#PEKANKELUARGA 

Wari 6
Ogen : Matius 25 : 1-13 Bahan Kotbah : Miha 5:2-5a
Tema : Jabu Singalo-ngalo Raja Kegeluhen
""Natal masih identik dgn #selebrasi, belum identik dengan #berbagi..."
#KataPerlebe
Adi erperang, siperlu ipesikap tentara eme senjata bagepe mental keberanianna. Adi belanja ku tiga
sipesikaplah sen si man belanjanken. Adi ndahi kerja-kerja sipesikap peruista. Adi kujuma sipesikap
bekalta. Emaka kenca dung Pekan keluarga, ersikap me kita ngalo-ngalo perayan Natal ibas tahun enda.
Enggo enterem si mpesikap lago koor, seragam, drama ras sidebanna. Saja ula min sempat erkiteken
jile-jile doni maka natal elanai mejile ilebe-lebe Dibata. Kai dage siperlu sipesikap ibas ngalo-ngalo Raja
kegeluhen e ?
Miha nggeluh ras melayani sejaman ras nabi Jesaya, kecibal bangsa Israel ibas jamanna secara ekonomi
ras politik cukup stabil tatapen darat nari. Tapi secara kiniteken sangat merosot sebab si megegeh
menindas si lemah (Miha 2), Pemimpin memeras rakyat, jual beli keadilan, imam ras nabi ernubuat
erpalasken duit (3). Pasal 1 isina kerna ukumen sinadangi reh. Emaka pasal 4 kerna kedamen sir eh
pagin. Asal 5 kerna kerehen Raja Penampat. Miha 5:2-5a enda nuriken kerna nubuat nabi Miha kerna
kerehen sekalak Raja si tubuh i Betlehem nari. Raja e me si nggenapi padan Dibata jine man kerina
umat-Na guna mereken keselamaten. Janji kerehen Penampat enda jadi sada motivasi pendilo Miha
gelah bangsa Israel jera ibas dosa-dosana nari.
#ISI
• Mikha 5:2 "O Betlehem i Eprata, aminna i Juda kam kuta si kitikna, tapi i bas kam nari Kupekeke
sekalak si ngerajai Israel, si asalna i bas adi-adi nari, i bas paksa si nuria nari."
Ibas ayat enda Miha nuriken kerna asal-usul Raja Kegeluhen (Yesus) eme Ibas si adi-adi nari (arah
kesuren Daud, 1Sam 17:12). Janah simenarik e me padan Dibata e i peseh man kuta si kitikna i Juda, e
me Betlehem i Efrata. Kai ertina enda?. Ertina e me nubuat Miha kerna ketubuhen Jesus nuduhken
maka Dibata erkuasa ras erdolat nehken sura-surana arah makeken hal sikitikna kal pe; si mekatep
labo iperdiateken entah pe i sepelekan manusia. Tentuna si bahan Dibata enda la bali ras cara rukur
doni singayaki ras singarapken hal-hal si jadi perayaken sienterem, misalna: si erkuasana, si pantasna, si
merupana, si mehagana, si galangna, si terkenalna, ras sidebanna. Labo min tergargari kita pusuh
Dibata milih Betlehem guna nehken sura-sura-Na, tapi sada hal si pasti maka aminna kitik/la
merupa/sederhana/la ergegeh, Betlehem enggo i petunggung Dibata.
Bagem tentuna pe Jabu si lit ije bapa, Nande, ras anak-anak (entah lanai gia kuh jabunta). Jabu e me
terpuk si kitikna Ibas sada komunitas (masyarakat entah pe gereja). Bali ras Betlehem ndai, jabunta
ibas kerina kecibal geluhta i percayakan ras i petunggungken Dibata jadi ingan si maba berita
keselamatan ras penampat ku tengah-tengah Kegeluhenta. Emaka si penting labo nggargari
kekurangenta ibas jabu, sebab jabunta amin kitik, sederhana, la terpandang, la megegeh, kote, rsd, tapi
Dibata nggo mpetunggungken ras mpercayaken kita perkakas guna nehken sura-suraNa. Endam
pendilo jabunta sekalak2 ibas persadanta ras Kristus Jesus.
• Mikha 5:3 "Nina TUHAN, "
Dage itadingken TUHAN me BangsaNa seh paksa diberu si nandangi mupus e mupusken anakna. Kenca
bage kerina senina-seninana si lit i bas pembuangen ersada mulihken ras bangsana jine."
