TATA IBADAH

ULANG TAHUN NAMAPOSO GKPS Pa-

70 tahun-kon
26 Desember 2023

TEMA:
“HASADAON PAKON PANGIDANGION NA MARBUAH.”
(Kolosse 1:10)

SUB TEMA:
“Marmalas ni Uhur ma Hita Pataridahkon Buah ni Haluahonta anjaha Gabe Pasu-
pasu i Tongah-tongah ni Gareja, Masyarakat, ampa Negara Tanda ni na dob
Matoras Haporsayaonta.”
(1 Tessalonika 5:16-18; Jesaya 9:2; Psalmen 118:24)
 PRAELUDIUM
Barisan Prosesi mamasuki ruangan ibadah (Jongjong Kuria)
Singers: Mandoding + Manortor: Haleluya No. 466:1-2
1. Ringgas hita marhorja, ase torsa marhasonangan goluhta on.
Sirsir do tong Tuhanta mambere gogoh lao marhorja hubanta on.
Nai ma da tongon, Amen sai saud ma sonin (2x).
2. Horjahon ma rosuh-Ni, ase dapotan pasu-pasu horjamu in.
Manggargar na sinari, janah tongtong ihasomani Tuhanta in.
Nai ma da tongon, Amen sai saud ma sonin (2x).
--------------------- marhata giring-giring ----------------------

IBADAH
1. VOTUM – INTROITUS – TONGGO
P. Ibagas goranni Naibata Bapa, pakon Tuhan Jesus Kristus ampa
Tonduy Napansing, Sitompa langit pakon tanoh on.
P.+K. Amen.
P. Ai sonon do holong ni uhur ni Naibata bani dunia on, pala do
AnakNi na sasada in iberehon, ase ulang magou ganup na porsaya
Bani, tapi ase hagoluhan na sadokah ni dokahni bani.
K. Ai na magou do hita halani dousa, tapi ipaluah Tuhan in marhitei
holong ampa idop ni uhurNi.
P. Bagah-bagahni domma saud nuan, ai na riap do hita nuan pakon
Tuhan in.
K. Puji janah dodingkon hita Ia bani hotak hamuliaonNi na pansing
in.
P. Monang do hita rap pakon-Si, maluah do hita humbani tahi ni
sibolis in.
K. Eta, saksihon hita ma ganup pambahenan-Ni na banggal janah
jagiah.
P. Tuhan Jesus Kristus, parsaudni bagah-bagahni Naibata.
Haleluya, haleluya, haleluya.
P.+K. (mandodingkon) Haleluya, haleluya, haleluya.
P. Martonggo ma hita: Ham ale Tuhan simada holong na tarsulur in,
pujion nami do Ham halani holong-Mu na banggal in, ondos ibahen
Ham i tongah-tongah nami. Barita malas ni uhur banggal do
HUT Namaposo GKPS 2023 |1
 parsaudni bagah-bagah-Mu bani tanoh on, tarlobih ma ai hubani
Namaposo i tongah-tongahni kuria-Mu, na sai tong iramotkon
Ham. Pitu puluh tahun ma nuan seksi Namaposo jongjong janah
mangidangi i tongah-tongahni kuria-Mu GKPS. Ham do na
patalupkon tangan nami, pikkiran nami ronsi gogoh nami
mangidangi Ham. Tarpuji ma goran-Mu ale Tuhan, sangap janah
jagiah ma Ham i tongah-tongah ni dunia on.
P.+K. Amen. (Hundul Kuria)
2. MANDODING HALELUYA NO. 313:1-3
1. Humbai pulou ge banua sai tarbogei do torus.
Doding na mamuji Tuhan Sipanobus jolma in.
Gloria, puji ma Tuhanta, Gloria, puji ma Tuhanta.
2. Haganupan na i surga pasangapkon Naibata.
Rap mandoding do sidea i lobei ni Naibata.
Gloria, puji ma Tuhanta, Gloria, puji ma Tuhanta.
3. Soridadu ni Tuhanta hormat bani Naibata.
Haganup puji-pujian ondos bani Naibata.
Gloria, puji ma Tuhanta, Gloria, puji ma Tuhanta.
3. HASASAPAN NI DOUSA (Jongjong Kuria)
P. : Ham ale Tuhan, roh do hanami manrogop hu lobei-lobei-Mu.
Tangkas do ibotoh Ham ise hanami, ronsi aha na ibagas uhur
nami marsada-sada. Roh hanami mamboban borat ni hauhuron
nami halani buei dousa. Iboban hanami in hu lobei-lobei-Mu
janah mangarap ase pahampung Ham ma langkah nami
mandalani goluh nami.
K. : Ham o Tuhan, maidop ma Ham bannami jolma pardousa on.
P.+K. : (mandodingkon) “Tuhan Holong ma Ham”

