Terusna alhamdulillah # puji teh kagungan alloh Wungkul ka alloh nu heman # urang menta ditulungan Dina perkara dunya na # sareng dina agamana
Anu seu’eur gogodana # dina ngalakonannana
Rohmat salam mugi-mugi # tetep ka rajana nabi Nabi muhammad nu jadi # panutup sadaya nabi Sareng ka kulawargina # sareng para sohabatna
Pendekna ka sadayana # ceuk ‘arob mah ajma’ina
Urang teu daya upaya # kakuatan henteu aya Anging pitulung nu aya # ti alloh nu maha mulya Sifatna alloh nu luhur # nu ngajaga anu ngatur Sakabeh mahluk di atur # bari henteu aya batur
RUKUN ISLAM ( salsa, iki, Ervin )
Rukun islam sadayana # aya lima ka masyhurna Syahadatain ka hijina # sholat anu kaduana
Zakat anu ka tiluna # shoum romdhon ka opatna
Munggah haji kalima na # kudu di lakonannana
Lamun geus boga bekelna # reujeung aman di jalanna
Nu wajibna ngan sakali # sunnat nu kadua kali
RUKUN IMAN ( mughni, sila, cici )
Aya genep rukun iman # mangga ku urang tata’an Nomer kahiji na iman # ka alloh nu mangeranan
Jeung iman ka malaikat # kana kitab teu kaliwat
Jeung ka rusul ulah lepat # jadi jumlahna teh opat
Ari anu kalima na # iman ka poe ahirna
Tegesna percaya kana # bakal aya kiamatna
Anu ka genepna iman # kana kabeh papastenna
Alus jeung goring lenyepan # sami ti alloh kodiron BABAGIAN CAI ( jamal ) Cai nurutken aturan # kabagi dua bagian Cai saeutik ukuran # dua kulah kakurangan
Anu kurang dua kulah # sok mutanajjis teu salah
Ku tumibana najasah # sanajan henteu barobah
Makena cai saeutik # kudu saeutik-saeutik
Dikucurkeun disiukkan # saperti dina padasan
Jeung ari nu sabagian # cai nu loba ukuran
Kana najis ngabersihan # cai nu loba ukuran
Anging dimana barobah # rasa rupa ambeu robah
Najan aya dua kulah # mutanajjis henteu salah
BABAGIAN NAJIS ( wawa, fani, rena, Davina )
Hukum najis tilu warna # nya ieu hiji-hijina Mugholladzoh mukhoffafah # katilu mutawassithoh Mugholladhzoh mah najisna # najis anjing jeung bagongna Jeung kabeh anak-anakna # kabeh wajib disertuna Dikumbahna tujuh kali # make taneuh nu sakali Kahade masing taliti # sing apik kahade lali Mukhoffafah ditaliti # ci ki’ih budak lalaki Anu umurna can nepi # kana dua tahun bukti Sarta lalaki ayana # lain awewe budakna Can naon bae daharna # wungkul ci susu daharna Mukhoffafah mah bersihna # ku dikocorken cai na Teu matak berat ngumbahna # sing leungit deui jeuntulna Euh ari mutawassithoh # lain najis mugholladhzoh Lain najis mukhoffafah # tapi najis tengah-tengah Kabehna dua bagian # dua nana di tata’an Kahijina ‘ainiyyah # nu kaduana hukmiyyah ‘Ainiyyah mah najisna # najis nu aya rupana Jeung nu aya ambeuna # reujeung nu aya rasana Ieu najis beresihna # nurutkeun aturannana Kudu dileungitkeun tea # rupa ambeu jeung rasana Jeung ari najis hukmiyyah # nu teu aya rupa malah Ambeu jeung rasa izalah # ieu ulah matak susah Ieu najis beresihna # geus cukup dina ngumbahna Ku ngocorkeun cai kana # tempat najis hukmiyyahna
WARNANA CAI ( SYAHID )
