Wasta : Made Suci Ananda Putri

No : 24

Kelas : XII IPS 1

Sreda

Kaceritayang wenten anak alit mapesengan Laksana. Saking alit, Laksana sampun
biasa maurip mandiri. Meme lan bapa laksana kapah wénten ring jeroné, mawinan Laksana
sampun biasa ngamargiang parindikan ngraga nénten kasarengin olih reramannyané. Laksana
inggih punika anak alit sané becik, timpal-timpalnyané demen masawitra sareng Laksana. lan
Laksana setata nyebarang kabungahan ring sawewengkonnyané.

Sakéwanten maduwé timpal sané akéh nénten maarti Laksana taler nenten rumasa
sepi ring manah. Makakalih rerama laksana madué sifat sane alep. Ipun kapah nyinahang rasa
tresna asih ring Laksana, mawinan ri kala ring jumah Laksana dados anak sané meneng tur
won mabaos. Kahanan puniki sané ngawinang Laksana meled ngrereh kasenengan ring jaba
umah sareng timpal-timpalnyane. Laskana kereng cenidra ring timpal-timpalne sane raket
sareng reramannyane, ia ngemit rasa sebet ento padidian.

Meme lan bapa I Laksana ngawit kereng maiegan, ipun pada saling nyacadin.
Laksana wantah prasida nyaksiang manten. Ia makeneh ngeling tusing nyidang, kenehne
pedih pesan. Saking duk punika laksana ngawit geting ring kahanan, Ia setata nyungkanang
manah, Laksana ngawitin malaksana tan patut ring ragan idane miwah ring anak tiosan.

Sedek rahina anu, rikala laksana mamargi ka pasar desane, Ia macunduk ring anak
lingsir adiri sane malinggih ring sor punyan kayune. Anak lingsir punika sekadi sedeng
ngrasayang liang, yadiastun ipun negak ring genah sane sepi. Laksana nganampekin Nak
lingsir punika lantas ia ngomong,

“Punapi karyan kakiang iriki?” Taken I Laksana

“Tiang nyantosang pianak tiange”

“Ring dija pianake kakiang?”

“Tiang nénten uning. Biasané ia mulih ring masekolah nglintangin jalané ene.”
 “Dados tiang nyarengin, kakiang?”

“Dados”

“Kuda umur panake jani, kakiang?”

“ten inget” kocap I Kakiang

Laksana merasa wenten sane iwang sareng kakiang puniki, I Kakiang ten inget teken
umur pianakne. Lantas wenten anak saking pasar desane rauh lan mabaos.

“ngudiang dini nak?”

“tiang nyarengin I kakiang, wa”

Ditu Iwa masaur, “bangyang I kakiang meneng dini, ye ngidap demensia. Sujatine
pianak I kakiang sampun seda, nanging I kakiang mawirasa gagal dados rerama. Punika
ngawinang trauma sane nyakitin pati I kakiang”

Mirengang satwa iwa ngae laksana pedih. I kakiang mirengin panganika I iwa lantas I
kakiang masaut,

“panak tiange kari hidup, Tiang pracaya pisan Putu lakar majalan mai. Titiang jagi
nunas pangampura teken Putu. Tiang boya je rerama sane becik, nanging sujatine tiang tresna
pesan”

Sedek duk punika, laksana ngalawanin antuk ngicenin meme lan bapa rasa tresna.

Minab pidan dugas meme lan bapa dados anak alit, ipun sing taen ngerasayang tresna asih

saking reramanyane. Manawi dwaning punika meme lan bapa laksana ten uning carane

ngungkapin tresna asih teken I laksana.

Ida Sang Hyang Widi wantah Pangardin iraga, Ida wirasa pisan antuk iraga. Iraga

dados manusa ten dados setata nyak luung dogen. Iraga makejang madue peran ring kauripan

puniki. Laksana madue kita lakar ngamargiang tresna lan asih ring kaluwarganyane.

Yadiastun keweh, laksana pracaya punika pacang nekaang bagia lan karma sane becik.