Kanjeng Nabi ngajamin ka Anak yatim
dina ‘idil fitri pang saena musim
Bade angkat ka masjid bade netepan
‘Idil fitri aya budak sesegrukan
Nangis pipir masjid baturna arulin
Rayap rame sunang bungah keur arulin
Manehna nyalindung semu sedih bingung
Nganggo kawai tambal butut
ngalanglayung
Kapendak ku Rasululloh ros dibujeng
Ditaros kunaon nangis bae ujang
Pan ieu teh dinteun bungah dinten senang
Geuning ujang nangis kawas eukeur
bingung
Jawabna teh aduh Gusti yaktos pisan
Ieu dinten bungah dinten seneng pisan
Seneng soteh ka jalma nugaduh rama
Keur ka abdi mah ngaraos teu sugema
Ku ayana ‘idil fitri manah ringrang
Inget kana diri hirup teh nyorangan
Kieu rasana nu ditilar ku rama
Hirup sangsara beda sareng sasaha
Teras ku Rasul teh dipangku dirawu
Aduh ujang tos ngahudang macan turun
Na iraha jeung di mana rama tilar
Jawabna teh cenah waktos perang badar
Nu dipingpina ku kanjeng Rasululloh
Duka teuing anu mana henteu wawuh
Abdi ngagangsing hoyong meser anggoan
Kanggo senang bungah sarengrerencangan
Tapi ibu ka.. abdi kalakah nundung
Atos tilu dinten ieu abdi pundung
Aduh kasep nyaah deudeuh teuing
ujangApan ieu rama gusti rama ujang
Hayu urang ngadeuheus enggal ka Ibu
Aisyah di bumi urang gentos baju
Kanjeng Rasul bari nangis hey Aisyah
Ieu putra urang anu nuju susah
Nyaeta ramana teh parantos tilar
Dina waktos pupugeutna peurang badar
Dauh Aisyah teh bae putra ibu
Tos timana urang siram gentos baju
Hey Fatimah ieu angkeun rai anjeun
Hey Ali geura aku dulur anjeun
Mana cucu deudeuh Hasan sareng Husein
Ieu mamang anjeun geura ajak ulin
Fatimah Ali Hasan Husein mideudeuh
Ngangken dulur rai teras dibubungah
Dugikakeun leungit rasa kayatiman
Ngangken ibu rama Rasul anu heman
Saur Hasan Husein yu mang urang ulin
Sareung batur urang ameng gulen lilin
Teras ameng suka bungah ulin gatrik
Rasul teras ngalakonan ‘idil fitri

Tah sakitu riwayatna Nabi urang

Ngajamin ka anak yatim conto urang

Pikeun conto urang keur hirup di dunia

Tiru ahwal ucap kanjeng anu mulya
Mudah-mudahan urang husnul khotimah
Maot tetep iman islam pasti genah

Susuganan ieu ageung mangfaatna

Kanu maca anu butuh syafa’atna

Sareung urang diangken pisan umatna

Umat kanjeung umat anu pangmulyana
Sareung urang ngarep-ngarep syafa’atna
Anu dingaranan syafa’atul udzma

