Kotbah Minggu, 29 Nopember 2015 di GBKP Rg.

Kaban
Invocatio : Matius 25 : 13
Jenari nina Yesus, Dage ersikap-sikaplah sebab la ietehndu warina entahpe jam na Tuhan reh

Ogen :1 Tesalonika 3 :9 -13

Tema : Tuhan kap si Engkelini kita
Lagu ende-enden Pujin :
1. PEE 9 : 1,2,3
5. PEE 74 : 1 3
9. SEE 231 : 1,3
2. KEE 15 :1,2
6. SEE 208 : 1 3. KEE 117:1,3
7. KEE 108: 1,4
4. KEE 92 : 1,2
8. SEE 131: 1
Kata Penaruh
Nats khotbah Jeremia 33:14-16 ibas perikop (33:1-26), alu judul Janji Pemulihan/pengerapen.
Kata pemulihan ertina mulihi kubas keadaan si mehuli (awalna baik, terjadi keadaan kurang
baik, mulihi ku keadaan baik entah awalna sehat, terjadi keadaan kurang sehat, mulihi ku
keadaan sehat). Pemulihan Israel ras Yehuda enda inubuatken Nabi Yeremia. melebihi
(menjangkau) kai si terjadi kenca mulihna para buangan i Babel nari. ertina maka lit dua
peristiwa fakta sejarah sibakal terjadi eme: pemena, litna waktu para buangan mulihken ku
Yerusalem ras litna waktu Mesias majekken kinirajaanNa i doni enda.
Nubuat Yeremia ibas kerehen tunas keadilen man Daud merupakan penghiburan man bangsa
Israel guna terciptana sang raja si adil man kerina bangsa. lit pengharapan ibas bangsa Israel
enda ndarat ras bebas jadi bangsa merdeka (Preedom) nggeluh alu tenteram (ayat 15). Erkiteken
kerehen sekalak pemimpin si adil usur iarapken ras itimai .Yeremia ngatakenca maka sebagai
Tuhan keadilanta. (ayat 16) Sang Mesias siitimai kerehenna i Israel eme manusia alu kriteria
sang pembebas,si adil, ras maba ketenteramen man seluruh negeri. Umpamana iiahken teman
entahpe kade-kadeta kita gawah-gawah ku Bali, tentu ersikap dingen meriahkel ukurta
sipersiapken biaya/duit, kesehatan, perlengkapan baju, Intina kerinana harus sipersiapken alu
mehuli. Bas persikapen umpamana mulai sejak kita tubuh kudoni enda , orang tua
empersiapken alu mehuli mulai kin sentabi masa ibas bertin seh mupus. Kenca anak mbelin seh
sekolah isikapkenna dana/biaya bila perlu asuransi seh lulus sarjana. Bagekape kenca erdahin ras
dungna erjabu mbuekal siharus isikapken ras siperlu ilakoken ierbintuas seh lanai itehna ngadingadi. Persiapen simehuli pasti maba ulih simehuli walaupe lit denga sitading ras kekurangenna.
Adi kurang persiapen maka mbue tangtangen ras masalah sibakal sihadapi ma bagekin? Kerina
enda guna persiapen secara doni , uga dage persiapenta si sifatna rohani tapi enggo pasti,
umpamana kematen. Kematen man kalak sitek eme saat nggeluh ras Tuhan Yesus. Melala
sinilakoken kita guna kegeluhen enda , tapi jarang kel kita ngukuri entahpe empersiapken
kematen ras kegeluhen ras Tuhan kenca kita mate. Usur sikataken : lapadah sicakapken kerna
kematen pamali nina kalak jawa lapadah silebei sura-sura Dibata ninta, si ekerina situhuna
kerna mbiar kita menghadapi kinata ibas kegeluhen enda. Padahal sienda kerina labo guna
ngelebei sura-sura Dibata, namun sada kepastin doni janah kerina singgeluh pasti mate. Senang
ntah la senang pada akhirna kerina jelma pasti nadingken doni enda. Persiapen sibenar labo
berarti si sepeleken kegeluhen, justru menyemangati maka kegeluhen e meherga ras sigunaken
sebaik-baikna. Sieteh maka bas doni enda lalit sitetap, kekelengen ngenca sitetap dikenang
sepanjang masa. Mari dage siban tanda simehuli ibas kegeluhen enda. Sehmaka hal-hal
melayani, engkelingi, ras ngelakoken singena ate Dibata lanai soal keterpaksaan, namun lebih
merupakan ibadah ras pengataken bujurta perban Dibata memperkenankan kita tubuh ras
nggeluh genduari raduken kekelengen ni Dibata. Terlebih kita enda sungguh dikasihi Tuhan
sitandai Tuhanta Yesus Kristus, ngasup kita ngataken bujur ras ersembah bagepe ngasup kita
ersaksi seh maka Dibata bangga ngenehen kita. Kesederhanaan perukuren simabai kita banci
empersiapken geluhta guna jumpa ras Tuhan. Kerina kinilitenta sitadingken, Yerusalem sisangat
megah pe hancurnge kedungenna ras memang hancur pada akhirna nuduhken man manusia
siakhirna fana ras labo kaipe sibaba ketika mulihi ku simada / pemilikNya. Minggu ende igelari
Minggu Advent sipemena (empat Minggu Advent). Minggu-minggu Advent eme Mingguminggu persiapen menyambut Yesus nandangi tubuh (natal) ras sekaligus persiapan
penyambuten kerehen Tuhan Yesus pedua kaliken. empersiapken hati kita guna Tuhan, segelah
terjadi pemulihan (mulihken ku sibenar). Adven berasal ibas bahasa latin nari adventus, ertina
kerehen, ibas konteks kekristenen advent berarti kerehen Tuhan. Ibas nimai e kita empersiapken
diri seutuhna, merenungken uga kita enggo iselamatken oleh kekelengen di Dibata, ras uga kita
ndalani kegeluhenta idoni enda. Guna nampati kita ibas ngelakoken perenungene, maka setiap
minggu adven igarai me lilin, wari endame lilin sipemena. Lilin sipemena enda igelari sebage
Lilin Pengharapen/Lilin Nubuat/Lilin Nabi (Minggu Pengharapen).

