Lesson 13 December 20–26

JRINGJROTNI NAMA KATTA

ABBATH AFTERNOON—DECEMBER 20

IA ANTIO PORAIANI: Ibri 4:2; Git 130:3, 4; Luk 15:11–

32; Rom 3:24-26; Ibri 10:1-4; Parape·a 14:12.

MINGANI POD: “Jihova skangoni angna mikkang pa·e

indine aganaha, Oe jringjrotni ka·saanichi anga nang·na
ka·saaha, uni gimin ka·saanichi anga nang·na jringjring
ka·sae dakaha·” (Jeremia 31:3).

AN·CHINGNI JAKOBNI KI·TAPKO PORAIANIO

NAMA KATTA BAKSA NANGRIMANIKO ADITA
NANGCHAPE PORAIAHA. Gipin Sastroko segiparang
baksaba an·ching tosusagrikaniko dakaha. Jakobni
agananiranga gipin Sastroni bakrang baksa maidake meliea
mongsongbate nama kattani bidingo, ukoba an·ching namede
u·ija. Indiba uan meliea. Nama kattara pilak jat aro
ma·chongrangna (Parape·a 14:6) nangchongmotgipa
pangchakani ong·ani gimin uan meligipa ong·na nanga.
Ia bon·kamgipa antio, bebera·achi jokani jringjrotni
nama kattani gimin chanchigen. Ia bebera·aniko Jakob pilak
Sastroko segiparang baksa bebera·aniko apsan skiani ong·a.
Mingsa gisiko ra·na nanganide, Sastrode an·tangtangni
gisepo mingsa minggipin baksa meligrikgijani dongja. Ian
jokatani bidingo ong·bata. Nama katta Sastroo maidake ong·a
uko ia antio an·ching nigen. Indake Isolni piokani kamko
dal·bate Jakobni ki·taponiko an·ching skie ra·gen.

138
ROBIBAR DECEMBER 21
NIAM GITCHAMO NAMA KATTA (IBRI 4:2)

“An·chingnaba nama kattako aganprakaha,

uamangna gita chacha. Indiba ua knagimin kata uamangna
mamungba ong·jaha, maina knagiparango bebera·achi
brinjachim” (Ibri 4:2).

Ia podde aiao inmanatani ong·a. Nama kattako Niam

Gitchamo skiprakaha ine iano agana. Gnigipara, uko Niam
Gitalo gitan skiprakaha ine agana. Kattani dingtanganiko
agananiba dongja. Uni gimin nama kattaode neng·ani dongja,
indiba knagiparangosa neng·nikanide ong·aha. Da·aloba,
dingtang dingtang manderang nama kattako dingtang dingtang
dake knaa. An·chingni sontole bame nama kattako (Sastroko)
knatimna namen nangchongmotani ong·a. Nama kattako
skiprakon uko name aro ong·e knana nanga.

Ia podrangko nie podantio mai nama katta donga see

donbo: A·bachenga 3:15; Re·ongkata 19:4–6; Git 130:3, 4;
Git 32:1–5; Isaia 53:4–11; Jeremia 31:31–34.

Jolgimikan apsan apsan dake agananiko na·a nikama?

Isol an·chingko jokatna kam ka·a. Ua an·chingni paprangko
kema wata aro an·chingko papni bobil ong·ata. Ian an·chingko
manina sikatgiparang ong·atgen (Isaia 1:19). Bang·ana Jisu
sichakaha, an·chingni paprangko ra·chakaha, kema wate
an·chingko toromirang ong·ataha. Gitcham ku·monggrikania
Gital Ku·monggrikaonide dingtanga. Ka·tongo niamko seaha,
aro uamangni paprangko Isol gisik ra·taijawaha (Ibri 8:12).
Agangopode indake ong·gen, kema watani aro gital atchitaiania
gital on·anirang ong·aha: papko namatna gita kema wataniko
aro rongtale janggi tangna on·aniko Isol on·aha. Bang·a
139
ku·rachakanirangni gisepo ia ku·rachakaniba ong·a. Indiba
kattade Sastro gimikon miksonganide apsanaia. Kattara indake
ong·a je, Isol an·chingna ka·saa aro an·chingko paponiko
jokatna pilak man·a dipetkon dakaha.

Niamko maniania nangchongmotgipa ong·a ine

an·ching bebera·a. Indiba niam manie an·chingko toromi
ong·ata ine an·ching chanchisretna nangja.

