PEMERINTAH KABUPATEN SUMENEP

DINAS PENDIDIKAN
SEKOLAH DASAR NEGERI PABIAN
Jl. Raya Pelabuhan Pabian Telp. (0327) ………
ARJASA
Kode Pos 69491
PENILAIAN AKHIR TAHUN (PAT)
TAHUN PELAJARAN 2021-2022

Nama : Mata Pelajaran : Bahasa Madura

NIS : Waktu : 90 Menit
Kelas : VI (enam) Tanggal :
Dha-nendha Dhaddhina Calaka’
Lantaran etombui resa neng le’erra Bahtiar so ca-kancana eco-koco “se Ponok”. Resa ele’erra se rajana
pada ban ebbal kasti re-saarena ngeba sossa dha’ Bahtiar. Esettong are Bahtiar aoba pekker aba’na terro
matada’a resana, dalem pekkerra terro atapa’a me’-ame’ olle petodhu bisa maelang resana. Tengnga malem
Bahtiar entar nyeppe dha’ ghunong se bada neng dajana bengkona. Dapa’ ka ghunong, neng guwa bahtiar tojhu’
meddhet, o-tao bit-abiddhan pas ngeding tangessa ana’na setan sambi acaca so embu’na, “Ngeee – ngeee -
ngeee, buuu’-buuu’ sengko’ terro amaenna ebbal, buuu’ “. Embu’na setan nyaot,“Pya nemmo bhai ba’na Cong,
edhinna’ reya tada’ tokona ebbal”. Pas ana’na setan nyambit,“Arowa bu’ ebballa neng le’erra oreng se atapa”.
Embu’na setan pas atole dha’ Bahtiar se meddhet laju nyandher pas ajhabhik resana. Bahtiar ngetek esandherri
embu’na setan pas takerjat polana le’erra ekarassa dhammang. Deng la egaga resana la temmo tada’. Bahtiar ce’
peraggha pas dhuli mole terro abala’a dha’ embu’na.
Kalagguanna ga-tatanggana kasambu’ ban perak polana Bahtiar resana ella baras ban atamba gaga’.
Kabar careta gella’ dapa’ da’ man-dimman dhisa, bannya’ oreng se pada etombui resa neng le’erra terro
nendha’a atapa’a neng ghunong akanta Bahtiar. Tape se bangal nendha coma settong oreng. Oreng gella’
ngoddhi atapa sampe’ pan-barampan are. Saellana abit se atapa bakto tengnga malem ngedhing tangessa
ana’na setan sambi acaca so embu’na, “Ngeee – ngeee – ngeee, buuu’-buuu’ sengko’ ambua ta’ amaenna ebbal
pole, busen, eya’ ebballa pabali dha’ oreng se atapa rowa”. Embu’na setan nyaot, “Iya, kamma ebballa epabalia
pong-pong orengnga ghi’ bada”. Embu’na setan pas nyander dha’ oreng se atapa. Kalaban ta’ nya’-bannya’ caca
embu’na setan pas napellaghi ebballa se aropa resa dha’ le’erra oreng se atapa. Oreng gella’ takerjat banne pas
perak tape sossa sabuluna kole’, le’erra atamba berra’ lantaran resana ngarempeng dhaddhi duwa’. Oreng gella’
dhari kastana pas nanges atowat long-bhallongan bi’-dhibian neng ghunong se seppe, towadda, “Aduuuuu ma’
da’iyaaa setaan”.
Saellana mole dapa’ dha’ kampongnga sakabbina ga-tatanggana pada kasambu’ ngabas  resa se bada e
le’erra atamba bannya’ dhari settong dhaddhi duwa’. Ga-tatanggana bannya’ se manglo. Oca’na, “Jareya, Cong,
ollena dha-nendha ta’ mekker gallu, dha’ budina ja’ dha’ iya pole ma’ le ta’ atamba bannya’ kenga’e, ya !” (M.
Rasyad)
I. Pele settong jawabhan se paleng bender pas berri’i bunterran neng horop a, b, c, otaba d!
   Kaangghuy soal no.1 sampe’ no.5 jawabbha nyare neg careta e attas!
1. Sapa se e co-koco ”se Ponok”?
a. ana’na setan b. Bahtiar     c. embu’na setan     d. Sanendhi
2. Bhul-ombhul careta e attas bisa egante’e ban bhul-ombhul ......................
a. se Ponok Atapa b. Tangessa Setan     c. Ghunong Daja     d. Tombu Resa
3. Se ngangghit careta e attas .........................
a. R. Taha         b. M. Drajid    c. Bahtiar       d. M. Rasyad
4. Bahtiar gella’ nyeppe neng dimma?
a. ghunong      b ombhut       c. alas             d. raba
5. Sapa se olle calaka’ jareya?
a. Bahtiar          b. oreng se nero Bahtiar c. ta-tanggana    d. ana’na setan
6. Mon nandhu’ ebbal panandhuk ka-kancana!
Artena panandhuk neng okara e attas ..............
      a. panempak    b. panyepak  c. padapa’      d. panarjha
7. Arena panas sajan ngelta’ ban mangel-ngel ka cetak. Artena oca’ ngelta’ ............
      a. panas           b. bulla’          c. ngello’        d. arjhang
8. Mon ngakan ja’ paceccer buterra! Artena paceccer neng okara kasebbhud ...........
      a. patellat          b. palebbi       c. pacred-credhan    d. Pakare
9. Kana’ rowa atampa cangkem, tandana .........polana pessena elang.
      Oca’ se sorop ngesse’e ti’-titi’ neng okara e attas
      a. sake’ ghighi b. lesso          c. sossa          d. getton
10. Ghi’ lamba’ mon ajalanan Eppa’ nompa’ jharan. Bhasa engghi bhuntenna .............
      a. Ghi’ bilan manabi meyos Rama netene jharan.
      b. Ghi’ dhimen manabi nyabis Rama netene jharan.
      c. Ghi’ kona manabi yos-meyosan Rama netene jharan.
      d. Ghi’ dhimen manabi yos-meyosan Rama netene jharan.
 11. Sekemma okara nonggal?
      a. Pane ajhar maca                b. Pane ajhar maca ban ngetong
      c. Pane maca ban ngetong  d. Pane ban kancana ajhar maca.
12. Babulangan dari guru raja gunana mongghu da’ mored ebudi are.
      Artena oca’ babulangan neng okara e attas ....................
      a. pangataoan b. petodhu     c. pangajharan d. la-bala
13. Kaka’na bada e amper ................ ale’na amaen e budian.
      Oca’ sambung se sorop ngesse’e ti’-titi’ neng okara e attas
      a. dhineng       b. tape            c. ban             d. Mon
14. Okara se andi’ maksod aberri’ bhantoan, iya areya .....................
      a. Sengko’ mentaa tolong kala’aghi pao rowa!
      b. Arapa ba’na ma’ sossa malolo?
      c. Engko’ mojhia mandhar salamedda.
      d. Dhina sengko’ semadapa’a sen-pessen jareya.
15. Tompangan se paleng kona .......................
      a. sapeda         b. dokar          c. jikar             d. Jharan
16. taon tapongkor tompangan ta’ saramme sateya.
      Artena oca’ taon tapongkor neng okara e attas .............................
      a. taon sateya  b. taon ghi’bhuru  c. taon sabbhan  d. taon dateng
17. Ka’ Mohdar daddi masinis. Nyamana tompanganna .....................
      a. seppor          b. dokar          c. kapal tase’ d. Bis
18. Malengnga lebbhu dari tas genteng. Artena oca’ lebbhu neng okara kasebbhut ....
      a. toron             b. lebat           c. nebba’        d. maso’
19. Saellana ngatela olar dadana Saima dek-geddegghan, tandhana ........
      a. ngetter          b. tako’           c. bangal        d. cone
20. Pane ajhar ngetong. Okara kasebbhud enyamae okara nonggal karana
      a. jejjherra settong                  b. caretana settong 
c. ta’ bisa epadaddi duwa’ okara d.jejjher,careta,ban lesanna tong-settong
21. Se banne puisi ..............
      a. pantun          b. syiir             c. pappareghan  d. ghancaran
22. Puisi se keccap pongkasanna da-pada enyamae ..............
      a. syiir               b. pantun       c. gancaran   d. pappareghan
23. Arena ..................... dari temor.
     Tabhaligga oca’ se sorop ngesse’e ti’-titi’ neng okara e attas ................
      a. petteng         b. ngompet    c. nyalono’    d. compet
24. Mejana bhagus dhineng korsena anyar.
      Okara e attas enyamae okara rangke’ polana ..............
      a. duwa’ okara erangke’        b. duwa okara daddi settong         
c. duwa’ okara esambung     d. duwa’ okara nonggal erangke’
25. Palabbhuan reya kennenganna .................
      a. motor, parao  b. dokar, jhikar  c. parao, kapal tase’  d. seppor, parao