HUT Namaposo GKPS 2023 |2

Dalahi : Tandani siihutkon Ham, talup namin hot uhur nami janah lang
mubah-ubah, tapi hotop do hanami mabaor bani husip-husipni
tanoh on. Ujung ni gabe lalap lembang panorang nami ronsi
uhur nami pe. Lang ope sipambalosi hanami bani parentah-Mu.
Naboru : Maruhur na pondok janah urah mambahen sada haputusan –
taridah ope in bani pargoluhon nami. Ujung ni gabe gatinan ma
harosuh nami sandiri hansa iparhatongon hanami. Lang ope
martoruh ni uhur hanami i lobei-lobei-Mu.
P.+K. : (mandodingkon) “Tuhan Holong ma Ham”
Np. Dlh.: Idingat hanami nuan orang tua nami; sidea na sai tong
mangkaholongi hanami marhitei holong na lang marsintig.
Gati hurang hormat hanami janah epes uhur nami
mandompakhon sidea. Ham o Tuhan, ibotoh hanami do,
tangan-Mu do sidea na pagodang-godangkon hanami.
Np. Nbr.: Sonai do age keluarga nami na legan, na gati porlu so porlu
bannami halani buei ni halilian nami. Idahon ni hasoman
songon na pandei janah pentar hanami, hape hurang ope
pangkaholongi nami bani sindohor nami.
P.+K. : (mandodingkon) “Tuhan Holong ma Ham”
Dalahi : Selaku siihutkon Ham, talup margoluh hapansingon do
hanami, tapi gati ope sumsam parsahap nami, pangabak nami
pe gati mambahen tubuh borit ni uhur. Marlambin-lambin lalap
hanami patorsahon hauhuron na talup romban bani rosuh-Mu.
Holong ma Ham bannami Tuhan.
Naboru : Uhur bumbang gati mambahen hanami moleng-oleng. Urah
manangihon hata na so margagan, uhur gigi ampa domdom pe
HUT Namaposo GKPS 2023 |3
 gati lang lopas humbannami. Hotop do irajai sura-surani uhur
hanami. Ham ale Tuhan, holong ma Ham bannami.
P.+K.: (mandodingkon) “Tuhan Holong ma Ham”
P. : Tangar hita ma Hata ni Naibata, bagah-bagah pasal
hasasapanni dousa, “Tapi, anggo marparlahou hita ibagas
haliharon, songon Ia ibagas na lihar in, saor do hita samah
hita, anjaha ipaborsih daroh ni Jesus, Anak-Ni in do hita
humbani sagala dousa.” Ibagas holong ni Naibata, domma
isasap haganup dousanta. Halani ai, pataridahkon hita ma
tanda-tanda ni pargoluhan na bayu. Hasangapon ma bani
Naibata i babou!
P.+K. : Amen. (Hundul Kuria)
4. MANDODING HALELUYA NO. 44:1-3
1. Pamalas uhurta do partubuhni.
Jesus Sipaluah haholongankin.
Jesus Sipaluah haholongankin.
2. Ai buei do dosa, parlajouan pe.
Manunsahi hita ronsi matei pe.
Manunsahi hita ronsi matei pe.
3. Maparah tumang do hamagouan in.
Anggo lang roh Jesus Sipaluah in.
Anggo lang roh Jesus Sipaluah in.
5. MANAKSIHON HAPORSAYAON

