongan na hinaholongan,

saonari nunga marujung ulaon Parhaladoon
dihatani Debata

R : Mauliate ma di Debata

P : Borhat ma hita sonari , Ai di paborhat debata

do hita laho mangulahon hataNA dingolunta
siganup ari