SOMBAR DECEMBER 22
MANDENI BIMANGO NAMA KATTA (LUK 15:11–32)

Mitam manderangde nama kattako nama kattani (Mati,

Mark, Luk, aro John) ki·taprango nikja! Jisuni skianiko
rakdugae nika. Indiba dongspa golpoko an·ching knaode
indakede ong·jachim. Jisuni somoio bang·bata Israelni
manderanga an·tangtangko Isolni nikanio name
dongenggiparang ine chanchiachim. Uamang torom nokna
kajinako on·a aro bolina kragipa matburingrangko ra·baa.
Uamang cha·malgija be·enko cha·ja. Uamang an·tangtangni
depanterangko bigil rasota. Uamang maniani salrangko aro
Neng·takani salrangko mania aro Toromni dilgiparangni
skianirangko pilakkon manitokachim. Unon Johan
Napbolatgipa re·bae indine inwataha, “Gisik pil·bo aro
napbolbo. Atchitaina nanga ine Jisu aganaha (John 3:3, 5). Ua
indine aganaha, “Sastro skigiparangni aro Pharisirangni
toromna bate na·simangnin batjaode, na·simang mamung
dakeba salgini songnoko napjawa” (Mati 5:20). Jisuni aganania
indake ong·achim, “Nang·o donggijagipako na·a nangenga.
Nang·ni kamrang chu·ongkuja.”

Iarangko poraibo: Luk 15:11–32 aro Luk 18:9–17. Ia

toe skianirango nama kattako maikai mesoka?
140
 Branggipa depanteni gimin toe agananio, depantea
gimaaha, indiba ua an·tangko gimaenga ine u·ijachim. Ka·sne ua
an·tangni pagipani ka·saani gimin chanchiataha, aro ua nokona
re·bapilna skaha. Uni gaora dakanirang gimaangaha. Ua
an·tangko nokol saksa gita rakkigen ine chanchiengachim,
indiba ua mandera·a gnang an·tangko nokona rimchaksoaniko
nike aiao inmanaha. Nangrimpiltaianimangmangsan ong·aijaha,
batesa dingtangaha. Gnigipa toe agananio miksonganide apsan,
indiba bon·kamania dingtanggrika. Toromigipa Pharisiko Isol
gisiko nangjaha, indiba papigipa kajina gilgipakosa ua toromi
dakatskaaha, kema watako man·aha aro dosko gimaataha.
Golpo minggnian Isolni gimin ma·sibatna dakchakani
ong·a, Isol an·pilgipa papiko kema watgipa ong·a ine mesoka.
Ua sepgimin draka bitchiko, “Ian ku·monggrikani niamni angni
an·chi, paprangko watanina bang·ana rugimin” (Mati 26:28) ine
agana. Chong·motgipa Watchangani Mes Bi·sa ong·e an·chingni
signi gitako Ua siskaaha (Mati 26:28 aro Mark 10:45 ko
tosusabo). Uni gimin jokatania indin on·ani ong·a, maina Jisu
dam gimikkon gamtokaha.

Mai ka·donganiko ia tor aganani mingprakoniko

na·a ra·na man·a? Ia toe agananio, maiarango na·a ua toe
agangipaoni mitam manderang gita ong·a? Aro nang·ni
aganchakani kri, maiarango nambatna na·a nangenga ine
nika?

MONGOLBAR DECEMBER 23
PAULO NAMA KATTA (2 KORINTHI 3:14–16)

Bang·a uni a·songni manderang gitaan, Paulba an·tangko

Isol baksa namen melie dongenga ine chanchiachim. Indiba ua
Jisuko an·tangna ka·sagipa aro janggitangko an·tangna on·gipa
141
ine Jisuko nikahaon (Galatians 2:20) u·iaha. Rang·sanan ua
an·tangko jokgipa ong·kuja gimagipasa ine u·iaha. Ua Isolni
nokol ong·ja, indiba bobilsa ineba u·iaha. Ua rongtalgipa ong·ja,
indiba papirangni papibatgipasa ong·achim ineba u·iaha. Uni
mikronrangoni guuri gimaangaha. Aro uni Niam Gitchamko
u·ianiba dingtangaha. Sastrochi Isolni una ka·saaniko ua u·iaha.
Uan Paulni ka·tongko jringjrotna dingtangatahachim. Paulni
gimin name u·ijaskal an·ching uni seanirangko tale ma·sijawa.