P. Riap ma hita jongjong!

Saksihon hita ma haporsayaonta in, songon na sinaksihon ni
ganup halak na porsaya bani sab tanoh on!
P.+K. Ahu porsaya bani Naibata Bapa … psb. (Hundul Kuria)

6. ACARA KHUSUS
a. Mambasa/Manaksihon Tonah Pimpinan Sinode GKPS
b. Puisi “Hajongjonganku”
c. Koor/Vokal Grup Namaposo
d. Tingting Kuria
e. Tonggo Pangapition

7. MANDODING HALELUYA NO. 421:1-2

HUT Namaposo GKPS 2023 |4
 1. Girah sogod golap ijin, misir do lao parmahan in.
Mangidah Kristus, songon tonah ni malekat in.
Ididah do ijin, ididah do ijin,
ididah na dob tubuh Sipaluah in.
2. Seng pala sangsi hita on, na marianan i na daoh.
‘Ge bangsa na i tanoh on, bogei ma hata on.
Sai eta ma tongon, sai eta ma tongon.
Ai domma tubuh Kristus banta borngin on.
8. AMBILAN

9. PATUMPU GALANGAN
P. : Paima ipatumpu hita galanganta, tangar hita ma lobei Hata ni
Naibata na gabe onjolan banta laho manggalang, “Mambahen
na madear ampa na marsibere-bere, ulang ma halupahon
nasiam ai, ai galangan na sonai do iharosuhkon Naibata.”
(Heber 13:16). Sonari ondoskon hita ma galanganta.
(Sesuai iringan Tor-tor Galangan)
10. TONGGO GALANGAN – PANUTUP – PASU-PASU
P. : Riap ma hita jongjong! Martonggo ma hita mangondoskon
galanganta hubani Naibata.
Ham Tuhan Naibata, Ham do simada goluh nami ampa
haganup na adong bannami. Tarima kasih ma bani
panumpakionMu bannami, iparorot janah iparmudu-mudu
Ham do goluh nami. Pasu-pasu-Mu lang ongga marnah soh
ijalo hanami. Na tang sibanggalan aima parsaud ni bagah-
bagah-Mu marhitei Kristus Jesus, Anak-Mu na gabe Sipaluah
bannami.
K. : Nuan iondoskon hanami do galangan nami na gabe hitei nami
marondos janah martarima kasih. Tongon, lang sadiha on
marimbang buei ni pasu-pasu-Mu na ijalo hanami. Uhur nami
na borsih janah bulus mandompakhon Ham – in ma manggoki
bilangan ni. Ham ale Tuhan, jalo Ham ma galangan nami on.
P.+K. : (mandodingkon) Galangan – Ijon Huboan (Reff)
Galangan nami on, ondos ma in Bamu Tuhan.
Na gabe hitei nami tong martarima kasih.
Tongon lang hasuhatan, ganup pasu-pasu-Mu.
HUT Namaposo GKPS 2023 |5
 Uhurhu na borsih manggoki bilanganni.
P. : Ham ale Tuhan, martarimakasih do hanami bani haluahon na
dob ondos i tongah-tongah nami. Sirsir do Ham gabe jolma ase
lopas hanami humbani rahut-rahut ni tanoh on. Gabe tinompa
na baru ma hanami ibagas Kristus na dob tubuh in. Ijalo janah
ihagoluhkon hanami ma in – gabe sipangapiti bannami ronsi
das ari magira. Pasu-pasu Ham ma homa Namaposo i tongah-
tongahni kuria-Mu. Bere Ham ma pangarusion na bayu ronsi
panghaporsayaon na toguh mangirikhon dalan haluahon in.
Magodang anjaha matoras ma sidea janah tarpasu-pasu ma
langkahni sidea gabe parhiteian-Mu i tongah-tongah ni dunia
on.
P. : Ham Bapanami na i nagori atas. Sai na papansing ma goran-
Mu. Sai roh ma harajaon-Mu. Sai saud ma harosuh ni uhur-Mu
i nagori tongah on songon na i nagori atas. Bere Ham ma
bannami sadari on hagoluhan ari-ari. Sasap Ham ma
dousanami songon panasap nami bani dousa ni hasoman na
mardousa dompak hanami! Ulang hanami bobai Ham hu
parlajouan. Paluah Ham ma hanami hun bani pangagou.
P.+K. : (mandodingkon) Ai Ham do simada harajaon, pakon
hagogohon, ampa hasangapon, sadokahni-dokahni. Amen.
P. : Laho ma nasiam janah “Pindahi nasiam ma na madear,
ulang ma na jahat, ase manggoluh nasiam; ase tongon ma
Jahowa, Naibata Zebaot hasoman nasiam, songon na
hinatahon nasiam.” (Amos 5:14).
Jalo ham (hita) ma pasu-pasu humbani Tuhan Naibata:
“Ipasu-pasu anjaha iparorot Tuhan Naibata ma ham (hita),
isondangkon Tuhan Naibata ma bohi-Ni hu bamu (hu banta)
janah maidop ma uhur-Ni mangidah ham (hita). Idompakhon
Tuhan Naibata ma bohi-Ni hu bamu (hu banta) janah ipasorap
ma damei-Ni bani tonduymu (tonduyta bei). Amen.
P.+K. : (mandodingkon) Amen, amen, amen! (Hundul Kuria)

