Tata acara PJJ GBKP

Tanggal 19-25 April 2020

1. Rende : Kasih dari surga memenuhi tempat ini (2x)

Kasih dari surga memenuhi tempat ini, Mengalir kasih dari tempat tinggi,
kasih dari Bapa sorgawi, Mengalir kasih dari tahta Allah Bapa,
Kasih dari Yesus mengalir di hatiku, Mengalir. Mengalir, mengalir dan mengalir.
Membuat damai di hatiku Mengalir memenuhi hidupku
Reff…
(banci itambahi ende-endenta sue keperlun ibas jabunta)

2. Ertoto kerna kata Dibata

3. Ngoge kata Dibata
Ogen : 1 Tesalonika 5:19-24
Tema : Ujilah lebe, cikep si mehuli
5:19 Ola ambati pendahin Kesah Si Badia.
5:20 Ola kam anggap enteng nandangi berita kerna sura-sura Dibata.
5:21 Kai pe ujilah lebe; cikep si mehuli,
5:22 silahken kerina si jahat.
5:23 Dibata, si mereken kemalemen ate man banta, erbahanca kam badia i bas kai pe; janah Ia si engkawali kam,
kesahndu, tendindu ras kulandu bersih i bas kesalahen nari asum kerehen Tuhanta Jesus Kristus pagi.
5:24 Dibata si ndilo kam e setia kap, janah Ia si erbahanca maka si enda banci jadi.
Renungan
 Paulus nehken pedah man perpulungen Tesalonika, nina : Kai pe ujilah lebe, sikep simehuli
(eme temanta). Pedah enda ipesehna gelah perpulungen e ndalinken simehuli ibas
persikapenna ngalo-ngalo kerehen Tuhan Yesus mulihken (oge ay .1-11). Sebab mbue ka
nge pengajaren papak si ngatakenca situasi aman, Yesus langa bo reh (pengajaren papak)…
emaka akibatna mbue ka jemaat e ngalokeken kai akapna payo gia salah…ukurna nandangi
mate pagi robah atena. Lit ka deba lanai ka ia ndahiken dahinna, nimai saja ia… sebab kuga
pe reh nge Tuhan atena. Tentu mbue denga pengajaren si la payo…piah dungna pengajaren
si payo si iberitaken sierdahin Tuhan lanai iergaina rikut pe ras diri kemahen Tuhan e
ianggapna enteng. Sebab rikut pengajaren sesat si ibegina e tentu enggo pasti si benar e ka
enggo jadi salah… (oge ay 12-13). Emaka nina Paulus uji lebe, cikep simehuli….Ula kam
anggap enteng nangdangi berita kerna sura-sura Dibata si ipeseh kemahenNa (at.20).
 Inasehatken Paulus perpulungen nina :
- Ula ambati pendahin kesah si Badia. Adi lanai meherga akap jemaat e nandangi
sierdahinNa (sibenar) ras kai siberitakenna e berarti ia enggo ngambati pendahin
Kesah si Badia.
- Adi terhambat pendahin Kesah maka terhambat kari penampat Dibata man
perpulungen sebab Dibata e kap simereken kemalemen ate, sierbahan perpulungen e
badia, singkawali ras nelamatken manusia (nen ay. 23)
- Dibata ndilo jadi kalak Kristen guna setia nandangi sura-suraNa, labo sinentang ras
anggap enteng man kataNa (ay. 24)
 Pengkenaina ibas situasi wabah corona bagenda : Ula siabati pendahin Kesah…banci saja
nge peristiwa enda tujunna gelah kita ergegehna, ersetiana ras ermeteruk ukurna i lebe-lebe
Dibata…alu bage jadi kesangapen ras kemalemen ate nge dungna banta bagi siikataken ibas
ogenta ndai sebab ia nge si mereken kemalemen ate ras keselamaten man banta. Emaka kita
arus megermet sbb pasti ka nge mbue pengajaren si papak ntah arah ja nari gia sumberna,
banci arah media sosial, teman ntah ise gia…simelemahken kesetianta man Tuhan
(gerejana), melemahken semangatta ndalanken simehuli, rsdna… Mari si uji lebe sue
temanta, emaka cikep simehuli (temanta)… nina kalak karo : …siksik lebe maka tindes….

4. Diskusi (sue situasi jabunta)

5. Nenken Persembahen : Rende KEE No. 290:1
6. Pertoton Syafaat + iujungi kari alu pertoton Tuhan
Ibas doa syafaat totoken : Jemaatta si kurang sehat eme : Nr. Pt. Em. Bp. Ronal Stp, Pt. Em. Bp.
Iwa Brahmana, Bp. Benni Ginting , Bp. Kairos Ginting Sel. 2a (pemulihen penggel), ras kerina
sieteh kita ….ras keadaan doni ras bangsata merangi vorus corona enda…

Mejuah-juah kita kerina

Selamat PJJ