Iarangko chanchie 2 Korinthi 3:14–16 ko poraibo.

Uni ja·mano pod 2–6 ko poraibo. Skanggipa ja·ku dake
Paulara maiko nikachim?

“Gitelona pil·ani” (pod 16) dongjaskalde darangba

Gitcham Ku·monggrikaniko tale ma·sijawa. Jisusaan jokatani
rama ong·a. Jokatania Jisuoni a·bachenga aro Jisuon bon·ea.
Israelranga an·tangtangni niam manianisa pangchakachim.
Gisik pil·na skangde Paulba an·tangni niam manianio jokna
pangchakachim. Niam Gitchamko sianiko aganprakgipa ine
uamang u·iaha, maina pilakan pap ka·aha (Rom 3:23). Iano
Israel manderangkoba man·chapa. Uni gimin niamde uamangko
dos gnanggiparang ine mesoka (2 Korinthi 3:7). Indiba
Korinthini manderanga “Kristoni chiti, kalichi ong·ja, indiba
tanggipa Isolni Gisikchi seaha, rong·plengrango ong·ja, indiba
be·enni ka·tongplengrango ong·a” (2 Korinthi 3:3).

Rom 1:16, 17 aro Rom 3:24–26 ko poraibo. Paulara

nama kattako maikai talata? Kristoo bebera·chi an·chinga
maiko man·a?

Nama kattara bebera·gipa pilakko jokatna Isolni bil

ong·a. Toromi ong·ania an·ching daka kamoni ong·ja, indiba
Kristo maiko an·chingna dakaha uni giminsa ong·a. Bebera·achi
142
an·ching iako kange ra·na man·a. Ian bebera·aoni bebera·aona
(Rom 1:17) dal·rorogipa bebera·ani ong·a. Paul an·tangni
miksonganiko Romrangna seanio odhai 3 o talata. Kristochi
an·ching piokaniko man·a. An·ching papko wataniko man·a.
An·ching kema wataniko man·a. Kristoni bolichi Isol An·tangko
papirangko Jisu bebera·ode kema watna kakketgipa ine mesoka.

BUDBAR DECEMBER 24
“GITAL KU·MONGGRIKANI” (Ibri 8:1, 2, 6)

Ibrirangna ki·tapo gital ku·monggrikaniko “nambatgipa”

ku·monggrikani ine agana (Ibri 8:1, 2, 6). Indide, sing·anide,
Namjaode Gitcham Ku·monggrikaniko mainasa dakaha?
Ku·monggrikanide namachim, indiba manderangsa uko
manijahachim.

Ibri 7:19; Ibri 8:9; aro Ibri 10:1–4 ko poraibo. Mai

neng·nikaniko Ku·monggrikani Gitchamo nika?

Manderang ku·monggrikanina kakket ong·jahachim

(Ibri 8:9). Uamang manigija Isolni kosakosa bobil dakpilaiaha.
Ia aro ku·monggrikani gitchamni boli on·anirang papko
gimaatna man·jawachim (Ibri 10:4). Uni gimin papde
dongkuaigen. Jisu Kristoni An·tangni be·enko on·anichisa
Ku·monggrikani Gitchamo donggipa manderangko man·chape,
kemako aro papko rongtalatna man·aiachim (Ibri 10:10; Ibri
9:15). Aro niamara mamungkoba chu·sokatna man·jachim.
Da·ode an·chingna nambata ka·donganiko on·aha. Ua
ka·dongania Gital Ku·monggrikanio ku·rachakanichi
an·chingko Isolona sepangbatataha (Ibri 7:19).
Gital ku·monggrikania gitalmanchade ong·jachim.
Jisuni chipuni skoko bnekatna Edeno ku·rachakaonin Kristoni
signio pangchake jokatanikoa dake on·somanahachim. Kristoan
143
“a·a ong·chengantaltal so·otgimin Mes Bi·sa” (Parape·a 13:8;
iarangkoba poraibo: Jeremia 32:40; Ibri 13:20, 21; Johan
13:34).
“Ka·saani ku·monggrikania gital skianide ong·ja. Ian
pangnajol Isolni gisiko dongkamaigipa ong·achim. Unasa iakoa
jringjrotni nama katta ine agana.”— Ellen G. White, The Faith I
Live By, jak 77.
Paulna mai ong·aha uko nike, Gitelona an·pilon mai
ong·a uko an·ching u·ie ra·na man·a. Jringjrotna
ku·monggrikanio pangchake Isol indine ku·rachaka: “Uamang
angoni chel·angjana gita, anga uamangni ka·tongrango kenaniko
dongen” (Jeremia 32:40). Bebera·ani gride bolina mes bi·sako
ra·baania paptangna daiko gamani gita ong·aia. Indake ong·gija,
“hai bebera·ani nokgipa aro chu·sokatgipa Jisuko miksonge
(nina); uan ua donsogimin katchaana kratcha·ako chonnike
chisolko chakchikaha…papirangoni an·tangko indita jeako
chakchikaha” (Ibri 12:2, 3). Ian Isolni dal·bee papni daiko
gamaniko mesoka aro ia damkoa “jringjrotni niamni an·chio”
(Ibri 13:20) Saoba gamchakaha. Ia gital ku·monggrikanio saksa
sakgipinna ka·sagrikna ge·eta. Ia ge·etania gital ong·ja (Levi
19:18). “Jedake anga (Jisu) na·simangna ka·saaha” (Johan
13:34), uandake an·ching an·tangtangna aro songsulrangna
ka·sana nanga.

