Ertoto ras Erdahin ntah pe bahasa kerenna, bahasa latina “Ora et labora” rusur kel sibegi.

Itama
ibas kaca motor, ibahan jadi gelar TK, jadi gelar sekolah, rsd, tapi uga situhuna memaknai
kalimat enda. Kuukur-ukuri, ertoto ras erdahin labo kalak bujur ngenca ngelakokenca. Sekalak
pinangko, begal pe ertoto nge ia ope nangko, gelah sukses, gelah ula tereteh, gelah ula
tertangkap. Nderbih kami nonton film Hotel Mumbai, film kerna serangen teroris si munuh 169 I
Mumbai, India. Ope ia dahikenna nembaki kerina kalak ah ndai pe, ertoto ka nge ia. Nai, sanga
kami kuliah I Jogja adek kamar kami lit kalak Maluku. Sanga kasus kerusuhen I Ambon nai
tahun 1998 nina, muat berkat kalak Kristen e erperang ras Muslim, e itotoken nge bas gereja
lebe. Ibas sada Tanya jawab, sekalak PSK nungkun, banci nge kami ertoto ope erdahin ngalo-
ngalo tamu? Jadi kai bedana kalak Kristen ertoto ras erdahin, adi labo pertoton e mengubah
geluhna, erbahanca ia ngangkai sura-sura Dibata, nggeluh jadi kalak benar, sebab nina Jakobus
doa orang benar, bila dengan yakin sangat besar kuasanya. Inget! Labo doa yang benar, tapi doa
orang benar. Melala pertoton benar secara sistematika, secara teologi, tapi kalak si notokenca
tidak pernah hidup benar.

Wari enda erlajar kita arah surat Paulus man Perp Tesalonika uga jadi kalak Kristen yang
diubahkan oleh pertoton, pengarapen, ras kekelengen. Perpulungen Tesalonika eme perpulungen
si ipujiken Paulus alu luar biasa, si la siidah ibas surat-surat si deban. Adi sinen ibas Perbahanen
Rasul 17, perp. Tesalonika ipanteki dingen iajari Paulus hanya dalam waktu 3 minggu (3 wari
sabat), jenari Paulus harus nadingken kota e erkiteken kerusuhen si ibahan kalak Jahudi si
merasa terganggu nandangi kehadiren Paulus. Bayangken, sada perp, si mbaru, si sedekah enda
akrab alu berhala-berhala si hanya ipanteki, ibina, selama 3 minggu jadi perpulungen si ikataken
Paulus ngasup ncidahken kiniteken arah perbahanen, latih erdahin erkiteken keleng ate, janah
tetap pengarapenna amin pe melala bahaya ras tantangen. Perpulungen e enggo jadi usihen/
teladan, man kalak si tek I Makedoni ras Akaya, enda sada propinsi si mbelin.

Emaka malem kel ate Paulus nginget perp. E she maka nina lalap kam inget kami ibas pertoton.
Erlajar kita arah Paulus ras perp. Tesalonika kerna ertoto ras erdahin. Paulus labo hanya sekalak
si megegeh erdahin ibas Berita si Meriah she akhir geluhna, tapi ia notoken kais i idahikenna, jah
ndahiken kai si itotokenNa, ertina lit keseimbangen ije, bahwa labo hanya Paulus si erdahin, tapi
kuasa Dibata pe erdahin alu luar biasa arah pertoton Paulus. Keseimbangen enda me si perlu pe
ibas geluhta. Ertoto saja la erdahin=Perkisat (mental pengemis rohani). Erdahin saja la
ertoto=meganjang rukur, lit ka deba la ka ertoto, erdahin ka pe lang=kehancuren.

Sekalak nelayan si enggo cukup metua maba sekalak anak perana ibas perahuna. Idah anak
perana e ibas dua dayung bulang enda lit ukiren tulisenna, sada ertoto sada erdahin. Nina anak
perana enda, jaman denga kin gundari ertoto bulang? Senyum bulang enda, emaka cubakenna
lepaskenna dayung ertoto, emaka cukup dayung erdahin si bergerak, hasilna? Perahu e hanya
berputar-putar saja, la maju-maju, ije-je saja lalap. Cerita enda ngajarken banta lalah kita bage,
emaka lit istilahna 13 P (Pergi Pagi Pulang Petang, Penghasilan Pas-Pasan, Pinggang Pegal-
Pegal, Pala Pusing-Pusing) Kita banci latih, tapi tanpa kegeluhen pertotonta, kerina e menjadi
tanpa tujuan, tanpa rasa puas, tanpa damai sejahtera.
Perpulungen Tesalonika, kinitekenna mengubah kegeluhenna, pengarapenna. Lit nge jiwa
pertotonta mengubah caranta erdahin, berusaha? Emaka adi tuhu-tuhulah pertotonta e menjiwai
kita, kit ape erdahin labo sembarangen, erusaha pe labo nebu-nebu, la ia nangko, tutus atena,
rajin, sebab tek ia icukupken Dibata kegeluhenna. Tapi adi lang, pertotonta e isina situhuna
hanya, Tuhan ampunilah kami, sebab kami akan berdosa, sebab pendahinta ras ulihna labo
mpermuliaken Tuhan. Alu kata si deban, maun labo kita tek nandangi kai sitotoken kita e, emaka
nyata ibas pendahinta pe bage. Ibas notoken kalak sakit, rusur kap bage, totoken ndai alu berapi-
api gelah sehat si sakit ndai, dung ndarat bas ruangen nari, ercakap-cakap ras temanta, “kuakak
lanai bo banci malem ah ndai” kita ka ngatakenca si notoken ndai. Ertoto ope man misalna, kai
situhuna pengaruhna ibas kita man? Gelah kita man sewajarna, buatlah asa ngasup kam manca,
pengendalian diri, janah ingetndu ka maka melala denga kalak si man sampaten si lenga ngasup
menikmati bagi sigundari enda.

Perp. Tesalonika banci jadi usihen erkiteken buah Berita Si Meriah e tuhu nyata ibas geluhna,
ibas kekelengenna. Emaka pertotonta seharusna semakin membuat kita peka, janah erkuah ate
nandangi kalak si deban. Ibas ertoto memang kita nutup matanta, tapi ibas ertoto pe kita
membuka mata nandangi kenyataan hidup. Emaka ertoto labo mindo gelah ndahiken dahin si
seharusna kita ndahikenca, minjam tan Tuhan gelah tanta la melket. Adi cukup nge alu setumba
beras man temanndu, sangkep geluhta, terjabab pertotonndu, pala kel suruh Dibata ncukupken
pangan inemenna.

Kadang dalam hubungen ertoto ras erdahin, Dibata ndilo kita ndahiken dahin si labo masuk di
akal menurut doni enda (Faith Like Potatoes), Beranikah kita? Sanga Musa ras bangsa Israel
terdesak iayak-ayak bangsa Mesir, isuruh Tuhan Musa ndahiken sada dahin si mustahil, tamaken
tongkat datas laut e jenari belahlah laut e. Bagekape sanga bangsa Israel nalluken tembok
Jerikho, isuruh Tuhan bangsa e ndahiken dahin si la masuk akal, eme erdalan erputar-putar janah
rende. Emaka pertoton yang sungguh akan menjiwai pendahin situhu-tuhu bahkan pe e mesera,
bahkan mustahil,