Tresna Mapilihan

Kacritayang jani ade anak makurenan idup di desa. Akurenane ento ngelah
pianak dadua luh-luh. Pianak ane kelihan maadan Ni Luh Putri lan ane kelihan
maadan Ni Kadek Mawar. Luh Putrini ajak Kadek Mawar melenan krana Luh
Putri ade di gumine dadi jatme ane tusing normal. Luh Putri punika anak ane
tusing bise ngomong lan tusing bise ningahan. Nanging Kadek mawar care
manuse ane len. Ento mekade tresna meme lan bapane meelenan ke pianakne
makedadua ento. Kadek Mawar kesayangan pesan baan meme bapane. Ape ane
ketagih pragat prejani ade. Nanging, pegantin Luh Putri metetagihan tusing taen
beliange baan reramane. Sawireh kaliwat kesayangan kadek mawar dadi anak ane
lengit tusing taen nulungin nyemak gae di jumahne. Gegaene tuah mepayas doen.
Melenan pesan ajake mbokne Ni Luh Putri. Ni Luh Putri anak ane jemet lan
anteng nulungin nyemak gae dijumahne. Melenan teken ento Luh Putri demen
pesan melajah mejejahitan, ngae kulit tipat, porosan miwah ane lianan. Luh Putri
melajah mejejahitan neto di umah dadongne. Sewai-wai disubane suud gegaenen
di jumah, Luh Putri melali keumah dadongne lakaran melajah mejejahitan.
Kacarite ne jani Luh Putri suba dueg pesan mejejahitan. Sewai-wai
geginane tuah mejejahitan. Hasil jahitanne ento lantes kaadep olih Luh Putri. Liu
ane demen ajak jejahitanne Luh Putri krana jejahitane Luh Putri apik lan becik.
Mekelo-kelo Luh Putri masih ngadep kerajinan-kerajinan ane malakar aji busung.
Lancar pesan usaha Ni Luh Putri ento. Sayan mekelo usahane punika sayan gede.
Ne jani Luh Putri suba liu ngelah kariyawan di usahane ento. Ulian ia jemet
melajah iae dadi anak suskes. Sekate ento ia kehargai pesan baan anak-anak di
desane. Melenan pesan teken adine ane tusing bise ape-ape. Kete sube anake ane
jemet megarapan. Yadiastun dadi jatma ane ngelah kekurangan nanging tusing
nyidang ento dadi alasan iraga males lan lek tekening ape ane gelahang. Iraga
mase ten dados mapilihan teken pianak. Krana ape ane gelahang ento ane patut
katerima.