Jisuni an·chingna ka·saaha gita maikai an·chinga

gipinrangna ka·saskana man·gen?

BRISTIBAR DECEMBER 25
NAMA KATTAKO CHU·SOKE MATCHOTATANI
(PARAPE·A 10:7)

“Indiba snigipa sa·greni ku·rangni salo, uni

siknasion Isolni ning·tua kata, uni nokol
144
katchinikgiparangna nama katako agana gitan matchotgen”
(Parape·a 10:7).

Parape·a ki·tapode Parape·a 10:7 aro Parape·a 14:6 san

nama kattako skiprakani gimin segipade ong·aia. Ia odhai
gniranga Seventh-day Adventistrangnade dingtangmanchagipa
ong·a, maina mondolina ge·etgipa kamko iano nika. Isol
an·chingko jringjrotni nama kattako skiprakchina ge·etaha.
Nama kattara A·bachengaoni Parape·aona apsan
ong·aia. Niam apsan ong·aia. Ku·monggrikaniba apsan ong·aia.
Jisu, Paul, aro Jakob gimikni nama kattako agananiara apsan,
jekon Abrahamba bebera·aha (John 8:56; Rom 4:13; Jakob
2:21–23), apsanaia. Mitam manderang ia kattako ong·nikja
maina uamang nama kattako Sastroni aganana bate apchonbate
ra·a. Indiba Abrahamni bebera·aniba uni Jisuni boliko
niksamsona man·ani giminsa ong·aha. Jokaniko man·na gita
an·ching bebera·ani aro kamrangko apsan apsan dakna nanga
ong·ja. Bebera·animangmangba chu·onga. Indiba ian diabolni
bebera·ani gita dakgipa ong·na nangja. Ian Isolni ge·etaniko
manigija bebera·animangmangba ong·taija. Batesa, uan kam
ong·gipa bebera·ani ong·na nanga.

Parape·a 12:17 aro Parape·a 14:12 rang aganani

gita, jringjrotni nama kattani bebegipa ortoa
ge·etanirangko maniani aro Jisuni bebera·ani gita
bebera·ani ong·a, aro iara maina nangchongmotgipa ong·a?

Bon·kamani somoio mingsa kattade an·chinga sako

olakigen, inesa ong·gen. “Salgiko aro a·ako aro sagalko aro
chirangni chimikrangko dakgipa” (Parape·a 14:7) Isolko
olakigenma, ba matburingko aro uni bimangko olakigen?
Bon·kamaona kakket ong·e donggiparangde Isolni
ge·etanirangko (Sabbathko man·chape) manigiparang ong·gen.
145
Chong·motgipa toromo bebera·ani aro maniani donga.
“Bang·bata changon mande jinmade Sabbath
manigiparangko chonnikaha. Indiba Sabbath manigiparangsa
Isolni jringjrotni niam aro a·gilsakko dakanio on·gipa
Sabbathko manigiparang ong·a.
“Ia Parape·a 14 ni “jringjrotni nama katta ingipara,
Jisuni gnigipa re·banio Kristoni mondoliko gipinrangoniko
ekatani ong·gen. Parape·ani minggittam katatrango indine
inprakata, ‘Ianon rongtalgiparangni, chong·motan Isolni
ge·etaniko aro Jisuko bebera·ako rakigiparangni chakchika
gnang.’”— Ellen G. White, The Great Controversy, jak 453,
454.