Aamiin aamiin aamiin yaarobbal ‘alamiin

Ditutup ku muji ka Rabbul ‘alamin

1) Hayu geura saradia
Meungpeung keur hirup di dunya
Amal keur sampeureun tea
Di ahir moal sulaya
2) Geuning maot ngadodoho
Boro sok dipoho-poho
Datangna teu mere nyaho
Ngageretek taya tempo
3) Taya beurang taya peuting
Taya raja taya kuring
Di mana ajal geus sumping
Teu meunang embung anaking
4) Horeng nyawa eujeung badan
Nu geus lila babarengan
Datang mangsa dipisahan
Paturay tineung amitan
5) Lain meureun lain sugan
Da ieu mah kanyataan
Kabeh pasti ngarandapan
Geuning awak urang pisan
6) Kaget reuwas mata mencrong
Renghap ranjug munggah
bengong
Napas ngangseg na genggerong
Nu deukeut geus teu katembong
7) Horeng ieu teh sakarat
Dicabut ku Malaikat
Nyawa ngangseg mapay urat
Teu aya daya keur lumpat
8) Ku renghap nu panganggeusan
Pegat sakabeh harepan
Nabengkang taya dayaanRek
kumaha pangharepan
9) Boro mah keur suka bungah
Ngatur napsu seuri bungah
Beak tempo kudu pindah
Nyampeurtkeun ka alam Barjah
10) Geus waktu ninggalkeun
lembur
Menuju ke alam kubur
Meunang ngali geus diukur
Mahi keur awak sakujur
11) Rek naon anu di bawa
Duit atawa sawah lega
Meunang ngumpul-ngumpul tea
Belaan nipu pasea
12) Beunang tisusruk tidungdung
Nu sok dipake adigung
Kana salat matak liwung
Waktuna jakat mah embung
13) Ibadah kateler-teler
Nepi ka nyanghulu ngaler
Lapur badan enggeus komper
Di tengah imah ngagoler
14) Ngajolopong diruruban
Diriung ditarungguan
Geumpeur pacampur jeung waas
Setan mah bati mupuas
15) Harta anu ngunung-ngunung
Pakean duit satangtung
Ngan masih boeh asiwung
Ditambab kai keur padung
16) Lawang amal geus ditutup
Hanjakal keur waktu hirup
Talangke bet hanteu sanggup
Padahal waktu mah cukup
17) Paingan Rosul ngelingan
Dunya mah pangumbaraan
Naha bet kamalinaan
Tonggoy hanteu nyubadanan
18) Ati ngerik pikir liwung
Imah tiiseun jeung suwung
Ngan anak yatim buraung
Tinggarisik tingrariung
19) Abong poe panganggeusan
Mana beurat rek amitan
Keun imah keun pakarangan
Geuwatkeun logak ngantosan
20) Pasaran mendung dipayung
Ti luhur dirurub sarung
Nu ngiringna semu nguyung
Nangkeup dada tingkuyungkung
21) Ngaleut ngeungkeuy
ngabandaleut
Beuki deukeut beuki deukeut
Beuki deukeut beuki deukeut
Kana logak rupek heureut
22) Duh geuning enggeus
nyangkorah
Rup ku padung rap ku lemah
Poek rupek jeung tugenah
Ngarumas cukireuh susah
23) Ahli sobat kawawuhan
Teu tolih gancang bubaran
Duh saha nu rek maturan
Geusan cicing babarengan
24) Mana sobat mana dulur
Geuning buriak ka lembur
Hanteu maturan di kubur
Sumawon nambahan umur
25) Oge harta banda kuring
Nu dipuhit beurang peuting
Cik mana anu rek ngaping
Geuning geus kieu mah kuiing
26) Hanjakal aduh hanjakal
Teu getol sadia amal
Padahal geuning padahal
Ngan amal nu jadi bekel
27) Naon keur panyinglar sedih
Nahan ku cimata getih
Tawa bangkieung jungkelih
Harta mah geuning teu nolih
28) Enggeus montong rek
sasambat
Teu guna enggus kaliwat
Bongan bareto teu toat
Teu kurang nu nganasehat
29) Tong hantem hahanjakalan
Pan teu kurang nu ngelingan
Pek tunggu jawab sorangan
Geura jawab pariksana
30) Peremutan parantosan
Mangga geura aremutan
Sugan manawi jeung sugan
Ngajadi kamaslahatan
31) Ku maca ieu pepeling
Muga sing jadi panggeuing
Da Gusti anu ngajaring
Siang jeung wengi diaping
Nadhom Silsilah Nabi atau Rundayan Jadi ibu jeunh ramana
Nabi Muhammad SAW. Masih keneh sarundayan 2x

Wajib ka jalma islamna

Uninga rundayanana
Jeung Nabi utusan Alloh
Muhamad puteara Abdulloh

Abdulloh putera Mutholib

Mutholib puterana Hasyim
Hasyim putera Abdi Manaf
Abdi Manaf putera Qushoy

Qushoy puterana Kilab

Kilab puterana Murroh
Murroh puterana Ka’ab
Ka’ab puterana Lu’ay

Lu’ay puterana Gholib

Gholib puterana Fihir
Fihir puterana Malik
Malik puterana Nadhor

Nadhor putera Kinanah

Kinanah putera Khuzaimah
Khuzaimah putera Mudrikah
Mudrikah puterana Ilyas

Ilyas puterana Mudhor

Mudhor puterana Nizar
Nizar puterana Ma’ad
Ma’ad puterana ‘Adnan

Nuwajib dugika ‘Adnan

Haram nguningakeunana
Ti ‘Adnan dugika ka Adam
Sabab taya jalan shoheh 2x

Wajib deui uningana

Rundayana ti Ibuna
Jeung Nabi utusan Alloh
Muhamad putera Aminah

Aminah puterana Wahab

Wahab putera Abdi Manaf
Abdi Manaf putera Zuhroh
Zuhroh puterana Kilab

Tepang deui ti ramana

Ti Kilab janggawarengna