Lilin Pengharapan enda ngataken maka kerehen Tuhan Yesus, entahpe bas zaman Padan
sindekah lebih itandai alu sebuten Mesias, enggo inubuatken para nabi. Salah sada nabi si
menubuatkan kerehen Mesias eme nabi Yeremia.endame salah sada Padan pengharapen man
Yeremia sendiri, bagepe bangsa Israel, terutama bangsa Yehuda, masa sie lit ibas situasi terpuruk,
baik aspek ekonomi, hukum, sosial-budaya, fisik, psikis, mental bagepe spiritual. Keterpurukan
erkiteken kinilaperdulin bangsae, terutama para pemimpina ibas upaya perbaiken kegeluhen
bangsa ibas berbagai aspek sindai. Kalak enda lapeduli maa keadilen ras kebenaren, bahkan
lapeduli man teguren siusur isehken nabi Yeremia sendiri. Sementara bangsa-bangsa lain i
sekitarna reh menyerbu ras menguasai Yehuda. Jadi, bangsa Yehuda pada zaman sie benar-benar
bobrok, kesuraman menguasai kalak enda, ras ancamen nderpa ia arah segala penjuru. Banci
sibayangken uga keadaan kalak singgeluh ibas paksa sie. ibas situasi sibageme Tuhan arah nabi
Yeremia erpadan kerna sada pengharapen, eme kegeluhen sinandangi reh sindauh lebih mehuli,
ras e jadi bas Dibata e sendiri reh memulihkan bangsa-Na. Ieteh Dibata maka bangsa Yehuda
membutuhken pemulihen, ras pemulihane hanya dimungkinken adi Dibatae sendiri
sindalankenca.
Pembahasan nats Yeremia 33:14-16
Dibata ibas pemberitaan Yeremia enda menegasken bahwa Ia pasti menepati janji-Na. Kai-kai
saja janji si nitepati-Na e ? Pemulihan kai saja yang ilakoken-Na?
1. Mpeturah Tunas keadilan bagi Daud kepemimpinan bangsa Yehuda sisedekah enda ndauh
arah prinsip-prinsip keadilan ipulihkan Dibata, ras e rehna ibas kesusuren raja Daud.
(ay.15). Dibata erpadan guna embangkitken raja arah kesusuren Daud sijadi Tunas si adil
(bd. Za. 3:8). Nubuat enda nuduhken maka Mesias (Yesus Kristus). Kerehen Tunas keadilen
nuntut guna tek ntah lang, Ia igelari Tuhan keadilanta, kalak sitek man bana, ibenarken labo
erkiteken kebenaren sidalanken kitabagepe jasa guna ndalanken Hukum Taurat tapi
kebenaran erkiteken tek man Yesus Kristus.
a. Ndalanken keadilen ras kebenaren i negeri (Yehuda) kai siitimai rakyat sedekah
enda ?, eme keadilen ras kebenaren, Bakal ilakoken Dibata sendiri arah pemimpin si
nipeturah Na sendiri. Membebasken Yehuda pembebasen arah penindasan para
penguasa si Zolim/ lalim, ibas penindasen bangsa sideban, ras arah keterpuruken.
b. Mereken kegeluhen sitenteram man Yerusalem lanai lit ancamen, lanai lit
intimidasi,lanai lit kekuatiren,lanai lt kegelisahen, lanai lit keputusasaan; sebalikna
silit eme rasa aman, rasa nyaman, feel at home, ras rasa damai.
Arah dasar sieme dungna kaum Israel ras Yehuda ndilo Dibata keadilan ta.
2.

