Pantun Bahasa Aceh

Syauqi Alfaizi – 190240206

1. Dua blah buleun geukhen sithon

Sereutoh thon geukheun si abad
Asslammualaikum haba lon pephon
Pantun lon suson kemandum sahabat

2. Gunöng geurudông lambông sileupah

Gunöng seulawah cidah han sakri
Haba meupantôn lôn susôn madah
Meunyo hana pah neuperbaiki.

3. Bungoeng seulanga ceudah that rupa

Bungoeng melati leupah that wangi
Pak nyopat panton lon ba
Semoga geut nilai bapak bri

4. Tajak unimal
Tajak ngen gaki
Beu leu leu amal
Peujioh dengki

5. Dara Aceh ramee yg tari

Mirah bibi cantek ngon rupa
Adak hitam mameh han sakri
Lagee kupi ka keunong saka

6. Salam'alaikom rakan meutuwah,

Muslim muslimah mandum syiara,
Dinanggro aceh seurambi meukah,
Nanggroe syuhada para aulia.

7. Kumang seulanga duroh bak tangke

Kumang bungong pade oh watee senja
Hudep didonya meubek laloe le
Ingat keu mate kan geutanyoe rasa
8. Buya krueng bandum teudong-dong
Buya ban tamoeng meuteume raseuki
Wahe syedara di kota ngon di gunong
Persatuan beukong peugadoh iri deungki

9. Aceh nyoe kaya Alhamdulillah

Ureung ibadah pujoe Rabbana
Limong boh watee geupujoe Allah
Poma ngon ayah sabee meudoa

10. Dum aneuk yatim rata daerah

Gasien ngon susah lam ro ie mata
Udeep meupayeh saket meutamah
Ie mata darah cobaan teuka

11. Aceh nyoe kaya Alhamdulillah

Ureung ibadah pujoe Rabbana
Limong boh watee geupujoe Allah
Poma ngon ayah sabee meudoa

12. Hitam hitam si aneuk bayam

Neubi sireugam ulon neuk tabu
Bah pih nekalon ulonyo hitam
Hate didalam puteh nibak susu

13. peu tajak ugle peu tajak ublang

atau tajak upeukan tajak bloe bada
myo geutanyoe taat atura
uroe ngen malam Tuhan yang jaga

14. Meunyo pijet taboh bak sapai

Ka teunte gatai tateume rasa
Meunyo sulet taboh keu pangkai
Ka teunte kanjai tadjoek keu laba

15. Meunyo jeut tapeulaku

 On labu jeut keu aso kaya
Meunyo hanjeut tapeulaku
Aneuk teungku jeut keu beulaga

16. Jak ube lot tapak, duk ube lot punggong

Ngui beulaku tuboh, pajoh beulaku atra
Jak beulaku linggang, pinggang beulaku ija

17. Meunyo tatem usaha

Adak han kaya udep seunang
Han tatem usaha
Pane teuka rheut mayang

18. Tuha u jeut keu bijeh

tuha tameh pasti bungka
tuha umu bak tapreh preh
pasti leubeh itek ngen angsa

19. Tameu ‘en cato bek leupah-leupah

Meuroh boh 14 matee u punca
Ta meututo bek leupah-leupah
Peulara lidah yoh goh binasa

20. Bek harap pageu keube lam padee

Bek harap jantong pereuleh hatee
Jeut leumiek tanoh keube keumubang
Leumiek geu parang, gob mat kuasa

21. Gunöng seulawah meugah na dua.

Nyang saboh Dara cidah meu uké.
Sunggôh ‘Ibadat Syufa’at teuka.
Sunggôh keurija seunang ‫׳‬oh akhé.

22. Tajak ugle tapula kacang,

Ta troen uladang, tapula lada,
Meumada dilee adinda sayang,
 Pajan-pajan, ta sambong teuma.

23. Aceh lhèe sagoe nanggroe éndatu,

Cit ka meuceuhu yôh awai masa,
Abéh keurajeuen Aceh pih karu,
Dalam apui hu ngön harô-hara.

24. Beuni bèk leumah kulét,

Peunyakét bèk leumah nyata,
Ka sakét bah di dalam,
Bèk hiram bak ie muka.

25. Tajak u glé jikab lé rimueng,

Tajak u krueng jikab lé buya,
Tajak u laôt jikab lé paroe,
Tawoe u nanggroe jipoh lé bangsa.

26. Bak meureuya di dalam paya,

Pucôk meugisa bak matauroe,
Meung na taeu mataku dua,
Adat ka tabungka bak reujang tawoe.

27. Mumisè lôn sangka tupè,

Meujanggôt lôn sangka udeueng,
Meuseureuban lôn sangka leubè,
Hana lôn thèe pancuri ureueng.

28. Aneuk dara jijak muntèe,

Jilhat alèe di công limèng,
Jipôt angèn ka srôt alee,
Teukeujöt asèe jikab kamèng.

29. Na saboh cicem jipo u laot,

Jingieng u likot aneukjih kana,
 Jijak jiwoe eumpeuen lam reugam,
Soe nyang troh pham cuba oh makna.

30. Ramphak langèt meutabu bintang,

Ramphak blang ureueng seumula,
Ramphak kayèe karna le cabeueng,
Ramphak ureueng karna le syèdara.

31. Ngön jalô puntông peungayôh patah,

Lôn ilah-ilah keunoe lon teuka,
Peuturôt haté sabé lam gundah,
Seubab that susah judô lôn mita.

32. Ranub kuneng ôn di Gampông,

Lamrèh Kareueng meucungkeh pasi,
Krueng Raya Padum tréb lawét kamoe muprèh-prèh,
Uroe nyoe jadèh syèdara teuka.

33. Ranub sigapu jampu ngon gambe,

Peuduek lam bate keu jamee teuka,
Lon lakee meuah baten ngon lahe,
Awai deungon akhe nyang leupah haba.

34. Alahai adoe yang that meutuah

aneuk mak ngoen yah yang that geu cinta
pakoen keuh kajak hana ta peugah
hoe ka neuk langkah tan ka bri haba

35. Hujeun ngoen kilat di lhokseumawe

takot bukoen le tubiet u lua
pajan ji pirang hanjeut ta takse
Po rabbul kade ka Neuboh masa

36. bek sagai tuwoe tragedi silam

 ingat hai rakan meubek ta lupa
bak malam minggu lagee nyoe saban
geutanyoe insan lalee lam dosa

37. hana lon pandang bak tari rupa

tutoe bahasa nyan yang meusampe
keupue dak tari lagee hindia
sabe tiep masa peusaket hate

38. Hana lam hadis atau Al-Quran,

Khanduri apam silaturrahmi semata,
Tapi tertulis dalam perkataan,
Nabi ucapkan ruti peutaba.

39. Ateueh bak rambôt meulôt cempala,

Sampé patah pha rhôt yub bak asan,
Nyang cukôp ngeri terjadi kana,
Virus corona ka bansaboh nyan.

40. Ranup meususôn lam ôn geukeubah,

Boh pineung teuplah atô meuriti,
Èt noe keuh pantôn nyang ulôn surah,
Singöh laén bhah karang keulai.