II. Essee ti’-titi’ neng okara e baba reya ban oca’ se sorop!
26. Bis reya ambu saellana jhujhuk ka terminal tape kapal tase’ ambu dengla nandhuk ka ...........
27. Ghu’-agghu’ neng e .................bakal rammea pada ban kotta.
28. Bila ajalanan jhau tantona ngeba ..................akanta pesse, kalambhi salenan, kakanan, ban en-laenna.
29. Arena metto dari temor. Tabhaligga metto iya areya........................................
30. Bandara reya kennenganna .................
31. Marongo’ sambi malengos, tandhana ........................................
32. Ale’ ngakan. Okara reya metorot sosonanna enyamae okara ...............
33. Duwa’ bharis se da’-ada’ neng pantun enyamae .................................
34. Neng tembhang madhura bharis reya esebbhut .........................
35. Pappareghan reya tamaso’ da’ macemma pantun polana .....................

III. Jawab petanya e baba reya!

36. Sebbhuddhaghi laen oca’na ngombar sabannya’na 3 oca’!
37. Ghi’ lamba’ mon ajalanan Eppa’ nompa’ jharan.
Obe ka Bhasa engghi bhuntenna !
38. Jhajhal agabay 2 okara nongghal ngangghuy oca’ (1) Eppa’, (2) Embu’!
39. Okara rangke’ reya padhaddhi 2 okara nongghal !
Ale’ ajhar maca ban ngetong.
40. Sebbhuddhaghi 3 kennengan paambuennah kendaraan !
KONCI JAWABHAN SOAL PAT  KLS 6 B. MADURA
I.                     
1. b               
2. a               
3. d               
4. a               
5. b               
6. c               
7. d               
8. d               
9. c
10. d               
11. a                             
12. c               
13. b               
14. d
15. d
16. c
17. a
18. d
19. b
20. d
21. d
22. a
23. d
24. d 
25. c

II
26. palabbhuan  
27. dhisa
28. sango/ban-ghiban
29. compet
30. kapal ngabber
31. pegghel
32. nongghal
33. pantun
34. bhiri
35. bada samperanna ban artena/maksodda

III.
36. katon, paddhang, katela, ...........
37. Ghi’ dhimen manabi yos-meyosan Rama netene jharan.
38. Eppa’ entar ka saba.
Embu’ abhettek e dapor.
39. Ale’ ajhar maca.
Ale’ ajhar ngetong.
40. palabbuan, terminal, bandara