Ralan do Koposion
Id tindalanon, monimbaba diti koposion,
Haro rugi om nogi tusak sakot id posorili
mangambalut doho,
Sumonu osulu oku, sumonu oimayaan oku
kokito dilo tusak do mungkalad.
Haro nogi watu ii insaru papasadu doho,
soira oku atatak, mumbal oku daa’
mingkakat kagu, nung milo nopo daa nga
tumingkod oku, tu oilaan ku,
id ralan diti ogumu po kagu watu,
mondosi oku do atatak om osindualan
kawagu.
Nga osorouku, tumos tumuru id pingas di
ama, romou mato di ina ii nouru
pinapagayo doho, kalansanan diolo kumaa
doid doho, mongigit om mangahak doho
do lumaang.
Iti no kanto rati do koposion, masi okon ko
montok dau sondii nopo,
koposion diti kirati soira do tumahak
kumaa do wokon.
Ina om ama, montok no dokoyu:
potilombuson ku o’ laang,
pagarason ku ginawo,
om toguangonku o koinggoritan,
gisom do agampotku o kalansanan dokoyu
Dalam perjalanan, menghadapi hidup ini,
ada duri dan bunga di sekeliling,
menemani saya,
terkadang saya terluka, terkadang saya
gembira, melihat mekarnya bunga itu.
Ada juga batu yang selalu menjadi
menjatuhkan saya, dan bila saya terjatuh,
saya cuba untuk bangkit lagi,
kalau boleh, saya mahu berhenti,
sebab saya tahu,
di hadapanku masih banyak batu yang
akan saya hadapi, dan saya takut untuk
terjatuh dan terluka lagi.
Tetapi saya teringat, peluh yang mengalir
di pipi ayah, airmata ibu yang mengalir
membesarkan saya,
harapan mereka untuk saya,
memegang tangan dan memimpinku
untuk terus melangkah.
Mungkin, inilah erti hidup,
hidup bukan untuk diri sendiri saja, hidup
ini hanya bermakna ketika meberikannya
untuk orang lain.
Ibu dan ayah, untuk kamu:
saya akan terus melangkah,
menguatkan hati,
dan menghadapi kesakitan ini,
sehingga saya mencapai harapan kalian.