sehme paksana Aku nehken padanKu mas Israel ras Juda (ay.14). Berita pemulihan isehken
man bangsa Yehuda ras Israel sienggo ibuang ke negeri Babel, Ndigen paksana ? penantian
alu dem kesabaren ras harus tek maka Dibata nepati janjiNa. ibas Yer. 29:10, ikataken waktu
pembasan eme: kenca bage nina Tuhan: Adi enggo genap 70 tahun kam i
Babilon,kuperdiateken me kam dingen padanKupe kusehken,maka kubaba kam mulih ku
tanehndu.
Penggenapen sipemena melalui kematenNa ras kekekenNa, Ia jadi Raja ibas kerina tinepa
Dibata idoni enda. Penggenapen siterakhir terjadi ibas Ia reh peduakaliken, guna ndalanken
keadilen ras kebenaren idoni enda.

3.

Pembebasen bagepe Yerusalem nggeluh alu dame (ay. 16).

Nubuat pembebasen bagepe Yerusalem nggeluh alu dame lebih jelas ibas Yeremia 33:6 Tapi
Aku sinambari kuta ras rayatna dingen kubereken mulihi man bana kejuah-juahen.
Kucidahken man bana dame lateralang ras ketenangen.

Kita tentuna enggo pernah mengalami masa-masa sulit: ibas keluarga, studi, persahabaten,
bagepe bahkan ibas kegeluhen ergereja. Bas kondisi si sulit, ibas keadaan terjepit, secara
manusiawi kaipe banci silakoken; tek ntah lang, enterem jelma berperilaku aneh akhir-akhir enda
guna nutupi suasana perukurenna si gundah-gulana, enterem simenam-menam mehado entah
sakit ibas paksa masalah terasa seh beratna nderpa ia, enteremkange si seh adon ketika persoalen
reh silih berganti seh dungna erbahanca stres/depresi. melala remaja/permata si bunuh diri
erkiteken broken-heart, enterem anak sila terurus erkiteken broken-home, enterem sila fokus
elajar erkiteken SMS-na laibalas oleh si-dia atau pesan FB-na la itanggapi, entah mungkin
erkiteken uang belanja silenga ikirim oleh orangtua. Pada saat-saat pencobaan, pada saat-saat
litna tekanan, kita biasana merinduken terjadina hal-hal si dahsyat entahpe mukjizat.