Cai aya tujuh warna # sah dipake beberesihna Cai hujan kahijina # hujan buah kaduana Cai ibun nu katilu # ka opatna cai nyusu Pek ku urang pake wudhu # sing faham ulah kaliru Cai sumur ka limana # ci bangawan ka genepna Ca laut ka tujuhna # ku kabeh bersih najisna
NAJIS ANU JADI SUCI ( ZITA )
Najis bisa jadi suci # aya tilu nu geus pasti Arak anu kahijina # jadi cuka ku dirina Kulit bangke kaduana # mun disamak sabersihna Eta ge suci hukumna # jadi menang dipakena Katiluna panganggeusan # perkara nu jadi hewan Lir jadi bilatung najan # tina mugholladzoh pisan
LOBANA HADATS ( AZZAM )
Hadats the dua rupana # hadats leutik ka hijina Hadats gede kaduana # tong lali sa lalamina Hadats leutik ngawajibkeun # kana wudhu ditangtukeun Hadats gede ngawajibkeun # kana mandi ditangtukeun
FARDHUNA WUDHU ( NENG AMI )
Fardhu wudhu aya genep # kanyahokeun sing sareugeup Hiji niat dina ati # urang kudu ati-ati Kaduana ngumbah beungeut # ti handapna seumet angkeut Dibarengan jeng niatna # tah kitu prak prakan nana Ngumbah leungeun jeng sikuna # ieu anu katiluna Atawa kira-kirana # lamun teu aya sikuna Jeng wajib ngumbah kabehna # tina bulu jeng liana Jeng kudu aya leuwihna # ngumbah siku kaluhurna Ngusap sirah ka opatna # ngumbah suku kalimana Tartib anu kagenepna # yakni perele hartina
SYARATNA WUDHU ( DAFI )
Syaratna wudhu lobana # aya sapuluh warnana Islam anu kahijina # tamyiz hideng kaduana Ari anu katiluna # bersih tina hed nifasna Opat taya hahalangna # cai kanu dikumbahna Cara leugeut jeng bangsana # aria nu kalimana Teu aya di anggotana # nu ngarobahkeun cai na Ari anu ka genepna # nyaho kafardhuan nana Tegesna fardhu wudhuna # anu genep sakabehna Ari syarat ka tujuhna # ulah nekadkekun nu wudhu Kana fardhu jadi sunnah # kahade di omat-omat Syarat wudhu ka dalapan # cai kade kasalahan Kudu bersih dipake sah # kahade wudhu teh salah Ka salapan manjing waktu # ka sapuluh muwalatu Ari anu wudhu kitu # keur nu langkung hadats tangtu
NADHZOM AHLUSSUNNAH WAL JAMA’AH
Tujuh tilu islam pecah
Kabeh ge ceuk rosul salah Ngan hiji nu salamet mah Ahli sunnah wal jama’ah
Dalil qur’an jeung haditsna
Dalil ijma’ jeng qiyasna Mujtahid mutlak imamna Nu opat masyhur namina
Imam maliki, hanafi
Imam syafi’i hambali Eta imamna fikihna Nu hak ditaklidannana
Abu hasan al-asy’ari
Abu Mansur al-maturidi Eta imam tauhidna Akidah ahli sunnahna
Abu Qosim junaidi
Hujjah islam imam ghozali Sayyid abdulloh al-haddad Eta imam tashowwufna
Maca maulid jeung rajaban
Tawassul jeung marhaba’an Yasinan jeung sholawatan Mugia kasyafa’atan
Usholli sholat niatan
Sholat shubuh di qunutan Istighotsah manakiban Dzikir wirid babarengan
Zarah ka kubur tahlilan
Mayit dikubur talkinan Orok lahir di adzanan Nu tujuh bulan syukuran AQO’IDUL IMAN
Ari ‘aqo’idul iman
lima puluh kayakinan kanyahokeun sing enyaan mun ngaku jalma beriman
nu dua puluh sifatna
wajib aya di alloh na Dua puluh nu muhalna nu jadi lalawan nana
Sifat nu jaiz na hiji
jumlah opat puluh hiji hak alloh nu maha suci teras na di tambah deui
opat nu wajib di rusul
opat nu muhal di rusul nu jaiz na hiji hungkul jumlah salapan nu nyusul
