AKSARA MODRE

A. SEJARAH AKSARA BALI

Aksara Baline mawiwit saking India, sane ngranjing ka Indonesia miwah ka
Bali nyarengin pengaruh kebudayaaan Hindune. Manut buku Pedoman Pasang
Aksara Bali sane kemedalang antuk Dinas Kebudayaan Provinsi Bali warsa 2002,
Aksara sane pinih kuna ring India mawasta Aksara Karosti. Selanturnyane, aksara
Karosti nedunang Aksara Brahmi.
Panglimbak selanturnyane, ring India Utara wenten aksara Dewandarisane
kanggen nyuratang basa Sansekerta, ring India Selatan wenten Aksara Pallawa sane
kanggen nyuratang basa Pallawa.
Aksara Dewanegari miwah Pallawa punika sane nglimbak ka Indonesia.
Pinaka cihna panglimbaknyane ring Indonesia, kapertama kakening ring
Kutai(Kalimantan Timur) sajeroning yupa sane masurat aksara Dewanegari. Ring
Bali, kakeniang stupa- stupa alit ring Pura Penataran Sasih (Pejeng), sane masurat
Aksara Pradewanegari utawi Siddhamatrka. Ring Blanjong Sanur kakeniang tugu
peringatan Sri Kesari Warmadewa sane masurat kalih aksara, inggih punika Aksara
Dewanegari miwah Aksara Bali Kuna.
Selanturnyane ring Bali, nglimbak taler Aksara Pallawa miwah aksara Semi
Pallawa. Aksara Semi Pallawa puniki raris nedunang Aksara Kediri Kwadrat. Saking
aksara Kediri Kwadrat puniki raris tedun Aksara Jawi miwah Aksara Bali, sane
sampun akeh ngamolihan pauahan manados aksara Bali mangkin saha sampun
karanjingan ring program Bali Simbar.

B. AKSARA BALI
Aksara inggih punika ceciren utawi gambaran suara sane kawetuan olih
imanusa. Rupa wianin wangun aksara punika maendahan, nganutin gegambaran
wangsa sane ngangge/ngemanggehan aksara punika. Yening manut onekan (sesuai)
dengan bacaan), Basa Bali Latin punika wenten kalih warna: I. Aksara suara (vokal)
miwah II. Aksara Wianjana (konsonan). Sane kalih punika, manutin kawigunannyane
taler dados kapalih dados tatiga, inggih punika: 1. Aksara Wresastra (kabaos aksara
jajar komeri). 2. Aksara Swalalita. 3. Aksara Modre.
C. AKSARA MODRE
Aksara modre inggih punika aksara kadiatmikan sane kanggen nyurat japa mantra,
simbol-simbol-simbol, doa-doa, miwah usada utawi indik pangweruh sane kabaos gaib
utawi sindik-indik kadiatmikan. Aksara modre puniki kawangun antuk Aksara Wresastra
Miwh Swalita saha kadagingin pangangge lan pralambang ngantos tan prasida kawacen
utawi padem. Ri kala nguacen patut ngrereh pamargin/titi sane kabaos Krakah Modre.
Sane tiosan wenten taler mawasta Krakah Padma miwah Krakah Modre Aji Griguh.
Pinaka conto, kadi ring sor puniki :