Ibas situasi siterjepit, kita kemungkinan nggit ngelakoken kaipe, bahkan sekalipe hal e sieteh
salah. Ibas keadaan darurat, segala kemungkinen banci saja silakoken, sekalipe mungkin
membahayaken dirinta sendiri. Ketika kita iperhadapken bas situasi sisulit, labo lamungkin banci
benne gelemen ras pengharapenta. Ibas situasi ras kondisi pinakit sinderpakita, banci saja
kecewa ras Dibata, mungkin ninta: kai nari kin e siiberekendu man bangku Tuhan?Nindu
Kam Dibata si Mejin, sumber mukjizat, tapi kai .???. labo la mungkin kita banci saja alergi
hal-hal yang rohani! iteruh tekanen, ancamen, kesulitan, penderitaan, kesesaken, ibas
kekecewaan (patah hati), kebingungan, ras situasi sila menentu, kita banci saja menghalalken
segala cara, erbual, pura-pura adon, langgit man, berontak, pesimis, bahkan menghujat Tuhan pe
banci terjadi. S/t, kalaksila er pengharapen situhuna lanai nggeluh. Silanai erpengharapen eme
singgeluh ibas kehampaan, lalit tujun geluhna, lalit semangat geluhna, bagepe simerasa nggeluh
enda
beban
ras
lalit
gunana.
Bas wari enda kita disemangati oleh Firman Tuhan, seburuk ras separah kaipe kondisi ras situasi
ta genduari, Tuhan pasti mampu berkarya, Ia mampu memulihken kita. eme pengharapenta, ras
Tek kita maka Tuhan pasti menepati janji-Na. Pengharapen Kristen eme sada pengharapen
sierpalasken Kata Dibata entahpe pengharapen siniampeken ku Dibata, walaupe kerinana enggo
teridah masuk akal man manusia. Perbahan sie, pengharapenta itujuken man Dibata saja.
Kerinana silit bas kita lamenjanjiken pengharapen situhu-tuhu banta. Pendahin sntahpe jabaten
memang sehkel perluna, namun labo menjanjiken kedamen ras ketenteramen banta, bahkan
rusurkel pendahin entahpe jabaten e jadi masalah ketika sisalah gunaken. Institusi pemerintah ras
swasta, termasuk institusi pendidiken ras penegak hukum, labanaci mereken pengharapen
sisempurna ibas penegaken kebenaren ras keadilen, bahkan mekatep institusi e jadi sumber
kinilabujuren ras kinilaadilen. Keluarga, teman-teman, teman sekerja, bagepe kinibeluhenta
bahkan senta, la menjanjiken hal si pasti banta. Erkiteken sie kita labanci encibalken
pengharapenta sepenuhna idatas kerinana sie. Tetapi Tuhan e setia nandangi PadanNa ras Ia
erkuasa Ngelakoken PandanNa
Nimai Kerehen Tuhan berarti nimai PadanNa; nimai PadanNa berarti enggeluh erpengharapen,
entahpe bagi judul salah sada buku: bergumul dalam pengharapan (struggling in hope). ras
pengharapenta maka Tuhan ngelakoken kebenaren ras keadilen i negaranta enda, secara khusus i
Taneh Karo Simalem enda.

Pointer Aplikasi
1. Nabi Yeremia eme anak sekalak imam (keturunan imam) ipebelin-belin i Anatot ia
menekanken kekudusen umat rras umat seharusna hanya mengandalkan Dibata. Nabi
enda terkenal sebage nabi peratap, mpeseh amanat alu keras (berani) tapi berhati
lembut dan hancur. Nehken Kata Dibata alu keras (kataken salah adi salah, sibenar
kataken benar) tapi berhati lembut dan hancur atas pelanggaran Firman Tuhan dimiliki
anak-anak Tuhan.
2. Berita pemulihen si isehken Yeremia ibas keberadaanta masing-masing (ibas Minggu
Advent) mere semangat man kerina jemaat maka Padan pemulihen lit pengharapen
simbarubaru. Harapan baru e mabai kita mulihi ku tujun semula maka Dibate e tetap
memperhatiken kegeluhenta. Adi Dibata mperdiateken geluhta e ertina Ia nggit turun
tangan guna nampati pemulihen geluhta kubas damai sejahtera.
3. Usaha pemulihen e eme inisiatif Dibata labo usaha manusia alu peturah tunas keadilen
(Yesus Kristus). Perbahan sie sinibutuhken eme menyambut Raja si benar ras adil alu
ucapan syukur ras kiniteruken ukurta, sebab kita ibenarken kasih Karunia (Ef. 2:8-9).
4. Tema Tuhan kap si Engkelini kita, ertina maka leben Dibata enggo engkelengi kita
emaka mari sisehken kekelengen man isepe. Sebab kai silit ibas Raja e tentu lit bas kita
semoga.amin.