jadi opat puluh hiji
tambah salapan ber arti jumlah lima puluh pasti pek sebutan hiji hiji
Butuh kana tempat jeung butuh kanu ngayakeun Bimbilangan dzat na sifat na sareng dameul na Apeus kapaksa bodo maot torek lolongna Pireu bukti alloh anu apeus anu kapaksa anu bodo maot, torek, lolong, jeung pireuna
Wenang di allohna midameul barang mumkinna
taya anu wajib midameul barang nu mumkinna
shiddiq, amanah, tabligh fatonah
Bener kapercaya ngadugikeun reujeung pinter Kidzib khiyanat kitman biladah bohong cidera jeung nyumputkeun tur bodo na wenang di rusul na sifat manusa biasa kaya tuang leu’eut angkat kuleum sajabana
NADHZOM IQOMAH RUKUN ISLAM
(kasepuhan KH. Zezen ZA bazul asyihab. Pondok pesantren azzainiyyah)
Lailahaillalloh... Lailahaillalloh... Lailahaillalloh... Muhammadurrosululloh... Allohumma sholli ‘ala sayyidina muhammadin Wa ‘ala alihi wa shohbihi wa sallim
Puji kagungan alloh
Rohmat salam ka rosululloh Sohabat tur kulawargi Pejuang agama alloh
Islam agama nu bener
Damai luas tur sejahtra Rukun lima nu utama Amalkeun masing sampurna
Syahadat teh pondasina
Sholat teh jadi tihangna Zakat dingding shaum kusenna Haji nu jadi kentengna
Rukun islam teh pahamkeum
Amaliahna gerakeun Panggerakna ge dijieun Agungna islam buktikeun
Tholab elmu, maca qur'an Loba dzikir kapangeran ngalawan nafsu jeung syetan
Sholat ge kudu ngabuah
Munajat sinareng qurbah Ta'awun sareng imamah Kahirupan sing barokah
Sholat kudu diperkuat
Awal waktu berjamaat Makmur masjid khusyu khidmat Sing lengkeup fardhu jeung sunat
Qobliyah ba'diyah ketat
Tahajud,tasbeh jeung hajat Dhuha jeung sunat sejena Usahakeun sing sampurna
Zakat sing puguh buktina
Tanmiyah jeung barokahna Ta'awun taqoddum,izzah Islam teh nyata hebatna
Zakat nyata perjuangan
Mun nisob geura zakatan Can nisob ge lalanyahan Dua satengah persenan Ti leuleutik biasakeun Sawarehna harta bikeun Bentuk amilin nu leukeun Sifat amanah tegakeun
Shaum oge kudu nyata
Sobar, tahamul, qurbah na Barokah sarta wusulna Islam teh nyata tangguhna
Sunnat jeung senen kemisna 'Arofah daud jeung liyana Shaum kasucian nana
Haji kudu bukti mabrur
Iman ibadahna luhur Bisa ngageurakeun batur Umat akur islam luhur Aturan kange murangkalih anu ngaos di Majlis Ta’lim Muta’allim 1. Ngucapken salam sa acan lebet majlis 2. Biasakeun barang tuang/leu’eut bari calik 3. Henteu barang tuang/leu’eut nuju ngaos 4. Henteu heureuy nuju ngaos 5. Henteu heureuy nalika nuju sholat 6. Ulah waka mulang sa acan sepuhna ngajemput 7. Nu ageung sing nya’ah kanu alit, nu alit sing hurmat kanu ageung Kagiatan sareng Jadwal Ngaos : 1. Ngawitan ngaos tabuh lima sonten 2. Rengse ngaos tabuh tujuh wengi 3. Khusus dinten mingon istirahat teu ngaos 4. Khusus tiap dinten senen wengi salasa Ratiban ( Ratib Al-aththos ) sareng sepuh-sepuhna ( Tabuh lima dugika maghrib khusus talaran/hapalan ) : - Durusul fikhiyyah - Do’a-do’a - Tashsifan - Kalimahan - Tauhid - Juz ‘amma ( Ba’da sholat maghrib berjama’ah ) : - Ngaos al-Qur’an - IQRO’