Bimbingen perpulungen jabu-jabu 12-18 Juni 2022

GBKP Lubuk Pakam

Galatia 5:22-26
Tema: ulih kesah si badia
a. Kata Perlebe
Ulih entah pe dampak kalak si ingani kesah si badia pasti teridah ibas kegeluhen si tep-tep wari. Ras ulih e jadi
erkiteken lit persadanta ras kesah Si badia e. Ulih e labo terbuni-buniken ras labo banci iban-ban, sebab
Kesah e erdahin ibas pusuhta, Ia si mengendaliken pusuhta. Uga cara kesah e erdahin ras kai ulihna eme
ateta si jadi pebahasenta ibas perpulungen jabu-jabunta sekali enda.

b. Isi
Surat Galatia itulis Paulus man perpulungen Galatia, erkiteken perpulungen ikacauken pengajaren si papak.
Ate kalak Jahudi men-Jahudi-ken kerina perpulungen e, termasuk pe perpulungen si lit i Galatia. Arah surat
enda Paulus ngajuk perpulungen mulihi kubas pengajaren si payo. Paulus menaken suratna alu nuriken maka
ia rasul Yesus Kristus. bagepe Paulus alu tegas ngataken maka ia idilo Tuhan guna jadi rasul ras labo ibas
manusia nari.. Tole pe ikatakenna tugasna itujukan perlebe man kalak silabo Jahudi (1-2). Paulus pe
mpersingeti perpulungen Galati maka hubungan manusia ras Tuhan ipelimbarui arah kiniteken man Kristus (3-
4). Ibas pasal (5-6), Paulus nuriken maka kekelengen siturah ibas diri kalak sitek eme erkiteken kinitekenna
man Kristus. Kiniteken man Kristus teridah arah ulih na eme buah kesah si Badia

Maka banci tetap itegu-tegu kesah si Badia nggit ngendesken dirinta. Ibas ayat 16-18, Paulus ngerana kerna 
2 pilihan: nggeluh menurut peraten daging entah nggeluh menurut kesah. Labo lit netral. Tep-tep kalak sitek
arus milih nggeluh itegu-tegu Kesah entah nggeluh menurut peraten daging. Daging ras kesah eme 2 hal si
ermusuhen. Ras la mungkin itegu-tegu kesah sekaligus itegu-tegu peraten dagingna Kata itegu merupakan
istilah hukum guna menggambarkan sekalak ibas kondisi tahanan. Si iteruh kuasa kalak sideban ras kai pe
lalit hakna. Bageme adi kita itegu-tegu kesah sibadia, kesah e erkuasa ibas dirinta. Sada ngenca pilihen patuh
nandangi kesah Sibadia. Alu mere dirinnta itegu-tegu kesah Sibadia maka kita ibabaiNa kubas proses
pertumbuhen ras erbuah. Kita arus ngendesken dirinta bengket kubas proses e gelah terus menerus turah ras
mereken ulih. Kesah e maba kita kubas erbage-bage ujian she maka buah si lit ibas kita e erdekahna
ertebuna. Proses pertumbuhan asa umur geluhta tapi erdekahna erjelasna. Pertumbuhan kinitekenta labo
hasil usahanta tapi Dibata nge si menaken kegeluhen ibas dirinta, erkiteken sie maka banci kita turah janah
erbuah kita arus tetap tergantung kubas lias ate Dibata.