Ayat enda nuduhken kinata kegeluhen manusia. Kegeluhen manusia situhuna sia-sia dingen la serta
(tanpa identitas) adi la kin alu kerehen ras kehadiran Jesus. Sebab sope ketubuhen Jesus kerina
bangsaNa ndauh ras Ia. Tapi, kenca Jesus tubuh, raja Kegeluhen e me si mpekena-kena bangsaNa (kita)
ibas kecedan erkiteken dosa. Jadi, padan Dibata si enggo aloken kita arah Yesus erbahanca jabunta pe
tetap erpengendes kempak Ia saja, sebab keleng ateNa arah kehadirenNa ras
pengkawalenNa/penjayamenNa si erbahanca kita selamat ras dame ibas kegeluhenta. Emaka tuhu2
kerehenNa jadi ketedehenta.
• Mikha 5:4-5a"Kenca ia reh, irajaina me rayatna alu gegeh si reh i bas TUHAN nari dingen alu
kemulian TUHAN Dibata jine. Rayatna nggeluh alu senang erkite-kiteken kerina bangsa i doni enda
ngergaken ia tuhu-tuhu,
janah ia maba dame".
Arah ayat enda nuduhken man banta, maka kerehenna maba perubahen ku simehuli kempak kerina
dampar kegeluhen manusia. Ia me Raja kegeluhen si erkuasa, si mediate, si nelamatken, si mereken
dame, ras si hadir setia ibas geluhta. Emaka asum Ia hadir ras njayam geluhta, maka sidatken me
kedamen situhuna tuhu. Jabu si ngaloken Jesus jadi rajana teridah ibas kedamen si lit ibas jabu
#Pengkenaina
Ivocatio pe isina kerna nubuaten nabi Jesaya kerna kerehen Mesias, s iigenepi Johanes Simperidiken
simpesikap dalan guna kerehen Jesus (Jes 40  :3). Kerina baluren itambusi, deleng-deleng ipekendit,
uruk-uruk jadi kendit simbelang, janah taneh si bongkak bangkik jadi rata  (: 4). Enda bahasa
andingen, maka kalak simeganjang ipeteruk, kalak si meteruk ipeganjang, deleng deleng jadi rata ertina
ilebe-lebe Dibata sei kerina manusia. Lalit siganjang teruken.
Ibas jabu pe bage, kiniganjangen ukur peturah perubaten, kiniteruken ukur maba kedamen. Meteruk
ukur jadi salah sada tanda ngaloken Jesus jadi juruselamat.
Ogen erpalasken Matius 25 : 1-13 isina eme kerna lima diberu si pentar ras lima si bodoh ibas ngalo-
ngalo kerehen Pengantin, selaku gambaren kerehen Tuhan sipeduakaliken. Bali ras kerehen Tuhan
sipemena arah Natal, lalit kejelasen soal hari dan tanggal, kerehenNa sipeduakaliken pe labo soal hari
dan tanggal, tapi soal tanda-tanda. Megermet kita nandangi tanda-tanda jaman sienggo igambarken
Tuhan sope kerehenna. Inti pesan cerita e eme ersikap-sikap ras erjaga-jaga katawari paksa pe.
Ula min kari atan kita rusur mperingeti kerehenna sipemena ibas Natal segedang geluhta, tapi tading
kita pagi ibas kerehanNa sipeduakaliken. E tandana lalit perubahen ibas perayaan. Kita ernatal guna
Koor ta, guna menang sayembara, guna seragamta. Guna konsuminta.
Persikapen ngaloken Jesus erpalasken kata Dibata wari enda eme : ibas hubungen ra ras Dibata eme
kinijeran (pertobatan), sehubungen ras temannta manusia eme perdamen (nggit sialem-alemen salah).
Sehubungen ras dirinta eme biak ngeluh si ersikap, erjaga-jaga (megermet nandangi peraten Dibata)
bagepe kiniteruken ibas perukuren ras pengerana.
Tambah tolena, sue ras pengelayasi Moderamen GBKP segelah natal tahun Enda ula lupa kita erbahan
aksi Diakonia. Kerna erbagi-bagi, perlu sirenungken :
Umat Muslim di hari Raya Idul Fitri berbagi "MAAF".
di Hari Raya Kurban berbagi "daging"
Umat Budha di Hari Raya Imlek berbagi "Angpao"
Umat Hindu berbagi sesajen, hasil alam kembali kepada alam..
Lalu kita, apakah yang bisa kita bagikan untuk dunia di Hari Raya Natal tahun ini selain proposal dana,
sampah makanan dan kertas-kertas ibadah?
Kalo mau jujur, memang banyak juga yg punya aksi sosial di bulan natal, tapi persentasenya masih
banyak yg terjebak selebrasi tanpa aksi peduli sesama..
Dgn kata lain,
Secara totalitas, Natal masih identik dgn #selebrasi, belum identik dengan #berbagi...