POSTLUDIUM
Singers : (mandodingkon) “Gloria in Excelcis Deo”

HUT Namaposo GKPS 2023 |6

HUT Namaposo GKPS 2023 |7
 PUISI

HAJONGJONGANKU
dawai gitar
Mengumandangkan gita Allah sang pemurah
Kucari jati diri ku yang sulit kutemukan selama ini
Aku dan egoku yang telah menghalanginya
Bani lurlurni rangguanni inggou
Tarbogei au do dear layakni Tuhan
Hupindahi ise diringku na so ongga do namin magou
Lingod bani hisap ampa sura romban

Kini aku berada pada kategori dewasa Nuan domma magodang idahon au
Dewasa fisik, habitat dan lingkunganku Magodang bani angkula sonai
Namun hatiku acap kali bermanja kekanak-kanakan parhasomananku
Imanku masih berkutat pada teori Tapi uhurhu gati ma-danak poso
Haporsayaonku, lang ope tardalankon au
Ya Tuhan, ku punya banyak angan-angan
Melayani Engkau tanpa pamrih apa-apa O Tuhan, buei do namin sura-surangku
Namun aku masih sering mengeluh Mangidangi Ham lang halani ulih
Menyalahkan orang di sekitarku dan bahkan orang Tapi gati ope holsohan uhurhu
tuaku Huparnalang sindohor age namatorasku

Di sekelilingku kupandang ragu Parsangsian do huidah i lambungku

Kuangkat kaki namun sesungguhnya tak mampu Sihol manlangkah nini uhurhu tapi lang tolap
Pada harmoni dentingan Ganggang ni uhur mambahen au lang totap
Keraguan ini membuat aku tak mampu stabil Mamungkah boi tapi manramotkon hurang
Kurancang besar namun kurawat kurang

Itulah aku sebagai orang muda On ma au selaku na maposo

Walau ku tak perduli keterbatasan itu Age namin seng hagalekonku namanontuhon ahu
Kutau Tuhan ingin aku lebih kenal dalam Ai na sihol do uhurni Tuhan ase lambin orod ahu
Agar aku memiliki-Nya sempurna Ase parsimada na gok ahu bani Tuhan

Tuhan… Engkaulah perisaiku

Ketika paham itu datang kutepis
Bersamamu aku semakin memahami
Arti hidup yang indah jika aku melayani

Togu Ham ma au mangihutkon bokas-Mu

Paturei-turei hauhuron songon podah-Mu
Ai dearan do au sadari i rumah-Mu
Marimbang saribuari bani ianan na legan
Cat.:
1) Puisi berantai ibasahon dalahi pakon naboru.
2) Ibasa margantih-gantih, bahasa Indonesia pakon Simalungun. Bani parpudini riap mambasahon (bahasa
Indonesia pakon Simalungun).
HUT Namaposo GKPS 2023 |8