Kesah sinegu-negu kita mereken ulih simehuli sekaligus. “Buah” kesah si ipakai ijenda berbentuk tunggal,
ertina lit 9 cita rasa tapi sada persadaan si arus lit ibas kalak si tek. Buah Kesah si silit ibas kita labo siwah
buah si berbeda”, tapi sada “buah” tonggal si icidahken ibas siwah kualitas si berbeda. Enda mpersingeti kita
maka kesah Sibadia e mereken ulih man banta radu-radu, she maka labo lit sekalienda musim keriahen,
perdamen…tapi adi kesah si badia negu-negu kita berarti kerina cita rasa buah kesah e lit ibas kita tep-tep
wari.
Siwahna karakter buah kesah e banci ikelompokken jadi 3:
1. Si pemena eme Karakter si erkawiten ras Dibata (kekelengen, keriahen, kemalemen ate).
- Kekelengen (Agape) eme keleng ate si ibereken Dibata man manusia. Keleng ate sibagenda la
menuntut balasen, keleng ate si la pernah berobah. Eme si lit si ihasilken kalak si itegu-tegu kesah si
Badia. Jadi kalak si itegu-tegu kesah Sibadia kegeluhen eme nehken kekeelengen si erkeri-kerin.
- Keriahen (chara) enda  sada pendilo guna njadiken keriahen e jadi gaya hidup. Bagi si ikataken Paulus
man perpulungen Pilipi (Pil 4:4) meriahlah min akapndu katawari pe erkiteken persadanndu ras Kristus.
Katawari pe ertina entah kita ibas situasi yang paksana meriah entah merugiken. Kita arus tetap
ermeriah ukur. Keriahen e reh ibas pemahamen simbages maka ibas kai pe Dibata erdahin guna
kiniulin kalak si ikelengina. Eme sebabna maka katawari pe arus ermeriah ukur uluna eme Kristus.
Jadi persadannta ras Kristus erbahanca kita tetap ngasup ermeriah ukur .
- Kemalemen ate (Eireine). Suasana aman, tentram ras kemalemen ate ibas kegeluhen eme si lalap
idarami manusia ibas geluhna, nai nari she asa gundari. Kemalemen ate situhu-tuhu labo lit ibas doni
enda. Adi lit pe sen, rumah, mobil entah kai gia sideban e labo jaminen kemalemen ate. Kemalemen
ate pemere Dibata. “Malem me atendu kutadingken kemalemen ateku kubereken man bandu
“(Yoh.14:27). Jadi dame sejahtera e reh erkiteken kinitekennta nandangi Dibata si ngasup mereken si
mehuli kubas tep-tep dampar geluhta. Ia kap ngasuhi kita ras rencanana eme rencana dame sejahtera.
 2. Si peduaken karakter sierkawiten ras sapih-sapih kita manusia (Kesabaran, perbahanen si mehuli,
mehuli).
- Kesabaran (makrothumia) eme panjang sabar ras tekun. Panjang sabar eme ngasup mengendaliken
nandangi kai pe siterjadi ibas geluhna. Dibata eme pribadi si serta erkiteken kesabarenna me maka kita
terkelin (2Ptr 3:15) ras jera ( Ro 2: 4). Enda me dasar man kalak si tek guna sikeleng-kelengen
ngusahakan kiniulin kalak sideban.
- Perbahanen simehuli ibas bahasa Indonesia: kemurahan (khrestotes).  Karakter enda berarti kiniulin
siidemi perkuah ate. Khrestotes erbahanca kita mehuli ras erkuah ate (empati) nandangi kalak si perlu
penampat bahkan man kalak si la bage ukurta tape. Kita pe sulit nge siakap ngelakokenca sib age tapi
kesah si Badia pengasupkita guna ngelakokenca.
- Mehuli ibas bahasa ind. Kebaikan (agathosune). Agathosune berarti kiniulin si mengandung ontro
pekenaken ras mendisiplinken gelah kalak sideban reh ulina. . Menurut William Barclay, Agathosune
berarti kebaikan dalam pengertian yang luas, yaitu “kebajikan yang tersedia dalam segala perkara”. Di
dalamnya terkandung ontro marah dan disiplin. Tole nina Barclay maka Yesus encidahken agathosune
(kebaikan) tupung Ia mbembersihken Rumah pertoton ras Ia encidahken khrestotes (kemurahan) man
diberu perdosa siminaki naheNa. Jadi keleng ate kalak Kristen eme keleng ate si tetap berusaha gelah
kalak sideban reh ulina. Megatikel ibas proses sibagenda enterem kalak la siap. Misalna ibas erlajar
koor sitik idisplinken mis lanai ikut, sitik itogan mis lanai aktif, e tentu la nggit pentar. Jadi erkiteken
kisat ngadapi sib agenda rupa pangen kita sinik asa ngerana. Inget kalak si mehuli tujunna pekenaken
ras mendisiplinken. Termasuk kehadiren pendeta kubas sada runggun mendisiplinken keuangen ras
pekena dahin si la ratur, bagepe pertua diaken idilo guna pekena perpulungen si si laratur, ula kari
ninta rusur bage kin semalna. Kalak mehuli adi nggit pekenaken ras ndisiplinken.

3. Si peteluken, karakter sierkawiten ras diri sendiri (Kesetiaan,  kiniteruken ukur, Penguasaan diri.
- Kesetiaan (Pistis). Ibas teks enda kesetiaan” iterjemahken kejujuran ras integritas ibas tindakenta,
komitmen bagepe tanggung jawabta. Karakter enda reh ibas kesadaran maka Dibata omni present
(maha hadir), omni science (Maha Tahu), omni potent (Maha kuasa). Jadi kai pe silakoken sebagai
kalak Kristen erkitekn Tuhan ras guna kemulian Tuhan. Aminna gia manusia lah idhana la tehna kai si
lakoken kita tapi Dibata tehna ras idahna kap kai si lakoken kita. Emaka labo perlu kita pekulah-kulah
sebab kerina ieteh Dibata.
- Kiniteruken ukur entah pe “kelemah lembutan” Kata enda 4 kali igunaken ibas Padan simbaru di (Mat
5: 5; 11:29; 21: 5; 1 Pet 3: 4). Ibas bahasa Yunani Klasik kata enda igunaken njinakkan biang, obat
penenang, sora silembut ontro angin sepoi-sepoi. Kiniteruken ukur  eme sikap pusuh ija ia ngendesken
masalahna iteruh  ontrol  Dibata, she maka ia ipengasup meteruk rukur.
- Penguasaan diri. Enda ipakai guna menggambarkan raja si paksana lit masalah pribadina, amin bage
gia ngasup nguasai dirina seh maka ia tentap banci ndalanken roda pemerintahen. Karakter sibagenda
tentu lit ibas kalak siitegu-tegu kesah Sibadia guna njaga persadaan alu mehuli.la ibabana persoalen
pribadina kubas jabaten ras dahinna she maka persadan e tetap terpelihara

c. Penutup
Maka banci kita erbuah eme adi tetap sijaga persadanta ibas Dibata. Endesken dage geluhta man Bana, bere
dirinta ipelimbaruina she maka ibas wari ku wari kita semakin serta ras erteremna kalak ngidah buah kesah
silit ibas kita.