BAB II

UNSUR-UNSUR SEMANTIK

2.1 Pinget lan Lambang (Simbol)

Teori pinget (tanda) kalimbakang olih Perre ring abad ka-18 sane
kajantenin antuk kawentenan buku sane maurda The Meanig of Meanning, ka
kripta olih Ogden lan Richards ring warsa 1923. Risajeroning panglimbak teori
pinget (tanda) kacetus sene kawastanin semiotik, kakepah dados 3 inggih
punika:
1) Semantik
2) Sintaktik
3) Pragmatik

Semantik mapaiketan sareng pinget (tanda-tanda). Sintaktik

mapaiketan sareng rentenan pinget (tanda-tanda). Yening pragmatik
mapaiketan sareng wit, pangangge, lan sane ngawinang pangangge pinget
(tanda-tanda) ring sajeroning parilaksana mebebaosan utawi mabasa.

Pabinayan pinget (tanda) prasida kauningin sekadi:

1) Pinget (tanda) sane parindikannyane mapaiketan antuk bhuwana agung,

manut saking parindikan sane kataenin olih para jadma. Sekadi:
a. Dinane mangkin gulem, pinget lakar sabeh
b. Sabehe tusing endang-endang prasida ngawinang banjir
c. Banjir prasida ngawinang wenten wabah penyakit.
2) Pinget (tanda) sane parindikannyane mapaiketan antuk beburon, manut
saking parindikan sane kataenin olih para jadma, imbanyane:
a. Cicinge ngongkong mingetin wenten anak sane teka
b. Meonge mesiat ajaka timpalne mingetin jagi wenten wabah penyakit
3) Pinget (tanda) sane kapingetin antuk manusa utawi jadma, kabinayang
antuk:
a) Wenten sifatnyane verbal
b) Wenten sifatnyane non-verbal
Pinget (tanda) sane sifatnyane verbal inggih punika pinget (tanda) sane
pikolihnyane saking jadma antuk piranti-piranti sane kaanggen
mebebaosan (Organ of Speech). Pinget (tanda) sane sifatnyane non verbal
sane kawigunayang rikala mebebaosan. Pateh sakadi pinget (tanda)
verbal. Pinget (tanda) non verbal kakepah dados 2 (kalih), inggih punika:

1. Pinget (tanda) sane prasida kapraktiasayang saking angga

sarira (body gesture) kasengguh Bahasa isyarat, sakadi:
a. Kipak-kipek, sane maarti ‘tan’, ‘nenten’, ‘tan kayun',
miwah sane mainan
b.Anggut-anggut, sane maarti ‘nyak’, ‘kayun’, ‘prasida’,
miwah sane mainan
c. Ngedengang utawi nujuhang jempol,