ARJUNA WIWAHA ALANTURAN

Kaceritayang arjuna sampun polih waranugraha saking ida shang hyang widi, wawu ida jagi makinkin
mantuk wenten widiadare sareng kalih kautus oleh Hyang Indra, makta sewala patra sane malingga
tangan Hyang Indra, swale patra hyang indra mikarsa kanti pacing mademang niwataka wacang
rusak swargan.  

Ida Sang Arjuna polih waranugraha miwah kautaman raris tngkil ring hyang indra, Kapanggihin ida
malinggih, rikala mabawosan sareng bhagawan wraayati.

Ring swargan iyur ortine, indik parawuh Sang Arjunane, Sang Hyang Indra ngutus Sang Arjuna sareng
Dewi Suprabha lunga ka Manimantaka, Sang kalih gelis mamargi nglayang ring ambarane.

Gelisang crita Sang Kalih sampun rawuh ring manimantaka Dewi Suprabha ngojog ring taman. Sang
Arjuna masi ngidan tur ngintip ring sor taru parijatane. taler ngemanggihin Dewi Suprabhane ring
niwatakawaca. Irika kapanggihin taler ni suprabha mapisendu. Raris kasup olih niwatakawaca saha
karumrum. 

Dewi Suprabha lintang ring pradnyan, matur nyujur manis ngetus kayun, nylempoh ngaturang raga.
Sang Arjuna mirengan bawos sang kalih. Taler sampun uning kasaktyannyane sang prabu magenah
ring tungtunging lidah.

Sampun tatas kapireng oleh Sang Arjuna, gelis ngunggah ring kori agunge,raris kakupak tur katinjak,
mungkah ulangrudag, Dewi Suprabha kapendah oleh Sang Arjuna, raris manglayang ring ambarane.
Wenten nguningayang Dewi Suprabha ical. Niwatakawaca kroda, marasa keni pangdrajala, raris
ngatag bala raksasa, gagamaning pecang, ngebug Hyang Indra.

Kacritayang mangkin, niwatakawaca saha bala sami sampun mamargi. kocap Sang Arjuna sareng
Dewi Suprabha sampun rawuh ring kendran, tangkil ring Hyang Indra, nguningayang sampun sabdha
karya. Taler kauningang niwatakawaca sampun mangkat saha bala raksasa jagi nglurug swarga

Bhatara Indra gelis nginkinang caturangga, prawira miwah prajurit, para dewa sami, raris gelis
mangkat kapayudhan. kairing olih prajurit makudang kethi, sang citarere pinaka papatih, kairingan
tuk widyadhara, paragandharwa miwah para rsi.

Sampun rawuh ring bongkol Gunung Mahamerune, matemu ring bala raksasane. Irika tumuli sami
wirosa mangrajek.. Wadwa para dewa miwah raksasa akeh sane pejah, sawane pajlempang awor.
kala punika niwatakawaca ngamuk. Para dewane sami pada lilih.

Sang Arjuna raris karep matinggal. Saha sang kalih ngadu ksaktyan. Wadwa dewane sami mundur
saha tanmarima titisang panah. Kala punika Sang Arjuna cepet nyambet comara punika kasangkil,
raris bah mapi-mapi seda. Ritatkala punika tutuk lidah niwatakawacane kapatitis antuk panah
Brahamasta. Irika niwatakawaca kedek ngakak, ngenah lidah nyane.

Kala punika macedar panah Sang Arjunane, ngenain cangkem niwatakawaca, tur katindih antuk
panah. Irika niwatakawaca bah, raris padhem. Antuk luwih karwinida Sang Arjuna, raris kaicen
gancaran oleh Bhatara Indra, mawiwaha ring wiswadhari pitung diri,. Sang Arjuna pitung sasih ring
suargan manggih kasukan. Asapunika palaning Sang Ksatria utama anjaya satru, ngawonang
sakancan momo angkarane sane ngaleinjagat. Nyandang pisan tulad kapagehin mawih kapurusan
Sang Arjunane. Ayu Kinardi Lewih Kangtinemu.