JUDUL : ARTINYA

" KEMANG PANYAYANG "

Karya : GUNAWAN DM
Sungguh mulya kasih sayang ibu
Luk balong parate ina Untuk sang buah hati
Nda jangka olo pamendi Kasih sayangnya yang tiada tara
Lako tau dadi anak Dari sejak lahir hingga tumbuh dewasa
Kales benru dadi mela
Ia merawat dengan penuh perhatian
Masi lengan ka benru les Selalu setia menemaninya
No kalanye ya sarewa Walau apa yang mengganggunya
Lalat bae no tarepa Ia tetap membelanya
Goyo rengit ya bau set
Dimasa masa bayi ibu mengelus dan menoreh
Pang masa ode gila e kepalanya Dengan sari doa Alfatiha
Awar apis ke pateha serta salawat
Imung ampo ke salawat Agar putranya selamat
Nan pola kemang panyayang
Demikan besarnya kasih sayang ibu
Panyayang ina ko anak Kasih sayang yang tiada bandingnya
Nonda dengan tusantaning Rela berkorban apa saja
Ansal anak bakalako Asalkan anaknya bisa sukses
Rela ompa no pamalas Tanpa berpikir harus medapat balasan
darinya
 " KEMANG PANYAYANG "
Karya : GUNAWAN

Luk balong parate ina

Nda jangka olo pamendi
Lako tau dadi anak
Kales benru dadi mela

Masi lengan ka benru les

No kalanye ya sarewa
Lalat bae no tarepa
Goyo rengit ya bau set

Pang masa ode gila e

Awar apis ke pateha
Imung ampo ke salawat
Nan pola kemang panyayang

Panyayang ina ko anak

Nonda dengan tusantaning
Ansal anak bakalako
Rela ompa no pamalas
 MA MO TU PATI PALAJAR INA BAPAK KITA

Assalaamualaikum War... Wab....

Ramanik Nabi Muhammad tu samula kewa basmallah Bismillahirrahmaanirrahiim

Ade kaji hormati, ina bapak dewan juri, ina bapak kepala sekolah, ina kamina sanak sawai salaki ade
ada pang katokal ta.

Ma mo tu sangayap puja ke syukur kita ko repan mulia Allahu Ta’ala ade beang kita rahmat, nikmat
sehat tu bau baremin batompok tu nurit lomba pidato bahasa samawa.

Dewan juri ade kaji hormati

Pang kesempatan balong ta, kaji kaling SDN Binamarga sate kaji sanapat pidato ade berjudul “Ma
Mo tu Pati Pelajar Ina Bapak Kita”.

Boat ibadat ade tu satingi pang dalam islam, ka jira tu sangesa Alatala ya nansi Birrul Walidain. Tu
mati ke ina bapak kita.

Kakuda birrul walidain?

Nah.....coba mo tu bayangkan siwa bulan kita pang dalam tian ina kita, me luk susa na ya bawa kita
ko me me, susah si diri balangan, nan si luk na ampo lamen ya tunu kasaket si. Sarea ade ya boat no
mongka nyaman. Muntu tu lahir ina kita ta ya sanusu si kita, ya liser si lamen kita tunu, ya pani si
kita, ya ganti si lamung kita, ya jampang kita serea hal apa nopoka tu bau boat diri kita. Nan si luk
kebali bapak kita enti boat siup rawi Ya tawa biaya katelas kita sangano-ngano. Luk ka rango
pamendi ina bapak kita lako kita. Enti boat ma bau anak na telas yong mara anak-anak tau len ana.

Ina bapak sanak sawai salaki ade kaji muliakan.

Pang zaman to ta peno tau no mo roa mati lako ina bapak na, mulai mo basalalir, no ramenong, no
basarewa, ada mo tau ya samung inak bapak na, ya amok mo bahkan peno tu gita berita pang TV
anak ade samate ina bapak na hanya gara-gara nongka ya beang pipis beli pulsa,
naudzubillahimindzalik.

Padahal kita ade tau agama islam ya suruh kita ling Allahu ta’alaa pati palajar ke tu berbakti ke ina
bapak kita. Ada pang dalam surat Al-Ankabut ayat 8

Tegas na: ka kami sewajib manusia pina boat balong ko sa dua ina bapak na.

Ya suruh kita taat mati’ ke tu pina boat balong ko sadua ina bapak kita. Ala’ta ala no beang kita
durhaka ko ina bapak kita, ya pelang kita ranyamung, no beang kita amuk ina bapak kita.

Pang dalam al-qur’an, tu beling AH bae mo ya pelang kita apalagi de lebe kaling nan.

Nan bua kita to ta tu berbakti lako ina bapak kita, lamin nonda ina bapak kita no bau ada kita pang
dunia ta. Na tu pina sakit ate ina bapak kita, tu pati pangkeleng na, tu tulung mo nti boat sangano-
ngano, tu rajin mo balajar, na mo tu nakal. Apa biasa ka peno kita ta muntu suruh balajar leng ina
bapak na peno alasan na,

Tu totang gama na, “Ridholloho fii ridholwalidain wa sakhotullahi fii sakhotulwalidain”, reda Ala’ta
ala ada pang reda ina bapak kita.

Roa gama kita ade ada pang katokal ta tu dadi anak sukses karena reda ke doa inak bapak kita. Tu
dadi anak ade bakalako ke bau tu sanyaman ate ina bapak kita, tu dadi anak ade berguna umin
agama, umin bangsa, umin negara kita. Aamiin ya rabbal’alaamiin.

Ina bapak sanak sawai salaki ade ada pang katokal ta.

Nan si nasa ade bau kaji sanapat lebe kurang tu eneng maaf

Ramanik Nabi Muhammad tu samula ke basmallah tu sa suda kewa hamdallah.

Alhamdulillahirabbila’lamiin

Wass...War...Wab...