SUKROBAR DECEMBER 26
PORAIDAPANI: “An·ching chubatgipa gadangona tang·dona
nanga. An·ching re·mikange an·chingni man·gniko man·ena
nanga. Isolni mikkango an·ching sontole re·rurae, cholonni
chu·sokanio mamung gaora dakanirang dongna nangja. Indiba
bebera·ani donge Isolni ku·rachaka mingantikon ra·na nanga. Ia
ku·rachakaniranga niamko manigiparangnasa,
niamkope·giparangnade ong·ja. Isolni niamo an·ching
bebera·na nanga, aro Uo chu·gimik ka·dongchakna nanga.
Indake dakon pilak rasong dakani aro gaora gimaanggnok.
Unode an·chingara, kam ka·gijagipa bebera·anichi ong·ja,
indiba ka·saanichi kam ka·gipa bebera·anichi, aro janggiko
rongtalatgipa bebera·anichi jokataniko man·gnok. Dal·batgipa
papiona Kristoni jak sokange, uko niam pe·aoniko katta
maniaona ra·bapilna man·a. Indiba darang Kristian ong·aniba
Isolni niamni kosakonade bildona man·ja. Ukode Kristoni bilba
dakchakna man·ja. Aro uade, Uni dakmesokani aro skiani
nalsachi ong·gnok. Maina Jisu indine agana, ·Anga Angni
Pagipani ge·etanirangko maniaha aro Uni ka·saanio dongkama.·
Kristoko ja·rikgipa pilakan Isolni rongtalgipa niamko
146
maningen.”— Ellen G. White, Signs of the Times, March 31,
1890.

CHANCHIGRIKNA SING·ANIRANG:

1. Nama kattako Jisu, Jakob, aro Paulmang badine

skia? Uamangni skiania maio apsana ba maio
dingtanga? Uarangko dondime maikai an·chinga
niam manie jokna jotton ka·aoni ba ka·saaniko sosta
dake ra·gnioni maikai chelchakaniko man·gen?

2. Nang toromo janggi tanganio na·a chu·ongnikjaenga

ine chanchiatbo. Nama kattaoniko mai
ku·rachakaniko na·a bi·na man·genchim? Duk
man·batani somoio, na·a maina watgalna nangja?
Kragijagipa papina Kristoni toromi ong·aniko on·na
ku·rachakania dontonggnioniko chelchakani ong·a?

3. Sa·gre sakgittamni kattani Ong·atani katta baksa

chapchap nangrima. Uandake Johan 1:1–14 ba
nangrima. Ia minggnia maina chapchap nangrima?
Ia minggni nangrimania Sabbathara Isolni niamni
nangchongmotgipa bak ong·a ine maikai mesokani
ong·a? Ia bon·kamani salrango ia chapchap
nangrimania Sabbathni nangchongmotaniko maikai
ma·sina dakchakani ong·a?

147
 SONAPODRANG (1 – 13)
3RD QUARTER, 2014

1. “Na·simangna angni ge·etanirangko dakode, na·simang angni

ripengrang ong·a” (Johan 15:14).
2. “Bebera·ani nokgipa aro chusokatgipa Jisuko miksonge; uan
ua donsogimin katchaana kratcha·ako chonnike chisolko
chakchikaha, aro Isolni singhasonni jakrao asonga” (Ibri.
12:2).
3. “Dakmajoanirangko chakchikgipa mande kusi ong·gipa;
maina nama inako man·ahaoa, ua Gitelni antangna
ka·sagiparangna ku·rachakgimin janggini mukutko man·gen”
(Jakob 1:12).
4. “Indiba aganako dakgipa ong·bo, aro an·tangtangko gualate
knaaigipa ong·nabe” (Jakob 1:22).
5. “Maina ka·sachakako dakgijagipana bichal ka·sachaka gri;
ka·sachaka bichalni kosako rasong chaa” (Jakob 2:13).
6. “Maina maikai be·en gisik gri sia ong·a, uandake bebera·a
kam gri sia ong·a” (Jakob 2:26).
7. “Maina nangni kattarangchin nangko nama ingen, aro nangni
kattarangchin nangko matnanggen” (Mati 12:37).
8. “Gitelni mikkango an·tangtangko onatbo, unon ua
na·simangko chuatgen” (Jakob 4:10).
9.
10.

148